Lajmet

Rastet shëndetësore kur frutat e thata ju dëmtojnë organizmin

Published

on

Frutat e thata janë një element përgjithësisht i shëndetshëm për çdo regjim ushqimor.

Por nëse nuk mbani nën kontroll racionet e frutave të thata, efektet e tyre në shëndet bëhen negative, sidomos kur vjen puna tek pesha.

Nëse frutat i hani direkt nga qesja, tendenca për ta tepruar është e madhe.

Në këtë mënyrë, studimet të cilave u referohet AgroWeb.org, rekomandojnë ngrënien e tyre me sasi.

Një racion i përshtatshëm është maksimumi dy lugë gjelle me fruta të thata në ditë.

Një tjetër rekomandim tjetër nga AgroWeb.org është që të shmangni frutat e thata të paketuara me sheqer shtesë.

Problemet që shkaktojnë frutat e thata

Në këtë artikull të AgroWeb.org do të mësoni për 4 problemet që shkaktojnë frutat e thata për njeriun.

Problemet me sistemin tretës

Frutat e thata përmbajnë shumë fibër, e cila përmirëson shëndetin dhe lëvizjen e zorrëve.

Megjithatë, niveli i lartë i fibrës e shqetëson stomakun, veçanërisht nëse jeni njerëz që nuk para konsumoni ushqime të pasura me fibër.

Frutat e thata mund të shkaktojnë shtrëngime në stomak, fryrje, konstipacion ose diare.

Këto efekte anësore mund t’i shmangni nëse konsumoni vetëm sasi të vogla ditore të frutave të thata.

Ju mund të konsumoni frutat e thata ose ushqimet me fibër gradualisht që stomaku të mësohet me të.

Më shumë kalori

Frutat e thata nuk të ngopin dhe mundësia për ta tepruar me të është e madhe.

Kur njeriu konsumon fruta të thata, numri i kalorive të marra është ndjeshëm më i lartë .

Për shembull, një racion me rrush ofron 150 kalori, ndërsa një racion me rrush të thatë (një filxhan) përmban 520 kalori.

Prandaj sipas të dhënave të AgroWeb.org, është e këshillueshme që racioni standard i rrushit të thatë të jetë një e katërta e një filxhani.

Prishja e dhëmbëve

Frutat e thata përmbajnë sheqerna natyralë në formën e fruktozës.

Disa lloje frutash të thata përmbajnë sheqer shtesë që hidhet për të ruajtur nivelet minimale të lagështisë.

Sheqeri është një nga kontribuesit më të mëdhenj të prishjes së dhëmbëve.

Frutat e thata ngjiten në dhëmbë që nënkupton se sheqeri qëndron në dhëmbë për më shumë kohë.

Këshillohet që pas ngrënies së frutave të thata, të pihet gjithmonë ujë.

Niveli i sheqerit në gjak

Disa lloje frutash të thata kanë një nivel të lartë glicemie.

Ushqimet me nivel të lartë glicemie e rrisin ndjeshëm sheqerin në gjak duke dhënë një energji afatshkurtër por të fortë.

Por kur niveli i sheqerit në gjak nis të bjerë, njeriu përjeton një plogështi dhe drobitje të fortë.

Nga të gjitha frutat e thata, kumbullat e thata janë ato me nivelin më të ulët të indeksit të glicemisë./AgroWeb.org

Continue Reading

Lajmet

Pesë kadetë nga Kosova diplomojnë në Akademinë e Forcave të Armatosura të Shqipërisë

Published

on

By

Pesë kadetë nga Kosova kanë diplomuan në Akademinë e Forcave të Armatosura të Shqipërisë.

Ata do të vazhdojnë shërbimin e tyre si oficerë në radhët e Forcës së Sigurisë së Kosovës.

Kjo u bë e ditur nga ministri në detyrë i Mbrojtjes, Ejup Maqedonci i cili mori pjesë në ceremoninë e diplomimit me ftesë të homologut të tij nga Shqipëria, Pirro Vengu.

