Bota

Raportohet se Koreja e Veriut ia ka dërguar mijëra ushtarë Rusisë për luftën në Ukrainë

Published

on

Agjencia e inteligjencës e Koresë së Jugut ka gjetur se Koreja e Veriut ia ka dërguar Rusisë 12.000 trupa, përfshirë forca speciale, për ta ndihmuar në luftë kundër Ukrainës, u raportua të premten.

Agjencia e lajmeve Yonhap e citoi Shërbimin e Inteligjencës Kombëtare të Koresë së Jugut duke thënë se katër brigada të ushtarëve të Veriut janë nisur drejt Rusisë tashmë.

Edhe media të tjera koreanojugore raportuan ngjashëm.

Nëse konfirmohet, kjo do të jetë pjesëmarrja e parë e Koresë së Veriut në një luftë të huaj.

Koreja e Veriut i ka 1.2 milion ushtarë, pra njërën prej ushtrive më të mëdha në botë, por i mungon përvojë në luftë të vërtetë.

Shumë ekspertë e vënë në dyshim nëse trupat e Koresë së Veriut mund ta ndihmojnë Rusinë, duke përmendur pajisjet e prapambetura të Veriut dhe mungesën e përvojës në fushëbeteja.

Ekspertët gjithashtu thonë se Koresë së Veriut i është premtuar nga Rusia mbështetje sigurie karshi konfrontimeve të ashpra me SHBA-në dhe Korenë e Jugut për shkak të avancimit të programit të saj bërthamor.

Gjatë një takimi në Phenian në qershor, lideri koreanoverior Kim Jong Un dhe presidenti rus Vladimir Putin, nënshkruan një marrëveshje që parashikon ndihmë të ndërsjellë ushtarake nëse ndonjëra nga vendet sulmohet.

Shërbimi i Inteligjencës Kombëtare nuk e konfirmoi menjëherë raportin, por zyra presidenciale e Koresë së Jugut tha në një deklaratë se presidenti Yoon Suk Yeol kishte kryesuar një takim emergjent më herët të premten për të diskutuar për trupat e dërguar në Ukrainë nga Koreja e Veriut.

Në njoftim thuhej se pjesëmarrësit e takimit ranë dakord se dërgimi i trupave të Koresë së Veriut paraqet një kërcënim të rëndë për sigurinë e Koresë së Jugut dhe për komunitetin ndërkombëtar.

Por, zyra presidenciale nuk dha hollësi të tjera se kur dhe sa ushtarë koreanoveriorë janë dërguar në Ukrainë dhe çfarë rolesh pritet të kenë ata.

Rusia e ka mohuar përdorimin e trupave koreanoveriore në luftë. Zëdhënësi i Kremlinit, Dmitry Peskov, e përshkroi pretendimin si “një tjetër lajm i rrejshëm” gjatë një konference për shtyp javën e kaluar, sipas mediave ruse.

Mediat ukrainase raportuan më herët këtë muaj se gjashtë koreanoveriorë në mesin e të vrarë pas një sulmi raketor ukrainas në rajonin e okupuar pjesërisht, Donetsk, në lindje, më 3 tetor.

Të enjten, presidenti ukrainas Volodymyr Zelensky tha se Qeveria e tij ka informacione se 10.000 trupa nga Koreja e Veriut po përgatiten për t’iu bashkuar forcave ruse që luftojnë kundër vendit të tij, duke paralajmëruar se përzierja e një shteti të tretë në luftë mund ta kthejë konfliktin në një “luftë botërore”.

Sekretari i Përgjithshëm i NATO-s, Mark Rutte, tha se aleanca perëndimore “nuk ka prova se ushtarët koreanoveriorë janë të përfshirë në luftë. Por, ne dimë se Koreja e Veriut po mbështet Rusinë në shumë mënyra, si furnizime me armë, furnizime teknologjike, inovacione, për t’i mbështetur ata në përpjekjet e luftës. Dhe kjo është shumë shqetësuese”.

SHBA, Koreja e Jugut dhe partnerët e tyre e kanë akuzuar Korenë e Veriut për furnizimin e Rusisë me predha artilerie, raketat dhe pajisje të tjera për të ndihmuar në luftën e saj ndaj Ukrainës./REL/

Bota

Administrata Trump miraton shitjen e armëve prej 825 milionë dollarësh për Ukrainën

Published

on

Administrata Trump ka miratuar një shitje armësh me vlerë 825 milionë dollarë për Ukrainën, e cila do të përfshijë raketa me rreze të gjatë veprimi dhe pajisje të ngjashme për të rritur aftësitë e saj mbrojtëse.

Përpjekjet e ShBA-së për të ndërmjetësuar paqen midis Ukrainës dhe Rusisë duket se kanë ngecur.

Departamenti i Shtetit njoftoi të enjten se kishte njoftuar Kongresin për shitjen e raketave me municion sulmi me rreze të gjatë veprimi dhe sistemeve të navigimit për Ukrainën. Shitja do të mbulojë 3,350 raketa ERAM, 3,350 njësi GPS, së bashku me komponentë, pjesë këmbimi dhe aksesorë të tjerë, si dhe trajnim dhe mbështetje teknike, shkruan AP.

