Lajmet

Ekspertët diskutojnë sfidat dhe perspektivat e sigurisë globale në Konferencën Ndërkombëtare të Shkencave Politike dhe të Studimeve të Sigurisë në UBT

Published

2 years ago

on

UBT organizoi me sukses Konferencën e 13-të Ndërkombëtare të Shkencave Politike dhe Studimeve të Sigurisë. Ngjarja solli së bashku ekspertë, akademikë dhe profesionistë të fushës për të diskutuar mbi sfidat dhe mundësitë që paraqiten në kontekstin e sigurisë globale dhe politikave ndërkombëtare. 

Ceremonia e hapjes u ndoq nga fjalët e mirëseardhjes të Dekanes të Fakultetit, Hajdi Xhixha, e cila theksoi rëndësinë e dialogut akademik në përballjen me krizat aktuale globale. Fjalën kryesore e mbajti Aleksandra Palkova, një hulumtuese nga Universiteti i Riga Stradnis, e cila ndau perspektiva të vlefshme mbi ndikimin e politikave europiane në sigurinë ndërkombëtare. Po ashtu, Dr. Elmi Berisha, president i Federatës Pan-Shqiptare të Amerikës “Vatra”, theksoi rëndësinë e bashkëpunimit ndërkombëtar për ruajtjen e paqes dhe stabilitetit në Ballkan. 

Sesioni i parë: 

Reassessing Defense: How the Ukraine War Shapes Military Capabilities and Budgets in the Western Balkans, Alfred Marleku, Dea Selimi
Ky prezantim shqyrtoi ndikimin e luftës në Ukrainë në kapacitetet ushtarake dhe buxhetet e vendeve në Ballkanin Perëndimor, duke analizuar mënyrat se si konflikti ka transformuar strategjitë e mbrojtjes në këtë rajon. 

Human Security is a Vital Issue for the Individual and an Important Task for the State and Society, Bajram Ibraj
Ibraj theksoi rëndësinë e sigurisë njerëzore si një çështje që kërkon përkushtim nga ana e shtetit dhe shoqërisë, duke ofruar një perspektivë të gjerë mbi faktorët që e ndikojnë atë. 

Fight Against Corruption in the Administration: Case Study of Republic of Kosovo, Muazam Halili, Llokman Mirtezani
Ky studim analizoi luftën kundër korrupsionit në administratën publike të Kosovës, duke identifikuar sfidat dhe strategjitë e suksesit në këtë fushë. 

Combating Self-Disinformation: Developing the Global Network of Knowledge Cells, Karoly Nagy, Edmond Hajrizi, Muhamet Gervalla
Prezantimi trajtoi zhvillimin e një rrjeti global për të luftuar dezinformatat dhe për të ndihmuar në rritjen e vetëdijes për informacionin e saktë. 

The Impact of Digital Diplomacy on National Security: Navigating the Positive and Negative Aspects, Ngadhnjim Brovina, Bahri Gashi, Dionit Kabashi
Ky prezantim shqyrtoi mënyrat se si diplomacia digjitale ndikon në sigurinë kombëtare, duke analizuar si aspektet pozitive dhe negative mund të ndikojnë në vendimmarrje. 

The Responsibility to Protect: Contestation of Absolute, Gjon Culaj
Culaj diskutoi konceptin e përgjegjësisë për të mbrojtur, duke sfiduar nocionin e përgjegjësisë absolute dhe duke shqyrtuar implikimet e tij në kontekste të ndryshme globale. 

Sesioni i dytë: 

The Impact of the War in Ukraine on Conscription Policies in Western Balkan Countries, Alfred Marleku, Elsa Llaloshi
Në prezantim u shqyrtua ndryshimet në politikat e rekrutimit në vendet e Ballkanit Perëndimor si pasojë e luftës në Ukrainë, duke analizuar si konflikti ka ndikuar në strategjitë ushtarake të këtyre vendeve. 

