Aktualitet

Promovohet libri i Adem Demaçit “Burgjet e mija, fati im i madh”, i përkthyer në 34 gjuhë

Publikuar

Në tre vjetorin e vdekjes, këtë të hënë është promovuar libri i Adem Demaçit “Burgjet e mia, fati im i madh”, i cili është i përkthyer në 34 gjuhë të botës.

Në libër thuhet gjithçka rreth veprimtarit të çështjes kombëtare, Adem Demaçi.

Demaçi u mbajt në burg për 28 vjet, kështu që për kaq vite ai veç familjes i mungoi edhe popullit të tij. Atyre u mungonte kritika e Demaçit.

Demaçi ishte edhe frymëzim për shumë kë. Kështu tha kryetari i Shoqatës së të Burgosurve Politik, Hidajet Hyseni në promovimin e librit “Burgjet e mija, fati im i madh”.

“Na ka bashkuar Adem Demaçi në 3-vjetorin e tretë të ndarjes fizike dhe po ashtu në tre vjetorin e përjetësisë të ndjeshme të mungesës për bacën tonë. Mungesën e fjalës së tij të ëmbël por edhe kërkuese, kritike edhe të drejtpërdrejtë. Ky vit është 85 vjetori i lindjes së bacës së Adem Demaçi,” tha ai.

Libri, “Burgjet e mija fati im i madh” është shtypur në shumë gjuhë. Berat Luzha tregoi se libri përmban analizë filozofike të Adem Demaçit

“Është ky një libër që fizikisht është libër por brenda kemi një shkrim, ,një analizë filozofike të Adem Demaçit. Më leht se sa të lexosh këtë libër nuk ka , i lexon 15-16 faqet e para për 15 minuta dhe ndalesh. Mjafton kjo nuk ke çka lexon më tutje sepse nuk kuptohet pos nëse ndokush njeh ndonjë gjuhë të huaj dhe don të përmirësoj përkthyesin nëse e ka përkthyer mirë apo jo tekstin. Shkrimi i bacës Adem përsëritet në 34 gjuhë të ndryshme të popujve të ndryshëm, domethënë është e përkthyer në 34 gjuhë si dhe i shtypur 11 analfabete të botes, latin, rom, greqisht, ibraisht, japonisht, kinezisht [..],” deklaroi ai.

Redaktori i librit, Selatin Novosella derisa foli për librin, ai tha se ata që nga vdekja e Adem Demaçit janë më të vegjël.

“Librin e kemi të përkthyer në 34 gjuhë, që do të thotë për herë të parë Adem Demaçi flet në 34 gjuhë. […] Adem Demaçi për 28 vjet nuk kish qëndruar dikun duke e ditur që e priste qenia më e dashur siç ishte nëna Nazife e se kish pa kurrë, i’u kishin rrit fëmijët dhe askush si përmend fëmijët e tij. Adem Demaçi siç e dini po na mungon shumë, po na mungon mendimi i tij, po na mungon ideja e tij[…]Adem Demaçi po na mungon që 3-vjet. Qe tri vjet jemi më të varfër, më të vegjël, më të pakët”, u shpreh ai.

Me prejardhje nga fshati Lupq i Podujevës, Demaçi u lind më 26 shkurt 1936 në Prishtinë, ndërsa më 26 korrik 2018 ndërroi jetë.

Ishte veprimtar për kauzën kombëtare në kohën e Jugosllavisë dhe luftonte për barazinë e Kosovës me republikat e tjera.

I njohur si simbol i rezistencës kombëtare, i ndjeri Adem Demaçi sot do të mbushte 85-vjeç.

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Aktualitet

Safet Gjici dënohet me 2 vjet burgim për “shpërdorim detyre”

Gjykata ka ndryshuar akuzën ndaj Gjicit nga korrupsion në shpërdorim detyre.

Publikuar

nga

Ish-kryetari i bashkisë së Kukësit, Safet Gjici është dënuar me 3 vite burg, ndërsa nga gjykimi i shkurtuar dënimi i ulet në dy vite.

Gjykata ka ndryshuar akuzën ndaj Gjicit nga korrupsion në shpërdorim detyre. Ndërkohë për Alma Kaçin, gjykata ka dhënë dënimin me 1 vit burg, duke e shpallur fajtore atë për prostitucion.

Safet Gjici sipas SPAK ka përfituar favore seksuale nga Kaci, duke i premtuar kësaj të fundit një projekt për qentë, ndërsa kjo e fundit ja ka ofruar favoret, përderisa kryen marrëdhënie seksuale orale në zyrën e punës së kryebashkiakut.