Ai tha se Ukraina do të përdorte fonde nga aleatët e NATO-s, Danimarka dhe Holanda.

Continue Reading

Bota

Kremlini: Të interesuar për negociata, por nuk do të ndalim sulmet ndaj Ukrainës

Published

on

Rusia po vazhdon me operacionin e saj ushtarak në Ukrainë, por mbetet e interesuar për të vazhduar procesin e negociatave.

Kjo vije si rezultat për të arritur objektivat  përmes mjeteve politike dhe diplomatike, ka deklaruar zëdhënësi i Kremlinit, Dmitry Peskov, shkruan ANSA.

“Operacioni special ushtarak vazhdon. Sulmet kundër infrastrukturës ruse, shpesh infrastrukturës civile ruse, nga regjimi i Kievit vazhdojnë. Forcat ushtarake ruse do të vazhdojnë të kryejnë misionin e tyre”, shtoi ai.

”Ato vazhdojnë të sulmojnë vende ushtarake dhe infrastrukturë të lidhur me ushtrinë. Sulmet janë të suksesshme dhe objektivat e tyre janë shkatërruar”, theksoi ai.

Continue Reading

Aktualitet

Dita Botërore kundër testeve bërthamore

Published

on

Data 29 gusht shënon Ditën Ndërkombëtare kundër Testeve Bërthamore, një ditë që bën thirrje për një ndërprerje globale të testimeve bërthamore.

Kjo datë është zgjedhur pasi është 50-vjetori i testit të parë bërthamor të kryer nga Shtetet e Bashkuara. Gjatë pesëdhjetë vjetëve të fundit, më shumë se 1000 teste bërthamore janë kryer në mbarë botën.

Këto teste kanë pasur pasoja shkatërruese jo vetëm për ata që jetojnë pranë vendeve të testimit bërthamor, por edhe për mjedisin dhe shëndetin e njeriut.

Testimi bërthamor është një aktivitet i rrezikshëm dhe i papërgjegjshëm që duhet të ndërpritet sa më shpejt të jetë e mundur.

Dita Ndërkombëtare kundër Testeve Bërthamore është një kujtesë e rëndësishme e rreziqeve që sjell testimi bërthamor dhe pse duhet të ndalet.

Thelbi i rezolutës ishte se duhet bërë çdo përpjekje për t’i dhënë fund testeve bërthamore në mënyrë që të shmangen efektet shkatërruese dhe të dëmshme në jetën dhe shëndetin e njerëzve dhe se fundi i testeve bërthamore është një nga mjetet kryesore për arritjen e synimi i një bote pa armë bërthamore.

Nisja për këtë ditë u bë nga Republika e Kazakistanit, duke zgjedhur 29 gushtin si datën e respektimit për t’u lidhur me mbylljen e zonës së testit bërthamor të Semipalatinsk në të njëjtën datë në 1991.

Continue Reading

Bota

​Administrata Trump shqyrton kufizimin për vizat për studentët, gazetarët dhe vizitorët e huaj

Published

on

Administrata e presidentit Donald Trump po shtyn përpara një rregull të ri që do të shkurtonte kohëzgjatjen e qëndrimit të studentëve ndërkombëtarë, vizitorëve të shkëmbimit kulturor dhe gazetarëve të huaj në SHBA.

Propozimi, i botuar në Regjistrin Federal, do t’i jepte fund praktikës së gjatë të dhënies së vizave F për studentët, vizave J për vizitorët e shkëmbimit dhe vizave I për anëtarët e mediave të huaja për kohëzgjatjen e statusit, që do të thotë kohëzgjatja e programit arsimor të një studenti ose detyra e një gazetari.

Aktualisht, vizat mbeten të vlefshme për sa kohë që mbajtësit e tyre i përmbahen kushteve. Sipas ndryshimit, mbajtësit e vizave do të pranohen për një periudhë të caktuar dhe do të jenë të detyruar të aplikojnë për zgjatje nëse kanë nevojë për më shumë kohë.

“Ndryshe nga shumica e klasifikimeve jo-emigrante, të cilat pranohen për një periudhë të caktuar kohore, të huajt në klasifikimet F, J dhe shumica e klasifikimeve pranohen aktualisht… për periudhën kohore që ata janë në përputhje me termat dhe kushtet e klasifikimit të tyre jo-emigrant”, tha Departamenti i Sigurisë Kombëtare (DHS) në njoftim.

Sipas rregullit të propozuar, vizat për studentë dhe vizitorë shkëmbimi do të kufizohen në katër vjet.

Gazetarët e huaj, vizat e të cilëve aktualisht mund të zgjasin disa vjet, do të kufizohen në 240 ditë, ose vetëm 90 ditë në rastin e shtetasve kinezë.

DHS tha se ndryshimi është hartuar për të luftuar abuzimin me vizat dhe për të përmirësuar aftësinë e saj për të verifikuar dhe mbikëqyrur siç duhet”ata që hyjnë në SHBA sipas kategorive.

Publiku ka 30 ditë për të paraqitur reagime mbi propozimin përmes Portalit Federal të e-Rulemaking.

Continue Reading

Të kërkuara