Lajmet

Studentët e UBT-së realizojnë vizitë studimore në HEC Eurokos JC në Dragash

Published

3 months ago

on

Në kuadër të qasjes së UBT-së për të ndërlidhur teorinë akademike me praktikën profesionale dhe industrinë, studentët realizuan një vizitë studimore në HEC Eurokos JC në Dragash, një nga objektet e rëndësishme të prodhimit të energjisë hidroelektrike në Kosovë.

Gjatë vizitës, të organizuar dhe udhëhequr nga profesorët e UBT-së, studentët patën mundësinë të njihen nga afër me proceset teknike dhe operacionale të gjenerimit të energjisë së ripërtëritshme, duke parë në praktikë funksionimin e një sistemi kompleks hidroenergjetik.

Ata u pritën nga inxhinieri Arianit Halimi, i cili prezantoi në mënyrë të detajuar funksionimin e centralit dhe teknologjitë e përdorura në prodhimin e energjisë elektrike përmes turbinave Pelton dhe Francis. Gjatë prezantimit u theksua se hidrocentrali operon me një kapacitet të instaluar prej 4.8 MW dhe një rënie ujore prej 165 metrash, duke e bërë atë një shembull të rëndësishëm të shfrytëzimit efikas të burimeve natyrore.

Studentët u informuan gjithashtu mbi karakteristikat teknike të sistemit, përfshirë turbinën Pelton me kapacitet 1.8 MW dhe turbinën Francis me kapacitet 3 MW, si dhe infrastrukturën mbështetëse që përfshin një prurje uji deri në 4.5 m³/s dhe një sistem tubacionesh prej rreth 3600 metrash me diametër 1.4 metra.

Vizita u zhvillua në një atmosferë profesionale dhe interaktive, duke u shndërruar në një eksperiencë të vlefshme për studentët, të cilët patën mundësinë të lidhin njohuritë teorike me aplikimet reale në fushën e energjisë së ripërtëritshme dhe inxhinierisë hidroenergjetike.

Related Topics:
Continue Reading

Lajmet

Prishtinë: Arrestohet i dyshuari për lëndim të rëndë trupor

Published

15 minutes ago

on

August 19, 2026

By

Një person ka pësuar lëndime të rënda trupore si pasojë e një sulmi fizik që ka ndodhur në rrugën “Nikolla Tesla” në Prishtinë.

Sipas raportit 24-orësh të Policisë së Kosovës, incidenti ka ndodhur pas një mosmarrëveshjeje mes dy personave, me ç’rast i dyshuari e ka sulmuar viktimën duke i shkaktuar lëndime të rënda në kokë.

Viktima është dërguar menjëherë për trajtim të nevojshëm mjekësor në Qendrën Klinike Universitare të Kosovës (QKUK).

Ndërkaq, i dyshuari është arrestuar nga policia dhe, me vendim të prokurorit të shtetit, është dërguar në mbajtje.

Continue Reading

Lajmet

Tre të mitur arrestohen në Pejë pas përleshjes, një person dyshohet se u ther me thikë

Published

15 minutes ago

on

August 19, 2026

By

Sipas raportit të Policisë së Kosovës, tre të mitur meshkuj janë arrestuar në Pejë pas një përleshjeje, gjatë së cilës një person dyshohet se është therur me thikë.

Rasti ka ndodhur më 18 gusht, rreth orës 09:40, në rrugën “Agim Qela”. Sipas Policisë, gjatë përleshjes, njëri nga viktimat ka pësuar lëndime nga therja me thikë, ndërsa një person tjetër ka marrë lëndime të lehta trupore.

Të dy viktimat janë dërguar për tretman mjekësor.

Gjatë intervenimit, nga të dyshuarit janë konfiskuar një thikë dhe një pistoletë me gaz.

Pas intervistimit, me vendim të prokurorit, të tre të dyshuarit janë dërguar në mbajtje./A.K/

Continue Reading

Lajmet

Tentoi të grabiste një market në Prishtinë, nxori mjetin e mprehtë ndaj punëtores

Published

17 minutes ago

on

August 19, 2026

By

Sipas raportit të Policisë së Kosovës, një shtetas i Algjerisë është arrestuar në Prishtinë nën dyshimin për vjedhje grabitqare në një market.

Rasti ka ndodhur më 18 gusht, rreth orës 19:15. Sipas Policisë, i dyshuari gjatë incidentit ka nxjerrë një mjet të mprehtë para punëtores së marketit, por është ndaluar dhe arrestuar nga një zyrtar policor.

Gjatë kontrollit, nga i dyshuari është sekuestruar një mjet i mprehtë metalik dhe dy telefona celularë, ndërsa njëri prej telefonave dyshohet se rezulton të jetë i vjedhur.

Pas intervistimit, me vendim të prokurorit, i dyshuari është dërguar në mbajtje./A.K/

Continue Reading

Lajmet

Katër raste të dhunës në familje në Gllogoc, Fushë Kosovë, Leposaviq e Mitrovicë

Published

20 minutes ago

on

August 19, 2026

By

Sipas raportit të Policisë së Kosovës, katër raste të dhunës në familje janë raportuar më 18 gusht në Gllogoc, Fushë Kosovë, Leposaviq dhe Mitrovicë të Jugut.

Në Gllogoc, sipas Policisë, një grua dyshohet se është sulmuar fizikisht nga bashkëshorti i saj. Viktima ka pranuar tretman mjekësor, ndërsa pas inicimit të rastit, ajo së bashku me fëmijët është dërguar në strehimore. I dyshuari është liruar në procedurë të rregullt.

Në Fushë Kosovë, Policia ka raportuar se një grua dyshohet se në vazhdimësi ka përjetuar dhunë fizike dhe psikike nga bashkëshorti i saj. I dyshuari është arrestuar dhe, me vendim të prokurorit, është dërguar në mbajtje.

Në fshatin Belucë të Leposaviqit, sipas raportit policor, një person dyshohet se ka shfaqur sjellje agresive dhe ka demoluar disa gjësende në shtëpi. Policia ka bërë të ditur se dyshohet se ai ka probleme të shëndetit mendor dhe është dërguar për trajtim në Spitalin e Mitrovicës. Rasti është iniciuar në konsultim me prokurorin.

Ndërsa në Mitrovicë të Jugut, Policia ka raportuar se një grua dyshohet se është sulmuar fizikisht nga djali i saj. I dyshuari është arrestuar dhe, me vendim të prokurorit, është dërguar në mbajtje./A.K/

Continue Reading

Të kërkuara