Lifestyle

Pse është më mirë që të telefonohen kandidatët sesa t’u dërgohet email

Published

4 years ago

August 12, 2021

UBT news

Përzgjedhja e kandidatëve është bërë më e lehtë se kurrë. Sot me zhvillimin e teknologjisë rekruterët e kanë më të lehtë të komunikojnë me kandidatët, qoftë për t’u treguar për ofertën e punës, qoftë për t’u treguan se janë refuzuar, pra përmes emailit.

Kjo mënyrë komunikimi i ka disa anë të mira. Si për shembull, mënyra e organizmit, mundësia për të parë nëse kandidati e ka lexuar emailin, po ashtu edhe mundësia për t’i përfshirë të gjitha detajet në atë email, për shkak se duke e lexuar kohë pas kohe shkrimin mundësia për të harruar diçka pa përmendur është më e vogël.

Por emaili me gjithë këto anë të mira, i ka edhe të kundërtat e saj. Psh., një shtypje e butonit gabim dhe mund të dërgoni shënime të përgjysmuar, por çfarë është më e keqja, mund të dërgoni aksidentalisht shënime nënçmuese, apo shënime private që i bëni për kandidatin dhe gabimisht i dërgoni te vetë ai.

Më poshtë mund t’i gjeni 7 arsye nga Recruitee, se pse është më mirë që të bëni telefonata, sesa të dërgoni email te secili kandidat.

Telefonatat ju ndihmojnë që të qëndroni jashtë garës

Falë rrjeteve sociale shumë rekrutues varen në mesazhet që vinë aty, shumica madje i preferojnë mesazhet automatike që u ndihmojnë të kthejnë shumë mesazhe në të njëjtën kohë. E duke qenë se top kandidatët mund të pranojnë një numër të madh të emaileve gjatë ditës, gjatë kohës instiktivisht mund të fillojnë t’i fshijnë mesazhet. Kështu që, thirrjet telefonike janë me pak të shpeshta dhe kjo do të bëjë që të ndaheni nga konkurrentët. Prandaj, kandidati do ta ketë ofertën tuaj më shumë parasysh.

Thirrjet nuk humbasin lehtë

Emailet kandidatëve mund të shkojnë si spam, kështu që shumë prej kandidatëve mund t’i humbasin, sepse nuk i kontrollojnë.

Prandaj, thirrja është ndryshe. Sot njerëzit i mbajnë telefonat e tyre gjatë gjithë kohës me vete. Kur i thirrni kandidatët ata përgjigjen shpejt. Ndryshe edhe nëse nuk kanë mundësinë menjëherë ata do të thërrasin vetë më vonë.

Thirrjet janë më efikase

Shumë njerëz nuk i hapin emailet menjëherë kur i marrin ato. Madje, disa as nuk mund t’i shohin në mesin e qindra mesazheve të pahapura. Pra, përsëri telefonata është më e dukshme dhe efikase për rekrutim.

Thirrjet janë më personale

Është më e lehtë që të dedektohen kandidatët e mirë përmes telefonit, sepse janë më të lirshëm dhe më vetvetja, sesa kur dërgohen email formale. Thirrjet telefonike i lejojnë kandidatët të kenë bisedë më të ngrohtë dhe me frymë më të relaksuar.

Thirrjet i zvogëlojnë gabimet

A jeni ndeshur ndonjëherë me një situatë ku ka keqkuptime, pastaj për ta rregulluar atë duhet kohë dhe shumë nerva? Kjo ndodhë shumë më rrallë me thirrjet në telefon. Gjatë thirrjeve kandidatët mund të bëjnë shumë pyetje që ju interesojnë dhe të sqarohen në detaje.

Thirrjet ju japin mundësi që ta gjykoni aftësinë komunikuese të kandidatit

Emailet japin mundësinë që ta vlerësojnë shkrimin e kandidatëve, por kjo nuk do të thotë që ata kanë edhe komunikim verbal të mirë. Kështu që thirrjet e kandidatëve me telefon ua japin këtë mundësi.

Thirrjet ju ndihmojnë që të ndërtoni lidhje me kandidatë

Gjatë procesit të punësimit ju duhet që të ndërtoni lidhje të forta me kandidatët. Duhet të mësoheni që t’i besoni njëri tjetrit. Gjithashtu duhet t’i kuptoni pikat e forta dhe të dobëta të kandidatëve./Akademi Pune

Lifestyle

Dilema e perdeve: cilat i përshtaten më mirë ambientit tuaj?

