Aktualitet

Plan i ri i zhvendosjes së afganëve që punuan në projekte amerikane

Published

4 years ago

August 2, 2021

UBT news

Administrata amerikane pritet të bëjë publik një program të ri për të zhvendosur disa afganë si refugjatë në Shtetet e Bashkuara, ka raportuar agjencia e lajmeve Reuters, duke cituar një zyrtar të administratës dhe dy burime tjera që kanë njohuri me këtë çështje.

Sipas tyre, Departamenti amerikan i Shtetit, do të bëjë publik më 2 gusht, krijimin e programit të refugjatëve që janë në grupin e dytë me prioritet.

Departamenti amerikan i Shtetit ende nuk është përgjigjur në kërkesën për koment, ka thënë Reuters.

Këto raportime vijnë teksa grupi militant i talibanëve vazhdon të rrisë territoret që kontrollon në Afganistan, si dhe në kohën kur forcat amerikane dhe trupa tjera të huaja janë në përfundim e sipër të procesit të largimit nga ky shtet.

Presidenti amerikan, Joe Biden është përballur me presion nga ligjvënësit dhe grupet për të dreja të njeriut për t’iu ndihmuar afganëve që rrezikojnë të shënjestrohen nga talibanët, për shkak të bashkëpunimit me SHBA-në gjatë 20 vjetëve të luftës.

Biden është zotuar se afganëve, që i kanë ndihmuar ushtrisë amerikane, nuk do t’iu kthehet shpina, teksa largohen forcat ndërkombëtare nga Afganistani.

“Ata që na kanë ndihmuar, nuk do t’i lëmë prapa”, ka thënë Biden nga Shtëpia e Bardhë më 24 qershor, një ditë pasi është takuar me presidentin afgan, Ashraf Ghani dhe udhëheqësin e Këshillit të Lartë për Pajtim Kombëtar, Abdullah Abdullah.

Zyrtarë të administratës kanë qenë të kujdesshëm kur kanë diskutuar planet për zhvendosje, për shkaqe të sigurisë.

Reuters ka raportuar se disa zyrtarë të administratës kanë thënë se programi i ri do të përfshijë afganët që kanë punuar në projektet e financuara nga SHBA-ja, si dhe për organizatat joqeveritare dhe mediat që kanë bazën në SHBA.

Këta afganë nuk janë kualifikuar për programin e vizave speciale të imigrimit, përmes së cilit është siguruar jetesa në SHBA për përkthyesit që kanë punuar për Qeverinë amerikane, si dhe familjet e tyre.

Reuters ka raportuar se 200 aplikantë, nën programin për viza speciale, kanë arritur javën e kaluar në SHBA, duke nisur procesin e evakuuimit që mund të përfshijë rreth 50.000 persona.

Largimi i trupave ndërkombëtare ka krijuar paqartësi të mëdha në Afganistan, sidomos kur po zgjerohet territori i talibanëve.

Disa ligjvënës amerikanë kanë thënë hapur se shqetësohen për kthimin e talibanëve në pushtet, për kthimin mbrapa në fushën e të drejtave të grave dhe kthimin e vajzave nën rregullin e ashpër të Islamit, sikurse në kohën kur talibanët kanë qenë në pushtet, në periudhën 1996-2001.

Gazeta amerikane The Wall Street Journal, ka raportuar se një raport i ri i inteligjencës amerikane tregon se talibanët mund ta pushtojnë Kabulin brenda gjashtë muajve.

Raporti është thënë të jetë hartuar pas rishikimit të analizave të së kaluarës, që tregonin se Qeveria afgane mund të jetë në pushtet edhe për dy vjet tjera, pas largimit të trupave ndërkombëtare.

Rreth 650 trupa amerikane pritet të mbesin në Afganistan për të ofruar siguri për diplomatët, pasi forcat amerikane të largohen nga ky shtet, kanë thënë disa zyrtarë të paidentifikuar për agjencinë e lajmeve Associated Press.

Sipas zyrtarëve, qindra trupa tjera amerikane do të qëndrojnë në Aeroportin Ndërkombëtar të Kabulit, potencialisht deri në shtator, për t’iu ndihmuar trupave turke që të ofrojnë siguri./rel

Aktualitet

UBT hap thirrjen për punime shkencore në Konferencën Ndërkombëtare MBE 2025

Published

13 hours ago

October 1, 2025

Driton Iseni

UBT ka kënaqësinë t’ju ftojë të merrni pjesë në Konferencën Ndërkombëtare mbi Menaxhimin, Biznesin dhe Ekonominë (MBE) 2025, pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion.

Kjo konferencë ndërkombëtare, e rishikuar nga ekspertë (peer-reviewed), mirëpret punime nga studiues, akademikë, studentë pasuniversitarë, kandidatë për doktoraturë, hulumtues të rinj dhe profesionistë të industrisë. Qëllimi kryesor është të promovojë shkëmbimin e njohurive, ideve dhe përvojave inovative në fushat e Menaxhimit, Biznesit dhe Ekonomisë.

