Aktualitet

Planet e administratës Biden për reduktimin e gazit metan

Të martën, administrata e Presidentit Biden bëri publike një plan që bën bashkë sektorë të ndryshëm të qeverisë amerikan.

Published

4 years ago

November 3, 2021

Betim Gashi

Në ditën e dytë të Konferencës së Kombeve të Bashkuara mbi Ndryshimet Klimatike që mbahet në Glasgou, Presidenti Joe Biden njoftoi një plan të gjerë të Shteteve të Bashkuara për të pakësuar emetimin e gazit të metanit. Konferenca ka mbledhur së bashku udhëheqës nga më shumë se 100 vende të botës.

“Ajo që do të bëjmë nga sot deri në vitin 2030 do të ndikojë ndjeshëm tek situata, dhe do të shërbejë për të kuptuar nëse jemi në gjendje të përmbushim angazhimet tona afatgjata“, tha Presidenti Biden.

“Një nga gjërat më të rëndësishme që mund të bëjmë në këtë dekadë vendimtare, e që të ruajmë kufirin prej 1.5 gradë celcius të ngrohjes globale, është pakësimi i emetimit të gazit të metanit, sa më shpejt të jetë e mundur“, shtoi ai.

Metani është një gaz që kontribuon drejtpërdrejt në ngrohjen globale. Metani emetohet gjatë prodhimit dhe transportit të qymyrit, gazit natyror dhe naftës. Po kështu blegtoria, aktivitetet bujqësore apo landfillet prodhojnë sasi të mëdha të këtij gazi.

Të martën, administrata e Presidentit Biden bëri publike një plan që bën bashkë sektorë të ndryshëm të qeverisë amerikane, duke përfshirë departamentet e energjisë, bujqësisë, transportit, strehimit dhe departamentin e brendshëm, në përpjekjet për të ulur emetimin e gazit të metanit.

Ky plan synon që Shtetet e Bashkuara të arrijnë objektivat në përputhje me një premtim global për reduktimin e metanit, sipas të cilit emetuesit më të mëdhenj në botë, synojnë të pakësojnë deri në vitin 2030, emetimin e përgjithshëm të metanit me 30% nën nivelet e vitit 2020.

“Reduktimi i emetimit të metanit është thelbësor për të mbajtur nivelet e ngrohjes globale nën 1.5 gradë Celcius”, tha Helen Mountford, nënpresidente e Institutit për Burimeve Botërore, e cila trajton çështje të ekonomisë dhe klimës. “Ky premtim nga mbi 90 vende për të ulur emetimin e gazit metan me të paktën 30% gjatë dekadës së ardhshme vendos një bazë të fortë për sa i përket ambicieve që na duhen globalisht. Veprimi i fortë dhe i shpejtë për të pakësuar emetimin e metanit ofron një sërë përfitimesh, nga kufizimi i ngrohjes afatshkurtër dhe frenimi i ndotjes së ajrit, tek përmirësimi i sigurisë ushqimore dhe shëndeti më i mirë publik“, shtoi ai.

Vendi

Exit Polli e nxjerrë fitues Përparim Ramën në Prishtinë

Published

5 hours ago

November 9, 2025

Driton Iseni

Përparim Rama nga LDK ka dalë i pari në sondazhet e televizionit Dukagjini.

Sipas këtij exit pollit të UBO-Consulting, rezulton që Rama merr 54.1 për qind, ndërsa kundër kandidati i tij, Hajrulla Çeku 45.9 për qind.

Ndërsa sipas exit pollit të Klan Kosovës, përparim Rama ka 53.62 për qind, ndërsa Hjarulla Çeku 46.38 për qind.

Lajmet

Rektori Hajrizi viziton UniMarconi në Romë

Published

2 days ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Aktualitet

Fundjavë me shi dhe rënie të temperaturave

Published

2 days ago

November 8, 2025

UBT News

Instituti Hidrometeorologjik bën të ditur se sot do të mbajë mot i vranët dhe me intervale me diell.

IHK njofton se vranësirat vende-vende parashihen të sjellin riga shiu.

Temperaturat minimale do të lëvizin ndërmjet 4 dhe 7 gradë Celsius, kurse temperaturat maksimale ndërmjet 13 deri në 18 gradë Celsius.

/A.Z/UBT News/

Lajmet

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

2 days ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.