Me mbështetjen e ministrit Pirro Vengu dhe të Shefit të Shtabit të Përgjithshëm, gjeneral Arben Kingji, është bërë e mundur që për vitin e ardhshëm të katërfishohet numri i kadetëve nga Kosova që do të ndjekin studimet në këtë akademi prestigjioze”, shkruan Maqedonci në Facebook

Continue Reading

Lajmet

​IPK-ja identifikon dobësi në pasqyrimin e gjobave dhe shkeljeve

Published

on

By

Inspektorati Policor i Kosovës thotë se ka të meta në pasqyrimin e të dhënave në gjoba në raport me shkeljet dhe që këto “sjellin dyshime se mund të abuzohet gjatë kryerjes së detyrës zyrtare”. Kjo është theksuar me një inspektim që IPK-ja e ka bërë rreth përdorimit të teknologjisë për matjen e shpejtësisë së lëvizjes së mjeteve në trafik.

Përmes një njoftimi për media, IPK-ja tha se inspektimi është realizuar me kërkesë të kryeshefit ekzekutiv, ndër të tjera, bazuar në informacionet që IPK kishte pranuar se zyrtarët policorë për arsye të ndryshme nuk i gjobisin kundërvajtësit për shkeljet që i kanë kryer.

Inspektimi ka vënë në pah se ka dobësi/të meta në pasqyrimin e të dhënave në gjoba në raport me shkeljet dhe që këto sjellin dyshime se mund të abuzohet gjatë kryerjes së detyrës zyrtare”.

Sipas IPK-së. gjatë krahasimit të të dhënave në gjoba dhe atyre të regjistruara në radar gjatë inspektimit janë hasur katër natyra të mospërputhjeve: Shpejtësia e lëvizjes së mjetit e përshkruar në gjobë është më e ulët se ajo e regjistruar në radar (në 55 nga 84 mostra/gjoba); Shpejtësia e kufizuar në radar ndryshon nga ajo e regjistruar në gjobë (në 23 nga 84 mostra); Lloji i shkeljes në gjobë ndryshon nga ajo e matur me radar (në 3 nga 84 mostra); Shqiptohet gjobë për tejkalim të shpejtësisë në bazë të një neni (paragrafi) jo adekuat të ligjit (në 3 nga 84 mostra).

IPK-ja në kuadër të Raportit ka dhënë shtatë rekomandime, që kanë të bëjnë me nevojën e nxjerrjes së një udhëzuesi lidhur me përdorimin e pajisjeve për matjen e shpejtësisë së lëvizjes, mbajtjen e një trajnimi shtesë për të pajisur personelin me njohuri të mjaftueshme, ushtrimit të kontrolleve në drejtim të eliminimit të dobësive sa i përket vendosjes së të dhënave në pajisjet e matjes, ushtrimit të kontrolleve në drejtim të eliminimit të praktikave të dëmshme gjatë shqiptimit të gjobave për kundërvajtje, përdorimit efektiv të automjeteve me pajisje inteligjente, monitorimit të procesit të shkarkimit dhe ruajtjes së materialeve të regjistruara nga pajisjet, aplikimit të praktikës së printimit të kundërvajtjeve.

Continue Reading

Lajmet

Një aksident me fatalitet, Policia e Kosovës shqipton mbi 2 mijë e 200 gjoba trafiku brenda 24 orëve të fundit

Published

on

By

Policia e Kosovës ka shqiptuar 2289 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 70 aksidente trafiku me dëme materiale, 35 aksidente trafiku me të lënduar kurse një aksident përfundoi me fatalitet.

Policia e Kosovës ka arrestuar 20 persona, 10 janë dërguar në mbajtje kurse një person është në vuajtje të dënimit.

Continue Reading

Lajmet

Konfiskohen nëntë armë në formë stilolapsi, arrestohet i dyshuari

Published

on

By

Një person është arrestuar pasi të njëjtit i janë gjetur nëntë armë në formë stilolapsi dhe katër fishek.

Policia në Pejë njoftoi se pas informacionit për një përleshje fizike në fshatin Carrabreg-Deçan njësitet policore kanë dalë në vendin e ngjarjes ku edhe i janë gjetur dhe i janë konfiskuar armë të dyshuarit.

Nё koordinim me prokurorin e Shtetit, ёshtё kryer kontroll/bastisje ne shtёpinё e personit tё dyshuar mirёpo nuk ёshtё gjetur diçka e kundёrligjshme.I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё“, thuhet në njoftim.

Continue Reading

Të kërkuara