Sport

Prishtina qendër e evropianit të Esports, Kurti: Ngjarje të tilla të shërbejnë për të ndërtuar ura e jo mure

Published

1 month ago

on

36 ekipe nga 24 shtete të Evropës do të marrin pjesë në Kampionatin Evropian të Esports që ka nisur sot në Prishtinë, ndeshjet e së cilit do të zhvillohen në Palestrën e Sporteve “1 Tetori” Kosova jo vetëm që do të jetë mikpritëse e kësaj gare madhore, por edhe do të përfaqësohet me ekipin e saj kombëtar.

Në ceremoninë e hapjes zyrtare, kryeministri në detyrë i Republikës së Kosovës, Albin Kurti, i cili të pranishmëve iu drejtua në gjuhën angleze, theksoi se megjithëse në botë ky njihet si sport i ri, Kosova ka një storie të gjatë në këtë aktivitet pasi që të rinjtë kosovarë shumë vite më parë filluan angazhimin e tyre në lojërat elektronike nëpër internetcaffe, duke bërë kështu hapat e parë drejtë rritjes profesionale në këtë sport.

Kurti gjithashtu bëri thirrje që nga sot e deri më 13 korrik, ekipi përfaqësues i Kosovës në këtë garë të mbështetet me zemër nga të gjithë adhuruesit dhe praktikuesit e lojërave elektronike-Esports.

“Sigurisht, fitorja ka rëndësi. Çdo atlet këtu ka ndjekur shkëlqesinë me pasion dhe angazhim. Por, fuqia e vërtetë e këtij kampionatit jeton përtej tabelave të rezultateve, në lidhjet që kemi ndërtuar, në historitë që kemi ndarë dhe komuniteteve që kemi krijuar së bashku. Kosova është vend ku talenti rritet shpejtë, ndërsa ambicia rritet edhe më shpejtë. Nga atletët në fushë deri te zhvilluesit prapa ekranit, njerëzit tanë të ri mishërojnë fuqinë e vizionit dhe dedikimit”, theksoi Kurti.

Ai tha se ngjarje të tilla duhet të shërbejnë si ide për ndërtimin e ura e jo mure.

“Kampionati Evropian Kosova 2025 qëndron si një etapë jo vetëm për esportin por çfarë përfaqëson për rajonin tonë dhe më tej. Këtu, në këtë skenë ne dëshmojmë si lojtarë nga vende dhe prejardhje të ndryshme bashkohen këtu të unifikuar nga një qëllim i përbashkët, të shtyrë nga respekti dhe puna në ekip. Kjo është pikërisht se çfarë ka nevojë bota sot, mundi i përbashkët që rritet përtej kufijve individuale dhe ide që ndërtojnë ura në vend të mureve”, tha Kurti.

Altin Preniqi, Kryetar i Federatës së Esports në Kosovë, tha se organizimi i këtij evropiani është moment historik për Kosovën sepse ky sport sjellë energji të madhe, e mbi të gjitha, miliarda shikues online nga e gjithë bota, duke u bërë kështu mundësi e rrallë për promovimin e imazhit të Republikës së Kosovës në mbarë rruzullin tokësorë.

“Në këtë kampionat kemi përfaqësues nga vende të ndryshme, kultura të ndryshme, histori të ndryshme, por kemi një gjë të përbashkët, pasionin për lojën dhe respektin. Të gjithë jeni pjesë e momentit historik sepse ky evropian nuk është thjeshtë vetëm një turne, është një e vërtetë që sporti po evoluon”, theksoi Preniqi

Ky kampionat organizohet nga Federata Esports Kosova me mbështetjen e Ministrisë së Kulturës, Rinisë dhe Sportit. Ndeshja e parë do të zhvillohet sot ndërmjet Republikës së Kosovës dhe Republikës së Çekisë.

Related Topics:
Continue Reading

Sport

Arritje historike për Fabion, e barazon rekordin e më së shumti ndeshjeve zyrtare

Published

2 hours ago

on

August 19, 2025

By

Fabio Deivson Lopes Maciel e ka barazuar rekordin e ndeshjeve zyrtare si profesionist, të cilin deri tash e mbante legjenda angleze, Peter Shilton.

Sipas librit të rekordeve “Guinness”, Shilton i kishte zhvilluar 1390 ndeshje zyrtare, ndërsa Fabio, 44 vjeç, e arriti të njëjtën shifër dhe mund ta kalojë anglezin qysh në natën e së mërkurës në sfidën e Copa Sudamericana kundër America Cali.

