Lajmet

Raporti për komunat dhe MSh-në: Nga 27 tenderë, për 13 prej tyre ka pasur ankesa në OShP

Published

2 years ago

on

Në prezantimin e “Raportit të Monitorimit të Prokurimit”, në të cilin janë të përfshirë 27 tenderë, për 13 prej tyre ka pasur ankesa në Organin Shqyrtues të Prokurimit. Ndërkaq, nga këta 13, në 8 prej tyre kishte dy e më shumë ankesa. Ndërsa, Ministria e Shëndetësisë ka pasur vështirësi në mbylljen e dy tenderëve.

Kështu u tha gjatë prezantimit të këtij monitorimi të bërë nga Rrjeti Ballkanik për Gazetari Hulumtuese (BIRN) dhe Demokraci Plus, në kuadër të projektit “Mbështetja e OJQ-ve për të monitoruar aktivitetet e prokurimit në komuna dhe MSh-së”.

Në këtë raport thuhet se “një prej shkeljeve më të shpeshta që është evidentuar gjatë këtij monitorimi ka qenë vendosja e kritereve diskriminuese, kritereve shumë të larta për projektin apo emërimin e produkteve”.

Kryetarja e OShP-së, Vjosa Gradinaj Mexhuani tha seoperatorët ekonomikë kanë të drejtë t’i drejtohen OShP-së në dy faza, në atë për kritere dhe për vlerësim të ofertave. Sa i përket fazës së kritereve, ajo shtoi se shpesh ndodhë që të aprovohen pjesërisht.

Tutje, Gradinaj Mexhuani tha se sfidë për këtë institucion mbetet mungesa e anëtarëve të bordit, derisa shtoi se vitin e kaluar kanë qenë 820 ankesa për shqyrtim, ndërsa këtë vit, deri më tani kanë marrë 940 ankesa me vajtje ardhje të bordit.

“Operatorët ekonomikë kanë të drejtë t’i drejtohen Organit Shqyrtues të Prokurimit në dy faza. Në fazën për kritere dhe në fazën për vlerësim të ofertave. Sfida kryesore që është kur operatorët ekonomikë hasin në ndonjë shkelje nga ana e autoritetit kontraktues, i drejtohen fillimisht autoritetit kontraktues në mënyrë që të gjejnë zgjidhjen e duhur të problemeve të tyre… Sa i përket fazës së kritereve shpesh ndodh që të aprovohen pjesërisht. Por, kemi edhe ato raste kur na drejtohen neve si institucion për zgjidhjen e problemeve të tjera të cilat nuk i marrin si të mirëqena… Sfidë tjetër ka qenë kërkesa për shqyrtim edhe në ato raste kur refuzohet nga ana e AK-së refuzohet pa bazë, pa fakt, pa argument… OSHP-ja vazhdon me pas sfidë, mungesën e anëtarëve të bordit. Përderisa vitin e kaluar kemi pasur 820 ankesa tërë vitin, deri tani kemi 940 ankesa me vajtje ardhje të anëtarëve të bordit”, tha Gradinaj-Mexhuani.

E prezantimin e këtij monitorimi e bëri redaktori i BIRN-it, Visar Prebeza. Si më shqetësues, ai e vlerësoi çështjen e hartimit të specifikacioneve teknike. Ai tha se “nga 27 tenderë të monitoruar, vetëm 11 raste AK-të kanë qenë në gjendje të tregojnë emrat dhe pozitat e personave apo emrin e kompanisë që i kanë hartuar specifikacionet teknike të një tenderi”.

Gjatë këtij prezantimi u tha se 27 tenderë të monitoruar në 15 prej tyre ka pasur korrigjime të gabimeve.

Prebeza potencoi se 8 nga këta 27 tenderë kanë qenë të pa planifikuar.

