Teknologji

Modeleve të vjetra të Kindle do t’iu ndalohet shkarkimi i librave online

Publikuar

Disa përdorues të versionit të vjetër të Kindle, platformë për leximin e librave online, nuk do të jenë në gjendje t’i shkarkojnë librat përmes internetit, ka njoftuar Amazon.

Gjeneratat e para dhe të dyta të Kindles nuk erdhën me funksione për Wi-Fi, duke përdorur vetëm internetin celular.

Megjithatë, teknologjia më e ngadaltë e përdorur atë kohë, interneti 2G dhe 3G, është duke u ndërprerë në disa vende të SHBA-së.

Disa modele të tjera gjithashtu do të kufizohen vetëm në Wi-Fi, derisa modelet që përdorin teknologjinë e internetit 4G nuk do të ndikohen nga ky përditësim./koha

Vazhdo të lexosh

Lajmet

Apple ndalon shkarkimin e Fortnite nga App Store

Fortnite fillimisht u hoq nga App Store vitin e kaluar për shkeljen e politikave të tij.

Publikuar

nga

Apple ka larguar Fortnite nga App Store derisa të përfundojë një betejë ligjore me krijuesin e lojës Epic, sipas Tim Sweeney, shef ekzekutiv i Epic Games, transmeton UBT News.

Kjo do të thotë që loja e famshme nuk do të jetë në dispozicion që përdoruesit e rinj ta shkarkojnë atë në iPhone ose pajisje të tjera Apple.

Sweeney kritikoi Apple në një seri postimesh në Twitter dhe tha se procesi i apelimit mund të zgjasë rreth pesë vjet për ta përfunduar.

Njerëzit të cilët tashmë e kanë shkarkuar lojën në pajisjet e tyre Apple do të jenë në gjendje të vazhdojnë ta luajnë atë, por nuk do të marrin asnjë përditësim.

Pse ndodhi e gjithë kjo?

Fortnite fillimisht u hoq nga App Store vitin e kaluar për shkeljen e politikave të tij duke lansuar sistemin e vet të pagesave brenda aplikacionit.

Apple ngarkon një komision prej 30% për të gjitha blerjet brenda aplikacionit, por kjo veçori u përpoq ta anashkalonte atë.

Ky veprim shkaktoi një betejë ligjore të sjellë nga Epic Games, e cila akuzoi Apple për drejtimin e App Store si një monopol.

Në shtator, një gjykatë amerikane vendosi që Apple nuk mund të ndalojë zhvilluesit e aplikacioneve që i drejtojnë përdoruesit në opsionet e pagesave të palëve të treta.

Por gjykatësi tha gjithashtu se Epic nuk arriti të demonstrojë që Apple po operonte me një monopol të paligjshëm.

Tani, të dy palët, Epic dhe Apple po apelojnë pjesët përkatëse të gjykimit.

Ndërkohë, shefi ekzekutiv i Apple, Tim Cook, është vënë nën kritika pasi një email që ai u dërgoi punonjësve kishte dalur në pah. Mesazhi u tha punonjësve të stafit të Apple se kompania do të bënte “gjithçka në fuqinë e saj për të identifikuar ata që zbuluan informacion për gazetarët”.

“Njerëzit që shpërndajnë informacion konfidencial nuk i përkasin Apple”, kishte shkruar ai./UBTNews

Vazhdo të lexosh

Teknologji

Kina shpall të paligjshme të gjitha transaksionet me kriptomonedha

Banka ndaloi institucionet që të lehtësojnë tregtimin e kriptomonedhës.

Publikuar

nga

Kina intensifikoi një “goditje” ndaj kriptomonedhës sot, duke u zotuar të çrrënjosë aktivitetin “ilegal” sipas saj. Ata shpallën të paligjshëm përdorimin e tyre në të gjithë vendin, duke goditur Bitcoin dhe monedha të tjera dhe duke ushtruar presion ndaj aksioneve të lidhura me kripto dhe blockchain, transmeton UBT News.

Dhjetë agjenci qeveritare kineze, përfshirë bankën qendrore, bankat, dhe rregullatorët e këmbimit valutor, thanë në një deklaratë të përbashkët se do të punonin ngushtë për të ndalur tregtimin e kriptomonedhës.

Banka Popullore e Kinës (PBOC) tha se kriptovalutat nuk duhet të qarkullojnë në treg si monedha tradicionale dhe se shkëmbimet jashtë shtetit nuk lejohen të ofrojnë shërbime për investitorët kontinentalë përmes internetit.

Banka gjithashtu ndaloi institucionet financiare, kompanitë e pagesave dhe firmat e internetit që të lehtësojnë tregtimin e kriptomonedhës, përcjell UBT News.

Në përgjigje të lëvizjes së fundit, Bitcoin, kriptomonedha më e madhe në botë, ra mbi 6% në 42,2167 dollarë, pasi më parë kishte rënë rreth 1%.

Monedhat më të vogla, të cilat zakonisht rriten dhe bien së bashku me bitcoin, gjithashtu ranë. Eteri ra 10% ndërsa XRP një sasi e ngjashme.

