Lajmet

PSD-ja i konsideron përndjekje politike bastisjet në NPB

Kryetari i PSD-së, Dardan Molliqaj tha se është krejtësisht e qartë që aksioni është një përndjekje politike.

Published

2 years ago

May 17, 2023

Betim Gashi

Partia Socialdemokrate (PSD) i ka cilësuar përndjekje politike bastisjet që janë kryer tek ish-zyrtarët e Ndërmarrjes Publike Banesore (NPB).

Ish-aksionari i NPB-së, Dren Kukaj, tha bastisjet janë përndjekje politike që po i bëhet atij dhe PSD-së. Ai ka kritikuar edhe reagimin e ministrit të Brendshëm, Xhelal Sveçla për këto bastisje. Ai ka sqaruar se i është bastisur banesa e tij dhe shtëpia e prindërve.

“Policia më ka thënë se do të ma kthejnë një telefon që ma kanë marrë kohë më parë e ma kanë kërkuar telefonin tjetër. Ma kanë konfiskuar telefonin tim. Së pari e kanë bastisë banesën e prindërve të mi, kanë marrë dy kompjuterë, të nënës dhe të babës tim. I kam ftuar në shtëpinë time, nga aty nuk kanë marrë asgjë, përpos telefonit të cilin na kanë udhëzuar fillimisht ti dorëzojmë. Unë nuk kam si ta shoh ndryshe pos si përndjekje, pasi Ministri i Punëve të Brendshme del e thotë që ka qenë aksion i suksesshëm ende pa përfunduar. Unë kam qenë i gatshëm të dorëzoj çka do që kam pasë, në këtë rast, fillimisht si dëshmitar e pastaj si i dyshuar. Ka vendime të gjykatave civile që për projektin për të cilin jemi në gjykatë është i ligjshëm. Ekziston një grup parapolitik i përbërë nga një grup i Lëvizjes Vetëvendosje që na përndjekë. Sikur të isha në LVV edhe do kishim bë atë projekt, do të konsideroheshim heronj. Jam i indinjuar, ju betohem se do të iu kundërpërgjigjem. Mezi pres të dalë para një gjykate e të them çka kam”, deklaroi ai.

Kryetari i PSD-së, Dardan Molliqaj tha se është krejtësisht e qartë që aksioni është një përndjekje politike.

“Ajo që tash po e konstatoj, do ta argumentoj. Është krejtësisht e qartë se është përndjekje politike. A nuk erdhën në pushtet për të vendosur drejtësi për krimet ekonomike, a nuk erdhën në pushtet për të përndjekur hajnat e mëdhenj. Ata po përndjekin PSD-në”, deklaroi ai.

Lajmet

Arrestohen dy persona, sekuestrohen 40 mijë euro të falsifikuara

Published

8 minutes ago

October 7, 2025

UBTnews

Janë arrestuar dy persona dhe janë sekuestruar 40 mijë euro të falsifikuara në një operacion policor që ndodhi në Prishtinë.

“Me urdhër të Prokurorisë Speciale të Kosovës, në orët e mbrëmjes të martën janë ndaluar dy persona të dyshuar për veprën penale ‘Falsifikim i Parasë’ .Hetuesit policorë nga Drejtoria për Hetimin e Krimeve Ekonomike dhe Korrupsionit, pas hetimeve disa mujore, në bazë të urdhrit të lëshuar nga Gjykata Themelore në Prishtinë dhe nën udhëheqjen e Prokurorisë Speciale të Kosovës, kanë zhvilluar një operacion policor në Prishtinë. Në bashkëpunim me Njësinë e Reagimit të Shpejtë të Policisë së Kosovës, është ndaluar një veturë në të cilën gjendeshin dy personat e dyshuar, S.T dhe A.Th. Pas kontrollit të ushtruar, janë gjetur dhe sekuestruar para të falsifikuara në valutën euro, në shumën totale prej 40,000.00 (katërdhjetë mijë), të cilat gjatë testimit fillestar kanë rezultuar se janë të falsifikuara”, thuhet në komunikatën e Prokurorisë Speciale.

Hetuesit kanë kryer kontrolle edhe në dy lokacione: në shtëpitë dhe objektet përcjellëse të banimit të personave të dyshuar.

Më tej u tha se “Prokuroria Speciale e Kosovës në koordinim me Policinë e Kosovës, është duke i ndërmarrë të gjitha veprimet e nevojshme hetimore në përputhje me dispozitat e Kodit të Procedurës Penale”./D.B/EO

Lajmet

Zhduket një person në Malishevë

Published

9 minutes ago

October 7, 2025

UBTnews

Një burrë është raportuar i zhdukur në fshatin Janqisht të Malishevës.

Sipas Policisë së Kosovës, rasti ka ndodhur paraditen e së dielës dhe është raportuar nga bashkëshortja e tij.

“Fsh. Janqisht, Malishevë 05.10.2025 – 10:00. Ankuesja femër kosovare ka raportuar se bashkëshorti i saj, viktima mashkull kosovar, ka dalë nga shtëpia dhe nuk dihet për vendndodhjen e tij”, thuhet në raportin 24-orësh të policisë.

Autoritetet policore po merren me rastin dhe hetimet janë në vazhdim./D.B/UBTnews/

Lajmet

Një grua raporton se është dhunuar në Podujevë

Published

14 minutes ago

October 7, 2025

UBTnews

Një grua në Podujevë ka raportuar në polici se është dhunuar.

Sipas raportit 24-orësh të Policisë së Kosovës, rasti ka ndodhur më 6 tetor 2025, kur viktima, shtetase e Kosovës, ka njoftuar autoritetet se është dhunuar nga një person i dyshuar, gjithashtu shtetas kosovar.

Në lidhje me rastin është njoftuar prokurori, ndërsa hetimet janë duke vazhduar.

“Më 06.10.2025 viktima femër kosovare, ka raportuar se është dhunuar nga i dyshuari mashkull kosovar. Në lidhur me rastin është njoftuar prokurori. Rasti nën hetime.” thuhet në njoftim nga Policia e Kosovës./D.B/UBTNews

Lajmet

Osmani pret në takim dy ministre nga Belgjika

Published

16 minutes ago

October 7, 2025

UBTnews

Presidentja Vjosa Osmani pret sot në takim dy ministre nga Belgjika.

Sipas agjendës së presidentes, takimi i saj me ministren belge të Drejtësisë, Annelies Verlinden si dhe atë të Migracionit dhe Integrimit Social, Anneleen Van Bossuyt zhvillohet në orën 09:30.

“Në orën 09:30, Presidentja e Republikës së Kosovës, Vjosa Osmani pret në takim Ministren e Drejtësisë së Belgjikës, Annelies Verlinden si dhe Ministren e Azilit dhe Migracionit, si dhe e Integrimit Social, Anneleen Van Bossuyt”, thuhet në një njoftim të presidencës./D.B/EO