Muzikë

Rita Ora e lumtur për muralin në Ferizaj

Publikuar

3 vjet më parë

më

“Uau, ju më keni marrosur mua nga larg me këtë”, ka shkruar 30-vjeçarja në mbishkrimin e postimit.

Rita Ora që nga fillet e saj të këndimit e deri më tani mbetet një nga krenaritë më të mëdha të shqiptarëve, anembanë globit, transmeton albinfo.ch.

Rita Ora e ka theksuar gjithmonë prejardhjen e saj shqiptare.

Ajo madje në klipin “Big” të publikuar gjatë këtij viti u shfaq me veshje tradicionale kombëtare, të modifikuar nga stilisti Valdrin Sahiti, duke promovuar kështu në tregun ndërkombëtar veshjet tona autoktone.

Tani në nderim të saj ka nisur pikturimi i një murali në qytetin e Ferizajt, në pjesën anësore të një banese.

Është përzgjedhur që imazh i pikturimit të jetë një fotografi e këngëtares shqiptare me veshje tradicionale, ku shfaqet me duar te gjoksi duke bërë simbolin e Shqiponjës.

Me të parë këtë, Rita Ora ndau me ndjekësit e saj në InstaStory një video, nga raportimet e një prej televizioneve të Kosovës, që tregonte punën që po bëjnë artistët për finalizimin e këtij murali.

“Uau, ju më keni marrosur mua nga larg me këtë”, ka shkruar 30-vjeçarja në mbishkrimin e postimit.

Përndryshe, kënga “Big” nga EP-ja e saj më e fundit “Bang”, është pritur mirë nga publiku, dhe numëron mbi 10 milionë klikime në kanalin YouTube dhe miliona të tjerë në platformat e ndryshme të distribuimit muzikor. /Albinfo.ch

Etiketa
Vazhdo të lexosh

Kulturë, Lifestyle

Televizioni belg ndërpret transmetimin e Eurovisionit

Publikuar

1 javë më parë

më

10 Maj, 2024

nga

Televizioni i Belgjikës, VRT ndërpreu transmetimin e kompeticionit të këngës, Eurovision, të enjten mbrëma, për të dhënë një mesazh përmes së cilit dënon luftën e Izraelit në Gaza dhe shtypjen e lirisë së shtypit.

“Ne dënojmë shkeljet e të drejtave të njeriut nga shteti izraelit. Përveç kësaj, Izraeli po shkatërron lirinë e shtypit”, thuhet në mesazhin e transmetuar. “Prandaj, ne po bëjmë një pushim të përkohshëm nga transmetimi ynë. Tani, armëpushim”.

Thirrjet ndaj Eurovisionit për t’ia ndaluar pjesëmarrjen Izraelit, i cili tashmë ka rezervuar biletën për finalen e madhe të konkursit, janë rritur në mes të luftës në Gaza.

Eurovision i rezistoi thirrjeve për të larguar Izraelin, por i kërkoi vendit të modifikojë tekstin e këngës së tij origjinale, “October Rain”, e cila dukej se i referohej sulmit të 7 tetorit të Hamasit./UBTNews/

Vazhdo të lexosh

Kulturë, Lifestyle

Izraeli rezervon vendin në finale të Eurovisionit

Publikuar

1 javë më parë

më

10 Maj, 2024

nga

Izraeli është kualifikuar në finalen e madhe të Eurovisionit të kësaj fundjave, duke sfiduar mijëra protestues që marshonin në vendin nikoqir të Eurovisionit, Suedi, për luftën në Gaza.

Këngëtarja Eden Golan performoi këngën e saj “Hurricane” në gjysmëfinalen e dytë të së enjtes para 9 mijë shikuesve në Malmo Arena dhe rezervoi vendin e saj në finale falë votave të shikuesve./UBTNews/

Vazhdo të lexosh

Kulturë, Lifestyle

Nëna e Katy Perryt u mashtrua nga imazhet e këngëtares në Met Gala të realizuara me AI

Publikuar

1 javë më parë

më

8 Maj, 2024

nga

Katy Perry nuk mori pjesë në Met Gala të hënën, por disa nga fansat e këngëtares, madje edhe nëna e saj, menduan se ajo mori pjesë.

Fotot e këngëtares që u realizuan me AI e që dukeshin aq reale, qarkulluan në platformën X. Në ato foto Perry u shfaq e veshur me një fustan që iu përshtat temës së Met Gala këtë vit.

Perry ripostoi fotografitë e krijuara me AI në Instagramin e saj.

“Nuk mund të shkoja në MET, duhej të punoja”, shkroi ajo.

Nëna e saj e komplimentoi për dukjen, ndërkaq ajo ia ktheu se edhe ajo u mashtrua nga Inteligjenca Artificiale./UBTNews/

Vazhdo të lexosh

Kulturë, Lifestyle

Eurovisioni zotohet se do të heqë flamujt dhe simbolet palestineze

Publikuar

2 javë më parë

më

5 Maj, 2024

nga

Organizatorët e Eurovision Song Contest u zotuan se do të heqin çdo flamur palestinez dhe simbol pro-palestinez në konkurs që do të mbahet javën e ardhshme në Malmö të Suedisë.

Ky vendim erdhi pas rritjes së tensioneve lidhur me pjesëmarrjen e Izraelit në Eurovision Song Contest, pas fushatës së tij ushtarake në Gaza.

Grupet pro-palestineze pritet të organizojnë protesta të mëdha në Malmö për të rritur ndërgjegjësimin për kauzën e tyre.

Të paktën 34 mijë e 596 njerëz janë vrarë në territorin palestinez gjatë pothuajse shtatë muajve të luftës mes Izraelit dhe Hamasit. Shumica prej viktimave janë gra dhe fëmijë./UBTNews/

Vazhdo të lexosh

Të kërkuara