Aktualitet

Rama-opozitës: Bashkohuni në hapjen e shtëpive për mijëra familje deri në 26 nëntor

Në fjalën e tij në Kuvend, Rama iu përgjigj akuzave të deputetit të PD-së, Ferdinand Xhaferri.

Published

5 years ago

on

Kryeministri Edi Rama ftoi sot opozitën t’i bashkohet në hapjen e dyerve të shtëpive dhe apartamenteve për mijëra familje deri në 26 nëntor, ndërsa theksoi se “çështjes së tërmetit t’i rrini larg shumë, se bëheni shumë qesharak, kur flisni për një nga ndërmarrjet më të mëdha që do të mbetet në histori”.

Në fjalën e tij në Kuvend, duke iu përgjigjur akuzave të deputetit të Partisë Demokratike, Ferdinand Xhaferri, kryeministri Rama tha se “u ndjeva i detyruar të ndërhyj sepse realisht çdo njeri ka të drejtën të gabojë, por të këmbëngulësh në gabim është djallëzore”.

“E ngritët me furi një uturi shpifjesh edhe kauzash dhe bëtë edhe një gjest digjital këtu. Me siguri ju keni qenë të zënë me pasionin tuaj për të përmirësuar cilësinë e diellit dhe nuk keni vënë re në ndërkohë mes angazhimeve tona për të adresuar pasojat e tërmetit dhe afateve të vendosura ka ndodhur diçka që ka tronditur gjithë botën zoti Xhaferri, pandemia. Ju kujtoj që kanë qenë muaj të tërë në të cilët kantieret janë bllokuar dhe detyrimisht edhe afatet do të shtyheshin”, nënvizoi Rama.

Por, vijoi Rama, ajo që më shqetëson më shumë nuk është ky aspekt, është aspekti tjetër, mbi çfarë baze i ngrini këto akuza e flisni për babëzi e makutëri, keni ndonjë shifër, ndonjë fakt, mbi çfarë baze.

Kreu i qeverisë bëri të ditur se shkollat kanë standarde, kritere, preventiva, janë zhvilluar si proces ndërtimi me gara.

“Garat kanë dosje dhe mbi të gjithë këto fakte mund të bëhen edhe qëmtime hulumtime edhe investigime dhe pastaj mund të nxirren konkluzione profesionale, jo si mjek popullor apo si akrobat popullor cirku. Është shumë e shëmtuar që gjithë kjo përpjekje të përbaltet në këtë farë feje pa asnjë lloj baze”, shtoi Rama.

Siç tha dhe Ahmetaj, u shpreh Rama, shkollat janë aty, krah për krah me shkollat që keni ndërtuar ju dhe kontrasti është i njëjti, si kontrasti mes të sotmes dhe mesjetës, me thënë të drejtën.

“Natyrisht që në këtë aspekt nuk matemi me ju, se nuk mund të matet cilësia e diellit me errësirën, por pa diskutim që me shumë vëmendje do ta mirëprisnim çdo lloj fakti e argumenti, jo dokrra e të shara prej të dehuri në klub, por fakte dhe argumente. Zotrote thua se qenkan fshirë sheshet për të fshehur gjurmët. Cilat gjurmë?”, tha Rama.

Më tej, Kryeministri Rama vuri në dukje se “godinat e prishura kanë historikun e tyre dhe historiku i tyre është vlerësuar nga organet kompetente dhe nuk ka pasur nevojë për të mbajtur gërmadhat me muaj e vite. Ndryshimi mes nesh dhe jush është se juve sytë iu janë imunizuar prej shumë vitesh nga plehrat, nga shëmtia, deformimi se ndryshe nuk do ishit krenarë pa kthim për gjithë masakrën urbane që keni lejuar e promovuar si një mrekulli të tetë të botës”.

“Në kohën kur ju qeverisnit duhej dalë me duar në hundë dhe duart në sy për të mos parë e mos marrë erë. Kjo është karakteristikë e qeverisjes suaj, e këtu nuk kemi çfarë diskutojmë se kemi një konflikt estetik”, shtoi Rama.

