Lajmet

Qytetarët kërkojnë t’u lejohet tërheqja e parave nga Trusti, ekspertët skeptik

Musa Limani: Qeveria duhet ta lejojë shfrytëzimin e një sasie të hollash nga Trusti.

Published

4 years ago

April 19, 2022

Betim Gashi

Kryeministri Albin Kurti dalë hapur se është kundër tërheqjes së një pjese të parave nga Trusti, duke thënë se kjo nuk e zgjedh problemin e qytetarëve, raporton Ekonomia Online.

Këtë deklaratë të Kurtit njohësi i ekonomisë, Erton Bega po e konsideron “të mençur”, pasi sipas tij, do të kishte pasoja në gjeneratat e ardhshme e do të dëmtohej edhe pleqëria e personave kontributpagues.

Bega për Ekonomia Online po të lejohej tërheqja e mjeteve do të kishte një kundër efekt e do të pasonte me ngritje të çmimeve edhe më tej.

“Tërheqja e Fondeve Pensionale në këtë moment kur ekonomia po ballafaqohet me ngritje të lartë të çmimeve do të kishte kundër efekt në ekonomi, pasi që do të ndikonte në rritjen e çmimeve edhe më tej. Prandaj komenti i Kryeministrit mund të vlerësohet si një koment i duhur në një moment të duhur pasi që janë dy situata të ndryshme nëse krahasohet momenti i tanishëm që propozohet tërheqja nga trusti dhe momenti kur u propozua në kohën e pandemisë”.

“Atëherë kishim mungesë të qarkullimit parasë në treg dhe duhet të mbulohej kjo hapësirë duke shtuar para dhe u gjet një formë përmes trustit. Sot të veprohet njëjtë kur rrethanat janë të ndryshme edhe efekti do të jetë i kundërt. Do të ishte vendim i mençur që të mos prekeshin kursimet pensionale të qytetarëve sepse kjo do të shkaktonte pasoja për gjenerata të ardhshme dhe njëkohësisht do të dëmtonte pleqërinë e personave kontribut pagues në trust pensional”, tha Bega.

Kurse ish-dekani i Fakultetit Ekonomik, Musa Limani, thotë se Qeveria duhet ta lejojë shfrytëzimin e një sasie të hollash nga Trusti.

Sipas tij, mjetet e Trustit nuk janë fond i përbashkët por janë kursime individuale, prandaj askush nuk ka të drejtë e po ashtu edhe Qeveria që t’i ndalojë kursimtarët që t’i shfrytëzojnë mjetet e tyre në këtë situatë krize.

“Vendimet që i merr Qeveria janë vendime të pavarura dhe janë në kompetencat e tyre prandaj Qeveria merr vendim si t’a shohin të arsyeshme pavarësisht prej reagimeve të personave ose strukturave të ndryshme. Duke marr parasysh nivelin e lartë të çmimeve dhe të ulët të të ardhurave unë mendojë se është një vendim jo i mirë, nuk përkon me çështjen sociale në të cilën ndodhet popullata e Kosovës, normalisht nuk i përgjigjet situatës së rëndë sociale dhe ekonomike me të cilën ballafaqohet popullata”.

“Mund të them se mjetet e trustit nuk janë fond i përbashkët por janë kursime individuale, prandaj mendoj se si nga aspekti ekonomik ashtu moral dhe social nuk ka askush të drejtë e po ashtu edhe Qeveria që t’i ndalojë kursimtarët që t’i shfrytëzojnë mjetet e tyre në këtë situatë krize. Qeveria me marrjen e këtij vendimi është dashur të jap sqarime dhe normalisht te gjej një alternativë për zgjidhjen e problemit momental”.

Edhe qytetarët kanë mendime të ndryshme për tërheqjen e mjeteve nga Trusti. Edis Pllana, për EO tha se duhet të tërhiqen paratë nga Trusti për t’iu ndihmuar qytetarëve në këtë kohë krize.

