Teknologji

Rindezja e shpeshtë e telefonit mund të pengojë hakerët

Published

4 years ago

on

Në një kohë kur është përhapur gjerësisht pasiguria digjitale, rezulton se mënyra më e vjetër dhe më e thjeshtë e riparimit të kompjuterit, fikja dhe rindezja e tij, mund të pengojnë hakerët që të vjedhin të dhënat nga telefonat inteligjent.

Rindezja e shpeshtë e telefonave nuk do të ndalojë ushtrinë e kriminelëve kibernetikë ose firmat e paguara për spiunazh që kanë mbjellë kaos dhe dyshime në lidhje me sigurinë dhe privatësinë digjitale. Por metoda e rindezjes së shpeshtë të telefonave mund ta bëjë më të vështirë vjedhjen e të dhënave nga hakerët.

Agjencia e Sigurisë Kombëtare të SHBA-së, NSA, publikoi vitin e kaluar një udhëzues mbi “praktikat më të mira” për sigurinë e pajisjeve mobile, në të cilin rekomandon rindezjen çdo javë të pajisjeve mobile si një mënyrë për të frenuar hakerimin.

Neal Ziring, drejtori teknik i Drejtorisë së Sigurisë Kibernetike në Agjencinë e Sigurisë Kombëtare, tha se telefoni i tij inteligjent është programuar që të fiket dhe rindizet automatikisht çdo natë. Ky veprim i thjeshtë, thotë ai, e vështirëson punën dashakeqe të hakerëve.

“Shumë sulme kibernetike moderne janë përpjekje zinxhir për shfrytëzimin e dobësive kibernetike nga hakerët. Nëse i detyron hakerët të rifillojnë nga e para zinxhirin e përpjekjeve të tyre, kjo do t’u kushtonte”, tha ai.

Pothuajse gjithmonë në dorën e njeriut, rrallë herë të fikur dhe me sasi të mëdha të dhënash të ndjeshme personale, telefonat celular janë bërë objektiva të rëndësishëm për hakerët.

Ata përpiqen të vjedhin mesazhet e shkëmbyera me tekst, kontaktet, fotografitë si dhe përpiqen të gjurmojnë lëvizjet e përdoruesit dhe madje fshehurazi, t’i përgjojnë ata duke hapur mikrofonin apo kamerën e telefonit inteligjent.

Këshillat për rindezjen e telefonit inteligjent në mënyrë periodike pasqyrojnë pjesërisht një ndryshim në mënyrën se si hakerët më të mirë po penetrojnë në pajisjet mobile.

Kjo tregon gjithashtu edhe shtimin e hakerimeve përmes motodës pa klikime, domethënë pa veprime të gabuara nga përdoruesit, siç bëhej zakonisht përmes hapjes së një e-maili apo fotografie me viruse digjitale të fshehura mirë.

Zakonisht, pasi hakerët futen në një pajisje ose rrjet, ata kërkojnë mënyra për të qëndruar brenda sistemit duke instaluar një program të dëmshëm në sistemin e skedarëve në rrënjët e programit operues të sistemit.

Ziring thotë se ajo metodë është bërë më e vështirë pasi kompanitë prodhuese të telefonave, si Apple dhe Google, kanë siguri të fortë për të bllokuar programe keqbërëse në sistemet e tyre operuese.

“Duhet të jeni të kujdesshëm në zgjedhjen e aplikacioneve që instaloni. Shkarkoni vetëm ato që ju nevojiten. Kur një aplikacion nuk ju duhet më, fshijeni. Duke bërë këtë zvogëloni mundësinë e sulmeve kibernetike.”

Udhëzuesi i Agjencisë për Sigurinë Kombëtare gjithashtu e pranon se rindezja e një telefoni funksionon vetëm në disa raste. Por udhëzuesi ka një këshillë më të thjeshtë për t’u siguruar që hakerët nuk po ju përgjojnë përmes kamerës apo mikrofonit të telefonit inteligjent. Këshilla është, mos e mbani telefonin me vete. \Voa

Related Topics:
Continue Reading

Teknologji

Apple përballet me hetime për ndikimin e privatësisë

Published

10 hours ago

on

November 26, 2025

By

Zyra kundër monopolit e Polonisë (UOKiK) po heton nëse Apple po kufizon konkurrencën në tregun e reklamave mobile përmes politikës së saj të privatësisë, App Tracking Transparency (ATT).

Ky sistem, i prezantuar në iOS 14.5 e më pas, mund të pengojë aplikacionet e palëve të treta të mbledhin të dhëna për reklama të personalizuara, duke favorizuar shërbimin e reklamave të Apple.

Presidenti i UOKiK, Tomasz Chrostny, deklaroi se politika e ATT-së mund të ketë mashtruar përdoruesit për nivelin e mbrojtjes së privatësisë dhe mund të përbëjë abuzim me pozicionin dominues.