“1.390 herë, idhull”, festoi Fluminense në rrjetet sociale pas fitores 2:1 kundër Fortalezas. “Dua t’i falëndroj të gjithë njerëzit që kanë qenë pjesë e jetës sime”, deklaroi portieri pasi e bëri këtë arritje.

Një primat që mund të vazhdojë të rritet: portieri së fundmi e ka vazhduar konratën me klubin e tij deri në dhjetor të vitit 2026.

Fabio kishte debutuar si profesionist më 1997, në të njëjtin vit kur Shilton i kishte vendosur këpucët në gozhdë, i pati 10 paraqitje me Kombëtaren, i fitoi tre kampionate braziliane dhe ka triumfuar në vitin 2023 në Copa Libertadores me Fluminensen duke e mposhtur Boca Juniorsin me rezultat 2:1.

Në këtë verë shkoi deri në gjysmëfinale të Botërorit të Klubeve duke u ndalur nga Chelsea (0-2).

Një rekord që e bën Fabion njërin prej portierëve më jetëgjatë dhe më triumfues në histori të futbollit botëror.

Continue Reading

Sport

Peja debuton në Ligën ENBL, Prishtina për herë të dytë, njihen me kundërshtarët e tyre

Published

4 hours ago

on

August 19, 2025

By

Dy skuadrat me traditë në basketbollin e Kosovës, Peja dhe Sigal Prishtina do të marrin pjesë në Ligën ENBL. Ky është edicioni i pestë i kësaj lige, ku marrin pjesë 27 skuadra evropiane, derisa 16 më të mirat kalojnë në fazën e eliminimit direkt.

Peja debuton në këtë ligë, derisa për Prishtinën do të jetë hera e dytë që është pjesë e kësaj lige. Sot është hedhur shorti për edicionin e ri, ku skuadrat zhvillojnë tetë ndeshje, katër në shtëpi dhe katër si mysafirë.

Faza e Ligës e ENBL League fillon më 23 shtator 2025 dhe do të zgjas deri në prill 2026.

Kundërshtarët e KB Pejës në këtë garë janë:

Riga Zeli, Letoni

BC Iraklis, Greqi

Newcastle Eagles, Britani e Madhe

BC Spartak Sleven, Bullgari

BK Olomoucko, Çeki

Dziki Warszawa, Poloni

KK Dubrava, Kroaci

Kundërshtar i tetë do të vendoset nga ENBL ndërkohë

Kundërshtarët e KB Sigal Prishtinës janë:

BK Opava (Çeki)

Gimle Basket (Norvegji)

Brussels Basketball (Belgjikë)

Slovan Bratislava (Sllovaki)

Tindastoll Saudarkrokur (Islandë)

Keila Coolbet (Estoni)

Manchester Basketball (Britani e Madhe)

Dhe një skuadër kroate

Continue Reading

Sport

Igli Tare vazhdon pazaret e mira, e shet yllin e Milanit në Premierligë

Published

6 hours ago

on

August 19, 2025

By

Igli Tare vazhdon ta dëshmojë veten se është një drejtor i zoti në detyrë.

Tare është marrë vesh me Leeds Unitedin për të shitur 24 milionë euro yllin e skuadrës, Noah Okafor.

Marrëveshja është arritur mëngjesin e sotëm dhe se lojtari zvicerian është nisur për në Angli.

Continue Reading

Sport

Lewandowski: Topi i Artë është komercial

Published

9 hours ago

on

August 19, 2025

By

Robert Lewandowski ka kritikuar procesin e përzgjedhjes së Topit të Artë dhe ka përsëritur dyshimet e ngritura së fundmi nga Cristiano Ronaldo, duke sugjeruar se çmimi “The Best” i FIFA-s mund të jetë më i besueshëm se çmimi i France Football.

Duke folur për BBC-në, sulmuesi i Barcelonës tha se disa lojtarë të Barcelonës meritojnë njohje këtë vit bazuar në performancat e tyre.

“Ka pretendentë të fortë nga Barcelona që meritojnë vlerësim”, ka thënë fillimisht Lewandowski.

Lewandowski vuri në dyshim cili çmim individual kishte më shumë vlerë në futbollin modern.

“Nuk e di se cili është më i rëndësishëm: Më i miri nga FIFA që është më i drejtë apo Topi i Artë që është më komercial”.

Më pas ai reflektoi mbi mundësinë e tij të humbur në vitin 2020, kur ceremonia e Topit të Artë u anulua për shkak të pandemisë, pavarësisht se e udhëhoqi Bayern Munich drejt një triplete që më vonë u bë gjashtëfish.

“Askush nuk e kupton… është pjesë e futbollit dhe gjithashtu pjesë e politikës”, përfundoi sulmuesi polak.

Continue Reading

Të kërkuara