Sport

Juventusi bën një hap prapa titullit në Serie A, barazon me Bolognan

Published

5 years ago

April 16, 2022

UBT news

Ka përfunduar ndeshja dramatike mes gjigantit italian Juventus dhe skuadrës së Bolognas, ku nuk është vendosur fituesi në stadiumin “Allianz”.

Pas plot 90’ minutave lojë të zhvilluara, plus koha shtesë, Juventusi ka barazuar në shtëpi me Bolognan, ku rezultati qëndron 1:1.

Skuadra e Bolognas ishte ajo e cila e zhbllokoi rezultatin e para në këtë ndeshje, ku sulmuesi Marko Arnautovic shënon në minutën e 52’ për 1:0.

Kur shihej se ndeshja ishte drejt përfundimit me këtë rezultat, sulmuesi Dusan Vlahovic arrin të bëhet heroi i Juventusit, ku barazon shifrat në 1:1 në minutën e 90’+4 shtesë për t’i siguruar një barazim skuadrës së tij.

Me pikët e reja, Juventusi zë vendin e katërt në tabelë me gjithsej 63 pikë, krahas kundërshtarit të sotëm Bolognas, që renditet në vendin e 13 në kuotën e 38 pikëve.

Rezultati final i ndeshjes është 1:1.

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/