Lajmet

Rizvanolli: Zbatimi i masave të efiçiencës së energjisë është treguar e suksesshme, synojmë ta vazhdojmë edhe viteve në vijim

Published

2 years ago

on

Ministrja e Ekonomisë, Artane Rizvanolli, ka thënë se synojnë që në vitet e ardhshme ta zgjerojnë skemën për efiçencë të energjisë elektrike, pasi ajo e vitit të kaluar ishte treguar e suksesshme.

Me anë të këtij projekti qytetarët që do të përfitojnë, do të subvencionohen për 45 për qind të shumës së shpenzuar për izolim të shtëpisë, izolim të kulmit dhe ndërrim të dritareve dhe dyerve të jashtme. Në rastet kur shtëpia është në bashkëpronësi të çiftit ose në pronësi të gruas është paraparë edhe një bonus prej 5 për qind.

Në lansimin e thirrjes së dytë publike për projektin “Zbatimi i masave të efiçiencës së energjisë për shtëpitë individuale të banimit”, Rizvanolli u shpreh e kënaqur me skemën e vitit të kaluar, për të cilën konsideron se nuk ka pasur ankesa nga qytetarët.

“Ky objekt në të cilin jemi sot është pak më i freskët sesa që është jashtë për shkak se këtu janë zbatuar masat e efiçencës së energjisë në kuadër të projektit në bashkëpunim me Bankën Botërore, në kuadër të së cilit janë zbatuar masat e eficencës në sektorin publik në dhjetëra objekte. Arsyeje tjetër sigurisht është që është një moment për të reflektuar për rrugëtimin tonë në efiçencë dhe për Fondin veçanërisht gjatë këtyre viteve të fundit”.

“Një vit pas, skema e kaluar jo vetëm që kaloi pa probleme, pa asnjë ankesë nga qytetarët, mirëpo ishte aq e suksesshme sa do të mbahet mend gjatë. Në vitet e ardhshme plani është që kjo skemë të vazhdohet përmes një sistemi më të vetëqëndrueshëm të financimit në të cilin Fondi është duke punuar me përkrahjen e partnerëve zhvilluar për të zhvilluar dhe për të zgjedhur një model të financimit”, u shpreh Rizvanolli.

Alessandro Bianciardi, nga Zyra e BE-së në Kosovë, ka thënë se përveç kursimeve financiare, masat do të luajnë rol të rëndësishme edhe në përmirësimin e ajrit të pastër.

“Ndikimi i kësaj mbështetje emergjente të BE-së për Kosovën është shumë pozitive dhe e prekshme. Mbi 2 mijë e 500 shtëpi apo familje kanë përfituar nga kjo, nga kursimet që janë bërë në konsumin e energjisë dhe mbi 100 mijë qytetarë në gjendje të cenueshme kanë marrë subvencione për faturat e energjisë”, u shpreh ai.

E për impaktin e masave të efiçencës së energjisë nga thirrja e parë publike, foli edhe drejtori i ri menaxhues i Fondit të Kosovës për Efiçiencë të Energjisë, Driton Hetemi.

“Në thirrjen e parë publike të vitit të kaluar të shpallur ne gusht të viti 2023, 2150 familje kanë përfituar nga masat e efiçiencës dhe kemi realizuar duke përmirësuar kushtet e tyre të jetesës edhe duke ulur faturat e energjisë elektrike. Nga një investim total i njësive familjare prej 18 milionë euro ne kemi subvencionuar shumën prej rreth 8 milionë euro, rreth 45 për qind të investimit total… për t’i ilustruar impaktin e masave të efiçencës së energjisë nga thirrja e parë publike, ekipa jonë e inxhinierëve ka bërë  një analizë preliminare dhe rezulton se nga të gjitha masat e realizuar nga ato shtëpi, kemi izoluar rreth 600 mijë metra katror të sipërfaqeve të mureve të jashtme, kemi bërë 90 mijë kilometra katror të sipërfaqeve të kulmeve dhe kemi ndërruar rreth 13 mije metra katror të dritareve dhe dyerve të jashtme. Përmes këtyre masave pritet që konsumi i energjisë për metër katror në vit të reduktohet nga 155 kilovat orë, në rreth 111 kilovat orë për këto shtëpi”, u shpreh ai.

Ndërsa, drejtori i operacioneve për Fondin e Kosovës për Efiçencë të Energjisë, Petrit Ahmeti, tregoi për kushtet që duhen plotësuar për të përfituar nga këto masa.

