Sport

Duka për ndeshjen Serbi – Shqipëri: Qëllimi është vetëm sportiv

Published

7 months ago

October 7, 2025

UBTnews

Kombëtarja shqiptare po përgatitet për njërën nga ndeshjet më të rëndësishme të eliminatoreve të Kupës së Botës 2026, atë ndaj Serbisë, që do të zhvillohet më 11 tetor në Leskovac.

Në një intervistë për Top Channel, presidenti i Federatës Shqiptare të Futbollit, Armand Duka, foli për emocionet që shoqërojnë këtë përballje, rëndësinë e saj për ecurinë e kuqezinjve dhe besimin që ka te grupi i lojtarëve dhe stafi teknik i drejtuar nga Silvinjo.

“Nuk ka asnjë ndeshje të ekipit kombëtar që nuk ka emocion maksimal, por kur bëhet fjalë që je në prag të realizimit të një objektivi apo që je në luftë për pikë, gjërat bëhen edhe emocionale. Ndeshja ndaj Serbisë, për arsye që ne na jep një shans për të shkuar në play off, është shumë e rëndësishme. Të gjitha gjërat e tjera, as unë dhe as lojtarët nuk duam t’i kemi në memorie, qëllimi ynë është sportiv,” tha Duka.

I pyetur nëse kjo sfidë mund të jetë përcaktuese për të ardhmen e trajnerit Silvinjo, presidenti i FSHF-së u shpreh:

“Nuk është e vërtetë që ne kemi vendosur nëse do të fitojë apo jo në këtë ndeshje Sylvinho do të vendosë fatet e tij. Ajo që ne kemi thënë është që nëse do të kualifikohemi, nuk ka asnjë motiv që të diskutojmë për të cënuar apo ndryshuar stafin. Nëse ne nuk do të kualifikohemi, padyshim që do të ketë diskutime, qoftë nga ne, qoftë nga stafi i tij apo ai vetë. Kështu që nuk është kjo ndeshja që do të vendosë nëse Sylvinho do të jetë apo jo më tej.”

Duka e sheh përballjen në Leskovac si një ndeshje të hapur, ku Shqipëria mund të marrë rezultat pozitiv:

“Fitorja do të na bënte më të sigurt për të arritur objektivin e play off-it, ndërsa barazimi na mban në lojë. Por ne hyjmë në fushë për tre pikët dhe jemi të ndërgjegjshëm që janë shumë të vështira për t’u marrë. Askush nuk mund të mendojë se ne jemi favoritë. Unë mendoj që kjo është një ndeshje e hapur dhe ne i kemi mundësitë për të marrë 3 pikë.”

Sa i përket zhvendosjes së ndeshjes nga Beogradi në Leskovac, Duka nuk e sheh këtë si faktor që mund të ndikojë:

“Nuk shoh as avantazh të madh dhe as disavantazh të madh në spostimin e vendit ku do të zhvillohet ndeshja. E rëndësishme është që të jetë një fushë shumë e mirë, ku mund të shprehen lojtarët me kushte të mira dhe kaq.”

Në fund, kreu i FSHF-së theksoi se pavarësisht vështirësive, ka besim të plotë te grupi kuqezi:

“Fitorja do të na bënte vërtet që të kemi një hap më të sigurt drejt play off-it të Botërorit, por edhe barazimi na mban në lojë. E vështirë është, por kam ndjesi pozitive pa dashur ta ekzagjeroj. Kam besim te grupi dhe fryma e grupit që ne kemi. Ne nuk kemi kualitete të jashtëzakonshme, por kemi kualitet dhe grup më të mirë se Serbia, kështu që kam vërtet ndjesi të mira.”/D.B/KP

Related Topics:shqiperia serbi Kupa e Botes FSHF

Up Next

Thirrja e Dardanëve: Duhet të japim mbi 12 mijë veta maksimumin në stadium

Don't Miss

Ndeshja Serbi-Shqipëri pa tifozë dhe me masa të rrepta sigurie

Sport

Sara Rexhaj dhe Besim Bytyqi shpallen “Shpresa Olimpike 2026”

Published

6 hours ago

April 28, 2026

UBTNews

Basketbollistët Sara Rexhaj dhe Besim Bytyqi janë përzgjedhur në programin “Shpresa Olimpike” për vitin 2026, një iniciativë e Komitetit Olimpik të Kosovës për mbështetjen e sportistëve të rinj premtues.

Nënshkrimi i kontratave është bërë në ambientet e Komitetit Olimpik të Kosovës, ku gjithsej 48 bursistë nga 19 sporte olimpike do të përfitojnë bursa mujore prej 150 euro gjatë gjithë vitit 2026.

