Lajmet

Qytetarët në veri pranojnë faturat e rrymës paushall

Qytetarët për gjashtë muajt e parë të këtij viti do të faturohen paushall prej 21 euro e 60 centë.

Published

on

Qytetarët e katër komunave në veri të Kosovës kanë filluar nga java e kaluar t’i pranojnë faturat e energjisë elektrike. Kompania “Elektrosever”, e cila është licencuar për furnizimin dhe faturimin me energji elektrike të komunave me shumicë serbe, është duke bërë shpërndarjen e këtyre faturave.

Qytetarët për gjashtë muajt e parë të këtij viti do të faturohen paushall prej 21 euro e 60 centë. Qytetarët atje po ankohen për çmim të lartë të faturave, mirëpo shumica prej tyre kanë pranuar se çmimi është normal, por që nuk e dinë si do t’ia bëjnë gjatë muajve të dimrit, atëherë kur duhet paguar më shumë.

Milisav Dimitrijeviq, qytetar nga veriu i Mitrovicës, thotë se e ka paguar faturën e rrymës.

“Po, (kam marrë faturën)… Vlera e faturës është 21 euro dhe diçka të imëta… Për mua duke pasur parasysh pensionin e vogël, mjaft shtrenjtë është… por ç’të bëjmë, borxhi është borxh… E kam paguar”, deklaroi ai.

Vesna, një qytetare tjetër e kësaj pjese të Mitrovicës, thekson se ky çmim tani për tani nuk është i shtrenjtë.

“Po, kam pranuar faturën dhe pikërisht jam nisur ta paguaj… 21. 50 euro… Tani për tani nuk është shtrenjtë, por më vonë duke ditur se pensionet tona janë të vogla, nuk e di si do ta paguajmë rrymën kur duhet paguar nga 200 euro”, deklaroi ajo.

Në anën tjetër, Radomir Milliq, një mitrovicas tjetër, bën të ditur se akoma nuk e ka pranuar faturën, por thekson se do ta paguajë kur ta merr faturën.

“Akoma jo, disa në ndërtesë kanë pranuar faturat, me gjasë po shkojnë me radhë sipas kateve, unë jam në katin e katërt dhe ende nuk kanë arritur… Dikush po ankohet se çmimi i faturës është i shtrenjtë, dikush tjetër thotë se për aq sa ka shpenzuar rrymë, çmimi është normal…Gjithçka që shpenzoj, unë paguaj dhe rendi është që të paguhet për atë që shfrytëzon. Jam qytetar i vjetër, të mitë janë që 150 vjet mitrovicas të vjetër dhe nuk dua të koritem”, deklaroi ai.

Kjo është hera e parë që pas 24 vjetësh qytetarët e këtyre komunave po faturohen për energjinë e shpenzuar, pasi e njëjta deri në vitin 2017 u kishte rënë në barrë qytetarëve të komunave tjera të vendit.

 

Lajmet

Basha mbyll seancën konstituive, asnjë deputetë serbë nuk merr votat për nënkryetar

Published

on

By

Kuvendi ka dështuar ta zgjedhë nënkryetarin nga komuniteti serb. Asnjëri prej deputetëve që u votua nuk ka marrë shumicën e mjaftueshme dhe rrjedhimisht Kuvendi nuk ka nënkryetarin nga ky komunitet.

Kryetari i Kuvendit të Kosovës, Dimal Basha, ka bërë të ditur se janë ezauruar të gjitha opsionet për zgjedhjen e nënkryetarit të pestë të Kuvendit nga komuniteti serb. Ai theksoi se seanca konstituive e Kuvendit konsiderohet e përmbyllur, ndërsa për hapat e mëtejmë do të vendoset në mbledhjen e ardhshme të Kryesisë së Kuvendit, që do të mbahet të hënën në orën 13:00.

“Janë ezauruar të gjitha opsionet për të zgjedhur nënkryetarin e pestë nga pakica serbe. Kjo seancë konsiderohet e përmbyllur. Se si të veprohet tutje si Kuvend do t’i konsultoj anëtarët e Kryesisë së Kuvendit, mbledhje kjo që do të mbahet të hënën në ora 13:00,” tha Basha.

Pavarësisht disa tentativave të përsëritura në seancat e kaluara, Kuvendi nuk ka arritur të zgjedhë nënkryetarin e mbetur, çka ka vonuar përmbylljen e procesit të konstituimit të plotë të tij. Vendimi për hapat e ardhshëm do të merret pas konsultimeve të brendshme institucionale që do të zhvillohen javën që vjen.

