Me aktivitete sportive ka nisur Akademia Verore e edicionit të sivjetmë të Sportit dhe të Lëvizjes, në kuadër të Global UBT Fest 2024.

Objektivi kryesor i Akademisë Verore është të zhvillojë një kuptim gjithëpërfshirës të rëndësisë, përfitimeve dhe mundësive ekzistuese të sporteve në natyrë në Kosovë.

Objektivi tjetër i Akademisë Verore të këtij viti është organizimi i aktiviteteve sportive, të tilla si garat sportive në Futboll, Basketboll, Pingpong, dhe Aktivitete në Natyrë (Hiking).

Për më tepër, pjesëmarrësit do të prezantohen me një lojë të re të jashtme të quajtur Spikeball.

Leading the Way

#jointheLEADER

Ministri i Zhvillimit Rajonal, Fikrim Damka ka qëndruar për vizitë në Parkun Shkencor Inovativ të UBT-së në Lipjan, me ç’rast ka zhvilluar një takim të rëndësishëm me Rektorin e UBT-së, Prof. Dr. Edmond Hajrizi dhe Drejtorin e Institutit të Forenzikës në UBT, As. Prof. Dr. Cengiz Çesko.

Gjatë takimit, Rektori Hajrizi e informoi Ministrin Damka mbi cilësinë e arsimit, objektet moderne dhe metodat inovative të mësimdhënies në universitet.

Ministri Damka theksoi rëndësinë që UBT i kushton zhvillimit personal dhe akademik të studentëve. Ministri Damka theksoj se sa të çmuara janë këto lloj institucionet arsimore për të ardhmen e rajonit tonë. Marrja e një arsimimi me standarde ndërkombëtare nga studentët tanë është një hap i madh drejt objektivave tona të zhvillimit rajonal.

Në UBT nisi Akademia Verore e Artit dhe Dizajnit, duke shënuar një ngjarje të rëndësishme për të gjithë studentët dhe profesionistët e interesuar në këtë fushë.

Në hapje të kësaj Akademie ishte prezent artisti i njohur ndërkombëtarisht, Sislej Xhafa i cili prezantoi temën “Transformime Alkimike – Nga Materiali në Imaterial përmes Performancës dhe Instalacionit”, duke i dhënë pjesëmarrësve një pasqyrë të thellë mbi proceset e tij artistike.

Akademia Verore e Artit dhe Dizajnit në UBT do të vazhdojë me aktivitete të tjera gjatë ditëve në vijim, duke ofruar mundësi të shumta për zhvillim profesional dhe personal në fushën e artit dhe dizajnit. Ftojmë të gjithë të interesuarit të ndjekin programin e ngjarjeve dhe të përfitojnë nga kjo mundësi unike.

Në kuadër të aktiviteteve të Akademisë Verore të Dizajnit të Integruar në UBT, do të mbahen ekspozita dhe sfilata, ku do të prezantohet puna e studentëve tanë.

Kjo ngjarje mbahet çdo fundvit akademik me rastin e Global UBT Fest dhe është një mundësi e shkëlqyer për të parë krijimet dhe arritjet e tyre.

“FASHION FLAIR” – Sfilatë

“Fashion Flair” shfaq vizionet unike dhe aftësitë e jashtëzakonshme të dizajnerëve tanë të rinj, duke ofruar një gamë magjepsëse veshjesh që shtyjnë kufijtë e modës bashkëkohore. Kjo ngjarje ofron një platformë për studentët që të prezantojnë koleksionet e tyre, duke reflektuar një përzierje të estetikës, qëndrueshmërisë dhe narrativave kulturore avangarde.

Përjetoni një sfilatë dinamike me koleksione të modës së lartë, veshje të rrugës, modë të qëndrueshme dhe dizajne eksperimentale. Shijoni trendet e fundit nga dizajnerët e rinj dhe dizajne të frymëzuara nga kulturat dhe traditat globale, duke sjellë histori dhe perspektiva unike.

“ESTETIKA EMERGJENTE” – Ekspozitë

“Estetika Emergjente” eksploron kryqëzimin e krijimtarisë, teknologjisë dhe tendencave shoqërore, duke ofruar një vështrim në të ardhmen e dizajnit. Ekspozita paraqet projekte që theksojnë qëndrueshmërinë, inovacionin teknologjik, narrativat kulturore, dizajnin me në qendër njeriun dhe tendencat spekulative të së ardhmes. Çdo pjesë pasqyron vizionin dhe ekspertizën unike të studentëve tanë, të cilët po ripërcaktojnë estetikën për botën moderne.

Zbuloni dizajnin miqësor me mjedisin dhe praktikat etike. Bashkëveproni me instalimet dhe prototipet që përdorin teknologji si AR dhe VR. Përjetoni vepra arti dhe pjesë multimediale që tregojnë histori kulturore, dhe eksploroni produkte të fokusuara në përvojën e përdoruesit. Eksploroni dizajne spekulative që parashikojnë të ardhmen e dizajnit.