Aktualitet

Prodhuesit kosovarë kërkojnë fond për zhvillim ekonomik dhe subvencionim të eksportit

Published

6 years ago

on

Pandemia Covid-19 gjatë vitit 2020 shkaktoi probleme të shumta në ekonominë e vendit. Shumë biznese u shuan e shumë të tjera punuan vetëm për mbijetesë.

Vështirësi të ndryshme pati edhe kompania “Fluidi” nga Gjilani, e sidomos në plasmanin e produkteve në treg dhe eksportin drejt vendeve të BE-së.

Drejtori i kësaj kompanie që merret me prodhimin e pijeve joalkoolike dhe energjike, Fejzulla Mustafa, në një intervistë për KosovaPress, thotë se masat kufizuese për parandalimin e Covid-19, ndikuan në rënien e të hyrave, megjithatë shton se nuk kanë larguar asnjë punëtor dhe as nuk i kanë zvogëluar pagat e tyre.

“Është një rënie normale, në krahasim me vitet e kaluara, më tepër kemi pasur rënie në sektorin e gastronomisë, produktet që i kemi të konsumuara në gastronomi janë me rënie më të madhe, afër 30 për qind, varësisht prej muajve. Ndërsa produktet familjare më të ulët, por edhe ka muaj që kemi pasur edhe një rritje të vogël, në krahasim me muajt e viteve të kaluara. Ka ndikuar edhe në eksport, kemi edhe aty një rënie, rreth 15 për qind të eksportit, por është punuar deri në atë masë sa kemi arritur që punëtorët mos t’i largojmë, mos t’i zvogëlojmë rrogat, ajo për mua ka qenë një kënaqësi, dhe fitim tjetër a mbetet a jo, ajo nuk është me rëndësi”, ka thënë Mustafa.

Mustafa thotë se kjo kompani ka rreth 200 punëtorë, dhe përveç ndihmës nga pakoja e parë për rimëkëmbje ekonomike, nuk kanë gëzuar asnjë lloj ndihme tjetër nga Qeveria e Kosovës.

Ndërsa shton se gjatë kësaj periudhe janë detyruar të futen në kredi në bankat komerciale.

“Sa i përket numrit të punëtorëve janë mbi 220 punëtorë. Ne si kompani nuk kemi përfituar ende asnjë cent nga qeveria për biznes. E gjithë kjo çka është arritur, është arritur me forca tona duke u mbështetur me kredi të ndryshme nga bankat komerciale”, ka thënë Mustafa.

Ai thotë se institucionet e vendit duhet të krijojnë një fond për zhvillim ekonomik, por edhe ndonjë subvencionim të eksportit, me ç’rast do të mundësohej plasimi më i lehtë i produkteve vendore në tregun ndërkombëtar.

“Qeveria duhet të krijojë një fond për zhvillim ekonomik dhe t’i mundësojë bizneseve kredi me interes të ulët dhe me kohëzgjatje me të madhe pa ndonjë interes, psh për dy vite, tri vite, dhe pastaj të futet në interes me një kamatë relativisht të ulët të jetë prej 1-2 për qind. Dhe të iu ofrojë bizneseve ndonjë subvencionim, për shembull subvencionimin e eksportit, ajo kish me iu ndihmuar produkteve të Kosovës, që të plasohen sa me tepër nëpër vendet e Evropës dhe me larg. Për kompaninë tonë po them se me produktet tona jemi të shtrirë në disa vende të Evropës, por sikurse të jemi me një çmim me të volitshëm se në rastet e subvencionimit, ne mund ta ulim çmimin tonë dhe ato të dalim me çmim më të ulët në tregun e Evropës, çka do të ndikonte edhe në rritje të shitjes. Kjo do të ishte një ndihmë e fuqishme e bizneseve të Kosovës që çdo eksport të subvencionohet”, ka thënë Mustafa.

Mustafa thotë se Qeveria e Kosovës duhet të mbështesë bizneset dhe prodhuesit vendor në forma të ndryshme, në mënyrë që të mos bie prodhimi dhe të mos zvogëlohet numri i të punësuarve që do të ndikonte drejtpërdrejt në ekonominë e vendit.

Related Topics:
Continue Reading

Lajmet

Mbi 1 mijë raste të dhunës në familje u raportuan në Kosovë gjatë gjashtë muajve të parë të vitit 2026

Published

13 minutes ago

on

August 24, 2026

By

Dhuna në familje vazhdon të mbetet një prej problemeve më serioze sociale në Kosovë. Sipas të dhënave të publikuara nga Ministria e Drejtësisë, gjatë periudhës janar-qershor 2026 janë raportuar gjithsej 1,341 raste të dhunës në familje, duke përfshirë viktima të gjinive dhe grupmoshave të ndryshme. Kjo i i bie se në Kosovë mesatarisht raportohen më shumë se shtatë raste të dhunës në familje çdo ditë.

Sipas statistikave për viktimat e përfunduara me fatalitet, janë evidentuar gjashtë persona të vrarë – katër burra dhe dy gra. Ndërkaq, sa i përket dhunimeve seksuale të raportuara brenda familjes, janë regjistruar dy raste, përkatësisht në Pejë dhe Gjilan.

