Lajmet

Ish-ministri i Financave thotë se ekonomisë i duhen mbi 1 miliard euro që vendi të rimëkëmbet

Published

6 years ago

on

Kriza ekonomike si pasojë e pandemisë i ka shkaktuar vendit humbje të mëdha. Ish-ministri i Financave, Haki Shatri në një intervistë për Ekonomia Online tha se procesi i rimëkëmbjes ekonomike është plagë që nuk mund të shërohet brenda muajit ose vitit.

“Ajo që unë mendoj është që në rastin më të mirë Kosova do të arrijë t’i ndal trendet negative duke shpresuar që edhe pandemia do të frenohet diku nga mesi i vitit dhe paralelisht Kosova me fillua me një rritje më të mirë ekonomike”, deklaroi ai.

Ai përcaktimin e masave e cilëson si jo të mjaftueshme, ku sipas tij, masat kanë shërbyer më shumë për mirëqenie individuale, dhe jo për një rimëkëmbje të duhur.

“Masat të cilat janë marrë nuk besoj se janë të mjaftueshme, sepse disa masa më shumë kanë shërbyer  për një mirëqenie individuale ose familjare, një javore ose dy javore siç janë mjetet e trustit, por jo për një rimëkëmbje të duhur, por edhe masat tjera, me përjashtim fondi i garancionit të kredive, nuk janë masa për kthim të rimëkëmbjes, por vetëm për një konsum të përditshëm”, shtoi ai më tej.

Shatri fondin e garancionit të kredive e sheh si masë serioze dhe nëse menaxhohet si duhet mund të jetë ndihmesë e madhe sidomos për bizneset.

“Fondi i garancionit të kredive, kjo është një masë më serioze dhe nëse menaxhohet si duhet kjo do jetë ndihmesë ekonomike sidomos për bizneset e rënduara nga pandemitë, ku shteti ju garanton bizneseve ku nuk janë në gjendje të paguajnë ashtu siç i kërkojnë bankat dhe në këtë mënyrë ju mundësohet që të marrin kredi me kushte të lehtësuara”, deklaroi ai.

Ai nuk e mohon faktin që ekonomia e Kosovës është e dobët dhe që ka aftësi të ulëta akumuluese. Sipas  tij, mbi 1 miliard euro do t’i ishin dashur buxhetit që të rikthehet vendi në drejtimin e duhur.

“Është vështirë të thuhet diçka pa analiza të mirëfillta, por mendoj që ekonomisë do i ishin dashur një kontingjent parash të freskëta, diku rreth 1 miliard e 200 milionë, me kusht që këto mjete të menaxhohen si duhet dhe jo të keqpërdoren siç ka ndodhur jo në mandatin e fundit të qeverisjes, por në qeverisjet e kaluara. Kam ndrojtje që ka manipulime në numrin e atyre punëtorëve që kanë humbur punën si pasojë e pandemisë, duke shpresuar që njerëzit të përfitojnë mjete nga pjesa që është e paraparë në buxhetin mbi pandeminë”, shtoi ai.

Related Topics:
Continue Reading

Lajmet

Hamza refuzon ftesën e Kurtit: PDK rikonfirmon qëndrimin për të mbetur në opozitë

Published

10 hours ago

on

August 3, 2026

By

Kryetari i Partisë Demokratike të Kosovës, Bedri Hamza, ka refuzuar zyrtarisht ftesën për takim të dërguar nga lideri i Lëvizjes Vetëvendosje, kryeministri në detyrë Albin Kurti.

Përmes një letre kthyese drejtuar Kurtit, Hamza ka bërë të ditur se PDK-ja nuk do të jetë pjesë e takimeve konsultative, duke rikonfirmuar vendimin e partisë për të qëndruar në opozitë.

“Duke iu referuar takimit tonë të datës 10 korrik 2026 dhe qëndrimit publik të PDK-së, ju rikonfirmoj se, në rrethanat aktuale, qëndrimi ynë është që të vazhdojmë të qëndrojmë në opozitë”, thuhet në përgjigjen e Hamzës.

Përveç refuzimit të ftesës, kreu i PDK-së i ka bërë thirrje Kurtit që të kërkojë marrëveshje me subjektet e tjera politike për krijimin e institucioneve të reja. /E.A/

 

Continue Reading

Lajmet

Moska fajëson Ukrainën për shpërthimin vdekjeprurës në një restorant:

Published

10 hours ago

on

August 3, 2026

By

Rusia ka akuzuar Ukrainën për organizimin e një shpërthimi në një restorant luksoz në qendër të Moskës, nga i cili mbetën të vdekur pesë persona dhe u plagosën 19 të tjerë. Ngjarja ka nxitur dyshime të forta se shënjestra e sulmit ishte komandanti i lartë ushtarak rus, kolonel-gjenerali Aleksandr Chayko.

