Film & TV

Pse ekspertët mendojnë që gjesti i Will Smith në ’emër të dashurisë’ është i rrezikshëm?

Smith doli në skenë dhe e goditi me shuplakë moderatorin Chris Rock gjatë ceremonisë Oscar.

Published

on

“Dashuria të shtyen drejt gjërave të çmendura”. Kjo është deklarata që aktori Will Smith e dha gjatë pranimit të çmimit të dielën mbrëma në Academy Awards. Kjo nuk nënkupton përdorimin e dhunës, tha Joel Wong, profesor dhe kryetar i departamentit të këshillimit dhe psikologjisë arsimore në Universitetin e Indianës, Bloomington.

Smith doli në skenë dhe e goditi me shuplakë moderatorin Chris Rock gjatë ceremonisë Oscar meqë ai bëri shaka me bashkëshorten e Smithit, Jada Pinkett Smith, dhe flokët e saj. Pak pas incidentit, Smith doli sërish në skenë për ta pranuar çmimin si aktori më i mirë dhe tentoi ta justifikonte veprimin e tij duke thënë se dashuria e shtyu të vepronte ashtu dhe se po e mbronte familjen e tij. Pinkett Smith vuan nga rënia e flokëve si pasojë e alopecisë.

Kur një burrë që mishëron sjellje të pashëndetshme mashkullore sikurse dhuna e sheh se një anëtar i familjes po i sulmohet, ai e merr atë si fyerje personale ndaj nderit të tij, deklaroi Wong. Për dikë me këtë mentalitet, e vetmja mënyrë për të ruajtur nderin tuaj është që të reagojë publikisht, shtoi ai.

Turpi mund të ketë luajtur gjithashtu rol, tha Wizdom Powell, drejtoreshë e Institutit të Pabarazive Shëndetësore dhe profesoreshë e asociuar e psikiatrisë në UConn Health në Farmington, Connecticut.

Smith mund të jetë ndjerë i turpëruar nga shakaja para se ta vërente pakënaqësinë e gruas së tij, tha ajo. Konsiderohet që shoqërisht burrat janë më pak të prekshëm, kështu që ata mund të përpiqen të rimarrin kontrollin në mënyrë të dhunshme, shpjegoi Powell.

Për të mbijetuarit e dhunës në familje, retorika e Smith është shumë e njohur. Kur disa burra veprojnë me dhunë, ata pretendojnë se është në emër të dashurisë së vërtetë, sipas një studimi të botuar në Revistën Ndërkombëtare të Kërkimit Mjedisor dhe Shëndetit Publik.

Sipas Wong, këta burra gjejnë një mënyrë për të justifikuar atë që e kanë bërë dhe shtiren se vendimi i tyre është i drejtë./UBTNews/

Film & TV

Filmi për oficerin indian që kapi dy herë një vrasës famëkeq, tani edhe në Netflix

Published

on

Një film i ri në Netflix tregon historinë më pak të njohur të një oficeri policie indian, i cili kapi vrasësin famëkeq, jo një herë, por dy herë. Historia e vrasësit serial francez Charles Sobhraj është i portretizuar në dramën BBC, Netflix “The Serpent”.

Inspektori Zende luan rolin kryesor të policit, aktori i Bollywood-it Manoj Bajpayee, ndërsa aktori Jim Sarbh luan Sobhraj por i riimagjinuar si Carl Bhojraj.

Filmi zhvillohet gjatë tre jave në vitin 1986, ndërsa polici dhe krimineli luajnë një lojë maceje me miun.

Publikimi i këtij filmi e ka rikthyer Zende i cili ka një rol të shkurtër në film si “OG”, ose Inspektori Zende origjinal./S.K/EO/

 

Continue Reading

Art

Rikthimi i ‘Squid Game’: Çfarë pritet nga sezoni i dytë!?

Published

on

Sezoni i parë i “Squid Game” ka rezultuar shumë i suksesshëm, dhe sot për adhuruesit e filmave kemi një lajm të rëndësishëm.

Pavarësisht largimeve të shumë personazheve të preferuar gjatë këtij sezoni, krijuesi dhe regjisor Hwang Dong-hyuk ka zbuluar se cilët lojtarë do të kthehen.

“U deshën 12 vjet për të sjellë në jetë sezonin e parë të “Squid Game”, por u deshën 12 ditë që “Squid Game” të bëhej seriali më i popullarizuar i Netflix-it ndonjëherë,” tha Hwang në një deklaratë.