“Shtëpia duhet të jetë e banuar dhe duhet të jetë e lidhur me distribuimin e energjisë elektrike përmes kompanive operuese në Republikën e Kosovës dhe përmes platformës E-Kosova. Qytetarët do ta kuptojnë se a janë kualifikuar në këtë subvencionim. Si dhe t’i plotësojnë kriteret si kriteri i konsumit të energjisë, qytetarët duhet të kenë konsumim minimal prej 250 kilovatëve orë për muaj për 21 muaj brenda dy viteve të fundit. Për rastet e shtëpive që janë të regjistruar vetëm nga 1 shkurti, kriteri paraprak nuk vlen në këto raste tek shtëpitë e reja duhet të konfirmohet apo të dërgohet një faturë të pagesës së energjisë elektrike”, deklaroi ai.

Aplikimi për të përfituar nga këto masa përfshinë:

Hapjen e llogarisë në e-Kosova;

Verifikimi i konsumimit të energjisë përmes kësaj platforme;

Nëse kalojnë kriterin e konsumit të energjisë, të angazhojnë një auditor të energjisë i cili do të bëjë raportin e thjeshtëzuar të auditimit;

Pasi të marrin këtë raport të thjeshtëzuar të auditimit, mund të fillojnë aplikimin në e-Kosova, duke plotësuar të gjitha fushoret dhe duke ngarkuar raportin e auditimit.

Procesi i aplikimit do të hapet nesër.

Related Topics:
Continue Reading

Lajmet

MINT dënon KEDS-in edhe me 25 mijë euro gjobë për njehsorët elektrikë

Published

1 hour ago

on

June 24, 2026

By

Ministria e Industrisë, Ndërmarrësisë, Tregtisë dhe Inovacionit (MINT), përmes Agjencisë së Metrologjisë së Kosovës (AMK) dhe Inspektoratit Qendror të Mbikëqyrjes së Tregut, po vazhdon aksionin për mbikëqyrjen dhe verifikimin e njehsorëve elektrikë në territorin e Kosovës.

Gjatë kontrolleve të realizuara së fundmi, inspektorët kanë identifikuar pesë njehsorë elektrikë me afat të skaduar të verifikimit metrologjik. Për shkak të kësaj shkeljeje, ndaj operatorit ekonomik KEDS është shqiptuar një gjobë në vlerë prej 25 mijë eurosh.

MINT dhe AMK kanë bërë të ditur se verifikimet e matësve do të vazhdojnë edhe në ditët në vijim, me qëllim të garantimit të matjes së saktë të konsumit të rrymës, mbrojtjes së të drejtave të konsumatorëve dhe respektimit të ligjit.

“Institucionet përgjegjëse mbeten të përkushtuara për të siguruar që çdo njehsor elektrik në përdorim të jetë i verifikuar dhe në përputhje me kërkesat ligjore, duke garantuar transparencë dhe besueshmëri në procesin e matjes”, thuhet në njoftim.

Po ashtu, ministria u ka bërë thirrje të gjithë qytetarëve që kanë dyshime apo dëshmi lidhur me funksionimin e njehsorëve të tyre elektrikë, t’i adresojnë ankesat përmes numrit të telefonit +383 46 311 000 (në Viber) ose në adresën elektronike: [email protected]. /E.A/

 

Continue Reading

Lajmet

Rutte në Shtëpinë e Bardhë: Takim me Trumpin për të zbutur tensionet

Published

2 hours ago

on

June 24, 2026

By

Sekretari i Përgjithshëm i NATO-s, Mark Rutte, do të zhvillojë këtë të mërkurë një takim me presidentin amerikan, Donald Trump, në Shtëpinë e Bardhë. Ky takim vjen si një përpjekje për të ulur tensionet mes Uashingtonit dhe aleatëve evropianë, përpara samitit të rëndësishëm të aleancës që do të mbahet në korrik.

Marrëdhëniet mes administratës Trump dhe vendeve evropiane janë përkeqësuar ndjeshëm kohët e fundit, veçanërisht pas mospajtimeve të thella lidhur me luftën në Iran dhe kërkesave të vazhdueshme të SHBA-së që aleatët të rrisin shpenzimet e tyre për mbrojtje.