From the Annexation of Crimea through the Open Balkan Initiative to Russia’s Invasion of Ukraine, Ruzhdi, Bardhyl Dauti, Isa Mulaj
Prezantimi ofroi një perspektivë historike mbi ngjarjet që kanë ndodhur nga aneksimi i Krimesë, përmes Iniciativës së Ballkanit të Hapur, deri te invazioni rus në Ukrainë, duke analizuar implikimet politike dhe socio-ekonomike. 

Principles of International Humanitarian Law and Their Compliance: Kosovo Context, Avni Alidemaj, Alban Maliqi
Ky studim shqyrtoi parimet e së drejtës humanitare ndërkombëtare dhe përputhshmërinë e tyre në kontekstin e Kosovës, duke diskutuar sfidat dhe arritjet në zbatimin e këtyre parimeve. 

Russia’s Irregular Warfare in Ukraine 2014-2022, Maja Grochalska
Grochalska analizoi strategjitë e luftës të paligjshme të Rusisë në Ukrainë gjatë periudhës 2014-2022, duke ndriçuar aspektet e tij dhe pasojat për sigurinë ndërkombëtare. 

National Resilience of Ukraine as an Instrument of Countering Russian Aggression, Mykhaylo Samus
Prezantimi trajtoi konceptin e qëndrueshmërisë kombëtare të Ukrainës si një mjet për të kundërshtuar agresionin rus, duke analizuar strategjitë dhe politikat e zbatueshme. 

Exogenous and Endogenous Crises in European Integration: A Case Study of Climate Change, Aleksandra Palkova
Palkova shqyrtoi krizat e jashtme dhe të brendshme në integrimin evropian, duke marrë si shembull ndryshimin e klimës dhe ndikimin e tij në politikat evropiane. 

Reforming Kosovo’s National Security Framework, Albatros Rexhaj
Ky prezantim analizoi nevojën për reforma në kuadër të kornizës së sigurisë kombëtare të Kosovës, duke paraqitur propozime për përmirësimin e menaxhimit të sigurisë dhe rritjen e efikasitetit. 

Konferenca e 13-të Ndërkombëtare e Shkencave Politike dhe Studimeve të Sigurisë në UBT u zhvillua me sukses, duke ofruar një platformë të rëndësishme për diskutimin e sfidave dhe perspektivave të sigurisë globale. Pjesëmarrësit patën mundësinë të dëgjonin nga ekspertë të njohur dhe të angazhoheshin në debate të thella mbi temat më aktuale që prekin sigurinë ndërkombëtare./UBTNews/ 

Related Topics:
Continue Reading

Vendi

Një grua goditet për vdekje nga treni në Pejë

Published

25 minutes ago

on

August 3, 2026

By

Mëngjesin e sotëm në Pejë, një grua ka humbur jetën si pasojë e goditjes nga treni.

Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili bëri me dije se incidenti ka ndodhur rreth orës 05:35.

Mjeku kujdestar që doli në vendngjarje konstatoi vdekjen e viktimës./E.A/

Continue Reading

Lajmet

Mot me diell dhe temperatura deri në 36 gradë

Published

31 minutes ago

on

August 3, 2026

By

Sipas Institutit Hidrometeorologjik të Kosovës, ato minimale do të lëvizin nga 11 deri në 16 gradë celsius, ndërsa maksimalet pritet të arrijnë nga 31 deri në 36 gradë celsius.

“Do të fryjë erë e lehtë deri mesatare nga verilindja, me shpejtësi 1–5 m/s.

Rajoni ynë do të vazhdojë të jetë nën ndikimin e masave të ngrohta ajrore me origjinë nga Afrika Veriore, duke sjellë temperatura paksa më të larta, të cilat janë normale për këtë periudhë të verës”, ka njoftuar IHMK. /E.A/

Continue Reading

Vendi

Pas gjetjes së varrezës masive në Kalludër, zbulohet një tjetër në Jabukë të Zubin-Potokut

Published

54 minutes ago

on

August 3, 2026

By

Pas zbulimit të një varreze masive në Kalludër të Zubin Potokut, është gjetur një tjetër vatër me mbetje mortore të viktimave të luftës së fundit në Kosovë, kësaj radhe në fshatin Jabukë të së njëjtës komunë. Lajmin e ka bërë të ditur Ministri në detyrë i Brendshëm i Kosovës, Xhelal Sveçla.