“Ka një shkallë paniku në ajër,” tha Joseph Edwards, kreu i kërkimit në ndërmjetësin e kriptomonedhës Enigma Securities në Londër. “Crypto vazhdon të ekzistojë në një zonë gri të ligjshmërisë në të gjithë bordin në Kinë.”

Ky veprim goditi gjithashtu aksionet e lidhura me kriptomonedhën dhe blockchain./UBTNews/

Vazhdo të lexosh

Teknologji

Lituania kundër celularëve kinezë

Kompanitë lituaneze kanë filluar të përjetojnë vështirësi të mëdha në tregun kinez.

Publikuar

nga

Lituania u kërkon qytetarëve që të mos blejnë celularë të prodhuar në Kinë. Ministria e Mbrojtjes publikoi një rekomandim për të shmangur blerjen e celularëve të rinj kinezë dhe hedhjen e atyre që janë aktualisht në përdorim.

Një vendim i tillë vjen pasi një hetimi nga autoriteti i sigurisë kibernetike, i cili zbuloi transferimin e tepërt të të dhënave në serverët jashtë vendit dhe një aftësi për të filtruar përmbajtjen e asaj çka transmetohet në distancë.

“Pajisjet e hetuara po mbledhin informacione shumë më të tepërta për përdoruesit dhe sjelljet e tyre sesa, pajisjet e prodhuara në SHBA ose Korenë e Jugut, u shpreh Margiris Abukevicius, zëvendësministri i Mbrojtjes në Lituani.

Qendra Kombëtare e Sigurisë Kibernetike ka përpiluar një raport për  modelet 5G të shitura nga Huawei, Xiaomi dhe OnePlus.

Rreziku më i madh është raportuar me telefonin Xiaomi Mi 10T 5G. Aplikacionet e sistemit kanë një aftësi të integruar për të zbuluar dhe censuruar rreth 450 terma të tillë si “Tibeti i Lirë”, “Rroftë Tajvani i pavarur” ose “lëvizja e demokracisë”.

Lituania kohët e fundit është përfshirë në një përplasje  me Kinën për hapjen e një misioni diplomatik në Tajvan. Pekini tërhoqi ambasadorin e tij  dhe e detyroi ambasadorin e Lituanisë  të largohej.

Kompanitë lituaneze kanë filluar të përjetojnë vështirësi të mëdha në tregun kinez, por Vilnius ka marrë mbështetje nga Shtetet e Bashkuara.

Vazhdo të lexosh

Teknologji

Anija gjigante që shpëton anijet gjigante falë ligjit të Lashtësisë

Publikuar

nga

Pak struktura të ndërtuara nga njeriu janë më të mëdha sesa anijet moderne turistike, por edhe gjigantët e udhëtimeve ndonjëherë kanë nevojë për një dorë për të hyrë në port.

Por çfarë mund të bësh nëse ke mbetur në mes të detit, me një anije të stërmadhe, që nuk lëviz dot? Në ndihmë të vjen anija “rimorkio”, ose më saktë një mjet lundrues gjysmë-nëndetëse. I tillë është edhe Boka Vanguard, një anije gjigante e ndërtuar në vitin 2012. E gjatë 275 metra ajo është anija më e madhe e këtij lloji.

Zakonisht, këto anije transportojnë nga porti në det të hapur strukturat e mëdha të kërkimit të gazit ose naftës, por me raste mbajnë edhe anije të tjera, që kanë vështirësi në lëvizje.

I tillë ishte rasti i anijes Carnival Vista, një kroçerë luksoze me kapacitet për 4000 pasagjerë dhe 1500 anëtarë të ekuipazhit, e cila në vitin 2019 pati probleme funksionimi në Detin e Karaibeve. Në raste të tillë vinçat e kanë të vështirë të ngrenë peshë një anije që peshon më shumë se 133 mijë tonë, prandaj zgjidhja perfekte është ky mjet lundrues që përdor një “taktikë” tjetër.

Anija “rimorkio” zhytet pjesërisht nën ujë, duke shfrytëzuar edhe formën sesi është konceptuar dhe ndërtuar, dhe anija që ka nevojë për ndihmë mund të rrëshqasë mbi të. Pasi ngarkesa është siguruar në bord, atëherë anija ridel plotësisht në sipërfaqe dhe nis udhëtimin drejt destinacionit të sigurt.

“Ne thjesht përfitojmë nga ligji i Arkimedit për të ngritur peshë ngarkesa të stërmëdha”, tha Michel Sij, menaxher i përgjithshëm i inxhinierisë në Boskalis, kompanisë holandeze që ka në pronësi Boka Vanguard. Sipas këtij ligji, pesha e çdo trupi të zhytur në lëngje është e barabartë me peshën e lëngut që ai trup zhvendos. Pasi bëri këtë zbulim, dijetari i Lashtësisë bërtiti “Eurkea!”.

Vazhdo të lexosh

Të kërkuara