“Nga 27 tenderë, në 15 tenderë ka pasur korrigjime të gabimeve… Një çështje tjetër që e kemi parë është tenderët e pa planifikuar, nëse e shohim si përqindje nuk është shumë e madhe… Shkurtimi i afateve për pranim të tenderëve, edhe kjo është një çështje të cilën e lejon ligji, për shkak se ne e dimë që ka mundësi që ka një emergjencë për furnizim me diçka dhe duhet shkurtuar afatet, mirëpo kemi pasur raste ku afatet janë shkurtuar pa ndonjë arsye bindëse… Një çështje prej më shqetësuese në këtë raport është çështja e hartimit të specifikacioneve teknike… Prej 27 tenderëve vetëm në 11 raste kanë qenë në gjendje të na tregojë kush i ka hartuar specifikacionet teknike, përkundër insistimit… Kemi parë jashtëzakonisht shumë raste kur ka defekte në projektim, kur projekti është bërë prej Google Maps… Sa i përket ankimimit, ne e kemi parë prapë çështja e ankimimit është problematike, sepse 48 për qind të tenderëve që i kemi parë kanë shkuar në ankesa, prej këtyre ankesave, 13 tenderë që ka pasur ankesa, ka pasur më shumë se një ankesë. Pra 32 ankesa janë dorëzuar për këta 13 tenderë”, tha Prebeza.

Ndër të tjera, Prebeza potencoi se gjatë këtij monitorimi kanë përfshirë tre tenderë të Ministrisë së Shëndetësisë, derisa shtoi se dy prej tyre kanë pasur vështirësi në përmbylljen e tyre.

“Në Ministrinë e Shëndetësisë i kemi shikuar tre tenderë, janë dy tenderë që janë me teknologji informative, që është ‘Mirëmbajtja e 70 për qind të sistemit informativ shëndetësor’…Të dy tenderët e kanë të njëjtin problem, të dy tenderët kanë shkuar në OSHP, të dy kanë dilema të madha se cila të shkojë… Sa i përket tenderit me furnizim, ka qenë tender për furnizimin me barna, është një tender jashtëzakonisht i madh, ministria e kemi parë që ka pasur vonesa në liferim të barnave dhe ministria ka shqiptuar gjoba ashtu siç parashihet me ligj”, potencoi Prebeza.

Aty u tha po ashtu se Ministria e Shëndetësisë duhet të shmangë tenderët më afat të shkurtuar, në raste kur nuk ka ndonjë urgjencë në tender.

Në rekomandime u tha se Autoritetet Kontraktuese duhet t’i anulojnë tenderët, dosjet e të cilave “pësojnë disa korrigjime të gabimeve që e ndryshojnë në substancë gjithë dosjen e tenderit”.

Ndryshe në Raportin e Monitorimit të Prokurimit thuhet se nga 13 rastet kur Gjykata Komerciale kishte gjetur shkelje ligjore, 12 prej tyre ishin në procesin e vlerësimit të ofertave. Ndërkaq, vetë, në njërin nga vendimet, OShP-ja kishte konstatuar se janë bërë shkelje ligjore gjatë fazës së para tenderimit duke e detyruar AK që të ndryshojmë Dosjen e Tenderit.

Related Topics:
Continue Reading

Lajmet

28 Nëntori pa kufij – Nga Shqipëria në Kosovë

Published

2 days ago

on

November 28, 2025

By

28 Nëntori është data që bashkon shqiptarët kudo në botë, pa kufij e pa dallime. Është data kur historia shqiptare merr frymë më fort dhe ku kujtesa kombëtare ndizet si një flakadan që udhëheq brezat e rinj.
Në këtë ditë, 113 vjet më parë, Shqipëria shpalli pavarësinë e saj. Ismail Qemali ishte në krye të procesit të shpalljes së pavarësisë. Dhe kreu i qeverisë së parë. Por, hija e trojeve shqiptare që mbetën jashtë kufijve ishte aty. Si shpresë dhe si mungesë.
Hija e Kosovës, gjithsesi!
E për Kosovën kjo datë ka peshë të dyfishtë – lidhet me dy momente të shenjta të historisë shqiptare.
Në këtë datë historike lindi një nga figurat më të mëdha të rezistencës kosovare, Adem Jashari. Ndërsa Prekazi i asaj kohe të vitit 1955 ishte një fshat i thjeshtë, pastaj duke kaluar në vitet e errëta të represionit, heroi Adem Jashari u bë një simboli i lirisë, zëri i qëndresës dhe zemra e Ushtrisë Çlirimtare të Kosovës (UÇK). Jeta dhe sakrifica e tij padyshim është shndërruar në betim për një popull të tërë.
Historia e familjes Jashari, ishte sakrifica e kthyer në një kapitull të rrugës drejt lirisë për Kosovën.
Po në këtë datë, kur frika ishte më e madhe, kur shumëkush nuk fliste hapur, dalja e Ushtrisë Çlirimtare të Kosovës për herë të parë publikisht, tregoi se Kosova nuk do qëndronte më e heshtur. Më figurat e Mujë Krasniqit, Daut Haradinajt e Rexhep Selimit, UÇK doli nga hija po me këtë datë, më 28 nëntor, si një mesazh që flamuri kuq e zi nuk valëvitej vetëm për Shqipëri, ai do rritej edhe në Kosovë, në zemrat e të gjithë shqiptarëve të Kosovës që ishin të vendosur të mos dorëzohen.
Pra, në këtë ditë, më 28 nëntor 1997, për shumë shqiptarë rezistenca nuk ishte e shpërndarë dhe e paorganizuar, ndërsa sot dalja e parë e UÇK-së kujtohet si një nga momentet më të rëndësishme të viteve ‘90. Ky moment mbetet i gdhendur në kujtesën kolektive si nisja e një etape drejt një Kosove të lirë.
Kështu, 28 nëntori për Kosovën nuk është vetëm festa e Flamurit, ajo është data kur gjaku, historia dhe identiteti kombëtar bashkohen në një. Është dita kur kujtojmë rrënjët tona, por edhe betejat e reja. Një datë e cila na rikujton se liria nuk ishte dhuratë, por amanet i hershëm. Një datë, në të cilën gjenerata të tëra festojnë lirshëm, gjithnjë duke kujtuar deceniet me radhë kur nuk mund të festohej haptazi, kur flamuri shqiptar ishte i ndaluar, kur për një “fjalë Shqipërie” mbusheshin burgjet me të rinj e të reja shqiptare.
Falë Adem Jasharit, falë UÇK-së, falë të gjitha lëvizjeve kombëtare shqiptare, të të gjitha kohërave – 28 Nëntori mbetet një ditë ku Shqipëria dhe Kosova bëhen një./UBTNews

Continue Reading

lajme

UBT uron 28 Nëntorin – Ditën e Flamurit dhe Pavarësisë

Published

2 days ago

on

November 28, 2025

By

Rektori i UBT-së, Prof. Dr. Edmond Hajrizi, ka uruar studentët, pedagogët dhe gjithë bashkëkombësit shqiptarë për 28 Nëntorin, Ditën e Flamurit dhe të Pavarësisë së Shqipërisë.

Në mesazhin e tij, Rektori Hajrizi thekson rëndësinë historike të kësaj dite: ngritjen e flamurit kuq e zi mbi Kështjellën e Krujës nga Skënderbeu dhe shpalljen e Pavarësisë së Shqipërisë më 28 nëntor 1912 në Vlorë, si shenjë të qëndresës, sakrificës dhe ëndrrës për liri që çdo shqiptar e mban në zemër.

Ai nënvizon se kjo ditë nuk është vetëm një kujtesë historike, por edhe një thirrje për të ndërtuar të ardhmen. “Është përgjegjësia jonë të kultivojmë dijen, të zhvillojmë talentet dhe të edukojmë brezat e rinj që ata të jenë trashëgimtarët dinjitozë të këtij kombi,” thekson Rektori Hajrizi.

UBT beson se arsimi është flaka që do të ndezë Nëntorin e Tretë të kombit tonë – një Nëntor i dijes, i punës dhe i përkushtimit të rinisë. Të rinjtë janë fuqia që do të ruajë gjuhën, identitetin dhe vlerat kombëtare, duke ndërtuar një shoqëri të drejtë dhe të suksesshme.

Gëzuar 28 Nëntorin!

Continue Reading

Lajmet

Kuvendi i Prishtinës diskuton në seancë të jashtëzakonshme për bllokadën e buxhetit

Published

3 days ago

on

November 27, 2025

By

Kuvendi Komunal i Prishtinës është mbledhur në seancë të jashtëzakonshme ku kryetari Përparim Rama ka kërkuar që të bëhet bartja e mjeteve në vlerë 28 milionë euro dhe votimin e buxhetit 2026.

Por asamblistët e VV-së kanë thënë se gjithë bllokimi i Prishtinës ka ndodhur për shkak të kryetarit.

“Urime të gjithë asamblistëve që janë zgjedhur dhe falënderim për ata që e kanë përfunduar, katër vite kanë qenë të rëndësishme dhe vendimtare te kryeqytetit. Edhe sot jemi në këtë seancë në shërbim të interesit publik. Para nesh kemi bartjen e mjeteve në vlerë 28 milionë euro dhe votimin e buxhetit për vitin 2026-të prioritet absolut janë qytetarët e kryeqyteti. Fondet do të shfrytëzohen menjëherë për pagat e punëtorëve dhe për shërbimet e kryeqytetit. Kërkojë edhe 35 milionë euro te cilat u takojnë qytetarëve me ligj duhet vullnet për miratim nga ministri i financave. Ju falënderoj për përgjegjësinë dhe zotohem para jush se do të jem i pranishëm në çdo veprim, nuk e mbrojmë interesin partiak po të qytetarëve”, tha ai.