“Pas gjetjes së mbetjeve mortore në një varr masiv në Kalludër të Zubin-Potokut, ku ende po vazhdojnë kërkimet dhe gjurmimet, sot, vetëm 10 kilometra më tutje, në fshatin Jabukë të po kësaj komune, u gjet edhe një varr tjetër masiv me mbetje mortore të viktimave të luftës së fundit në Kosovë. Falënderoj Policinë e Kosovës, njësitë përkatëse për hetimin e krimeve të luftës, Agjencinë e Kosovës për Inteligjencë, Institutin e Mjekësisë Ligjore dhe Prokurorinë e Kosovës për punën e ndërmarrë në drejtim të hulumtimit, hetimit dhe identifikimit të këtyre lokacioneve”, ka shkruar Sveçla.

Përmes një reagimi në rrjetin social Facebook, Sveçla ka akuzuar Serbinë se po ruan të njëjtën linjë politike dhe qasje si gjatë regjimit të Sllobodan Millosheviqit. Sipas tij, Beogradi zyrtar nuk po bashkëpunon për zbardhjen e fatit të të zhdukurve me dhunë, ndërsa ushtron presion dhe masa ndëshkuese ndaj qytetarëve serbë që ndihmojnë në lokalizimin e varrezave masive.

“Serbia vazhdon të mbetet e njëjtë si në kohën e Millosheviqit, jo vetëm përmes figurave si Aleksandar Vuçiqi dhe Ivica Daçiqi. Vuçiq ishte numri dy i Sheshelit, Daçiq ishte numri dy i Millosheviqit e Vulin numri dy i Mira Markoviqit. Të tre këta janë ende në pushtet në Serbi dhe ky shtet nuk ka ndërruar asgjë. Serbia vazhdon të mbetet e njëjtë në formë dhe në përmbajtje. Ky shtet, në njërën anë, refuzon të japë informacione për personat e zhdukur, të marrë me dhunë, ndërsa, në anën tjetër, kërcënon dhe burgos qytetarët e saj që bashkëpunojnë për gjetjen e këtyre varreve. Po ashtu, ajo glorifikon përmes memorialeve brigada si ajo 37, pjesëtarët e së cilës janë përgjegjëse për shumë masakra në Kosovë”, ka shkruar Sveçla.

Në vijim të deklaratës së tij, ai kërkoi reagim institucional dhe masa nga faktori ndërkombëtar ndaj veprimeve të Beogradit.

“Ftoj partnerët ndërkombëtarë të dënojnë dhe ndëshkojnë ashpër këtë sjellje të Serbisë. Pa një gjë të tillë jo që do të jetë i pamundur çfarëdo hapi drejt të drejtësisë, por ky shtet do të cenojë çdo ditë paqen në Ballkanin Perëndimor. Megjithatë, pavarësisht kësaj, ne mbetemi të përkushtuar dhe të palëkundur për të gjurmuar çdo pëllëmbë, në mënyrë që të zbardhim fatin e secilit person të vrarë dhe zhdukur nga shteti serb gjatë luftës së fundit në Kosovë dhe të sjellim para drejtësisë secilin kriminel përgjegjës për krimet e asaj kohe”, ka shkruar Sveçla.

Ndërkohë, në lokacionin paraprak në Kalludër të Vogël, ku u zbuluan mbetje mortore të martën, ekzistojnë dyshime se ndodhen trupat e 23 civilëve shqiptarë nga Mitrovica, të njohur si “grupi i intelektualëve”, të cilët u rrëmbyen më 19 prill 1999 dhe fati i të cilëve mbetet i pazbardhur prej 27 vitesh. Po ashtu, gjatë kësaj jave, autoritetet kanë arrestuar tre persona të dyshuar për krime lufte në zonën e Zubin-Potokut. /E.A/

 

Continue Reading

Lajmet

Ditari: Lajmet kryesore që shënuan datën 2 gusht 1993-1998?

