Botë
Politika e Uashingtonit ndaj Iranit, ja si do të ndikojë rezultati zgjedhor
Published
12 months agoon
By
UBTnewsZgjedhjet presidenciale të 5 nëntorit në Shtetet e Bashkuara pritet të kenë ndikim të konsiderueshëm në politikën e Uashingtonit kundrejt Iranit.
Nënpresidentja amerikane, Kamala Harris, kandidate e demokratëve për presidente në këto zgjedhje, pritet të çojë përpara politikën me fokus në diplomaci, kanë thënë ekspertët.
Ish-presidenti amerikan, Donald Trump, kandidat i republikanëve, pati udhëhequr me politikën e “presionit maksimal” gjatë mandatit të tij në Shtëpinë e Bardhë, dhe pritet të ketë qasje të ngjashme të ashpër, thonë analistët.
Ashpërsi e kalkuluar e Harrisit?
Në fillim të tetorit, Harris ka habitur jo pak njerëz kur e ka përshkruar Iranin si “armikun më të madh” të Uashingtonit, duke lënë mbrapa Rusinë dhe Kinën.
Alex Vatanka, drejtor i Programit për Iranin në Institutin për Lindje të Mesme, me seli në Uashington, ka thënë se komentet e saj nuk duhet të shihen me vlerë nominale. Harris ka thënë “atë që është dashur të thotë”, për hir të politikave të brendshme, dhe për të qetësuar lobin pro-izraelit.
Fushata e Harrisit synon “ta pozicionojë atë gati në një linjë me Trumpin kur është fjala për Iranin”, ka thënë Gregory Brew, analist i lartë në Grupin e Euroazisë me bazë në Shtetet e Bashkuara.
“Harris pritet të vazhdojë qasjen e Bidenit, të çojë përpara diplomacinë, pa ofruar koncesione të mëdha, dhe duke pasur kujdes që të mos nxisë reagime të brendshme politike”, ka thënë Brew.
Ekspertët thonë se konflikti në Lindje të Mesme, ku Izraeli lufton grupet e mbështetura nga Irani në Rripin e Gazës dhe Liban, mund të ndikojë që Harris të krijojë një politikë më të vrazhdë kundrejt Teheranit.
Diplomacia me Teheranin do të mbetet si opsion nën presidencën e Harrisit, kanë thënë ekspertët, mirëpo secila negociatë do të duhej t’i kishte në qendër çështjet rajonale, dhe jo programin bërthamor të Iranit.
Dialogun apo distancën – kë do ta zgjedhë Trumpi?
Përgjatë mandatit të tij në Shtëpinë e Bardhë, 2017 – 2021, Trump i ka tërhequr Shtetet e Bashkuara nga marrëveshja bërthamore – e nënshkruar mes Teheranit dhe fuqive botërore – i ka rikthyer sanksionet ndaj Iranit, dhe ka urdhëruar vrasjen e gjeneralit të lartë iranian, Qassem Soleimani.
Mirëpo, është e paqartë nëse Trump do të adoptojë sërish politikë të ngjashme ndaj Iranit, nëse fiton zgjedhjet, kanë thënë ekspertët, duke përmendur jostabilitetin e ish-presidentit.
Përgjatë fushatës zgjedhore, Trump ka sugjeruar, pa ofruar dëshmi, se Irani është i përfshirë në tentimet e fundit për vrasje të tij, dhe ka kërcënuar se do ta copëtojë shtetin në “thërrmija”.
Mirëpo, Trump ka thënë edhe se është i gatshëm të bisedojë me Iranin, përfshirë edhe çështjet bërthamore.
Nën presidencën e Trumpit, do të ketë shumë më pak interes për diplomaci me Teheranin, ka thënë Brew.
Sipas tij, në mesin e republikanëve ekziston “gatishmëri më e madhe për të toleruar veprim ushtarak kundër Iranit”, sidomos pas sulmit të parë të Izraelit kundër Iranit, më 26 tetor.
Mirëpo, mundësitë e përfshirjes së Shteteve të Bashkuara në luftë kundër Iranit, mbesin të vogla.
“Është e vështirë për mua që të shoh në këtë momente të historisë amerikane, një president amerikan që planifikon një luftë të madhe”, kla thënë Vatanka.
Sipas tij, Irani do të jetë më i gatshëm të bisedojë me Trumpin, sepse “mund t’i duket më i përshtatshëm për të arritur marrëveshje” me një ish-president, dhe me një qasje joshëse, “mund t’ia ushqejë egon”.
