Në kuadër të aktiviteteve edukative të vitit akademik 2024-2025, studentët e vitit të parë të Departamentit të Artit dhe Mediave Digjitale në UBT, zhvilluan një vizitë studimore në Reporting House. Ky aktivitet ishte një mundësi për t’u njohur nga afër me një platformë unikale që bashkon gazetarinë dhe artin bashkëkohor, duke shërbyer si një hapësirë reflektimi mbi ndikimin e luftës në Kosovë dhe shoqëritë e ndryshme të botës.

Reporting House, një vend i njohur për përkushtimin ndaj edukimit dhe kulturës, ofron një ekspozitë të veçantë që përmban materiale gazetare të kuruara, bashkë me vepra arti që i japin një pamje të plotë ndikimeve të luftës dhe pasojave që ajo ka lënë pas. Kjo platformë ka një rol të rëndësishëm në formimin e brezave të rinj të gazetarëve dhe artivistëve, duke i inkurajuar ata të eksplorojnë dhe të kuptojnë më thellë ndikimin e ngjarjeve historike dhe shoqërore përmes mediumeve të ndryshme.

Në këtë vizitë, studentët e UBT-së patën mundësinë të bashkëbisedojnë me ekspertët dhe profesionistët që drejtojnë Reporting House, duke diskutuar mbi përdorimin e artit dhe gazetarisë si mjete për të trajtuar tema të ndjeshme dhe për të pasuruar diskursin publik. U ofruan gjithashtu eksponate të shumta që lidhin të kaluarën dhe të tashmen e Kosovës me dimensionet ndërkombëtare të ndikimit të luftës në shoqëri, ku studentët mund të shohin sesi mediumet dhe arti mund të bashkëjetojnë dhe të komunikojnë me njëri-tjetrin për të sjellë mesazhe të fuqishme.

Kjo vizitë ishte e fokusuar veçanërisht në përvojën praktike që ofrojnë lëndët “Praktika Studimore” dhe “Vizatim Kreativ” në UBT, ku studentët patën mundësinë të shihnin se si teoritë dhe teknikat që ata mësojnë në auditor mund të përdoren në botën reale të gazetarisë dhe artit vizual.

Ndër të tjera, Reporting House shërben si një hapësirë ku konceptet e përgjegjësisë sociale dhe etika profesionale lidhen ngushtë me aftësinë për të pasqyruar realitetet sociale dhe historike nëpërmjet artit dhe mediave, duke i frymëzuar të rinjtë që të mendojnë thellë për rolin që ata mund të luajnë në shoqërinë e sotme.

Kjo vizitë studimore jo vetëm që ofroi një mundësi për të mësuar në mënyrë të drejtpërdrejtë, por gjithashtu forcoi lidhjet ndërmjet teorisë dhe praktikës për studentët që janë në fillimet e karrierës së tyre profesionale. Aktivitetet e tilla, të mbështetura nga UBT, janë një mundësi e shkëlqyer për zhvillimin e aftësive praktike dhe krijimin e një perspektive më të gjerë mbi ndikimet që mund të ketë media dhe arti në jetën e përditshme.

Reporting House mbetet një platformë e rëndësishme dhe e pazëvendësueshme për të rinjtë që duan të kuptojnë dhe përvetësojnë vlerat e komunikimit dhe artit si mjete për ndryshim social dhe reflektim historik./UBTNews/D.E.

Në kuadër të marrëveshjes së bashkëpunimit ndërmjet UBT dhe N.P. Termokos, studentët e vitit të dytë të Fakultetit të Menaxhimit të Patundshmërive dhe Infrastrukturës morën pjesë në një vizitë studimore, e cila kishte për qëllim njohjen me infrastrukturat e ngrohjes dhe energjisë në Prishtinë.

Vizita u zhvillua nën udhëheqjen e profesorit Fuat Pallaska dhe me koordinimin e plotë të dekanit të fakultetit, profesor Visar Hoxha. Studentët u mirëpritën në ambientet e N.P. Termokos nga udhëheqësit dhe stafi profesional i kësaj kompanie, të cilët udhëhoqën grupin përmes proceseve dhe teknologjive që përdoren për ngrohjen e qytetit të Prishtinës.

Gjatë vizitës, studentët patën mundësinë të njihen nga afër me infrastrukturën teknike dhe operacionale të N.P. Termokos, përfshirë procesin e ngrohjes përmes kogjenerimit dhe sistemet e shpërndarjes së ngrohjes, të cilat furnizojnë një pjesë të madhe të qytetit. Specialistët e Termokos ofruan një shpjegim të hollësishëm mbi funksionimin e rrjeteve të ngrohjes dhe teknologjitë moderne që përdoren për sigurimin e një furnizimi të qëndrueshëm me energji.

Kjo vizitë studimore përfshiu elemente praktike të lëndëve “Infrastruktura Komunale” dhe “Infrastruktura Energjetike”, duke ofruar studentëve një pasqyrë të thellë mbi funksionimin dhe mirëmbajtjen e sistemeve energjetike dhe ngrohjes urbane. Përvoja e drejtpërdrejtë me një kompani lider në sektorin energjetik kontribuon në forcimin e njohurive teorike të studentëve dhe i ndihmon ata të kuptojnë sfidat dhe mundësitë e profesionit të tyre në fushën e infrastrukturave publike dhe energjetike.

Kjo vizitë është një hap i rëndësishëm në përgatitjen e studentëve për të ardhmen profesionale dhe pasqyron angazhimin e UBT-së për ofrimin e mundësive të mësimit praktik dhe lidhjeve me industrinë përmes bashkëpunimeve me kompani të njohura si Termokos./UBTNews/