Ronaldo shënon hat-trick-un e 50 në karrierën e tij

Ai tani regjistron plot 21 gola këtë sezon në të gjitha garat me Manchester United.

Published

5 years ago

April 16, 2022

UBT news

Ylli portugez Cristiano Ronaldo ka arritur sot ta shënojë hat-trick-un e 50-të të karrierës së tij.

Gjiganti anglez Manchester United ka shënuar sot fitore me rezultat të ngushtë 3:2 kundër skuadrës së Norwichit, ku heroi i ndeshjes për “Djajtë e Kuq” ishte Cristiano Ronaldo.

Ronaldo shënoi të tri golat për United, fillimisht në minutën e 7’ për 1:0, më pas në minutën e 32’ për 2:0 dhe në minutën e 76’ për 3:0.

Ndërkaq, tre golat e sotëm të Ronaldos kompletuan hat-trickun e tij numër 50 në karrierë.

Po ashtu, ylli portugez tani regjistron plot 21 gola këtë sezon në të gjitha garat me Manchester United.

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/