Vatanka beson se në përgjithësi, politika amerikane kundrejt Iranit do të funksiononte më shumë “përmes një konsensusi institucional të vendimmarrjes”, nën presidencën e Harrisit, ndërsa me Trumpin, situata do të kishte në qendër “mendjen dhe ndjenjat e një njeriu”./REL/
Botë
Uragani Melissa godet Kubën, skena të tmerrshme në Xhamajka
Published
5 hours agoon
October 29, 2025By
UBTnews
Uragani jashtëzakonisht i fuqishëm Melissa ka arritur në Kubë pasi shkatërroi Xhamajkën. Është stuhia më e fuqishme që vendi ishullor është përballur ndonjëherë.
Deri më tani nuk ka vdekje të konfirmuara, por pjesa më e madhe e Xhamajkës është pa energji elektrike dhe internet, dhe duke pasur parasysh forcën e stuhisë dhe shkallën e dëmit, pritet që të ketë.
Organizatat humanitare thonë se po “përgatiten për më të keqen”, raporton KosovaPress.
Sky News raporton se Xhamajka është jashtë rrezikut pasi qeveria njoftoi se paralajmërimi për stuhi tropikale për ishullin është hequr, ndërsa uragani vazhdon të largohet.
Përditësimi mbi fundin e kërcënimit, i ndarë nga kryeministri Andrew Holness, shënoi gjithashtu deklaratën e fundit zyrtare nga qeveria mbi uraganin Melissa. U lëshua vetëm njëzet minuta pasi ndjekësve iu tha se një paralajmërim për stuhi tropikale ishte ende në fuqi, edhe pse stuhia kishte kaluar tashmë mbi Xhamajka.
Megjithatë, qeveria paralajmëroi se shiu i lehtë deri i dendur do të vazhdonte të qëndronte mbi ishull, me erëra të forta të herëpashershme të pritshme të forcës së stuhisë tropikale.
Uragani Melissa goditi Kubën këtë mëngjes me erëra prej 185 km/orë dhe shi të dendur, por tani ka kaluar mbi ishull dhe po lëviz drejt Atlantikut jugperëndimor.
Presidenti kuban Miguel Díaz-Canel dha informacione të reja rreth pasojave të stuhisë dhe njoftoi se uragani shkaktoi dëme të konsiderueshme.
“U bëj thirrje popullit tonë të mos e ulë vigjilencën, të ruajë disiplinën dhe të vazhdojë të jetë i kujdesshëm”, tha Miguel Díaz-Canel në një postim në X.
Ai shtoi se vendi ishte përgatitur për skenarin më të keq të mundshëm, gjë që ndihmoi në reagimin ndaj stuhisë.
Qeveria britanike ka njoftuar se do të ndajë 2.5 milionë funte (2.9 milionë euro) ndihmë humanitare emergjente për të mbështetur rimëkëmbjen e rajonit të Karaibeve pas uraganit.
Edhe Departamenti i Shtetit tha se do të dërgonte një ekip rajonal reagimi ndaj katastrofave në përgjigje të “dëmeve katastrofike” të shkaktuara në shumë vende të Karaibeve. Ai gjithashtu aktivizoi ekipet urbane të kërkim-shpëtimit me bazë në SHBA për të forcuar përpjekjet e reagimit.
Stuhia Melissa tani po shkon drejt ishujve Bahama me një shpejtësi prej rreth 22 km/orë, me erëra maksimale të qëndrueshme prej 165 km/orë./KP
Botë
Koreja e Jugut njofton uljen e tarifave si pjesë e marrëveshjes së re tregtare me SHBA-në
Published
5 hours agoon
October 29, 2025By
UBTnews
SHBA-të dhe Koreja e Jugut kanë arritur një marrëveshje të gjerë tregtare, thanë të dy vendet pas bisedimeve midis udhëheqësve të tyre.
Ndihmësi presidencial i Koresë së Jugut, Kim Yong-beom, tha se të dy palët do të ulin tarifat reciproke nga 25% në 15%, siç u ra dakord më parë këtë vit.
Koreja e Jugut do të investojë gjithashtu 350 miliardë dollarë në SHBA, duke përfshirë 200 miliardë dollarë në investime në para të gatshme dhe 150 miliardë dollarë në ndërtimin e anijeve, tha Kim.
Presidenti i SHBA-së Donald Trump, i cili aktualisht është në një udhëtim njëjavor në Azi, tha se marrëveshja ishte “pothuajse e finalizuar” në një darkë pas diskutimeve, të cilat zgjatën pothuajse dy orë. Ai nuk dha detaje të mëtejshme, shkruan BBC.
“Sot patëm një takim të jashtëzakonshëm me Korenë e Jugut”, tha Trump për diskutimet e tij me Presidentin e Koresë së Jugut, Lee Jae Myung, duke shtuar se “shumë gjëra u përcaktuan”.