Sipas burimeve të “Euronews”, Rutte do të paraqesë të dhëna që dëshmojnë një rritje rekord të investimeve ushtarake nga vendet anëtare. Ai pritet të argumentojë se presioni i ushtruar nga vetë Trump ka ndikuar drejtpërdrejt në këtë rritje financiare, duke theksuar se shpenzimet e përgjithshme të aleancës kanë prekur shifrën prej një trilion dollarësh. Po ashtu, Rutte do të vërë në dukje se rritja e prodhimit ushtarak ka hapur vende të reja pune edhe në Shtetet e Bashkuara.

Megjithatë, pakënaqësia e administratës amerikane tashmë është reflektuar në hapa konkretë. Pentagoni ka njoftuar një sërë masash që reduktojnë pjesëmarrjen afatgjatë të SHBA-së në aleancë.

Pas kritikave të hapura të kancelarit gjerman, Friedrich Merz, ndaj strategjisë ushtarake amerikano-izraelite në Iran, Presidenti Trump njoftoi menjëherë tërheqjen e pesë mijë trupave amerikane nga territori gjerman.

Samiti i ardhshëm i NATO-s, i cili është planifikuar të mbahet më 7 dhe 8 korrik në Ankara të Turqisë, pritet të fokusohet kryesisht në sigurinë evropiane dhe atë arktike, si dhe në zgjerimin e kapaciteteve të prodhimit ushtarak. /Euronews/ /E.A/

 

 

 

 

Continue Reading

Lajmet

Madonna: Filmi biografik për jetën time u anulua për shkak të mosmarrëveshjeve për buxhetin

Published

2 hours ago

on

June 24, 2026

By

Këngëtarja e njohur amerikane Madonna ka zbuluar se filmi biografik për jetën e saj u anulua pas mosmarrëveshjeve me studion Universal Pictures lidhur me buxhetin e projektit.

Në një intervistë për revistën Interview, artistja tha se historia e jetës së saj kërkonte një prodhim të madh dhe, rrjedhimisht, një buxhet të konsiderueshëm.

Madonna tregoi se kishte propozuar zhvendosjen e xhirimeve në Serbi për të ulur kostot, por ideja nuk u mbështet nga studioja. Sipas saj, drejtuesit e projektit nuk ishin të bindur se ajo do të qëndronte atje për realizimin e filmit.

Projekti u njoftua fillimisht në vitin 2020, me Madonnën në rolin e regjisores. Aktorja Julia Garner ishte përzgjedhur për të interpretuar këngëtaren pas një procesi të gjatë audicionesh.

Megjithatë, në vitin 2023 u raportua se filmi, i cili mbante titullin e përkohshëm “Who’s That Girl”, ishte anuluar.

Madonna zbuloi gjithashtu se kishte shqyrtuar mundësinë e realizimit të historisë së saj si serial për Netflix, por hasi në pengesa ligjore pasi të drejtat e skenarit mbetën në pronësi të Universal Pictures.

Artistja tha se zhvillimi i një seriali rezultoi më i ndërlikuar sesa kishte parashikuar, duke kërkuar bashkëpunim me skenaristë të shumtë dhe gjetjen e ekipit të duhur krijues për ta çuar projektin përpara./A.K/

Continue Reading

Lajmet

Hapet ekspozita e Hazir Rekës kushtuar rezistencës së minatorëve të Kosovës

Published

2 hours ago

on

June 24, 2026

By

Është hapur ekspozita e fotografit të njohur Hazir Reka, e cila sjell në vëmendje një nga periudhat më të rëndësishme të historisë së Kosovës, vitet 1988–1989 dhe rezistencën e minatorëve të Trepçës.

Në këtë ngjarje morën pjesë kryeministri në detyrë Albin Kurti, ministrja e Kulturës Saranda Bogujevci, si dhe përfaqësues të institucioneve dhe komunitetit kulturor.

Fotografitë e ekspozuara dokumentojnë protestat dhe grevat e minatorëve, veçanërisht grevën historike në Stantërg të Trepçës, duke dëshmuar për përpjekjet e tyre në kërkim të lirisë, dinjitetit dhe barazisë.

Sipas organizatorëve, fotografitë nuk paraqesin vetëm momente historike, por edhe kujtesë të gjallë të sakrificës dhe qëndresës qytetare.

Përmes objektivit të tij, Hazir Reka ka krijuar një arkiv të rëndësishëm të kujtesës kolektive, duke ruajtur dëshmi të vlefshme të rrugëtimit historik të Kosovës.

Ekspozita është mbështetur nga Ministria e Kulturës, Rinisë dhe Sportit./A.K/

Continue Reading

Të kërkuara