Lajmet

PIPS: Vetëm 48% e qytetarëve të anketuar besojnë që dialogu do të përfundojë me marrëveshje

41.8 për qind e të anketuarve nuk besojnë që marrëveshja përfundimtarë do ta përmirësojë jetën e tyre.

Published

2 years ago

on

Instituti i Prishtinës për Studime Politike (PIPS) ka publikuar rezultatet e anketës me titull “Politika ndërkombëtare dhe dialogu Kosovë – Serbi: Perceptimet e qytetarëve të Kosovës”. Sipas këtyre rezultate, 48 për qind e të anketuarve besojnë që dialogu ndërmjet Kosovës dhe Serbisë do të përfundojë me një marrëveshje derisa 41.8 për qind e të anketuarve nuk besojnë që marrëveshja përfundimtarë do ta përmirësojë jetën e tyre.

Në këtë anketë, Jon Krasniqi nga PIPS, ka thënë se qytetarët janë pyetur edhe për preferencat e tyre për politikanë.

“Ndër serbët e Kosovës, presidenti i Rusisë Vladimir Putin mbetet ende lideri i preferuar, me 90 për qind. Presidenti Macron gëzon poa shtu një pëlqim”, është shprehur Krasniqi.

Ai ka theksuar se rezultatet kanë treguar se shumica dërmuese e të anketuarve shqiptarë e konsiderojë Serbinë si kërcënim për sigurinë rajonale dhe shumica e të anketuarve mendojnë që SHBA-ja duhet të jetë partneri kryesor ekonomik i Kosovës.

Krasniqi ka thënë se rezultatet tregojnë që 80 për qind e të anketuarve e shohin pozitivisht BE-në. Krasniqi ka thënë se shihet optimizëm i lartë rreth qëndrimit të BE-së ndaj Kosovës. Sipas Krasniqit, shumica e të anketuarve besojnë që Kosova do të anëtarësohet në BE brenda dekadës së ardhshme.

Krasniqi ka thënë se gjysma e të anketuarve besojnë që vizat do të liberalizohen gjatë 2023, e pjesa tjetër janë dekloaruar se kjo s’do të bëhet deri në vitin 2025.

Gati gjysma e të anketuarve, sipas Krasniqit janë shprehur se janë të kënaqur me politikën e jashtme dhe diplomacinë e Kosovës.

Ndërsa shumica e të anketuarve apo mbi 68 për qind, ka thënë se besojnë që pozita e Kosovës është përmirësuar në vitet e fundit

Në këtë anketim kanë marrë pjesë 865 shqiptarë dhe 200 serbë, prej të cilëve 60 për qind nga zonat urbane 40 për qind nga zonat rurale.

Në publikimin e këtyre rezultateve ka marr pjesë edhe shefi i zyrës së Fondacionit Konrad Ademauer Stiftung për Kosovë dhe Maqedoni të Veriut, Daniel Braun. Ai ka theksuar se nuk duhet të shpresohet që të ketë mrekulli në dialog, por se sipas tij çfarëdo përparimi është një lloj arritjeje.

“Ka shumë shpresë se mund të vazhdojmë para për të dyja vendet dhe gjithashtu e di që ndonjëherë është shumë e vështirë të dëgjosh në Kosovë për kompromise …Besoj që një marrëveshje e qëndrueshme për Kosovën ka nevojë për kompromis … edhe kompromisi do të jetë në favor të vendit”, ka theksuar Braun duk shtuar se të dyja palët duhet të punojnë më shumë që të kenë një të ardhme më të mirë.

Ai ka komentuar edhe deklaratën e presidentit të Serbisë, Aleksandar Vuçiq, i cili ka thënë se nuk do të pranojë asnjëherë anëtarësimin e Kosovës në Organizatën e Kombeve të Bashkuara (OKB).

“Propozimi franko-gjerman nuk kërkon njohje formale nga Serbia por kërkon që të mos e pengojë rrugën e Kosovës në organizatat ndërkombëtare. Edhe Kurti edhe Vuciqi janë në trysni shumë të madhe vendore. Nëse Vuciq thotë se është kundër çdo gjëje atëherë mund të ndërpresim negociatat se është kundër propozimit … por nuk është ashtu. Unë e kuptoj plotësisht por ky është dokumenti tash për tash, por të gjitha këto komunikime do t’i lexoja si pjesë të negociatave. Duhet ta keni parasysh që tani për tani ka shumë trysni mbi të gjitha qeveritë”, ka deklaruar Braun.

Gëzim Visoka, profesor asistent në Dublin City University, ka theksuar se qytetarët dhe liderët vazhdojnë të jenë properëndimor. Sipas tij qëndrimi properëndimor sa është organik është edhe për shkak të izolimit.

Derisa për pikëpamjet e qytetarëve shqiptarë që e perceptojnë Serbinë si kërcënues kryesor, ka thënë se kjo tregon për një situatë të ndjeshme polarizuese që sipas Visokës lehtë mund të përkthehet në një konflikt.