Continue Reading

Lajmet

Murati: Sot është dita vendimtare për konstituimin e Kuvendit të Kosovës

Published

on

By

Ministri në detyrë i Financave, Hekuran Murati, ka deklaruar se dita e sotme është vendimtare për përfundimin e procesit të konstituimit të Kuvendit të Kosovës. Ai ka theksuar se kanë mbetur edhe tre kandidatë të papërfunduar, me gjashtë tentativa të mundshme për zgjedhjen e nënkryetarit të pestë të Kuvendit, që duhet të vijë nga komuniteti jo-shumicë serb.

Në një deklaratë të drejtpërdrejtë, Murati ka qenë i prerë për sa i përket qëndrimit ndaj Listës Serbe, duke përjashtuar çdo mundësi për mbështetje ndaj saj.

“Po besoj që të gjithë e kemi kuptuar që sot është dita vendimtare sa i përket seancës konstituive, do të thotë kanë mbetur edhe tre kandidatë ende ta pa ezauruar me 6 tentativa të mundshme për t’u zgjedhur nënkryetari i 5 që duhet të vijë nga radhët e komunitet jo shumicë serb. Votë për Listën Serbe ne nuk kemi sepse marr parasysh edhe të kaluarën e tyre edhe faktin që ata nuk i njohin institucionet dhe Republikën e Kosovës si dhe përfshirjen e tyre në sulmin terrorist në Banjskë dhe që rrjedhimisht ata vazhdojnë që të jenë të dirigjuar nga kryeterroristi Milan Radoiçiq, Alternativa e vetme për me dalur nga ngërçi dhe për të konstituuar Kuvendin është deputeti Nenad Rashiq”, tha ai.

Continue Reading

Lajmet

Balje: Procesi për nënkryetarin e pestë kërkon vendim nga Gjykata Kushtetuese

Published

on

By

Deputetja e Kuvendit të Kosovës, Duda Balje, ka theksuar se procesi për zgjedhjen e nënkryetarit të pestë të Kuvendit, përfaqësues i komunitetit serb, nuk mund të vazhdojë pa një vendim të qartë nga Gjykata Kushtetuese. Ajo ka ngritur dyshime lidhur me ligjshmërinë e procedurës, duke e vënë në pikëpyetje nëse hedhja e shortit për këtë pozitë është në përputhje me Kushtetutën e Kosovës.

Në lidhje me qëndrimin e shefave të Misioneve të BE-së, të cilët refuzuan të zhvillojnë një takim me kryeministrin në detyrë, Albin Kurti, Balje u shpreh se ata kishin arsye të qarta për këtë veprim dhe se zhvillimet në këtë drejtim do të varen nga vlerësimet e misioneve ndërkombëtare.

Continue Reading

Lajmet

Krasniqi kritikon Kurtin për insistimin në Rashiqin si nënkryetar Kuvendi: Pse po kërkon krizë të re kushtetuese?

Published

on

By

Kryetari i PDK-së, Memli Krasniqi thotë se nuk e kupton insistimin e kryeministrit në detyrë, Albin Kurtit, për të zgjedhur Nenad Rashiqin nënkryetar të Kuvendit nga komuniteti serb.

Sipas Krasniqit, kjo përpjekje është në kundërshtim me Kushtetutën dhe përfaqëson një veprim të rrezikshëm politik që mund të çojë drejt një krize të re institucionale. Ai shtoi se, ndonëse Rashiqi është një figurë pozitive nga komuniteti serb, mënyra e zgjedhjes së tij është problematike.

“Prej ditës së parë kur ka filluar seanca konstituive më 15 prill, kërkesa jonë e vetme ka qenë që çdo veprim duhet me qenë në pajtim me Kushtetutën. Një votim i tillë, i ndarë, nuk është në pajtim me Kushtetutën. Ne nuk mundemi të bëhemi pjesë e lojërave politike, pavarësisht se Nenad Rashiq si person, si figurë politike, është jashtëzakonisht një figurë pozitive nga komuniteti serb, në rrethana të ndryshme do të ishte jashtëzakonisht i mirë. Albin Kurti një entuziazëm të tillë për me e zgjedh Rashiqin s’e ka pasur as për Albulena Haxhiun e as Dimal Bashën. Pse po insiston me e kriju edhe një lëndë në Gjykatën Kushtetuese, unë nuk po e kuptoj. A është qëllimi i tij me e vazhdu krizën, apo me e mbajt pozitën e kryeministrit në mënyrë uzurpatore”, tha tutje Krasniqi.

Krasniqi foli edhe rreth qortimit që Bashkimi Evropian ia ka bërë të enjten kryeministrit në detyrë, Albin Kurtit.

Krasniqi tha se është e dhimbshme se në çfarë niveli është sjellë Kosova.

“Është vazhdim i degradimit të raportove që dikur Kosova ka pasur me aletatët e saj”, tha Krasniqi.

Continue Reading

Të kërkuara