Sport

Real Madrid: Arda Gyler dhe Endrik gati për sezoni e ardhshëm

Published

on

Në një kohë kur Real Madrid po përgatitet për një sezon të ri, dy yje të rinj po bëjnë thirrjen e tyre në klubin e famshëm spanjoll. Arda Gyler, i lindur në Turqi në vitin 2005, dhe Endrik, i lindur në Brazil në vitin 2006, kanë vendosur të kthehen menjëherë nga pushimet e tyre për të filluar aventurën e tyre me Real Madridin nën udhëheqjen e trajnerit Karlo Ançelotit.

Këta dy futbollistë të talentuar janë të bindur se fillimi i tyre në klub do të jetë vendimtar për të treguar se brezi i ri mund të shkëlqejë në sezonin e ardhshëm. Ata përfunduan stërvitjen e tyre të fundit në “Real Madrid City” para se të bashkohen me ekipin për turneun e Real Madridit në Shtetet e Bashkuara të Amerikës.

Për Arda Gyler, vizita në SHBA është e dyta, pasi vitin e kaluar nuk kishte luajtur asnjë minutë për shkak të një dëmtimi të pësuar. Megjithatë, ai tashmë ka shënuar praninë e tij në skuadrën kombëtare të Turqisë në “Euro 2024” dhe është gati të vazhdojë rrugën e suksesit të tij në Madrid.

Ndërsa për Endrikun, braziliani është ende në një lloj ëndrre, duke e shprehur gatishmërinë për të kushtuar veten për ekipin dhe qytetin e tij të ri. Ai e ka bërë të qartë që dëshiron të ndërtojë karrierën dhe jetën e tij në Madrid, duke treguar angazhim të plotë dhe gatishmëri për sfida të mëdha në elitën futbollistike.

Për të dy, ky fillim shënon një kapitull të ri në karrierat e tyre, me shpresën për të shkëlqyer në skuadrën e tyre të re dhe për të arritur suksesin në nivelin më të lartë të futbollit botëror./UBTNews/

Sport

Granit Xhaka, ‘Mbreti’ i pasimeve në Bundesligë

Published

on

Granit Xhaka po tregon përse është një nga mesfushorët më të rëndësishëm në futbollin europian. Sipas statistikave të fundit nga “Bundesliga Match Facts”, mesfushori shqiptar nga Kosova, i cili luan për Bayer Leverkusen, kryeson Bundesligën për performancën më të lartë në pasime.

Me 1966 pasime të suksesshme, Xhaka arrin një performancë pasimi prej 67.0, duke lënë pas rivalët e tij kryesorë, Angelo Stiller të Stuttgart dhe Joshua Kimmich të Bayern Munich. Ky sukses është një tjetër tregues i aftësive të jashtëzakonshme të Xhakës në fushë, dhe vjen në një sezon të shkëlqyer për Leverkusen, që po lufton për titullin në Bundesligë dhe ka shfaqur një stil loje dominues nën drejtimin e trajnerit Xabi Alonso.

Roli i Xhakës në këtë ekip është kyç, duke qenë dirigjenti i mesfushës dhe një faktor vendimtar në ndërtimin e aksioneve sulmuese të skuadrës. Performanca e tij ka qenë thelbësore për sukseset e Leverkusen këtë sezon dhe e pozicionon atë si një nga lojtarët më të shquar në Bundesliga.

Continue Reading

Sport

Stephen Curry fiton duelin me LeBron James, rezultatet në NBA

Published

on

Golden State Warriors ka fituar ndaj Los Angeles Lakers me rezultatin 123-116 në një përballje të ngushtë mes dy ekipesh që luftojnë për titullin në NBA. Stephen Curry ishte i jashtëzakonshëm me 38 pikë, duke udhëhequr Warriors në fushë, ndërsa Moses Podziemski e mbështeti me 28 pikë.

Nga ana tjetër, LeBron James shënoi 33 pikë dhe Austin Reaves shtoi 31, por këto nuk mjaftuan për Lakers për të mposhtur Golden State.

Në ndeshje të tjera, Milwaukee Bucks mundi Philadelphia 126-113, me Giannis Antetokounmpo që shënoi një “triple double” me 35 pikë, 17 rebound dhe 20 asist.