Ngjarja ndodhi të shtunën në mbrëmje pranë hyrjes së restorantit italian “Balzi Rossi”, i vendosur në një nga rrokaqiejt historikë të epokës së Stalinit në Sheshin Kudrinskaya. Sipas prokurorëve rusë, një grua e paidentifikuar që mbante një mjet shpërthyes të improvizuar u përpoq të hynte brenda, por u ndalua nga roja e sigurisë, çka çoi në shpërthimin e lëndës plasëse pak çaste më vonë në hyrje të objektit.

Përmes një deklarate zyrtare, Ministria e Jashtme e Rusisë e cilësoi ngjarjen si akt terrorist të udhëhequr nga Kievi, duke u shprehur se “tentakulat e përgjakshme të bandës terroriste të Zelenskyt kanë arritur deri te restoranti italian ‘Balzi Rossi’ në Moskë”.

Ndonëse autoritetet ruse nuk kanë publikuar emrat e viktimave apo shënjestrën e sulmit, blogerë ushtarakë pro-Kremlinit dhe media të pavarura raportojnë se mbledhja private organizohej për ditëlindjen e 55-të të gjeneralit Aleksandr Chayko. Pamjet e publikuara në rrjete sociale nga eventi tregonin sfondin me mbishkrimin “Aleksandr 55”.

Chayko, i cili ka udhëhequr më parë mësymjen ruse ndaj Kievit në vitin 2022 përpara se të merrte drejtimin e forcave ajrore-hapësinore, ka shpëtuar pa lëndime. Mirëpo, sipas kanalit informativ “VChK-OGPU”, nga shpërthimi në tarracën e restorantit ka mbetur i vrarë dhëndri i tij, Daniil Peredriy, ndërsa e bija, Maria, ka pësuar lëndime të rënda. /BBC/

Continue Reading

Lajmet

17-vjeçari nga Ferizaj gjen portofolin me mbi 2,600 euro e dokumente dhe e dorëzon në polici

Published

11 hours ago

on

August 3, 2026

By

Policia e Kosovës përmes një njoftimi ka bërë të ditur së një i ri 17-vjeçar me inicialet A.N nga fshati Bablak i Ferizajt është paraqitur vullnetarisht në stacionin policor pasi kishte gjetur një portofol pranë një pike karburanti në fshatin Lloshkobare.

Pas verifikimeve nga zyrtarët policorë, u bë i mundur identifikimi i pronarit, K.S., 40 vjeç nga Gjakova, të cilit iu kthyen të gjitha mjetet monetare në vlerë prej 2,435 eurosh e 270 frangash, së bashku me dokumentet e tij të identifikimit.

Drejtoria Rajonale e Policisë në Ferizaj ka shprehur falënderimin dhe vlerësimin e lartë për veprimin e A. Nuhës, duke e cilësuar ndershmërinë e tij si një shembull të shkëlqyer për të gjithë komunitetin. /E.A/

Continue Reading

Lajmet

IKShPK konfirmon 99 të prekur me fruth dhe apelon për vaksinim të menjëhershëm të fëmijëve

Published

11 hours ago

on

August 3, 2026

By

Instituti Kombëtar i Shëndetësisë Publike të Kosovës (IKShPK) ka nxjerrë një përditësim mbi situatën epidemiologjike në vend, ku njofton se nga 16 prilli deri më 3 gusht 2026 janë konfirmuar gjithsej 99 raste me fruth. Vetëm përgjatë javës së fundit janë regjistruar 21 raste të reja, duke shënuar një rritje të ndjeshme krahasuar me të njëjtën periudhë të vitit të kaluar, ku ishin raportuar 65 raste.

Sipas të dhënave të institutit, vatrat kryesore të infeksionit mbeten Prishtina me 33 raste dhe Fushë-Kosova me 25 raste, të ndjekura nga Ferizaj me 12 dhe Kaçaniku me 7 raste. Rastet e tjera janë shpërndarë në numër më të vogël në komunat si Drenas, Lipjan, Obiliq, Gjilan, Skenderaj, Shtime, Vushtrri, Deçan, Graçanicë, Podujevë, Shtërpcë dhe Viti.

Për shkak të shkallës së lartë të infektueshmërisë dhe rrezikut nga komplikimet e mundshme, IKShPK u ka bërë thirrje të gjithë prindërve dhe kujdestarëve që të verifikojnë kartelat e vaksinimit dhe të sigurojnë imunizimin e fëmijëve në Qendrat e Mjekësisë Familjare sipas kalendarit të rregullt. Po ashtu, instituti u bën apel qytetarëve që me shfaqjen e simptomave të para — si temperaturë e lartë, skuqje në lëkurë, kollë apo rrufë — të paraqiten menjëherë për kontroll në institucionet shëndetësore. /E.A/

Continue Reading

Të kërkuara