Asamblisti i VV-së, Gëzim Sveçla i tha Ramës së i bakretuar ke ardh e me turp do të përfundosh.

“Jemi këtu sepse kryeqyteti është futur në krizën më të rëndë të menaxhimit jemi këtu sepse qyteti është bllokuar qytetarët kanë mbetur pa paga dhe autobusët janë ndalur dhe kryetari ka dërguar situatën në zero. Vetëm kur punëtorët e trafikut dolën në rrugë atëherë e kuptoj se bartja e mjeteve nuk bëhet në studio televizive por në kuvendin komunal. Kriza i duhet Përparim Ramës dhe LDK e përdori këtë strategji për fushatën lokale tash dëshiron ta përdor edhe për zgjedhjet lokale. Kur buxheti është miratuar ligji thotë komuna funksion me 1/12 te buxhetit paraprakë. Është e qartë se fajtori pse u vonua buxheti i Prishtinës është Përparim Rama, ai shpik miq imagjinar, shpik bllokada, u tha qytetarëve që Qeveria ua ka bllokuar mjete është gënjeshtër vetëm në nëntor dy alokime, për çfarë bllokade po flet, çerdhe i ke lënë pa rryme. Përparimi nuk është vetëm menaxher i keq është edhe borxhli i keq borxh operatorëve ekonomik, për rryme e për gjithçka derisa ka qenë Londër pasojat i ka bartur vetë. Kur zihen punët del merresh me emra të veçantë të VV-së të njëjtin njerëz për të cilët votove ne nuk kemi ndryshuar ti ke ndryshuar, nuk ka pasur parime kurrë. E din shumë mirë cka na ke thënë për LDK, për Lumir Abdixhikun”, tha ai.

Ndërsa Leutrim Retkoceri nga PDK ka thënë se ndërprerja e autobusëve rëndon më shumë jetën e qytetarëve.

“Mbledhja e jashtëzakonshme po zhvillohet në një kohë ku krizat financiare në Prishtinë po thellohen dhe po bëhet gjithnjë më serioze. Në një kohë kur ka rritje të çmimeve dhe kostos së shtrenjte dhe e ndërprerja e autobusëve kjo e rëndon më shumë jetën e qytetarëve të Prishtinës. PDK do të votojë në këtë seancë, ndëshkimi i një qyteti të tërë për shkak të mos arritjes objektive politike nuk ka vend në qeverisje dhe nuk duhet të tolerohet” , tha ai./EO

Continue Reading

Lajmet

​Ndërpritet greva pas lëshimit të mjeteve financiare për RTK-në

Published

3 days ago

on

November 27, 2025

By

Sindikata e Punëtorëve të RTK-së SPERTK njofton për ndërprerjen e grevës pas zhbllokimit të situatës me buxhetin e RTK-së dhe krijimin e mundësisë për adresimin e çështjeve të mbetura, që ndikojnë drejtpërdrejt në funksionimin e transmetuesit publik.

Pas protestave dhe grevës katërditore të zhvilluara nga punëtorët e RTK-së, Qeveria e Kosovës ka ndarë mjetet për pagat e punonjësve të RTK-së, raporton KosovaPress.

Sindikata thotë se punëtorët e RTK-së gjatë gjithë kësaj periudhe nuk kanë pasur komunikim adekuat nga ata që paguhen për sigurimin e stabilitetit të institucionit dhe pagesën e pagave, gjë që ka qenë për keqardhje dhe ka rënduar situatën, duke krijuar pasiguri dhe shqetësim të panevojshëm.

Për më tepër, sindikata falënderon Qeverinë dhe kryeministrin në detyrë për ndërmarrjen e hapave që çuan në zhbllokimin e situatës me buxhetin, si një veprim i domosdoshëm për stabilitetin e institucionit dhe ruajtjen e misionit të RTK-së si transmetues publik.

SPERTK përkujton se nëse gjatë janarit 2026 hasim sërish në situata të tilla, greva mund të rikthehet menjëherë dhe në çdo formë të nevojshme./KP

Continue Reading

Të kërkuara