“Diskutuam disa gjëra të tjera që kishin të bënin me sigurinë kombëtare etj. Dhe mendoj se arritëm në një përfundim për shumë çështje shumë të rëndësishme.”
Të dyja palët e minimizuan mundësinë e një përparimi përpara bisedimeve të së mërkurës – duke zhgënjyer shumë në industrinë e elektronikës, çipave dhe automobilave të Koresë së Jugut, të cilat kishin shpresuar për njëfarë qartësie mes kaosit tarifor.
Trump kishte vendosur një normë tarifore prej 25% për Seulin më herët këtë vit – të cilën Lee arriti ta ulte në 15%, pasi Seuli tha se do të investonte 350 miliardë dollarë në SHBA dhe do të blinte gaz natyror të lëngshëm me vlerë 100 miliardë dollarë.
Por Shtëpia e Bardhë më vonë i rriti kërkesat e saj si pjesë e bisedimeve tregtare, me Trumpin që shtyu për investime në para në SHBA.
Të dyja vendet historikisht kanë qenë aleatë kryesorë – por tensionet u rritën pasi qindra koreano-jugorë u ndaluan në një bastisje imigracioni në SHBA muajin e kaluar./KP
Botë
Sulmet në Gaza, arrin në mbi 100 numri i të vdekurve
Published
6 hours agoon
October 29, 2025By
UBTnews
Të paktën 104 palestinezë u vranë në një valë sulmesh izraelite në Gaza të martën në mbrëmje, thotë ministria e shëndetësisë e territorit e drejtuar nga Hamasi.
Ushtria izraelite tha se goditi “dhjetëra objektiva terroristësh dhe terroristë” në përgjigje të shkeljeve nga Hamasi të marrëveshjes së armëpushimit të ndërmjetësuar nga SHBA-ja.
Ministri i mbrojtjes i Izraelit akuzoi Hamasin për një sulm në Gaza që vrau një ushtar izraelit dhe për shkelje të kushteve për kthimin e trupave të pengjeve të vdekura. Hamasi tha se nuk kishte “asnjë lidhje” me sulmin dhe ishte i përkushtuar ndaj marrëveshjes, raporton BBC.
Presidenti amerikan Donald Trump pohoi se “asgjë” nuk do të rrezikonte armëpushimin, por shtoi se Izraeli duhet të “kundërsulmojë” kur ushtarët e tij të jenë në shënjestër./EO
Botë
Papa bën thirrje për t’i dhënë fund luftërave, bën thirrje për pajtim global
Published
7 hours agoon
October 29, 2025By
UBTnews
Papa Leo XIV bëri thirrje të martën për t’i dhënë fund luftërave në mbarë botën, duke thënë se arritja e paqes është “detyrë e të gjithë udhëheqësve politikë”.
Duke folur në mbyllje të një forumi ndërfetar në Romë, Papa tha: “Konfliktet ekzistojnë kudo që ka jetë, por ne nuk mund t’i menaxhojmë dhe as t’i zgjidhim ato përmes luftës”.
Ai u bëri thirrje udhëheqësve politikë të fillojnë “një periudhë të vërtetë dhe të qëndrueshme pajtimi”, duke shtuar: “Le të mbarojnë luftërat tani”,
“Bota është e etur për paqe“, tha Papa, duke paralajmëruar se njerëzimi nuk duhet “të mësohet të jetojë me luftën”.
Ai e përshkroi përfundimin e luftërave si “një detyrë të pashmangshme para Zotit”, duke thënë se paqja duhet të jetë “prioriteti kryesor i të gjitha politikave”.
Eventi tre-ditor, i organizuar nga Komuniteti Katolik i Sant’Egidio nën temën “Kini Guxim për Paqen”, mblodhi së bashku përfaqësues të feve të ndryshme dhe përfundoi me një minutë heshtje për viktimat e luftës dhe dhunës./KP
Roli dhe rëndësia e vitaminës F në trup
Victoria Beckham: Një grua duhet të jetë budallaqe e vërtetë për të mos u marrë vesh me mua
Punë për dhjetë, e bërë nga një! Revolucioni i inteligjencës artificiale po vrapon pa e kuptuar fare
Paga minimale, Murati thërret në takim përfaqësuesit e bizneseve
Siria njeh Kosovën
Meghan dhe Harry surprizojnë tifozët, një mbrëmje mbretërore në ndeshjen e Dodgers
Si të zgjidhni mandarinat më të ëmbla dhe më të lëngshme?
Galeria Kombëtare fton publikun në një mbrëmje plot ngjyra dhe krijimtari
Uragani Melissa godet Kubën, skena të tmerrshme në Xhamajka
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Aktualitet6 days agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