Kreu i qeverisë theksoi se “numri i familjeve, të cilat sot gëzojnë shtëpitë është i madh dhe do të rritet në javët e këtij muaji dhe ju ftoj ju z. Xhaferri të na bashkoheni në hapjen e dyerve të shtëpive dhe apartamenteve për mijëra familje deri në 26 nëntor që bëhen edhe dy vjet nga tërmeti. Ku do shikoni me sytë tuaj se si në Ishëm psh , por jo shumë larg Durrësit është Thumana, Fushë-Krujë, Laçi, Bubqi, po mos përtoni ju mund të vini me ne në Lezhë, Tiranën ja ku e kemi, shkojmë bashkë tek “5 Maji”, t’i shikoni me sytë tuaj se ka shumë gjëra që mund të flisni, të kritikoni, të ngrini pretendime, por për këtë çështjen e tërmetit t’i rrini larg shumë, se bëheni shumë qesharak, kur flisni për një nga ndërmarrjet më të madha që do të mbetet në histori, pasi sot e kësaj dite në Itali, që është vend i G20 sot njerëzit janë në rulota pas 15, 12 apo 9 vjetësh”.

Rama u shpreh më tej se “afatet spostohen si rezultat i pandemisë që hyri në mes i bllokimit të kantiereve që ishin të detyruar jo se i imponuam ne”.

“Asnjë familje që do të kthehet në shtëpi, nuk është sot dhe nuk do të jetë nesër në shtëpinë e re më keq, do jetë më mirë seç ishte. Gjithë ajo krizë është kthyer në një mundësi më të mirë”, tha Rama./Atsh

Related Topics:
Continue Reading

lajme

Shkarkohet Blerim Isufaj nga posti i Kryeprokurorit të Prokurorisë Speciale

Published

11 hours ago

on

October 2, 2026

By

Kryeprokurori i Prokurorisë Speciale, Blerim Isufaj, është shkarkuar të premten nga Këshilli Prokurorial i Kosovës (KPK), ka mësuar KOHA.

Gjatë ditës ishte bërë e ditur se KPK-ja do të mblidhej në një takim të jashtëzakonshëm, ku në rend dite ishte diskutimi për performancën e Isufajt.

Isufaj ishte zgjedhur për herë të parë në krye të Prokurorisë Speciale në vitin 2019, ndërsa ishte rizgjedhur në këtë pozitë në vitin 2023.

Gjatë mandatit të tij, Isufaj ka qenë një prej figurave më të kritikuara në sistemin prokurorial nga Lëvizja Vetëvendosje. Ai ishte votuar edhe nga Këshilli Prokurorial për pozitën e Kryeprokurorit të Shtetit, por procesi kishte mbetur pezull dhe nuk ishte dekretuar nga ish-presidentja Vjosa Osmani.

Kryeministri Albin Kurti kishte deklaruar më herët se në sistemin prokurorial “shumica e problemeve kanë emër të përveçëm”, duke iu referuar Isufajt.

Më 2 shtator, Isufaj pati një përplasje me disa anëtarë të Këshillit Prokurorial të Kosovës. Përplasjet u zhvilluan gjatë shqyrtimit të raportit të punës së Prokurorisë Speciale për vitin 2025, i cili më pas u rrëzua nga KPK-ja.

D.L

Continue Reading

Vendi

Nis takimi mes Kurtit dhe Hamzës

Published

11 hours ago

on

October 2, 2026

By

Ka nisur takimi mes kryeministrit Albin Kurti dhe kryetarit të Partisë Demokratike të Kosovës (PDK), Bedri Hamza.

Në takim pritet të diskutohen çështja e zgjedhjes së presidentit të ri dhe ndryshimet e mundshme në Ligjin për Dhomat e Specializuara të Kosovës.

Hamza është parë duke hyrë në objektin e Qeverisë i shoqëruar nga deputeti i PDK-së, Rrahman Rama.

Kuvendi i Kosovës ka afat deri më 6 tetor për zgjedhjen e presidentit të ri. Nëse presidenti nuk zgjidhet brenda këtij afati, vendi shkon në zgjedhje të reja.