Për sa u përket urdhrave për mbrojtje të përkohshme emergjente, janë lëshuar gjithsej 77 urdhra. Mitrovica shënon numrin më të lartë të shqiptimit të këtyre urdhrave, e ndjekur nga Prishtina dhe Gjakova me nga tetë raste, si dhe Prizreni, Ferizaj dhe Gjilani me nga tri raste secili.

Nga raporti i Ministrisë së Drejtësisë rezulton se numri më i lartë i kryesve të dhunës në familje i përket grupmoshës 30-40 vjeç, ku shumica e viktimave janë gra. Ndërkaq, mosha më e prekur e viktimave i përket grupmoshës 20-30 vjeç.

Sa i përket rajoneve, Prishtina prin me numrin më të madh të raportimeve për dhunë në familje me 441 raste. Pas saj renditen:

  • Mitrovica: 174 raste
  • Gjakova: 165 raste
  • Peja: 162 raste
  • Gjilani: 150 raste
  • Prizreni: 135 raste
  • Ferizaj: 114 raste

 

Continue Reading

Lajmet

Joe dhe Shirley DioGuardi, lobistët e njohur amerikanë, pajisen me shtetësi të Kosovës

Published

36 minutes ago

on

August 24, 2026

By

Ushtruesja e detyrës së Presidentes, Albulena Haxhiu, i ka dorëzuar zyrtarisht dekretin e shtetësisë së Kosovës ish-kongresistit amerikan Joe DioGuardi dhe bashkëshortes së tij, Shirley Cloyes DioGuardi.

Ceremonia e dorëzimit të dekretit u zhvillua në ambientet e zyrës së Presidencës.

Joe DioGuardi, ish-drejtues i Ligës Qytetare Shqiptaro-Amerikane, njihet si një nga miqtë e mëdhenj të Kosovës dhe zë i fuqishëm në SHBA në mbështetje të lirisë dhe pavarësisë së vendit. Po ashtu, edhe Shirley Cloyes DioGuardi ka vepruar për vite me radhë në promovimin e çështjes së Kosovës dhe mbrojtjen e të drejtave të shqiptarëve në Uashington.

Me rastin e dorëzimit të dokumenteve, Haxhiu i uroi ata për marrjen e shtetësisë.

“Për mua është nder i veçantë t’ua uroj shtetësinë e Republikës së Kosovës dhe t’ju them mirësevini në mesin e qytetarëve të saj, mirësevini në shtetin tuaj të dytë, në Republikën e Kosovës”, deklaroi Haxhiu. /E.A/

Continue Reading

Lajmet

PDK-ja dhe AAK-ja mblidhen në Kuvend, akuzojnë pushtetin për mospërgjegjësi

Published

1 hour ago

on

August 24, 2026

By

Deputetët e Partisë Demokratike të Kosovës (PDK) dhe Aleancës për Ardhmërinë e Kosovës (AAK) janë mbledhur sërish sot në Kuvendin e Kosovës, ku kanë drejtuar akuza ndaj Lëvizjes Vetëvendosje për uzurpim të institucioneve dhe prirje për ta dërguar vendin në zgjedhje të reja.

Gjatë këtij takimi, deputetja e PDK-së, Sala Jashari, deklaroi se karriget e zbrazëta në sallën e Kuvendit pasqyrojnë ikjen e pushtetit nga përgjegjësitë që i takojnë. Ajo theksoi se kërkesa e tyre e vazhdueshme ka qenë që shteti të punojë në shërbim të qytetarëve dhe jo për interesa partiake.

“Demokracia nuk matet vetëm në ditën kur numërohen votat, por çdo ditë pas zgjedhjeve. Për gati 2 vjet Kosova ka pritur që përgjegjësitë të merren, dhe pas 6 vjet qeverisjeje, çfarë kanë bërë të tjerët nuk mund të jetë përgjigje, sepse përgjegjësia ju takon juve. Jemi vetëm pak ditë larg shtatorit dhe prindërit ende përballen me pasiguri për librat e fëmijëve të tyre”, deklaroi Jashari. /E.A/

Continue Reading

Lajmet

Vdes një 49-vjeçar pasi ra nga lartësia gjatë punës në Veternik

Published

1 hour ago

on

August 24, 2026

By

Një 49-vjeçar ka humbur jetën të hënën në lagjen Veternik të Prishtinës, pasi ka rënë nga lartësia gjatë kohës sa po punonte.

Rasti është konfirmuar nga zëdhënësja e Policisë së Kosovës për rajonin e Prishtinës, Flora Ahmeti, e cila bëri të ditur se ngjarja është raportuar rreth orës 10:00, raporton Ekonomia Online.

Sipas policisë, viktima nuk ka arritur t’u mbijetojë plagëve të marra dhe ka ndërruar jetë në vendngjarje, ku vdekja e tij është konstatuar nga ekipi mjekësor.

Lidhur me rastin, Policia e Kosovës, në koordinim me Prokurorinë e Shtetit dhe Inspektoratin e Punës, ka nisur hetimet për sqarimin e plotë të rrethanave të kësaj ngjarjeje.  /Ekonomia online/

Continue Reading

Të kërkuara