Published

21 hours ago

on

August 2, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.
 
 
Foto: Për çdo ditë njoftime për të vrarë në rajonin e Drenicës: Skënderaj
 
 
2 gusht 1993
 
Bastisje në Prishtinë dhe Obiliq
Sot, rreth orës 5 të mëngjesit, policia serbe bastisi shtëpinë e Hamit Avdiut, në rrugën “Xhemail Ibishi” në Prishtinë. Policët kërkonin Ramadan Avdiun, ish-i burgosur i ndërgjegjes, i cili nuk gjendej në shtëpi.
Gjatë bastisjes, policët serbë me vandalizëm thyen dhe demoluan orenditë e shtëpisë, ndërsa me vete morën Hamitin dhe vëllain e Ramadanit, Rexhepin, të cilët ende po mbahen në organet e policisë në Prishtinë.
Në lagjen “Kodra e Trimave” në Prishtinë, rreth orës 8.30 u bastis shtëpia e Hajdin Krasniqit. Policia serbe kërkoi Xhavit Hazirin, ish i burgosur politik, i cili banon te Hajdini. Gjatë bastisjes policia u soll brutalisht ndaj familjes Krasniqi. Xhavit Haziri u arrestua.
Po ashtu sot rreth orës 5 të mëngjesit, policia serbe bastisi familjen e Bajram Hazirit, të cilët kërkuan djalin e tij Hazirin, ish i burgosur i ndërgjegjes.
Sot, rreth orës 5 të mëngjesit, tetë policë serbë bastisën familjet e Idriz Sveçlës dhe të Ahmet Haxhiut, ish i burgosur i ndërgjegjes. Përveç Ahmetit, policët arrestuan edhe Ismail Haxhiun, të cilët siç merret vesh ende po mbahen në lokalet e policisë në Prishtinë.
 
2 gusht 1994
Dje vazhdoi seanca në procesin e montuar në Prishtinë
Dje në Gjyqin e Qarkut në Prishtinë (të udhëhequr nga pushteti okupues serb) përfundoi marrja në pyetje e të shtatë shqiptarëve të akuzuar për gjoja ushtrime ushtarake në Fushën e Labinotit në Shqipëri.
Gjyqtarët e instaluar serbë dje morën në pytje Luan Hetën, Beqir Mulecin, Hysni Francën dhe Bajram Gallapenin. Këta të akuzuar rrëfyen për torturat që ua kishin bërë inspektorët gjatë hetuesisë.
– Nuk kemi bërë kurrfarë ushtrimesh ushtarake në Fushë të Labinotit. Ajo që shkruan në aktakuzë është rrenë. Inspektorët na rrahën e na shanë, na detyruan të nënshkruajmë deklaratat, duke na u kërcënuar edhe me likuidim, deklaruan dje para
gjykatës këta të akuzuar.
Fehmi Leshtrani madje është liruar si i paaftë për ushtri për rekrutim në Nish, meqenëse mbanë syzat minus 12. I paaftë për ushtri ishte edhe Luan Heta. Beqir Muleci nga ish-APJ e patën lëshuar si të paaftë pas gjashtë muajsh shërbimi. Beqiri është i sëmurë mentalisht.
Kryetari i trupit gjykues të të treve Zoran Saveliq kumtoi se seanca do të vazhdojë nesër, kur pritet të lexohen disa shkresa të lëndës. Shtatë mbrojtësit do të paraqesin edhe propozimet e tyre në fazën e procedurës së provave.
 