D.L

Continue Reading

Live

Piloti hero parandalon tragjedinë në ajër: Detaje nga sulmi dramatik brenda avionit të “FlyDubai”

Published

11 hours ago

on

October 2, 2026

By

Kapiteni indian Smit Machchhar është shndërruar në heroin e ditës pasi parandaloi një katastrofë ajrore me më shumë se 170 pasagjerë në bord, gjatë fluturimit të kompanisë “FlyDubai” nga Dubai drejt Tel Avivit. Ngjarja dramatike ndodhi në ajër kur bashkëpiloti e sulmoi atë me thikë dhe u përpoq të merrte kontrollin për ta rrëzuar me shpejtësi mjetin fluturues.

Pavarësisht plagëve të rënda, kapiteni Machchhar gjeti forcën të reagonte ndërsa avioni po humbiste lartësi me shpejtësi marramendëse. I shtrirë në dyshemenë e kabinës, ai arriti të hapte derën nga brenda, duke u dhënë mundësi pasagjerëve dhe pjesës tjetër të ekuipazhit të ndërhynin me shpejtësi për ta neutralizuar sulmuesin.

Pas marrjes së kontrollit të situatës, dy pilotë rezervë — të cilët po udhëtonin si pasagjerë — morën drejtimin e avionit dhe realizuan një ulje emergjente të sigurt në aeroportin e Tabukut, në veriperëndim të Arabisë Saudite.

Kapiteni, i cili ka një përvojë 17-vjeçare në aviacion, u dërgua menjëhirë në spital dhe aktualisht ndodhet në gjendje të qëndrueshme shëndetësore në Abu Dhabi. Gjatë një video-telefonate me kryeministrin indian Narendra Modi, ai u shpreh se nuk mund të lejonte kurrsesi që pasagjerët të vdisnin. Reagimi i tij është cilësuar si heroik edhe nga Kryeministri izraelit Benjamin Netanyahu, ndërsa në të gjithë Indinë dhe rrjetet sociale gjakftohtësia e tij po vlerësohet si shembull i jashtëzakonshëm i përkushtimit profesional. /E.A/

Continue Reading

Lajmet

“Jo në emrin tim” para Ministrisë së Drejtësisë “Voto Ligjin”, kërkohet miratimi i ligjit për mbrojtjen e UÇK-së

Published

12 hours ago

on

October 2, 2026

By

Protestuesit e iniciativës “Jo në emrin tim” kanë zhvilluar sot një aksion simbolik para Ministrisë së Drejtësisë, ku kanë vendosur një baner me mbishkrimin “Voto Ligjin”, duke kërkuar procedimin dhe miratimin e ligjit për mbrojtjen e UÇK-së.

Aktivisti Rron Kafegjolli deklaroi se qytetarët prej 17 ditësh po kërkojnë miratimin e këtij ligji, duke e cilësuar vonesën si të papranueshme.

Sipas Kafegjollit, bazuar në deklarimet e kryeministrit Albin Kurti, ligji po mbahet i bllokuar në Ministrinë e Drejtësisë dhe Ministrinë e Financave.

“Ky nuk është një udhëzim çfarëdo që mund ta kaloni lart e poshtë nëpër zyra. Sepse bëhet fjalë për ligjin që mbron të vërtetën e UÇK-së dhe ne nuk do të lejojmë zvarritjen e tij”, u shpreh ai.

Kafegjolli kritikoi ministren Donika Gërvalla dhe ministrin Hekuran Murati, duke kërkuar nga institucionet që të veprojnë në përputhje me kërkesat e qytetarëve.

“Institucionet e këtij shteti nuk mund të mbeten peng i inateve apo bindjeve personale të ministres Gërvalla dhe ministrit Murati. Shteti nuk është pronë private e dikujt”, tha Kafegjolli.

Duke iu referuar afatit për zgjedhjen e presidentit, i cili skadon më 6 tetor, ai i bëri thirrje Qeverisë që të mos e zvarrisë më tej procesin e miratimit të ligjit.

“Qeveria duhet ta dijë se rinia po ju vëzhgon dhe 6 tetori po afron me shpejtësi. Mos e provokoni durimin tonë”, deklaroi ai.

Kafegjolli e përmbylli fjalimin duke i bërë thirrje Qeverisë që ta dëgjojë zërin e protestuesve dhe të veprojë lidhur me kërkesën për miratimin e ligjit.

D.L

Continue Reading

Të kërkuara