Lajmet

Rama: Brenda një viti paga mesatare në 900 euro

Ai në një konferencë për media foli për reformën e re të pagave.

Published

2 years ago

April 7, 2023

UBT news

Kryeministri i Shqipërisë, Edi Rama pas mbledhjes së qeverisë prezantoi vendimin për rritjen e pagës mesatare brenda një viti nga 563 euro që është aktualisht në 900 euro.

Kryeministri Rama në një konferencë për media foli për reformën e re të pagave, derisa theksoi se ky është rezultat i përgjithshëm i përpjekjeve, reformave dhe punëve të bëra.

Rama tha se rritja e pagës mesatare do të ketë një efekt të konsiderueshëm në buxhet, por siç u shpreh ai do të jetë i përballueshëm.

“Sapo kemi dakordësuar Projektligjin për reformën e re të pagave dhe kemi sanksionuar e zeza mbi të bardhë, se në harkun e një viti paga mesatare e Republikës së Shqipërisë do të shkojë nga 563 euro që është sot në 900 euro. Ky është rezultat i të gjitha përpjekjeve, reformave, punëve të bëra për të ardhur në ditën që ta krijojmë këtë mundësi për shtëpinë tonë të përbashkët dhe të mund të rishpërndajmë të ardhurat aty ky edhe me shumë të drejtë familjet e zakonshme shqiptare presin më shumë sesa në çdo gjë tjetër, në arkën e buxheteve të tyre”, theksoi Rama.

Kryeministri Rama tha po ashtu se është shumë e rëndësishme të konstatohet sot se sa e qëndrueshme është ekonomia e Shqipërisë dhe ka hyrë në një fazë të re të zhvillimit të saj, pavarësisht të gjitha peripecive, pengesave dhe goditjeve të jashtëzakonshme që Shqipëria ka marrë.

“Ia kemi dalë, jo vetëm të rezistojmë, jo vetëm të adresojmë plagë dhe probleme të rënda, vazhdojmë sot që flasim të mbështesim të gjitha familjet dhe të gjitha bizneset e voglat në mënyrë që të mos shohin asnjë qindarkë rritje të çmimit të energjisë në faturën e tyre dhe sot mund t’iu themi të gjithëve se është dita për të marrë ata vetë direkt, jo thjeshtë komuniteti, bashkia, vendi, jo thjeshtë infrastruktura, shkollat, kopshtet, çerdhet, spitalet, qendrat shëndetësore e me radhë, por ata vet drejtpërdrejtë në arkën e tyre familjare frytet nga kjo përpjekje dhe nga reformat që na kanë sjellë deri këtu”, theksoi ai.

Rama tha se rritja e pagave nuk ka të bëjë fare me fushatën elektorale.

“Kjo është koha që janë krijuar mundësitë, kjo është koha që bëhet dhe që nuk ka lidhje me fushatën elektorale, është shumë e thjeshtë të kuptohet pse”, tha ai.

Lajmet

Legjenda e Barcelonës njofton pensionimin nga futbolli

Published

29 minutes ago

September 26, 2025

UBT News

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

Lajmet

Osmani takohet me presidentin e Senegalit

Published

1 hour ago

September 26, 2025

UBTnews

Presidentja e vendit, Vjosa Osmani, gjatë qëndsrimit të saj në New York, është takuar me presidentin e Senegalit Bassirou Diomaye Faye.

Osmani përmes një njoftimi në Facebook, ka treguar se diskutuar mundësitë për thellimin e bashkëpunimit në fusha strategjike.

“Me Presidentin e Senegalit, Bassirou Diomaye Faye, zhvilluam një takim në Neë York për të diskutuar mundësitë për thellimin e bashkëpunimit në fusha strategjike.

Partneriteti ynë i qëndrueshëm përbën një shembull të miqësisë dhe bashkëpunimit, të cilin do të vazhdojmë ta forcojmë”, shkruan Osmani./D.B/EO

Lajmet

Arrestohet një i dyshuar për sulm seksual ndaj një të miture në Podujevë

Published

1 hour ago

September 26, 2025

UBTnews

Policia e Kosovës ka njoftuar se ka arrestuar një person të dyshuar për sulm seksual ndaj një të miture në Podujevë. Rasti raportohet të ketë ndodhur gjatë muajit shtator.

Sipas raportit 24-orësh të Policisë, i dyshuari, shtetas kosovar, është dërguar në mbajtje./D.B/KP

Lajmet

Nis Superliga e Kosovës në futsall këtë fundjavë

Published

2 hours ago

September 26, 2025

UBT News

Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.

Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.

Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.

Skuadra e FC Obiliqit do të pushojë këtë javë./S.K/KP/FFK-Futsal/