Sport
Rimëkëmbja e ‘kokëkuqes’: Ferrari gati për të dëshmuar fuqinë!
Pas një pushimi të gjatë vjeshtor, Botërori i Formula 1 po përgatitet për një “tur force” me tri gara radhazi. Sfida e parë do të zhvillohet në Austin, Amerikë, ku vëmendja do të jetë e përqendruar te dueli mes Max Verstappen dhe Lando Norris.
Ferrari, që ka ardhur me disa risi në fund të sezonit, shpreson të përfitojë nga situata e rivalëve. Drejtori sportiv i skuadrës, Frederic Vasseur, është optimist dhe tha: “Tani nis finalja intensive e sezonit, me 6 gara në vetëm tetë javë. Ne duam të verifikojmë veten në kthesat e shpejtësisë së lartë të kësaj piste. Kemi edhe garën sprint, që do të na japë mundësinë për të testuar makinën në një seancë të vetme.”
Vasseur theksoi se pilotët Charles Leclerc dhe Carlos Sainz janë të përgatitur mirë dhe skuadra është gati për të dhënë maksimumin. “Si gjithmonë, do të fokusohemi te vetja për të sjellë në shtëpi më të mirën nga paketa që kemi. Duhet të japim gjithçka, sepse vlerat në pistë janë shumë afër dhe gjithçka është ende e hapur në renditje,” shtoi ai.
Pista e Austin-it, e njohur për kthesat dhe ulje-ngritjet e saj, është një nga pistat më argëtuese të kampionatit. Vitin e kaluar, Charles Leclerc arriti të merrte “pole position”, por nuk arriti të përsëritë suksesin në garë, duke përfunduar i gjashti.
Ferrari ka besim se me dy pilotë të talentuar dhe makinat e përmirësuara, mund të konkurrojë seriozisht për titullin kampion për konstruktorë deri në fund të sezonit. Garat e ardhshme do të jenë vendimtare për ambiciet e skuadrës italiane./UBTNews/
Xhiro e 21-të e Superligës së Kosovës në futboll nisi sot me një ndeshje mjaftë interesante.
Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.
Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.
Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.
Kjo ndeshje u zhvillua me fillim nga ora 13:00.
Ish-udhëheqësi i Hezbollah do të varroset të dielën
Shteti mbështet kinematografinë, 800 mijë euro për tri projekte filmi
Izraeli do të lirojë 602 të burgosur palestinezë të shtunën sipas marrëveshjes së shkëmbimit
Arrestohet ish-kryetarja e Nishit, Dragana Sotirovski
KQZ: Votat me kusht dhe ato nga Diaspora numërohen javën e ardhshme
Kremlini mohon se ka kërkuar që NATO-ja të tërheqë trupat nga krahu lindor
Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë
Trump: Kanadaja mund të mbajë himnin e saj si shteti i 51-të amerikan
Çfarë dihet nga operacionet e fshehta të CIA-s në Meksikë
-
Magazinë2 months agoKy mendohet se është djali 20 vjeçar i Parashqevi Simaku, Luke Nohfe
-
Bota4 weeks agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota4 weeks agoFluturimet e dëbimit kanë filluar, thotë Shtëpia e Bardhë
-
Bota4 weeks agoShtëpia e Bardhë: Armëpushimi në Liban do të zgjatet deri më 18 shkurt