Para shpalljes së vendimit, Safet Gjici kërkoi pafajësi, duke pretenduar se nuk ka shkelur asnjë ligj, ndërsa i përlotur i kërkoi falje familjes dhe qytetarëve të Kukësit. Ai akuzoi Abedin Orucin se e sulmoi që të zaptonte pronat e bashkisë.

“Unë kam marrë dënimin më të madh, është dënimi moral. Iu kërkoi falje familjarëve të mi dhe qytetarëve të Kukësit”, tha Gjici, i cili akuzoi Oruçin se i publikoi videon intime.

Vazhdo të lexosh

Aktualitet

​Haxhiu kujton dëshmoren Elfete Humolli në 34-vjetorin e rënies: Ishte mishërim i ëndrrës për liri

Haxhiu tha se Elfete Humolli ishte mishërimi i të rinjve e të rejave të viteve ‘90 që ishin rritur me ëndrrën për lirinë e atdheut.

Publikuar

nga

Ministrja e Drejtësisë, Albulena Haxhiu, ka përkujtuar dëshmoren Elfete Humolli në 34-vjetorin e rënies së saj, përderisa po protestonte për shkak të pozitës së vështirë të shqiptarëve në ish-Jugosllavi.

Në llogarinë e saj në Facebook, Haxhiu tha se Elfete Humolli ishte mishërimi i të rinjve e të rejave të viteve ‘90 që ishin rritur me ëndrrën për lirinë e atdheut.

“Ishte vetëm 16 vjet kur u vra në fshatin e saj të lindjes, nga forcat agresore serbe. Ajo ishte pjesëmarrëse në shumë demostrata e protesta për të shprehur vullnetin e saj për lirinë e Kosovës dhe kundër Serbisë pushtuese, por në protestën e 30 shkurtit 1990 u qëllua me automatik nga forcat ushtarake policore të Serbisë”, tha Haxhiu.

“Vdekja e Elfetes, ngjalli revoltë të madhe dhe mobilizim të madh për popullin, e në shenjë respekti për të, për dashurinë dhe guximin e saj, varrimi i saj ishte masiv dhe u shëndrrua në demonstrate”, shtoi Haxhiu.

Vazhdo të lexosh

Aktualitet

​Kosova dhe Kanadaja zhvillojnë konsultime politike në Otava

Në njoftim thuhet se gjatë takimit u vlerësuan lartë marrëdhëniet e konsoliduara mes Republikës së Kosovës dhe Kanadasë.

Publikuar

nga

Zëvendësministrja e Punëve të Jashtme dhe Diasporës, Liza Gashi po qëndron për vizitë zyrtare në Kanada, ku gjatë takimeve bilaterale, bashkërisht me Drejtorin e Përgjithshëm për Byronë e Çështjeve të Arktikut, Euroazisë dhe Evropës, Robert Sincliar, drejtuan konsultimet politike mes delegacioneve të të dyja vendeve.

Në njoftim thuhet se gjatë takimit u vlerësuan lartë marrëdhëniet e konsoliduara mes Republikës së Kosovës dhe Kanadasë, u diskutua për bashkëpunimin bilateral, rajonal dhe zhvillimin ndërkombëtar, çështjet e sigurisë rajonale, ato të ekonomisë dhe tregtisë, si dhe bashkëpunimi kulturor mes dy vendeve.

Zëvendësministrja Gashi theksoi përkushtimin e Republikës së Kosovës për të qëndruar krah shteteve demokratike, duke krijuar njëherit mundësi të reja për qytetarët e vendit si dhe për të kontribuar në paqen globale.

Palët nga të dyja vendet u pajtuan që të vazhdojnë bashkëpunimin e afërt dhe në shërbim të fuqizimit më tej të marrëdhënieve bilaterale. Ndërsa në një takim ndaras me Sekretarin Parlamentar të Ministrisë së Jashtme të Kanadasë, z. Robert Oliphant, u theksua rëndësia dhe roli i diplomacisë parlamentare për të ndërtuar më tej bashkëpunimin e qëndrueshëm ndërmjet Kosovës dhe Kanadasë, si dhe tema të tjera me interes të ndërsjelltë.

Në kuadër të konsultimeve politike, zëvendësministrja Gashi u takua edhe me zëvendësministrin për Politika Strategjike dhe Çështjet Globale të Kanadasë, Alexandre Lévêque, me të cilin ka diskutuar për tema me interes të përbashkët, gjendjen e sigurisë dhe realitetin aktual në Europë dhe Ballkanin Perëndimor.

Në njoftim gjithashtu thuhet se Gashi do të zhvillojë takime të tjera, ku do të pritet edhe nga deputetë, senatorë dhe udhëheqës të komisioneve parlamentare në kuadër të Parlamentit dhe Senatit Kanadez.

Vazhdo të lexosh

Të kërkuara