Lajmet

Presidentja Osmani ka dekretuar anëtarin e dytë të PDK-së në KQZ

Published

5 years ago

on

Anëtari i KQZ-së nga radhët e PDK-së, Arianit Elshani ka njoftuar se presidentja Vjosa Osmani ka dekretuar anëtarin e dytë, Ilir Gashin nga kjo parti në Komisionin Qendror Zgjedhor.

Elshani ka shkruar se së bashku me Gashin do të angazhohen për avancimin dhe kredibilitetin e KQZ-së.

“Orvatjeve të pushtetit për ta vjedhur mandatin e PDK’së dhe koalicionit VAKAT në KQZ u erdhi fundi. Me aktvendimin e Gjykatës Kushtetuese, u konfirmua ajo çfarë kemi thënë që nga fillimi se kërkesa e pushtetit është e papranueshme dhe në kundërshti me frymën kushtetuese, që garanton përfaqësimin dhe pluralizmin politik. Prandaj sot u dekretua anëtari i dytë i PDK’së, Ilir Gashi me të cilin bashkë do të angazhohemi për ruajtjen dhe avancimin e kredibilitetit të KQZ’së, ruajtjen e secilës votë të qytetarëve që vullneti i popullit të shprehet drejtë e i paprekur nga manipuluesit e zgjedhjeve”, ka shkruar Elshani.

Gjykata Kushtetuese e Kosovës i ka kthyer përgjigje presidentes së vendit, më 2 korrik Vjosa Osmanit në lidhje me kërkesën e saj për të qartësuar emërimin e dy nga dhjetë anëtarët e Komisionit Qendror të Zgjedhjeve.

Sipas asaj që thuhet në vendim, “Gjykatës i është kufizuar mundësia që të marrë rol konsultativ apo këshillëdhënës përmes përgjigjes në pyetje të parashtruara para saj, ngase ky rol do të binte ndesh me rolin e saj themelor për vendosjen e rasteve të ngritura para saj”.

“Rrjedhimisht, në vlerësimin e Gjykatës, në rrethanat e rastit konkret, Presidentja e Republikës nuk ka ngritur para Gjykatës konflikt të “kompetencave kushtetuese”, sipas përcaktimeve të nenit 113.3.(1) të Kushtetutës, dhe për pasojë, Gjykata shpalli kërkesën e Presidentes së Republikës së Kosovës të papranueshme bazuar në nenin 113 të Kushtetutës dhe refuzoi kërkesën për caktim të masës së përkohshme bazuar në nenin 27 të Ligjit për Gjykatën Kushtetuese”, thuhet në vendim.

Rreth një muaj e gjysmë më parë, presidentja e Republikës së Kosovës, Vjosa Osmani në pajtim me kompetencat kushtetuese dhe ligjore ka emëruar tetë anëtarë të KQZ-së.

Related Topics:
Continue Reading

Lajmet

Ekstradohet nga Gjermania i Kërkuari për Droga, i Dorëzohet Policisë në Mitrovicë

Published

23 seconds ago

on

September 16, 2026

By

Drejtoria për Bashkëpunim Ndërkombëtar Policor në kuadër të Policisë së Kosovës, në koordinim me njësitet kompetente dhe organet e drejtësisë, ka realizuar me sukses ekstradimin e një shtetasi të Kosovës nga Gjermania.

I dyshuari kërkohej me urdhërarrest ndërkombëtar për veprën penale “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Pas përfundimit të procedurave të ekstradimit më 15 shtator, i arrestuari u është dorëzuar njësitit përkatës të Policisë në Drejtorinë Rajonale në Mitrovicën Jugore për të vazhduar me hapat e mëtejshëm ligjorë. /E.A/

 

Continue Reading

Lajmet

Arrestohet i dyshuari pasi sulmoi fizikisht zyrtarët policorë në Mitrovicë të Veriut

Published

2 minutes ago

on

September 16, 2026

By

Një person është arrestuar në Mitrovicë të Veriut pasi dyshohet se ka sulmuar fizikisht zyrtarët policorë gjatë kryerjes së veprimeve policore.

Rasti ka ndodhur më 15 shtator, rreth orës 21:05, në rrugën “Isa Boletini”, pasi i dyshuari ishte ndaluar nga policia.

Sipas Policisë, i dyshuari mashkull kosovar ka sulmuar fizikisht zyrtarët policorë gjatë ndërhyrjes.

Pas intervistimit, me urdhër të prokurorit, i dyshuari është dërguar në mbajtje./A.K/

Continue Reading

Lajmet

Gjendet një mjet i dyshimtë gjatë punimeve me ekskavator në Ferizaj

Published

4 minutes ago

on

September 16, 2026

By

Gjatë disa punimeve me ekskavator në rrugën “Brahim Ademi” në Ferizaj, është raportuar për gjetjen e një mjeti të dyshimtë të panjohur.

Rasti është raportuar më 15 shtator, rreth orës 17:05.

Në vendin e ngjarjes kanë dalë njësitë për deminim të FSK-së dhe KFOR-it, të cilat kanë bërë tërheqjen e mjetit të dyshimtë./A.K/

Continue Reading

Lajmet

Tre aksidente trafiku në Prishtinë, Fushë Kosovë dhe Leposaviq, gjashtë persona të lënduar

Published

9 minutes ago

on

September 16, 2026

By

Tre aksidente trafiku janë raportuar gjatë 15 shtatorit në Prishtinë, Fushë Kosovë dhe në rrugën nacionale Leposaviq-Jarinjë, ku gjashtë persona kanë pësuar lëndime trupore.

Në rrugën nacionale Leposaviq-Jarinjë, rreth orës 07:55, ka ndodhur një aksident ku është përfshirë vetëm një automjet me targa vendore. Si pasojë, një pasagjere kosovare ka pësuar lëndime trupore.

Në rrugën “Xheladin Rekaliu” në Prishtinë, rreth orës 00:15, janë përplasur dy vetura në lëvizje. Në aksident janë përfshirë një drejtues, shtetas i Maqedonisë së Veriut, dhe një drejtues kosovar. Si pasojë, të lënduar kanë mbetur të dy drejtuesit dhe dy pasagjerë, të cilëve u është ofruar tretman mjekësor. Rasti është duke u proceduar në mënyrë të rregullt.

Ndërkaq, në rrugën “Hajrullah Zymi” në Fushë Kosovë, rreth orës 07:17, ka ndodhur një aksident mes dy automjeteve, të drejtuara nga një grua dhe një burrë kosovar. Tre persona kanë pësuar lëndime trupore dhe, pas marrjes së tretmanit mjekësor në QKUK, janë liruar për në shtëpi./A.K/

Continue Reading

Të kërkuara