“Unë jam pensionist qe 2-3 vite, disa ekonomistë profesor të ekonomisë e kanë thënë se nuk është e nevojshme me tërheqje, po populli ka nevojë. Besoj që duhet me i tërheq, është mirë me tërheq me i ndihmu se krizë e madhe. Kanë shkuar artikujt ushqimor në rritje me rroga 200 euro e 250 euro, pension 200 euro kjo është tmerr”.

Edhe një qytetar tjetër thotë se në këtë kohë krize popullit i duhen paratë.

“Mendoj që me heq 30% e Trustit. Po ju vyen popullit paratë, krizë ekonomike është”.

Kurse Dalip Beiqi e konsideron të padrejtë tërheqjen e parave nga Trusti, pasi sipas tij, nuk është e drejtë pasi dikush mundet të përfitoj e dikush tjetër jo.

“Nuk është e drejtë edhe me i tërheq, dikush që nuk ka trust çka me bë ata. Ata po deshka me u varë prej trustit. Ka shumë që nuk kanë trust. Dikush me përfitu e dikush jo, jo”.

“Ne asnjëherë nuk jemi të kënaqur, me ngrit pak jo nuk ka bë mirë, me bë 200 jo mirë. Domethënë asnjëherë, ne jemi të pakënaqur. Trusti deri tash 22 vite nuk është tërheq, tani duhet me u tërheq, trusti le të rrin aty ku është”.

Lajmet

28 Nëntori pa kufij – Nga Shqipëria në Kosovë

Published

17 hours ago

November 28, 2025

UBTnews

28 Nëntori është data që bashkon shqiptarët kudo në botë, pa kufij e pa dallime. Është data kur historia shqiptare merr frymë më fort dhe ku kujtesa kombëtare ndizet si një flakadan që udhëheq brezat e rinj.

Në këtë ditë, 113 vjet më parë, Shqipëria shpalli pavarësinë e saj. Ismail Qemali ishte në krye të procesit të shpalljes së pavarësisë. Dhe kreu i qeverisë së parë. Por, hija e trojeve shqiptare që mbetën jashtë kufijve ishte aty. Si shpresë dhe si mungesë.

Hija e Kosovës, gjithsesi!

E për Kosovën kjo datë ka peshë të dyfishtë – lidhet me dy momente të shenjta të historisë shqiptare.

Në këtë datë historike lindi një nga figurat më të mëdha të rezistencës kosovare, Adem Jashari. Ndërsa Prekazi i asaj kohe të vitit 1955 ishte një fshat i thjeshtë, pastaj duke kaluar në vitet e errëta të represionit, heroi Adem Jashari u bë një simboli i lirisë, zëri i qëndresës dhe zemra e Ushtrisë Çlirimtare të Kosovës (UÇK). Jeta dhe sakrifica e tij padyshim është shndërruar në betim për një popull të tërë.

Historia e familjes Jashari, ishte sakrifica e kthyer në një kapitull të rrugës drejt lirisë për Kosovën.

Po në këtë datë, kur frika ishte më e madhe, kur shumëkush nuk fliste hapur, dalja e Ushtrisë Çlirimtare të Kosovës për herë të parë publikisht, tregoi se Kosova nuk do qëndronte më e heshtur. Më figurat e Mujë Krasniqit, Daut Haradinajt e Rexhep Selimit, UÇK doli nga hija po me këtë datë, më 28 nëntor, si një mesazh që flamuri kuq e zi nuk valëvitej vetëm për Shqipëri, ai do rritej edhe në Kosovë, në zemrat e të gjithë shqiptarëve të Kosovës që ishin të vendosur të mos dorëzohen.

Pra, në këtë ditë, më 28 nëntor 1997, për shumë shqiptarë rezistenca nuk ishte e shpërndarë dhe e paorganizuar, ndërsa sot dalja e parë e UÇK-së kujtohet si një nga momentet më të rëndësishme të viteve ‘90. Ky moment mbetet i gdhendur në kujtesën kolektive si nisja e një etape drejt një Kosove të lirë.

