Bota

Presidenti Biden mbron politikën e jashtme pavarësisht luftrave në vazhdim

Published

on

Presidenti në largim Joe Biden u përpoq të hënën të përmirësonte pasqyrën e arritjeve lidhur me politikën e jashtme dhe tha se kundërshtarët e Shteteve të Bashkuara janë tani më të dobët se kur ai mori detyrën katër vjet më parë, pavarësisht krizave globale që vazhdojnë të mbeten të pazgjidhura.

Një javë përpara marrjes së detyrës nga Presidenti i zgjedhur Donald Trump, Presidenti Biden iu drejtua diplomatëve amerikanë në Departamentin e Shtetit dhe vlerësoi lart mbështetjen e administratës së tij për Ukrainën dhe për luftërat e Izraelit në Lindjen e Mesme.

Zoti Biden tha se Shtetet e Bashkuara po fitonin konkurrencën botërore” dhe nuk do të tejkaloheshin ekonomikisht nga Kina siç ishte parashikuar, ndërsa Rusia dhe Irani janë dobësuar nga luftërat pa përfshirjen e drejtpërdrejtë të Shteteve të Bashkuara.

Krahasuar me katër vjet më parë, Amerika është më e fortë, aleancat tona janë më të forta, kundërshtarët dhe konkurrentët tanë janë më të dobët”, tha Presidenti Biden. “Dhe ne nuk kemi shkuar në luftë për t’i bërë të gjitha këto të mundura”.

Ndërsa luftërat vazhdojnë në Ukrainë dhe Lindjen e Mesme, zyrtarët shpresojnë se një marrëveshje mes Izraelit dhe grupit militant palestinez Hamas mund të arrihet përpara se sa Joe Bideni të largohet nga Shtëpia e Bardhë më 20 janar.

Biden tha se negociatorët ishin pranë arritjes së një marrëveshjeje që do të bënte të mundur lirimin e personave që mbahen peng nga Hamasi në Rripin e Gazës dhe do t’u jepte fund luftimeve atje për të lejuar një rritje të ndihmave humanitare.

Presidenti Biden është përballur me kritika për ofrimin e mbështetjes diplomatike dhe me armatime për Izraelin, që kur shpërtheu konflikti i fundit izraelito-palestinez më 7 tetor 2023, kur Hamasi sulmoi Izraelin, duke vrarë 1200 njerëz dhe duke marrë rreth 250 pengje, sipas të dhënave izraelite. Sulmi ushtarak i Izraelit në Gazë ka vrarë mbi 46,000 palestinezë, sipas ministrisë së Shëndetësisë në Gazë.

Bota

OKB paralajmëron për ditë të rëndësishme për ndihmën humanitare në Gazë

Published

on

By

Shefi i ndihmës së OKB-së, Tom Fletcher, tha se ditët e ardhshme janë të rëndësishme, pasi pauza ushtarake e Izraelit në disa pjesë të Gazës mund të zgjasë “një javë ose më shumë”.

Pauza ditore 10-orëshe vjen pasi agjencitë e ndihmës paralajmëruan për urinë masive në të gjithë Rripin e Gazës.

Tom Fletcher, i pyetur se sa do të zgjasë pauza humanitare për të lejuar më shumë ndihmë, tha se ka dëgjuar “nga ekipi në terren” se pauzat do të zgjasin “një javë a më shumë”, gjë që ai tha se është “qartësisht e pamjaftueshme”, raporton BBC.

Nevojitet një periudhë e qëndrueshme javësh ose muajsh për të ndaluar urinë, tha ai, dhe në fund të fundit nevojitet një armëpushim.

Të dielën, Organizata Botërore e Shëndetësisë tha se kequshqyerja ka arritur “nivele alarmante”.

OKB-ja ka mirëpritur masat e reja të ndihmës, por tha gjithashtu se veprimi duhet të “vazhdojë” – dhe se “nuk duhet të ketë më sulme ndaj njerëzve që mblidhen për ushqim”.

Disa ndihma u hodhën në Gazë nga ajri gjatë fundjavës por, ishte një pjesë shumë e vogël e nevojave ditore të banorëve të Gazës.

Të dielën, IDF njoftoi se do të zbatonte pauza ditore 10-orëshe në operacionet e saj ushtarake në të gjithë Gazën për të “përmirësuar përgjigjen humanitare”.

Aktiviteti ushtarak do të ndërpritet në tre zona të populluara të Gazës – zona El-Mawasi, Deir al-Balah qendror dhe Qyteti i Gazës veriore – për të lejuar OKB-në dhe organizatat e tjera të shpërndajnë ushqim dhe ilaçe për njerëzit “deri në njoftim të mëtejshëm”.

