Lajmet

Gjashtë komuna përfituese të grantit të performancës komunale

Programi i Granteve të Performancës Komunale ka ndihmuar në përmirësimin e shërbimeve komunale dhe qeverisjes.

Publikuar

1 vit më parë

më

Drenasi, Lipjani, Obiliqi, Klina, Vitia dhe Gjakova janë gjashtë komunat fituese të grantit të performancës komunale, në vlerë rreth tetë milionë euro.

Që nga lansimi, programi i Granteve të Performancës Komunale ka ndihmuar në përmirësimin e shërbimeve komunale dhe qeverisjes për më shumë se 700 mijë qytetarë në 28 komuna në mbarë Kosovën.

Ministri i Administrimit të Pushtetit Lokal, Elbert Krasniqi tha se kane ndërmarrë disa hapa për funksionimin e skemës së grantit të përformancës komunale. Ai ka theksuar se këtë vit ka më pak komuna përfituese, por projektet janë madhore.

“Fillimisht kemi zhbllokuar grantin e performancës komunale, i cili kishte mbetur peng si pasojë e kalkulimeve politike. Kemi institucionalizuar skemën e grantit përmes hartimit të Ligjit për Sistemin e Menaxhimit të Performancës Komunale dhe skemën e grantit të bazuar në performancë, i cili është miratuar në Kuvendin e Kosovës dhe tashmë jemi në hartimin e akteve nënligjore, siç është edhe Rregullorja për Grantin e Performëncës. Shumë e rëndësishme në të gjithë procesin ka qenë edhe ngritja e mekanizmave në terren, me qëllim të verifikimit të të dhënave të deklaruar nga komunat përfituese….Po ashtu kemi nisur dy procese atë të auditimit të brendshëm dhe auditimit të përgjithshëm në mënyrë që transparenca të jetë fjala e parë dhe kryesore në kuadër të grantit të performancës komunale. Këtë vit granti për mbështetjen e performancës komunale është në vlerë prej tetë milionë euro”, ka thënë Krasniqi.

E ambasadori i Zvicrës në Kosovë, Thomas Kolly tha se buxheti ka arritur në vlerën mbi 30 milionë euro prej vitit 2022 deri në 2025.

“Buxheti i performancës komunale ka arritur në vlerën mbi 30 milionë euro për periudhën prej vitit 2022 deri në vitin 2025. Kjo rritje e konsiderueshme e financimit e konfirmon rëndësinë e grantit të performancës komunale. Në të njëjtën kohë rritja demonstron dhe dëshmon angazhimin e partnerëve për mbështetjen e zhvillimit të komunave të Kosovës dhe qeverisjes lokale në përgjithësi. Cili është qëllimi? Është shumë e thjesht, që tu ofrohen qytetarëve shërbime më të mira”, u shpreh ai.

Nga Zyra e BE-së në Kosovë, Johannes Madsen u shpreh se që nga fillimi kanë qenë të interesuar t’i bashkohen këtij projekti për jetë më cilësore të qytetarëve.

“Një kryetar komune që jeton në të njëjtin vend dhe udhëheq me komunën ka kompetenca dhe burimet për të përmbushur nevojat tuaja për shërbime cilësore. Gjithashtu për këtë arsyeje është nder i madh që të jem i pranishëm me ju në këtë ceremoni të grantit të performancës komunale dhe për të festuar performancën e mrekullueshme të komunave të Kosovës. Dhe si Zyre e BE-së dhe si shef i sektorit të bashkëpunimit të Zyrës së BE-së dhe të shprehim mirënjohjen tonë për punën e zellshme dhe përkushtimin në të gjitha komunat e Kosovës drejt përmirësimit të cilësisë së jetës së qytetarëve. Si BE që nga fillimi kemi qenë të interesuar t’i bashkangjitemi këtij projekti me qeverinë dhe partnerët tonë”, ka thënë ai.

Edhe ambasadori i Suedisë, Jonas Westerlund theksoi se cilësia e demokracisë varet në pjesëmarrjen e qytetarëve.


“Elementi më vendimtar i komunave dhe nivelit komunal është që të jenë sa më afër qytetarëve. Qytetarët duhet ta ndjejnë praninë e qeverisjes lokale përmes projekteve reale nga të cilat qytetarët përfitojnë. Prandaj është jashtëzakonisht e rëndësishme që të sigurohemi që fondet që shkojnë në komunat të përdorën në mënyrë efikase”, ka theksuar ai.

Përmes grantit komunat kanë qenë në gjendje të investojnë në infrastrukturë dhe shërbime thelbësore, duke përfshirë rrugët, shkollat, qendrat e kujdesit shëndetësor dhe sistemet e menaxhimit të mbeturinave, duke rezultuar në përmirësime të dukshme në cilësinë e jetës së qytetarëve.

Etiketa
Vazhdo të lexosh

Lajmet

Mbi 1.8 milion votues në listën zgjedhore, në garë janë 17 parti dhe koalicione

Publikuar

7 minuta më parë

më

8 Maj, 2024

nga

Mbi 1.8 milion persona janë në listën zgjedhore me të drejtë vote për zgjedhjet parlamentare në Maqedoninë e Veriut. Ky numër është për 1 mijë e 33 më i lartë se personat në listën zgjedhore për zgjedhjet presidenciale. Qytetarët brenda vendit do të mund të votojnë në 3 mijë e 480 vendvotime.

Qytetarët që duan të votojnë për president duhet të paraqiten në vendin e votimit me dokument të vlefshëm identifikimi ose dokument identifikimi të skaduar nga 24 korriku i vitit 2023 dhe më vonë. Kurse qytetarët që duan të votojnë për zgjedhjet parlamentare duhet të kenë dokument të vlefshëm ose të skaduar jo më herët se 8 gushti 2023. Përveç identifikimit me dokument personal, qytetarët duhet të kalojnë edhe filtrin e identifikimit të dyfishtë, me aparatet biometrike për shenjat e gishtave. Në rast se votuesi paraqitet në vendvotim dhe merr vetëm njërën nga fletëvotimet duke refuzuar të votojë në të dy zgjedhjet, nuk do të ketë të drejtë të rikthehet më vonë për të votuar përsëri për zgjedhjet që më herët ka refuzuar.

Komisioni Shtetëror i Zgjedhjeve rikujtoi se fletëvotim i vlefshëm do të jetë vetëm ai në të cilin është rrethuar numri rendor i kandidatit për të cilin zgjedhësi është përcaktuar dhe fletëvotimi të paloset përpara se të hidhet në kuti. Votimi duhet të jetë i fshehur.

Në garë për zgjedhjet parlamentare janë 17 parti dhe koalicione kurse për president garojnë dy kandidatë në rrethin e dytë. Që të zgjidhet presidenti, në votime duhet të dalin të paktën 40% e personave të regjistruar në listën zgjedhore./Alsat

Vazhdo të lexosh

Lajmet

Aksident te Fakulteti Teknik, gjashtë të lënduar

Publikuar

15 minuta më parë

më

8 Maj, 2024

nga

Gjashtë persona kanë mbetur të lënduar si pasojë e një aksidenti trafiku që ka ndodhur sot rreth orës 09:00 të mëngjesit te semaforët afër konvikteve në Prishtinë.

Zëdhënësja e Policisë së Kosovës për rajonin e Prishtinës, Flora Ahmeti tha për UBTNews se në këtë aksident kanë qenë të përfshira dy automjete.

Me rastin po merret hetuesia nga njësiti i trafikut rrugor./UBTNews/

Vazhdo të lexosh

Lajmet

OKB nuk mund të dërgojë ndihma humanitare në Gaza

Publikuar

19 minuta më parë

më

8 Maj, 2024

nga

OKB-ja vuri në dukje të martën se nuk mund të dërgojë ndihma humanitare në Rripin e Gazës pas mbylljes së pikave kufitare Rafah dhe Karem Abu Salim.

Zëdhënësi Stephane Dujarric citoi raportin e fundit të Zyrës së OKB-së për Koordinimin e Çështjeve Humanitare gjatë një konference për shtyp dhe theksoi se urdhrat e evakuimit nga forcat izraelite për palestinezët në Rafah lindor kanë “rezultuar në zhvendosjen e detyruar të dhjetëra mijëra njerëzve”.

Duke theksuar se banorët janë zhvendosur shumë herë gjatë shtatë muajve të fundit, Dujarric tha: “Civilët në Gaza duhet të mbrohen dhe të plotësohen nevojat e tyre themelore”.

Forcat izraelite lëshuan urdhra evakuimi të hënën për palestinezët në Rafahun lindor, shtëpia e 1.5 milionë palestinezëve të zhvendosur.

Dujarric theksoi nevojën për të siguruar kohën e duhur dhe një rrugë të sigurt me një destinacion përfundimtar të sigurt për ata që dëshirojnë të largohen.

Duke vënë në dukje se vendkalimet Rafah dhe Karem Abu Salim janë të mbyllura, Dujarric tha: “Kjo do të thotë se ne nuk mund të sjellim ndihmë humanitare, nuk mund të kemi akses në furnizime ushqimore. Ne duhet të trajtojmë më shumë se 3,000 fëmijë me kequshqyerje akute”.

Dujarric përmendi një sondazh të kryer nga UN Women dhe tha se ka të paktën 700,000 gra dhe vajza në Gaza, asnjëra prej të cilave nuk ka ku të shkojë.

Duke thënë se 93% e grave dhe vajzave nuk ndihen të sigurta në shtëpitë dhe strehimoret e tyre, sondazhi vuri në dukje se 80% e grave raportohet se vuajnë nga depresioni.

Gati 34,800 palestinezë janë vrarë në ofensivën e vazhdueshme të Izraelit në Gaza që nga tetori, tha të martën Ministria e Shëndetësisë e Gazës.

Izraeli akuzohet për gjenocid në një rast në Gjykatën Ndërkombëtare të Drejtësisë.

Një vendim i përkohshëm në janar tha se është “e besueshme” që Izraeli po kryen gjenocid në Gaza dhe urdhëroi Tel Avivin të ndalojë akte të tilla dhe të marrë masa për të garantuar ofrimin e ndihmës humanitare për civilët atje. /AA/

Vazhdo të lexosh

Lajmet

​Fillon procesi i votimit në Maqedoni

Publikuar

26 minuta më parë

më

8 Maj, 2024

nga

Sot mbahen zgjedhjet presidenciale dhe parlamentare në Maqedoninë e Veriut

Nga ora 07:00 janë hapur qendrat e votimit, kështu edhe ka filluar procesi i votimit për zgjedhjet parlamentare dhe presidenciale në Maqedoninë e Veriut.

Sa u përket qendrave të votimit, në vendvotimet që ka pasur probleme ose do të haset në te tilla gjatë ditës, procesi vazhdon edhe pas orës 19:00 për aq kohë sa ka zgjatur ndërprerja.

Për zgjedhjet presidenciale të drejtë vote kanë 1 milion e 814 mijë e 317 votues, ndërsa për zgjedhjet parlamentare ky numër është 1 milion e 815 mijë e 350 votues.

Vazhdo të lexosh

Të kërkuara