Kështu, 28 nëntori për Kosovën nuk është vetëm festa e Flamurit, ajo është data kur gjaku, historia dhe identiteti kombëtar bashkohen në një. Është dita kur kujtojmë rrënjët tona, por edhe betejat e reja. Një datë e cila na rikujton se liria nuk ishte dhuratë, por amanet i hershëm. Një datë, në të cilën gjenerata të tëra festojnë lirshëm, gjithnjë duke kujtuar deceniet me radhë kur nuk mund të festohej haptazi, kur flamuri shqiptar ishte i ndaluar, kur për një “fjalë Shqipërie” mbusheshin burgjet me të rinj e të reja shqiptare.

Falë Adem Jasharit, falë UÇK-së, falë të gjitha lëvizjeve kombëtare shqiptare, të të gjitha kohërave – 28 Nëntori mbetet një ditë ku Shqipëria dhe Kosova bëhen një./UBTNews

lajme

UBT uron 28 Nëntorin – Ditën e Flamurit dhe Pavarësisë

Published

19 hours ago

November 28, 2025

Driton Iseni

Rektori i UBT-së, Prof. Dr. Edmond Hajrizi, ka uruar studentët, pedagogët dhe gjithë bashkëkombësit shqiptarë për 28 Nëntorin, Ditën e Flamurit dhe të Pavarësisë së Shqipërisë.

Në mesazhin e tij, Rektori Hajrizi thekson rëndësinë historike të kësaj dite: ngritjen e flamurit kuq e zi mbi Kështjellën e Krujës nga Skënderbeu dhe shpalljen e Pavarësisë së Shqipërisë më 28 nëntor 1912 në Vlorë, si shenjë të qëndresës, sakrificës dhe ëndrrës për liri që çdo shqiptar e mban në zemër.

Ai nënvizon se kjo ditë nuk është vetëm një kujtesë historike, por edhe një thirrje për të ndërtuar të ardhmen. “Është përgjegjësia jonë të kultivojmë dijen, të zhvillojmë talentet dhe të edukojmë brezat e rinj që ata të jenë trashëgimtarët dinjitozë të këtij kombi,” thekson Rektori Hajrizi.

UBT beson se arsimi është flaka që do të ndezë Nëntorin e Tretë të kombit tonë – një Nëntor i dijes, i punës dhe i përkushtimit të rinisë. Të rinjtë janë fuqia që do të ruajë gjuhën, identitetin dhe vlerat kombëtare, duke ndërtuar një shoqëri të drejtë dhe të suksesshme.

Gëzuar 28 Nëntorin!

Lajmet

Kuvendi i Prishtinës diskuton në seancë të jashtëzakonshme për bllokadën e buxhetit

Published

2 days ago

November 27, 2025

UBTnews

Kuvendi Komunal i Prishtinës është mbledhur në seancë të jashtëzakonshme ku kryetari Përparim Rama ka kërkuar që të bëhet bartja e mjeteve në vlerë 28 milionë euro dhe votimin e buxhetit 2026.

Por asamblistët e VV-së kanë thënë se gjithë bllokimi i Prishtinës ka ndodhur për shkak të kryetarit.

“Urime të gjithë asamblistëve që janë zgjedhur dhe falënderim për ata që e kanë përfunduar, katër vite kanë qenë të rëndësishme dhe vendimtare te kryeqytetit. Edhe sot jemi në këtë seancë në shërbim të interesit publik. Para nesh kemi bartjen e mjeteve në vlerë 28 milionë euro dhe votimin e buxhetit për vitin 2026-të prioritet absolut janë qytetarët e kryeqyteti. Fondet do të shfrytëzohen menjëherë për pagat e punëtorëve dhe për shërbimet e kryeqytetit. Kërkojë edhe 35 milionë euro te cilat u takojnë qytetarëve me ligj duhet vullnet për miratim nga ministri i financave. Ju falënderoj për përgjegjësinë dhe zotohem para jush se do të jem i pranishëm në çdo veprim, nuk e mbrojmë interesin partiak po të qytetarëve”, tha ai.