Dy talentet e basketbollit kosovar vlerësohen si emra me perspektivë për të ardhmen dhe pritet të japin kontribut të rëndësishëm edhe për Përfaqësuesen e Kosovës në garat ndërkombëtare.

Presidenti i KOK-ut, Ismet Krasniqi, deklaroi se ky është numri më i madh ndonjëherë i bursistëve të rinj, ndërsa vlera totale e programit arrin në 84,600 euro në vit.

Sport

Java e 31-të në Albi Mall Superligë sjell “Klasiken” dhe beteja vendimtare për titull e mbijetesë

Published

6 hours ago

April 28, 2026

UBTNews

Superliga e Kosovës në futboll vazhdon me ritëm të lartë këtë mesjavë, ku xhiroja e 31-të sjell përballje tejet interesante të ndara në dy ditë.

E mërkura do të jetë dita e sfidave të mëdha, ku vëmendja kryesore është në Gjilan për “Klasiken” mes Dritës dhe Prishtinës, një duel që gjithmonë zgjon interesim të jashtëzakonshëm.

Po ashtu, një betejë e fortë për daljen në Evropë pritet të zhvillohet në Malishevë mes skuadrës vendase dhe Gjilanit, ndërkohë që në Podujevë, Llapi do të kërkojë pikë jetike për mbijetesë kundër Prishtinës së Re.

Gara vazhdon edhe të enjten me dy ndeshjet e fundit të kësaj xhiroje.

Kampionët në fuqi, Ballkani, do të kenë një udhëtim të vështirë në Skënderaj për t’u përballur me Drenicën, ndërsa sfida tjetër mes Ferizajt dhe Dukagjinit pritet të jetë mjaft e luftuar për shkak të objektivave të të dyja skuadrave.

Të gjitha takimet e kësaj mesjave fillojnë nga ora 15:00, duke premtuar emocione të mëdha në luftën për kreun e tabelës dhe ekzistencën në elitë.

Sport

Prishtina 01 dhe Liqeni në finalen e Kupës së Kosovës në futsall

Published

6 hours ago

April 28, 2026

UBTNews

Të mërkurën, më 29 prill, me fillim nga ora 20:00, në Pallatin e Rinisë dhe Sportit në Prishtinë do të luhet finalja e madhe e Kupës së Kosovës në futsall.

Për trofeun do të përballen FC Prishtina 01 dhe FC Liqeni, dy skuadra që kanë treguar paraqitje të mira gjatë gjithë këtij edicioni dhe me meritë kanë siguruar vendin në finale.

Interesimi i tifozëve pritet të jetë i madh, ndërsa atmosfera sportive premton spektakël në kryeqytet. Në kampionat, më mirë qëndron FC Prishtina 01, e cila renditet në pozitën e dytë në Superligë, ndërsa FC Liqeni mban vendin e gjashtë.

Megjithatë, finalet gjithmonë sjellin emocione dhe rezultate të paparashikueshme, ndaj edhe kësaj radhe pritet një duel i fortë, i luftuar dhe i baraspeshuar deri në fund.

Sport

Spektakël në Paris: PSG dhe Bayern Munich ballafaqohen për një vend në finale

Published

10 hours ago

April 28, 2026

UBTNews

Sonte në orën 21:00, stadiumi “Parc des Princes” do të shndërrohet në epiqendrën e futbollit evropian, ku Paris Saint-Germain pret Bayern Munich në ndeshjen e parë gjysmëfinale të Ligës së Kampionëve.

PSG hyn në këtë sfidë me vetëbesim të plotë pas eliminimit të Liverpool-it, duke shfaqur një pjekuri dhe efikasitet që i ka munguar në vitet e kaluara. Parisiensët e shohin këtë vit si mundësinë e artë për të prekur finalen e madhe, duke u mbështetur te ritmi i lartë dhe mbështetja e zjarrtë e tifozëve vendas.

Në krahun tjetër, Bayern Munich vjen si një “makinë” e konfirmuar pas triumfit ndaj Real Madridit. Gjermanët mbështeten te disiplina e tyre e hekurt taktike dhe përvoja e madhe në përballje të këtij niveli, duke synuar një rezultat që do t’u lehtësonte punën në ndeshjen e kthimit në Mynih.

Në një duel ku gabimet kushtojnë shtrenjtë, detajet e vogla pritet të vendosin fatin e këtij takimi gjigantësh, që premton emocione deri në sekondën e fundit.