Lajmet

Rektori Hajrizi priti në takim përfaqësues nga Zyra e Koordinatorit të OKB-së për Zhvillim dhe Kuvendi i Republikës së Kosovës

Gjatë takimit Rektori Hajrizi theksoi suksesin dhe punën që UBT po bën në rankime dhe vlerësime ndërkombëtare.

Published

4 years ago

November 4, 2021

Betim Gashi

Një delegacion nga Zyra e Koordinatorit për Zhvillim dhe përfaqësues nga Kuvendi i Republikës së Kosovës, zhvilluan një vizitë pune në UBT. Kjo vizitë ishte në kuadër të angazhimeve të përbashkëta për krijimin e një platforme të veçantë të të dhënave – një HUB-i të nivelit qendror në bashkëpunim me Kuvendin e Republikës së Kosovës, përmes të cilit synohet që në kohë reale të monitorohet përmbushja e Sustainable Development Goals (SDGs), si objektiva globale për të cilat janë zotuar njëzëri të gjitha shtetet anëtare të OKB-së në vitin 2015.

Gjatë takimit Rektori Hajrizi theksoi suksesin dhe punën që UBT po bën në rankime dhe vlerësime ndërkombëtare të cilat lidhen pikërisht me arritjen e Objektivave të Zhvillimit të Qëndrueshëm sidomos me rankimet e fundit në Times Higher Education, Positive Impact Rating dhe WURI 2021.

Bazuar në kompetencat dhe ekspertizën profesionale të UBT-së në këtë fushë, bashkë me Kuvendin e Republikës së Kosovës dhe Këshillit për Planifikim Strategjik, u dakordua që të punohet për të krijuar një platformë statistikore e cila do të mbikëqyrë arritjen dhe plotësimin e SDG-ve si dhe të shërbejë si një bazë ku mblidhen të dhënat dhe janë të qasshme nga të gjithë, duke e ofruar kështu një platformë Open Data dhe User Friendly për palët e interesit përfshi këtu edhe qytetarët e Kosovës.

Ky takim është vazhdim i bashkëpunimeve dhe iniciativave nga Ekipi i OKB-së në Kosovë (UNKT) dhe UBT për të sjellë bashkë Agjencitë e Kombeve të Bashkuara në Kosovë, institucione publike dhe akademinë në realizimin e aktiviteteve dhe projekteve në dobi të qytetarëve të Kosovës.

Lajmet

Përfundon numërimi i votave në Fushë Kosovë

Published

6 minutes ago

October 17, 2025

UBTnews

Procesi i numërimit të votave në QKN nga KQZ është drejt përfundimit.

Në Fushë Kosovë janë numëruar 100% të votave të teksa garën për kryetar e prin Valon Prebreza nga LVV me 45.12% i pasuar nga Besnik Osmani nga LDK me 36.62% me të cilin do të jetë në balotazh.

Ndërkohë edhe në numërimet e votave për Kuvend Komunal të Fushë Kosovës prin LVV me 33.97% e pasuar nga LDK me 29.10% dhe PDK me 20.01%./KP

Lajmet

Dyshohet se dhunoi një vajzë të mitur, arrestohet burri në Malishevë

Published

12 minutes ago

October 17, 2025

UBTnews

Një vajzë e mitur dyshohet të jetë dhunuar në Malishevë dy ditë më parë. Për këtë policia ka njoftuar se tashmë ka arrestuar të dyshuarin.

Sipas raportit 24 orësh të Policisë së Kosovës, i dyshuari me vendim të prokurorit është dërguar në mbajtje.

“Më 16.10.2025 është arrestuar i dyshuari mashkull kosovar, për shkak të dyshimit se ka kryer veprën e lart-cekur ndaj viktimës së mitur femër. I dyshuari me vendim të prokurorit është dërguar në mbajtje”, thuhet në raportin e Policisë.

Lajmet

Klinë, pas mosmarrëveshjes verbale i dyshuari sulmon fizikisht motrën

Published

27 minutes ago

October 17, 2025

UBTnews

Një rast i dhunës në familje ka ndodhur dje në Klinë.

Sipas raportit të policisë, një person ka sulmuar fizikisht motrën e tij pas një mosmarrëveshje paraprake, transmeton KosovaPress.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

“Klinë 16.10.2025, 17:00. Është arrestuar i dyshuari mashkull kosovar, pasi që i njëjti pas një mosmarrëveshje e kishte sulmuar fizikisht motrën e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin e Policisë së Kosovës.