Ushtria izraelite tha se do të “vazhdojë të mbështesë përpjekjet humanitare së bashku me operacionet ofensive kundër organizatave terroriste në Rripin e Gazës, me qëllim mbrojtjen e civilëve izraelitë”.

Continue Reading

Bota

​Ministrja austriake: Putinit po i mbaron koha, arkivolet në Rusi do të grumbullohen

Published

on

Ministrja e Jashtme austriake, njëherësh lidere e partisë liberale NEOS, Beate Meinl-Reisinger deklaroi se Kremlinit po i mbaron koha dhe Rusisë po i mbaron forca për të vazhduar luftën në Ukrainë, Ajo bëri thirrje për angazhim më të madh në politikën evropiane të mbrojtjes.

Ajo në një intervistë për Die Welt tha se presidentit rus Vladimir Putin po i mbaron koha, andaj po bën luftë me këtë brutalitet.

Kur u pyet nëse do të kishte një armëpushim në Ukrainë së shpejti, Meinl-Reisinger u përgjigj: “Ukraina dëshiron paqe, Rusia jo. Nëse Putin donte vërtet paqe, ai do të kishte filluar tashmë negociatat për një armëpushim.”

Ajo theksoi se presidenti i SHBA-së Donald Trump “i ofroi Putinit Krimenë dhe disa rajone lindore në një pjatë”, si dhe përjashtimin e Ukrainës nga NATO, por Kremlini nuk e përdori këtë për të ulur tensionet. Në vend të kësaj, Rusia vazhdon me një “luftë shkatërrimi”.

Edhe pse dëgjohet shpesh se Rusia ka iniciativën në fushën e betejës, ministrja e jashtme austriake beson se kjo nuk është e sigurt.

“Në një moment, arkivolet do të grumbullohen në Rusi. Përveç kësaj, ekziston edhe situata katastrofike ekonomike. Po bëhet gjithnjë e më e vështirë për Kremlinin të vazhdojë këtë luftë. Putini e di se po i mbaron koha. Kjo është arsyeja pse ai tani po e zhvillon luftën me një intensitet kaq brutal”, tha Meinl-Reisinger.

Continue Reading

Bota

​Përmbyset anija në Nigeri, 25 të vdekur

Published

on

Të paktën 25 persona humbën jetën kur një anije pasagjerësh u përmbys në një lumë në shtetin Niger të Nigerisë, thanë raportet e medias të dielën.

Anija po transportonte njerëz nga rajoni Munya dhe u fundos në zonën Shiroro, duke lënë dhjetëra të zhdukur, sipas raporteve fillestare, raporton Anadollu.

Autoritetet thanë se operacionet e kërkim-shpëtimit janë duke vazhduar, por paralajmëruan se numri i viktimave mund të rritet.

Po bëhen përpjekje për të gjetur dhe shpëtuar pasagjerët e zhdukur, tha një zyrtar, i cili nuk u dha numrin e personave në bord gazetarëve.

Aksidentet me anije janë të shpeshta në Nigeri gjatë sezonit të shirave, veçanërisht në lumenj dhe liqene që përdoren për transport.

Continue Reading

Bota

​Izraeli njofton ndërprerjen e luftimeve në disa pjesë të Gazës, ndërsa agjencitë kritikojnë dërgesat e ndihmave nga ajri

Published

on

By

Izraeli njoftoi një “pauzë taktike në aktivitetin ushtarak” në disa pjesë të Gazës, veprim ky i cili vjen pasi tha se ka dërguar ndihma nga ajri, të shtunën në mbrëmje. Ndihma përmbante “shtatë pako që përmbanin miell, sheqer dhe ushqim të konservuar”, raporton BBC.

Izraeli është përballur me presion në rritje nga qeveritë perëndimore, me agjencitë e ndihmës që paralajmërojnë se uria masive po përhapet në Gazë.

Agjencitë e ndihmës më parë e kanë kritikuar planin e Izraelit për dërgesën nga ajri, duke thënë se sasia është e pamjaftueshme, ndërsa banorët e Gazës kanë frikë se metoda mund të jetë e pasigurt.

Të paktën 127 njerëz kanë vdekur nga kequshqyerja që nga fillimi i luftës, sipas Ministrisë së Shëndetësisë që drejtohet nga Hamasi.

IDF thotë se dërgesa nga ajri është pjesë e një “serie veprimesh” – duke përfshirë krijimin e korridoreve humanitare për konvojet e OKB-së – për të “hedhur poshtë pretendimin e rremë për urinë e qëllimshme”.

Continue Reading

Të kërkuara