Programi i konferencës përfshin:

Sesione prezantimi të punimeve shkencore,
Diskutime paneli me akademikë dhe ekspertë të njohur ndërkombëtarisht,
Ngjarje sociale për mundësi rrjetëzimi dhe bashkëpunimi.

Temat kryesore të këtij viti përfshijnë:

Ekonomia dhe Financa Ndërkombëtare – Analiza e tregjeve globale, politika ekonomike, investimet ndërkombëtare.
Sipërmarrësi dhe Inovacioni – Strategji për ndërmarrësi të suksesshme, zhvillimi i produkteve dhe shërbimeve inovative.
Informatika e Biznesit dhe Marketingu Digjital – Teknologjitë digjitale, transformimi i biznesit, marketingu në epokën digjitale.
Zhvillimi i Qëndrueshëm dhe Objektivat Globale – Praktikat e qëndrueshme, ndikimi social dhe ekonomiko-mjedisor i aktiviteteve të biznesit.

Afatet e rëndësishme:

Dorëzimi i abstrakteve dhe punimeve: elektronikisht në [email protected]

Aktualitet

Qelaj: Partneriteti me aleatët i nevojshëm për fuqizimin e të drejtave të njeriut

Published

16 hours ago

October 1, 2025

UBT News

Për nder të përvjetorit të 25-të të themelimit të institucionit të Avokatit të Popullit u organizua një takim me partnerët ndërkombëtarë nga vetë avokati i popullit.

Avokati i Popullit, Naim Qelaj, shprehu nevojën që partneriteti me aleatët të fuqizohet dhe të vazhdojë edhe më tej në drejtim të respektimit të të drejtave të njeriut.

Ai përmendi edhe sfidat që kohëve të fundit janë përballur, ndër të tjera edhe me mungesën e konstituimit të Kuvendit të Kosovës.

Pjesë e kësaj tryeze ishte edhe shefi i Zyrës së Bashkimit Evropian në Kosovë, Aivo Orav, i cili tha se institucioni i Avokati të Popullit shënon arritje të mëdha në drejtim të respektimit të drejtave të njeriut dhe barazinë në Kosovë.

“Ruajtja e pavarësisë së këtij institucioni do të thotë rritje e besimit publik”, tha Orav./S.K/KP/

Aktualitet

Arrestohen dy persona të dyshuar për posedim të armës dhe deklarim të rremë

Published

16 hours ago

October 1, 2025

UBT News

Policia e Kosovës njofton se dje në Pejë ka ndaluar dy persona tё dyshuar dhe ka arrestuar derisa ishte nё pikё kontrolli në rrugën “Maja e zezё-Peklenё’.

Ata njoftuan se gjatё kontrollit fizik tek njёri nga personat e dyshuar ёshtё gjetur dhe është sekuestruar: njё armё pistoletё, njё karikator i armёs, katёr fishekё

Sipas Policisë, gjatё intervistimit i dyshuari ёshtё prezantuar rrejshëm me identitet tjetёr, pastaj ёshtё verifikuar dhe vërtetuar nga hetuesit dhe i njëjti ka deklaruar rrejshёm.

“Pas intervistimit të personave tё dyshuar me urdhёr tё prokurorit tё Shtetit tё dyshuarit janё ndaluar pёr 48 orё”, thuhet në njoftim./S.K/KP/

Aktualitet

28 vjet nga protestat studentore në Prishtinë

Published

21 hours ago

October 1, 2025

UBT News

Sot mbushen 28 vjet nga protestat e Lëvizjes Studentore të 1 tetorit 1997, koha kur studentët e Universitetit Paralel asokohe të Prishtinës, protestuan për të drejtat e tyre, dhe për të drejtat e njeriut kosovar në Kosovën e atëhershme.

Ishte Lëvizja Studentore e atëhershme që organizoi protestat, të cilat u organizuan për të kundërshtuar pushtimin e Kosovës nga Serbia dhe kthimin e studentëve në objektet universitare, nga ku studentët ishin dëbuar nga regjimi i kasapit Slobodan Millosheviq në fillim të viteve të 90-ta.

Lëvizja Studentore e 1997 e drejtuar nga Bujar Dugolli, Milot Cakaj, Muhamet Mavraj, Driton Lajçi, Hajrullah Koliqi, Fetah Jagxhiu, Ahmet Gecaj dhe Albin Kurti, e përkrahur dhe nga rektori i Universitetit të Prishtinës, Ejup Statovci, si dhe nga disa profesorë, i pati dhënë fund politikës paqësore të popullit shqiptar ndaj regjimit serb.

Përpos masave të dhunshme që regjimi kishte vendosur vite më parë në universitet, dëboi studentë e profesorë nga universiteti dhe imponoi plan-programin serb për mësim.

Këto protesta konsiderohen si një ndër aktet më të rëndësishme të asaj kohe, mirëpo të shpërndarë protestën paqësore, policia serbe përdori dhunë ndaj studentëve dhe profesorëve. /S.K/KP/KultPlus/