Published

2 days ago

November 8, 2025

UBT News

Perdet e gjata arrijnë deri në dysheme dhe japin ndjesi elegance e hapësire më të madhe.

Janë ideale për dhoma dite, dhoma gjumi dhe ambiente me tavane të larta. Për vendosje më estetike, shufra e perdes duhet të jetë rreth 15–20 cm mbi kornizën e dritares.

Avantazhet:

Zgjerojnë vizualisht hapësirën

Krijojnë pamje luksoze

Ruajnë ngrohtësinë

Të përshtatshme për dyer ballkoni

Perdet e shkurtra janë praktike kur dritarja ndodhet mbi radiator, banak apo tavolinë.

Avantazhet:

Nuk pengojnë ngrohjen

Të lehta për larje

Ideale për kuzhina, dhoma fëmijësh dhe hapësira të vogla

Materialet:

Zgjidhni pëlhura të lehta për kuzhina dhe më të dendura për privatësi më të madhe.

Kombinimi ideal:

Perdet rrotulluese ose veneciane me draperi anësore ofrojnë funksionalitet dhe stil.

Perdet e gjata japin elegancë, ato të shkurtra praktikë. Zgjidhni sipas nevojave të hapësirës dhe stilit që dëshironi. /A.Z/UBT News/

Lifestyle

Mos e merrni stresin në shtëpi: Si të mos mendoni për punën në fundjavë?

Published

2 days ago

November 8, 2025

UBT News

Gjetja e ekuilibrit të duhur mes suksesit profesional dhe kohës personale është shpesh një sfidë e madhe, thuajse e pamundur, por jo e paarritshme.

Sipas ekspertes së karrierës Emily Durham, nëse keni vështirësi të vendosni kufij mes punës dhe jetës personale, filloni nga fundjavat. Fokusohuni te mënyrat si mund të ndaloni së menduari për punën gjatë këtyre ditëve të lira.

Më poshtë janë tre strategji që ekspertët rekomandojnë për t’u shkëputur mendërisht nga puna gjatë fundjavës:

1. “Pastroni” email-et dhe përfundoni detyrat para se të mbyllni javën

Për të pasur një fundjavë të qetë, duhet të përgatiteni të premten. Para se të largoheni, organizoni kutinë postare e listën e detyrave. Nuk është e nevojshme t’i përgjigjeni çdo email-i, mjafton të përcaktoni prioritetet dhe të arkivoni pjesën tjetër në një dosje që e hapni të hënën.

Durham thekson rëndësinë e krijimit të një ndjesie “mbylljeje” para se të shkëputeni nga kompjuteri i punës të premten. Mos harroni të fikni ose të çaktivizoni njoftimet nga aplikacionet e punës.

Sa më të qarta të jenë kufijtë që vendosni mes karrierës e kohës personale, aq më shumë i jepni mundësi mendjes dhe trupit të çlodhen.

2. Planifikoni diçka konkrete për të premten në mbrëmje

Fundjava fillon që të premten pasdite, mos e lejoni të shkojë dëm. Shpesh, përpiqemi të përfundojmë çdo detyrë të premten dhe përfundojmë duke punuar më shumë se zakonisht, duke hyrë në fundjavë të lodhur dhe pa energji.

Ekspertët e karrierës këshillojnë të bëni plane specifike për të premten në mbrëmje, qoftë një kafe me miqtë, një aktivitet relaksues apo edhe një takim te estetistja juaj. Këto plane do t’ju motivojnë të mbyllni detyrat në kohë dhe të largoheni nga puna pa ndjesi faji apo pasiguri.

3. Fikeni telefonin e punës

E kemi thënë dhe e themi sërish: vendosni kufij të qartë. Pse të mbani kontakt me punën në fundjavë, kur është koha për të pushuar dhe për t’u marrë me veten dhe të dashurit tuaj?

Kur themi “telefoni i punës”, nuk nënkuptojmë pajisje fizike, por çdo aplikacion, apo email që ju kthen te puna. Fikeni ose vendosini në heshtje. Sa më të fortë të jenë kufijtë që vendosni mes punës e jetës personale, aq më shumë i jepni vetes hapësirë për të rifituar energjinë.