“Mungesë të transparencës qoftë nga BE-ja por edhe nga palët e tjera në dialog, lidhur me atë se çfarë po diskutohet apo cilat do të jenë përfitimet. Mosinformimi publik në veçanti dykuptimësia që e ka përcjellë ky dialog është përcjellë në mos dije për të. Vetë procesi i dialogut ka ndikuar në legjitimitetin e dialogut”, ka deklaruar Visoka.

Related Topics:
Continue Reading

Lajmet

Fryrja e organizmit nga grumbullimi i lëngjeve, si të humbni peshën e tepërt?

Published

1 day ago

on

April 26, 2025

By

Trupi i njeriut përbëhet nga 55 deri në 75 përqind ujë. Por akumulimi i tepërt i ujit në trup mund të shkaktojë fryrje, dhimbje dhe shtim në peshë.

Akumulimi i ujit është një nga shkaktarët e shtimit në peshë, megjithatë kontributon për shtimin në peshë me të paktën 2 deri në 5 kilogramë.

Akumulimi i ujit ndodh si pasojë e disa faktorëve.

Disa prej tyre janë konsumi i madh i kripës, mungesa e proteinave, mungesa e aktivitetit fizik dhe ndryshimet hormonale, faktorë më të lartë rreziku janë problemet me zemrën, veshkat dhe marrja e ilaçeve kundër dhimbjeve, kontraceptivëve dhe ilaçeve për zemrën.

Ju listojmë më poshtë disa nga mënyrat më të mira për të humbur peshën e shkaktuar nga akumulimi i lëngjeve në trup.

Si të humbni peshën e krijuar nga akumulimi i lëngjeve?

Aktiviteti Fizik

Mungesa e aktivitetit është një nga faktorët të akumulimit të lëngjeve, nëse kryeni aktivitet, indet e këmbëve dhe kyçeve do të lëshojnë lëngjet e mbledhura.

Kujdes me kripën

Pakësimi i sasisë së kripës është një nga mënyrat më efikase në humbjen e peshës së krijuar nga akumulimi i lëngjeve, sasia ditore e kripës nuk duhet të jetë më shumë se 2,300 miligramë, e barazvlefshme me një lugë çaji. Tregoni kujdes me konsumin e proshutave, djathrave, supave e produkteve të paketuara.

Më shumë proteinë

Proteina luan nrol kryesor në ruajtjen e ekuilibrave të lëngjeve në organizëm, sasia e rekomanduar ditore e proteinës duhet të jetë një gramë për çdo kilogramë të peshës trupore. Burime të mira të proteinës janë produktet e detit, mishi i shpendëve, mishi pa dhjamë i viçit dhe derrit, vezët dhe fasulet.

Më shumë kalium

Një mineral i përfshirë në ruajtjen e ekuilibrit të lëngjeve në trup, ai ndihmon në nxjerrjen e ujit dhe krips nga urina dhe djersa. Sasia e rekomanduar ditore e kaliumit është 4,700 miligramë. Ushqime të pasura me kalium janë barishtet, banania, patatet, avokado dhe domatet.

Më shumë magnez

Magnezi rrit prodhimin e urinës dhe uljen e sasisë së ujit të akumuluar në trup, të rriturit kanë nevojë për 310-420 miligramë magnez në ditë. Magnezi gjendet me bollëk tek barishtet si spinaqi, por edhe tek avokado, bajamet dhe fasulet e zeza.

Hidratimi

I rëndësishëm për nxjerrjen e ujit të tepërt nga organizmi, ekspertët rekomandojnë pirjen e një gote me ujë përpara çdo vakti ose ushqimi të konsumuar gjatë ditës. Përveç ujit, ju mund të konsumoni ushqime që kanë rol hidratues siç janë shalqini, selinoja, kastraveci dhe luleshtrydhet.

Continue Reading

Lajmet

Sveçla: Aksioni në Kaçanik po vazhdon, ka arrestime të reja

Published

2 days ago

on

April 25, 2025

By

Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

“Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

Ky informacion është konfirmuar për KosovaPress nga zëdhënësi i Policisë së Kosovës, Baki Kelani.

“Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.

Continue Reading

Lajmet

KEK-u njofton se ka përfunduar me sukses riparimin e njësisë B1: Gjendja është stabile

Published

2 days ago

on

April 25, 2025

By

Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.

“Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.

Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.

“Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.

Continue Reading

Lajmet

Vazhdojnë regjistrimet në UBT International Smart Schools – Shkollat më inovative të mesme në vend

Published

2 days ago

on

April 25, 2025

By

Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.

UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.

Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:

•     Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
•     Gjimnazi Natyror – Për ata që kanë pasion për shkencat natyrore dhe kërkimin shkencor.
•     Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
•     Asistent Dentar
•     Bashkëpunëtor Profesional i Infermierisë
•     Teknik i Farmacisë
•     Teknik i Laboratorit Mjekësor
•     Teknik i Optikës – Opticient

Formimi i liderëve të së nesërmes nis në UBT International Smart Schools

UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!

Për më shumë informata dhe aplikim: https://ubt.school/
046 332 233

Continue Reading

Të kërkuara