Toronto Raptors pësoi një humbje 112-103 ndaj Portland, ku Shadon Sharpe ishte protagonist me 36 pikë. Po ashtu, skuadra e Miami u mund në shtëpi nga Memphis Grizzlies me rezultatin 110-108, me Ja Morant që udhëhoqi miqtë me 30 pikë, ndërsa 35 pikët e Tyler Herro nuk mjaftuan për të shpëtuar Miami.

Minnesota Timberwolves fitoi 105-90 kundër Brooklyn Nets, me Anthony Edwards që shënoi 28 pikë.

Rezultatet e tjera:

Philadelphia – Milwaukee: 113-126

Washington – Orlando: 97-109

Brooklyn – Minnesota: 90-105

Miami – Memphis: 108-110

Toronto – Portland: 103-112

Lakers – Golden State: 116-123

Continue Reading

Sport

Xhiro e 27 e Superligës, ndeshje kyçe për Malishevën dhe Prishtinën

Published

on

By

Do të hapet sot xhiro e 27 e Superligës së Kosovës në futboll dhe do të zhvillohen dy ndeshjet mjaftë interesante.

Padyshim se vëmendja kryesore do të jetë në stadiumin “Liman Gegaj” në Malishevë, aty ku do të përballen Malisheva dhe Prishtina.

Ky ballafaqim sa rëndësi të madhe pasi që këto dy skuadra janë në luftë direkte për pozitën e tretë që siguron pjesëmarrjen në garat evropiane në sezonin e ardhshëm.

Aktualisht, Malisheva është e renditur në vendin e tretë me 41 pikë, kurse Prishtina e katërta me 35 sosh. Ndeshja do të zhvillohet me fillim nga ora 15:00.

Ndeshja tjetër e cila zhvillohet në të njëjtën kohë është ajo ndërmjet Feronikelit 74’ dhe Dritës. Derista Drita tashmë është një hap larg titullit kampion si liderë me 57 pikë, Feronikeli po lufton për ta shmangur largimin nga Superliga, edhe pse duke mjaftë mision i pamundur pasi ka vetëm 14 pikë në vendin e fundit.

Continue Reading

Sport

Tensionet në Kongresin e UEFA-s: Kosova përfaqësohet pa flamurin shtetëror në Beograd!

Published

on

Një ngjarje e pazakontë ka ndodhur në Kongresin e UEFA-s që po mbahet në Beograd, ku përfaqësuesi i Federatës së Futbollit të Kosovës (FFK), Agim Ademi, u fotografua me flamurin e Kosovës, duke shkaktuar një reagim të menjëhershëm nga Federata Serbe të Futbollit. Si pasojë e kësaj fotoje, federata serbe ndërmori hapa të menjëhershëm për të larguar çdo simbol që përfaqësonte shtetin e Kosovës nga kongresi i UEFA-s.

Pas ngjarjes, Federata Serbe kërkoi falje publike nga serbët, ndërsa hoqi të gjitha simbolet që kishin lidhje me shtetin e Kosovës. Ky veprim nxori në pah tensionet që ekzistojnë mes dy shteteve, duke treguar se Kosova, ndonëse është një anëtare e UEFA-s, po përfaqësohet në këtë kongres vetëm me logon e FFK-së dhe jo me simbolet shtetërore, siç ndodh me shtetet e tjera të pranishme.

Një tjetër element që ka shtuar tensionet ishte vendimi i sekretarit të FFK-së, Marcus Weidner, i cili ka pranuar të ulet në tavolinë pa flamurin e Kosovës, një akt që thekson edhe më tej kompleksitetin e situatës politike dhe sportive që ka lindur pas njohjes ndërkombëtare të Kosovës dhe ndikimeve të këtij procesi në fusha të ndryshme, përfshirë futbollin.

Ky incident thekson edhe një herë vështirësitë me të cilat përballet Kosova në arenën ndërkombëtare, sidomos në fushën e sporteve, dhe rëndësinë e dialogut dhe bashkëpunimit për tejkalimin e tensioneve mes shteteve në rajon.

Continue Reading

Të kërkuara