Mos punoni falas në fundjavë. Mos sakrifikoni jetën personale për email-e që mund të presin të hënën. /A.Z/UBT News/

Lifestyle

Fundjavë me shi? Ja si ta kaloni bukur pa dalë nga shtëpia

Published

2 days ago

November 8, 2025

UBT News

Kur jashtë bie shi dhe planet në natyrë dështojnë, fundjava mund të kthehet në një mundësi të shkëlqyer për pushim, kujdes për veten dhe aktivitete të thjeshta që sjellin mirëqenie.

Ja disa ide praktike për ta shijuar kohën në shtëpi:

1. Krijoni një atmosferë të ngrohtë

Ndezni disa qirinj aromatikë, përgatisni një filxhan çaj apo çokollatë të ngrohtë dhe dëgjoni muzikë të qetë. Shiu jashtë dhe qetësia brenda krijojnë kombinimin perfekt për relaks.

2. Organizoni shtëpinë

Shfrytëzoni këtë kohë për të rregulluar dollapin, për të hequr gjërat e panevojshme apo për të sistemuar bibliotekën. Një hapësirë e pastër ndikon direkt në qetësinë mendore.

3. Lexoni ose shikoni një film të mirë

Një ditë me shi është koha ideale për t’u zhytur në një libër që e keni lënë përgjysmë, ose për të parë një film a serial që ju relakson.

4. Gatuani diçka ndryshe

Përgatitja e një recete të re mund të jetë argëtuese dhe terapeutike. Aroma e gatimit e mbush shtëpinë me ngrohtësi dhe ju jep ndjesinë e një fundjave të plotë.

5. Kujdes për veten

Një maskë fytyre, një banjë e ngrohtë apo pak joga e lehtë – janë mënyra të thjeshta për t’u rilidhur me veten dhe për të rifituar energjinë.

Mos e shihni shiun si pengesë, por si një ftesë për të ndalur ritmin. Një fundjavë e tillë mund të jetë pikërisht ajo që ju duhet për t’u qetësuar, për t’u frymëzuar dhe për të rifilluar javën me më shumë energji. /A.Z/UBT News/

Lifestyle

Siguria e fëmijëve, tre produkte që nuk blihen kurrë të përdorura

Published

4 days ago

November 6, 2025

UBT News

Me rritjen e çmimeve të pajisjeve, rrobave dhe lodrave për fëmijë, shumë prindër po zgjedhin artikuj të dorës së dytë ose të trashëguar.

Megjithatë, ekspertët paralajmërojnë se disa produkte, edhe pse duken në gjendje të mirë, mund të jenë të rrezikshme për sigurinë e fëmijëve, shkruan Daily Mail.

Sediljet e makinave

Sediljet e përdorura janë të rrezikshme, sidomos nëse kanë qenë pjesë e një aksidenti. Dëmtime të brendshme të padukshme, si mikroçarjet, kompromentojnë sigurinë, ndërsa rripat e sigurimit dobësohen me kalimin e kohës. Modelet e vjetra nuk i përmbushin standardet e reja, mungesa e udhëzimeve origjinale rrit rrezikun e instalimit të gabuar. 22% e prindërve përdorin sedilje makine të dorës së dytë.

Dyshekë të përdorur

Dyshekët mund të jenë të rrezikshëm, veçanërisht nëse nuk janë përdorur nga një familje e besueshme. Lullaby Trust paralajmëron se përdorimi rrit rrezikun e sindromës së vdekjes së papritur të foshnjave. Nëse përdorni dyshek të përdorur, sigurohuni të ketë mbulesë të papërshkueshme nga uji, të jetë pastruar dhe tharë, i fortë dhe i sheshtë, e të përshtatet në mënyrë të sigurt në krevatin e foshnjës.

Helmetat

Ashtu si sediljet e makinave, helmetat nuk duhet blerë të dorës së dytë. Edhe pse duken të padëmtuara, nuk ka mënyrë për të verifikuar nëse kanë pësuar goditje që dobësojnë strukturën e tyre. Një helmetë e re garanton siguri, ndërsa një e përdorur mund të jetë e rrezikshme.

Çfarë mund të blihet me siguri të dorës së dytë?

Disa artikuj konsiderohen të sigurt për t’u blerë të dorës së dytë, për sa kohë që janë në gjendje të mirë dhe plotësojnë standardet e sigurisë. Këto përfshijnë karroca fëmijësh, djepë, porta sigurie për shkallët dhe mobilje për fëmijë.

Me kujdes shtesë, konsideroni blerjen e lodrave, rrobave, shisheve, pompave të gjirit e monitorëve të foshnjave. /A.Z/UBT News/