Nëse akuzat konfirmohen, Apple mund të gjobitet deri në 10% të të ardhurave vjetore në Poloni. Hetime të ngjashme po kryhen edhe në Gjermani, Itali, Rumani, ndërsa në Francë kompania u gjobit me 150 milionë euro. /A.Z/UBT News/

Continue Reading

Teknologji

Nokia investon 4 miliardë dollarë në SHBA dhe sjell rrjetin 4G në Hënë

Published

13 hours ago

on

November 26, 2025

By

Nokia do të investojë 4 miliardë dollarë në SHBA për kërkim, zhvillim dhe prodhim, me fokus në përparimet e rrjetit të drejtuar nga inteligjenca artificiale.

Nga kjo shumë, 3.5 miliardë dollarë do të përdoren për kërkim-zhvillim dhe 500 milionë për prodhim dhe shpenzime kapitale në Teksas, New Jersey dhe Pensilvani.

Përveç investimeve tokësore, Nokia do të vendosë rrjetin e parë 4G në Hënë, pjesë e misionit Intuitive Machines-2, duke ndihmuar në bazat për eksplorimin hënor dhe misionet me ekuipazh.

Anija Athena e misionit u ngrit së fundmi me raketën SpaceX Falcon 9, duke transportuar rrjetin hënor të Nokias.

Nokia prezantoi kamerën e saj profesionale Nokia 360 Camera, e para 5G në botë që transmeton video 8K me zë hapësinor dhe lidhje me vonesë të ulët për përdorim industrial. /A.Z/UBT News/

Continue Reading

Teknologji

Nuk është vetëm Chatbot, ja detyrat e përditshme që ChatGPT i zgjidh për ju

Published

14 hours ago

on

November 26, 2025

By

Shumica e bisedave me ChatGPT lidhen me detyra të zakonshme të përditshme, gjë që tregon se ky mjet po shndërrohet në një asistent universal të inteligjencës artificiale që e bën jetën më të lehtë.

Shumë njerëz e shohin ChatGPT-në si shok digjital që ndihmon në planifikim, të mësuar, zgjedhje veshjesh, udhëtime e aktivitete krijuese.

Një studim i madh në bashkëpunim me universitetet Harvard dhe Duke ka zbuluar se vetëm një e treta e pyetjeve që i drejtohen lidhen me punën; pjesa më e madhe ka të bëjë me vendime personale dhe zakone të përditshme.

Kjo tregon se përdoruesit e shohin jo si chatbot të thjeshtë, por si mbështetje që “futet në lojë” sa herë që nevojitet, nga zgjedhja e veshjes, te organizimi i ditës apo kapërcimi i një bllokimi kreativ. Me kohën, bëhet pjesë e rutinës ditore: kur duhet ulur stresi, marrë një vendim i shpejtë, planifikuar një fundjavë apo verifikuar një ide, ChatGPT është ndihma më e menjëhershme.

Mësimi i gjuhëve

Shumë përdorues e përdorin si mësues personal, shpjegon rregulla të vështira, krijon lista fjalësh, histori të shkurtra e simulon biseda që ndihmojnë në përmirësimin e vetëbesimit para udhëtimeve ose provimeve.

Ditari interaktiv

Disa e shfrytëzojnë si ditar emocional. ChatGPT analizon ndjenjat dhe kujton gjëra që ndikojnë në produktivitet apo humor.

Partner krijues

Kur shfaqet mungesa e frymëzimit, për një libër, vlog, fotografi a projekt tjetër ai ofron ide, këshilla e shtysën e nevojshme për të ecur para.

Këshilltar stili

Nëse përshkruani ngjarjen, garderobën dhe atmosferën, ChatGPT sugjeron kombinime veshjesh, ngjyrash e aksesorësh si një stilist virtual.

Udhëzues udhëtimi

Gjatë planifikimit të udhëtimeve, ai mund të krijojë itinerare, të sugjerojë vende për t’u vizituar, të organizojë axhendën dhe madje të ofrojë fraza të përdorshme në gjuhën lokale. /A.Z/UBT News/

Continue Reading

Teknologji

Nuk është prodhuar ende, por kjo makinë shitet për 20 milionë dollarë

Published

1 day ago

on

November 25, 2025

By

Një model i Gordon Murray Special Vehicles sapo ka thyer një rekord të ri.

Shasia me numër një u shit për 20,630,000 dollarë, duke u bërë automjeti i ri më i shtrenjtë i shitur ndonjëherë në ankand.

Kjo shumë është mbresëlënëse, sidomos duke pasur parasysh faktin se askush nuk e ka drejtuar ende dhe se vetura s’është prodhuar akoma.

Gordon Murray Special Vehicles planifikon të ndërtojë vetëm pesë njësi të S1 LM, dhe ankandi ishte për ekzemplarin e parë.

Blerësi do të ketë mundësinë të zhvillojë seanca të posaçme me vetë Gordon Murray për të përcaktuar specifikimet e veturës.

Ai do të marrë pjesë në sesione zhvillimi, ku mund t’i japë ekipit të inxhinierisë disa propozime personale.

Në fund, pronari do të pajiset me një libër prej 500 faqesh që dokumenton të gjithë procesin e krijimit të veturës së tij. /A.Z/UBT News/

Continue Reading

Të kërkuara