Sport

Pique beson se Barcelona do të garojë për trofe

Published

3 years ago

September 24, 2021

Betim Gashi

Mbrojtësi Gerard Pique është optimist që Barcelona mund t’i rikthehet garës për trofe, pas startit jo të mirë në sezonin e ri, ku edhe ka treguar që trajneri Ronald Koeman ka përkrahjen e krerëve të klubit.

Pas barazimit të parë pa gola kundër Cadiz në 27 ndeshje kundër tyre, Barcelona ka arritur të regjistrojë vetëm dy fitore në pesë xhirot e para të La Ligas.

Pavarësisht rezultateve jo të mira në këtë sezon, Pique ka bërë thirrje për të qëndruar të bashkuar, që t’i zgjidhin problemet brenda dhe jashtë fushës.

“Jemi duke kaluar nëpër një situatë me të cilën nuk jemi mësuar. Këto janë vite jo të mira, kemi ndërruar presidentin, dhe kemi ndërruar trajnerë. Së bashku duhet të bëjmë më të mirën që të arrijmë paqe brenda klubit”, tha Pique.

“Të gjithë duan të fitojnë. Ka shumë mënyra për të zgjidhur atë gjë. Të gjithë mund të ankohemi, ose të gjithë duhet të punojmë. Lojtarët janë këtu për të punuar. Mos të zgjedhim anë, jemi të gjithë përkrah presidentit dhe trajnerit. Nuk mund të kontrollojmë spekulimet rreth klubit, dhe nuk duhet të mendojmë rreth tyre”, shtoi Pique.

Barazimi pa gola mbrëmë kundër Cadizit nënkupton që Barcelona tani ka shënuar vetëm tetë gola në pesë ndeshje, rekord ky jo i mirë që prej sezonit 2003/04.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.