Asamblisti i VV-së, Gëzim Sveçla i tha Ramës së i bakretuar ke ardh e me turp do të përfundosh.

“Jemi këtu sepse kryeqyteti është futur në krizën më të rëndë të menaxhimit jemi këtu sepse qyteti është bllokuar qytetarët kanë mbetur pa paga dhe autobusët janë ndalur dhe kryetari ka dërguar situatën në zero. Vetëm kur punëtorët e trafikut dolën në rrugë atëherë e kuptoj se bartja e mjeteve nuk bëhet në studio televizive por në kuvendin komunal. Kriza i duhet Përparim Ramës dhe LDK e përdori këtë strategji për fushatën lokale tash dëshiron ta përdor edhe për zgjedhjet lokale. Kur buxheti është miratuar ligji thotë komuna funksion me 1/12 te buxhetit paraprakë. Është e qartë se fajtori pse u vonua buxheti i Prishtinës është Përparim Rama, ai shpik miq imagjinar, shpik bllokada, u tha qytetarëve që Qeveria ua ka bllokuar mjete është gënjeshtër vetëm në nëntor dy alokime, për çfarë bllokade po flet, çerdhe i ke lënë pa rryme. Përparimi nuk është vetëm menaxher i keq është edhe borxhli i keq borxh operatorëve ekonomik, për rryme e për gjithçka derisa ka qenë Londër pasojat i ka bartur vetë. Kur zihen punët del merresh me emra të veçantë të VV-së të njëjtin njerëz për të cilët votove ne nuk kemi ndryshuar ti ke ndryshuar, nuk ka pasur parime kurrë. E din shumë mirë cka na ke thënë për LDK, për Lumir Abdixhikun”, tha ai.

Ndërsa Leutrim Retkoceri nga PDK ka thënë se ndërprerja e autobusëve rëndon më shumë jetën e qytetarëve.

“Mbledhja e jashtëzakonshme po zhvillohet në një kohë ku krizat financiare në Prishtinë po thellohen dhe po bëhet gjithnjë më serioze. Në një kohë kur ka rritje të çmimeve dhe kostos së shtrenjte dhe e ndërprerja e autobusëve kjo e rëndon më shumë jetën e qytetarëve të Prishtinës. PDK do të votojë në këtë seancë, ndëshkimi i një qyteti të tërë për shkak të mos arritjes objektive politike nuk ka vend në qeverisje dhe nuk duhet të tolerohet” , tha ai./EO

Lajmet

Ndërpritet greva pas lëshimit të mjeteve financiare për RTK-në

Published

2 days ago

November 27, 2025

UBTnews

Sindikata e Punëtorëve të RTK-së SPERTK njofton për ndërprerjen e grevës pas zhbllokimit të situatës me buxhetin e RTK-së dhe krijimin e mundësisë për adresimin e çështjeve të mbetura, që ndikojnë drejtpërdrejt në funksionimin e transmetuesit publik.

Pas protestave dhe grevës katërditore të zhvilluara nga punëtorët e RTK-së, Qeveria e Kosovës ka ndarë mjetet për pagat e punonjësve të RTK-së, raporton KosovaPress.

Sindikata thotë se punëtorët e RTK-së gjatë gjithë kësaj periudhe nuk kanë pasur komunikim adekuat nga ata që paguhen për sigurimin e stabilitetit të institucionit dhe pagesën e pagave, gjë që ka qenë për keqardhje dhe ka rënduar situatën, duke krijuar pasiguri dhe shqetësim të panevojshëm.

Për më tepër, sindikata falënderon Qeverinë dhe kryeministrin në detyrë për ndërmarrjen e hapave që çuan në zhbllokimin e situatës me buxhetin, si një veprim i domosdoshëm për stabilitetin e institucionit dhe ruajtjen e misionit të RTK-së si transmetues publik.

SPERTK përkujton se nëse gjatë janarit 2026 hasim sërish në situata të tilla, greva mund të rikthehet menjëherë dhe në çdo formë të nevojshme./KP