Lajmet

Pse duhet të zgjedhni Gjimnazin UBT?

Publikuar

3 vjet më parë

më

Gjimnazi UBT është zgjedhja ideale për të gjithë ata që dëshirojnë të vendosin themelet e forta në shkollim dhe për prindërit që duan shkollimin më të mirë për fëmijët e tyre.

Shkollat e mesme tek ne dhe në rajon vazhdojnë të ruajnë modelin klasik të shkollimit, të bazuar në raportin e ftohtë nxënës-mësues dhe distancë të madhe komunikuese në mes tyre. Gjimnazi UBT është antipod i këtij lloj shkollimi, pasi për herë të parë sjellë përvojën perëndimore të shkollave më të mira amerikane, gjermane, austriake, finlandeze, zvicerane, italiane, të gërshetuara në një vend ku nxënësi është në epiqendër.

Një kurrikulë moderne me përvoja të pasura ndërkombëtare të mishëruara me konceptin e fundit të teknologjisë, Classroom 3.0, një shkollë që i përshtatet në mënyrë të përkryer nevojave shkollore, sociale dhe emocionale të fëmijëve tuaj. Ndër të tjera, Gjimnazi UBT, ka tarifat më të mira të shkollimit, ku përpos mësimit përfshinë edhe aktivitete të ndryshme të edukimit jo-formal, me rëndësi të veçantë të ndërtimit të raportit nxënës-mësues, që është thelbësor për këtë cikël shkollimi. Të gjitha këto gjejnë gërshetim në një mjedis atraktiv e inovativ shkollor, higjienë e disiplinë të lartë dhe mundësi të pafundme të pjesëmarrjes në aktivitete, gara, kurse e programe.

Gjimnazi UBT, nuk është i vetëm në këtë mision fisnik e premtues pasi rol qendror i kushton bashkëpunimit me prindërit, duke e parë trekëndshin nxënës – shkollë – prind si motorin kryesor të suksesit. Kuptohet që edukimi i një fëmiu nisë nga shtëpia. Prindërit janë mësuesit e tyre të parë dhe ata kanë një rol kyç në formimin e karakterit të tyre. Pikërisht, Gjimnazi UBT, synon që të bëjë një ekuilibër të shkollimit në mes të shtëpisë dhe shkollës për të arritur rezultatet më të mira nga secili nxënës.

Dërgimi i fëmijës suaj në Gjimnazin UBT, është një mënyrë e shkëlqyeshme që ata të zhyten plotësisht në kulturën perëndimore të shkollimit. Standardi i lartë i mësimdhënies me staf të kualifikuar e të avancuar, e bën unik e të pa konkurrencë gjimnazin më të ri në vend.

Gjimnazi UBT është miku i çdo nxënësi në Kosovë që synon të kap majat e suksesit në vend dhe në botë.

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

2 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

4 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

6 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

8 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara