Lajmet

Përmbyllet ANV e Fakultetit Shkenca Politike – flitet për sigurinë kibernetike dhe sigurinë nacionale

Published

5 years ago

on

Dita e katërt e Akademisë Ndërkombëtare Verore të Fakultetit Shkenca Politike në UBT ka vazhduar me ligjërata dhe tematika të ndryshme të cilat janë duke iu kontribuar jashtëzakonisht shumë pjesëmarrësve e politikëbërësve, me sesione trajnimi të strukturuara, e me elemente teorike e praktike që synojnë formulimin dhe zbatimin e politikave dhe iniciativave të migracionit dhe zhvillimit.

Pas vizitës së komandantit të KFOR-it në Kosovë, Franco Federici dhe ministrit të Ministrisë së Punëve të Brendshme në Kosovë, Xhelal Sveçla, si dhe ligjëratës së prof.dr Edmond Hajrizi rreth zhvillimit dhe rëndësisë që i jep UBT fushës së Shkencave Politike dhe studimeve të sigurisë, dita e katërt ka vazhduar me ligjëratën e ish-gjeneralëve të Kolegjit të Mbrojtjes së NATO-s, Giuseppe Morabito dhe Giorgio Batisti.

Ata kanë diskutuar me studentët dhe pjesëmarrësit e tjerë rreth fake news, si dhe kanë prezantuar zgjidhje të mundshme rreth kësaj tematike, përderisa kjo temë zgjoi interesim te studentët dhe të pranishmit, duke krijuar një interaktivitet mes gjeneralëve, profesorëve dhe studentëve pjesëmarrës.

Dita e katërt ka vazhduar me ligjëratën e kolonelit dhe profesorit izraelit, prof. Gabriel Siboni, i cili ka ndarë njohuri nga ekspertiza dhe hulumtimet e tij rreth sigurisë kibernetike dhe sigurisë kombëtare, si dy çështje jashtëzakonisht të rëndësishme që ndërlidhen me fushën studime të sigurisë.

E Akademia Ndërkombëtare Verore e Fakultetit Shkenca Politike është përmbyllur me shefin e stafit të KFOR-it në Kosovë, gjeneral brigade John Maier, i cili ka diskutuar mbi marrëdhëniet mes Shteteve të Bashkuara të Amerikës me Kosovën, teksa i pranishëm ishte edhe rektori i UBT-së, prof.dr Edmond Hajrizi dhe ish-gjenerali i Kolegjit të Mbrojtjes së NATO-s, Giuseppe Morabito, ku me këtë rast së bashku ndanë edhe certifikatat për pjesëmarrësit e kësaj akademie.

Related Topics:
Continue Reading

Lajmet

Gjendet e vdekur një grua në Prishtinë

Published

41 minutes ago

on

July 21, 2026

By

Një grua është gjetur pa shenja jete mbrëmjen e së hënës në Prishtinë.

Sipas raportit 24-orësh të Policisë së Kosovës, ngjarja ka ndodhur rreth orës 23:15, me ç’rast njësitë policore dhe ekipi mjekësor kanë dalë menjëherë në vendin e ngjarjes, ku edhe është konstatuar vdekja e viktimës.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti vazhdon të hetohet. /E.A/

Continue Reading

Lajmet

Arrestohet një grua në Lipjan, dyshohet për shantazh ndaj një burri

Published

45 minutes ago

on

July 21, 2026

By

Një grua është arrestuar në Lipjan nën dyshimin se ka shantazuar një burrë.

Sipas raportit 24-orësh të Policisë së Kosovës, e njëjta dyshohet se veprën penale “Shantazh” ndaj viktimës e ka ushtruar për disa muaj me radhë.

E dyshuara, pas intervistimit dhe me urdhër të prokurorit kujdestar, është liruar në procedurë të rregullt. /E. A/

Continue Reading

Lajmet

Paradite mot i ngrohtë, pasdite priten reshje lokale e rrufe

Published

51 minutes ago

on

July 21, 2026

By

Të martën mbi vendin tonë do të mbajë mot i ngrohtë, ku temperaturat minimale në orët e mëngjesit do të lëvizin nga 14°C deri në 17°C.

Ndërkohë, ato maksimale gjatë ditës pritet të ngrihen duke arritur nga 28°C deri në 32°C.

Gjatë ditës do të fryjë erë kryesisht nga jugperëndimi dhe perëndimi me intensitet të lehtë deri mesatar, me shpejtësi prej 2 deri në 8 m/s.

Ndryshim i lehtë i motit parashihet gjatë orëve të pasdites dhe mbrëmjes, ku në vende-vende priten reshje lokale shiu të shoqëruara edhe me shkarkime rrufesh. /E.A/

Continue Reading

Lajmet

Breshëri dëmton rreth 90% të të mbjellave në Istog

Published

58 minutes ago

on

July 21, 2026

By

Stuhia e fuqishme e breshërit që goditi komunën e Istogut ka shkaktuar dëme materiale në sektorin e bujqësisë.

Siç raporton RTK, vlerësimet fillestare të autoriteteve lokale tregojnë se rreth 90 për qind e sipërfaqeve të mbjella në këtë territor mund të jenë prekur nga moti i ligë.

Drejtori i Bujqësisë në Komunën e Istogut, Artan Gegaj, bëri me dije për RTKlive se, ndonëse ende nuk ka një bilanc përfundimtar, stuhia ka dëmtuar një pjesë të madhe të kulturave bujqësore.

Ai njoftoi se nga mëngjesi i së martës do të formohen komisionet përkatëse për të dalë në terren me qëllim evidentimin e saktë të dëmeve dhe identifikimin e fermerëve të prekur.

Sipas Gegës, Komuna e Istogut dhe kryetari Ilir Ferati do të angazhohen për t’u dalë në ndihmë fermerëve gjatë procesit të vlerësimit. Gjithashtu, ai i bëri thirrje Ministrisë së Bujqësisë për mbështetje emergjente, duke theksuar se “dëmet janë jashtëzakonisht të mëdha dhe kërkojnë ndërhyrje të menjëhershme”. /RTK/

Continue Reading

Të kërkuara