Ai shtoi: “Si shkrimtar, regjisor dhe producent i “Squid Game”, kam një thirrje të madhe për fansat në mbarë botën. Faleminderit që e shikoni dhe e doni shfaqjen tonë.”

Këtu është gjithçka që dimë deri tani për sezonin e dytë të “Squid Game”: Cila do të jetë historia e sezonit të dytë?

Para konfirmimit të këtij sezoni, Hwang përmendi se seriali mund të kishte përfunduar edhe me një sezon, duke sugjeruar se “u mbyll me fund të hapur.” Megjithëse nuk zbuloi detaje specifike, ai konfirmoi një pikë të rëndësishme të komplotit që sezoni i dytë do të eksplorojë.

“Seong Gi-hun është bërë një person i ri deri në fund të sezonit të parë, kështu që i dyti do të përqendrohet në atë çfarë bën Gi-hun i ri, si shpalosen ngjarjet me këtë lloj personazhi,” zbuloi ai.

A ka një trailer për sezonin e dytë të “Squid Game”?

Në muajin e kaluar, Netflix publikoi trailer-in për sezonin 2, që hapet me Gi-hun, i cili është kthyer me kostumin e tij të gjelbër 456 dhe është i rrethuar nga të gjithë lojtarët e rinj. Ata të gjithë bëjnë rrugën e tyre drejt dritës së kuqe, arenës së dritës jeshile, ku ai paralajmëron turmën të qëndrojë plotësisht e qetë./UBTNews/

Continue Reading

AI

Drejtori i “Titanic”, James Cameron i bashkohet bordit të Stability AI

Published

on

By

Stability AI njoftoi të martën se James Cameron, regjisori i filmave “Titanic” dhe “The Terminator”, i është bashkuar bordit të startup-it të inteligjencës artificiale.

Rritja meteorike e inteligjencës artificiale gjeneruese ka tërhequr vëmendjen e Hollivudit në një kohë kur kostot e prodhimit janë rritur. Drejtuesit dhe agjentët e Hollivudit u takuan me kompaninë për të diskutuar përdorimet e mundshme të teknologjisë, thonë burimet e brendshme të industrisë.

Emërimi i Cameron e afron Stability AI më afër qëllimit të saj për të “transformuar median vizuale” duke u ofruar krijuesve një portofol të plotë të mjeteve të AI, tha CEO Prem Akkaraju.

Stability AI që ndodhet në Londër, e cila mblodhi rreth 80 milionë dollarë fonde në fillim të këtij viti, prodhon një mjet për gjenerimin e imazheve të inteligjencës artificiale që rivalizon ato të prodhuara nga Alphabet’s./UBTNews/

Continue Reading

Film & TV

Filmi “Back to Black” e rikthen Amy Winehouse në ekranin e madh

Published

on

Regjisorja Sam Taylor-Johnson nuk deshi që drama e saj biografike për këngëtaren dhe tekstshkruesen e ndjerë, Amy Winehouse, të jetë e ngjashme sikurse dokumentari fitues i Oscarit që u realizua nga Asif Kapadia.

“Ndjeva se duhet të realizoja diçka ndryshe nga ai dokumentar. Doja ta realizoja nga një këndvështrim tjetër dhe këndvështrimi më i mirë ishte që ta realizoja rrëfimin përmes muzikës së saj”, deklaroi regjisorja për filmin “Back to Black”.

Filmi i shpërndarë nga Focus Features, flet për edukimin e Winehouse në një familje hebreje, karrierën e saj, romancat – dhe varësinë që do të çonte në vdekjen e saj.

Derisa kritikat e filmit kanë qenë jashtëzakonisht negative në Mbretërinë e Bashkuar dhe Irlandë deri më tani, shumë besojnë se aktorja kryesore Marisa Abela, e cila portretizon Winehouse, dha një performancë të suksesshme.

“Ka momente kur Abela zhduket dhe Winehouse shpërthen në ekran, si një pamje magjike e syrit që vezullohet kalimthi në fokus”, shkroi kritikja Wendy Ide e The Guardian.

“Por filmi është jashtëzakonisht i pabarabartë dhe i prirur për gjykime të gabuara katastrofike”, shtoi ajo.

Aktorja kryesore kaloi 12 muaj duke tentuar të kapte çdo aspekt të Winehouse.

“Ka kaq shumë versione të ndryshme të Amyt, dhe kjo është pothuajse sikur, sa më shumë të dini, aq më pak dini, sepse ajo është artiste aq e madhe dhe gjithëpërfshirëse”, tha Abela./UBTNews/

Continue Reading

Të kërkuara