2 gusht 1995
Në burgun e Dubravës së Istogut – keqtrajtohen të burgosurit shqiptarë
Në burgun e Dubravës në Istog, në të cilin po vuajnë dënimet edhe një numër i madh të burgosurish politikë shqiptarë të Kosovës, më 23 korrik të këtij viti nga gardianët e burgut u keqtrajtuan rëndë, Hysen Gega nga Sallagrazhda e Suharekës, i cili është i dënuar për herë të dytë me 2,5 vjet burg, derisa dënimin e parë e vuajti me 10 vjet. Po për të njëjtën vepër në këtë burg gjendet edhe Gëzim Lushi, po ashtu i burgosur politik, njofton KI i Degës së LDK-së në Suharekë.
Njoftohet se ata nga gardianët e burgut janë keqtrajtuar rëndë, vetëm pse kanë përcjellë programin televiziv në gjuhën shqipe.
Bëhet e ditur se Gëzim Lushit të keqtrajtuar rëndë i është ofruar ndihmë mjekësore vetëm pas tre ditësh, ndërsa Hysen Gega pas një ndëshkimi është duke bërë grevë urie.
Ndërkaq, KI i Degës së LDK-së në Suharekë njofton se në Burgun e Qarkut në Prizren është keqtrajtuar rëndë fizikisht edhe Shaip Mustafa, i cili po mbahet nën hetime, kinse për formimin e SPB-së të Republikës së Kosovës.
Shaip Mustafa momentalisht për shkak të keqtrajtimeve të rënda fizike gjendet i shtrirë në spitalin e Prizrenit.
 
 
2 gusht 1997
Mitrovicë: Policia plaçkiti tre të rinj shqiptarë
Pardje, policia serbe plaçkiti disa tregtarë shqiptarë në lagjen Bair të Mitrovicës.
Policia ndaloi Lulzim M. Nulin (18), ia plaçkiti mallin që po e dërgonte në treg dhe pastaj e ktheu në shtëpinë e tij ku i plaçkiti mallin me vlerë prej 1500 DM.
Policia plaçkiti edhe Burhan Sahatçiun (20) duke i marrë mall me vlerë prej mbi 300 DM dhe Fadil Abitin (20) të cilit i mori mall me vlerë prej mbi 2000 DM.
Të tre tregtarët e plaçkitur u dërguan në lokalet e policisë në Mitrovicë ku u mbajtën rreth tri orë.
Lulëzim Nulit, më 28 korrik policia i pat plaçkitur mall me vlerë prej 700 DM, njofton KI i Degës së LDK-së në Mitrovicë.
 
2 gusht 1998
 
Njoftohet për 8 shqiptarë të vrarë në fshatrat e Drenicës
Gjatë sulmeve të sotme të forcave policore ushtarake serbe në disa fshatra të Drenicës, deri më tash dihet për 8 shqiptarë të vrarë.
Burimet e KMDLNJ njoftojnë se në fshatin Jashanicë të Klinës janë vrarë tre pjesëtarë të UÇK. Ndërkaq në fshatin Shtuticë të Skënderajt janë vrarë katër shqiptarë, për identitetin e të cilëve ende nuk dihet.
Në fshatin Polac dihet se është vrarë Fatmir Xhemajl Veliqi (20).
Njoftohet se sot janë sulmuar edhe fshatrat Polluzhë e Tërstenik.
 
Forcat serbe vranë katër e plagosën katër anëtarë të tjerë të familjes Zeqiri në fshatin Shtuticë të Gllogocit
Sot në fshatin Shtuticë të Gllogocit forcat serbe vranë katër dhe plagosën katër anëtarë të tjerë të familjes Zeqiri, njofton KI i degës së LDK.
Tragjedia mbi këtë familje ndodhi derisa forcat serbe po granatonin në drejtim të fshatrave Polac, Kryshec, Morinë e Shtuticë. Gjatë këtyre momenteve familja Zeqiri derisa po dilte nga shtëpia, për t’i ikur granatimeve të parreshtura të ushtrisë serbe, në oborrin e kësaj familjeje ra një granatë që ishte fatale. Me atë rast u vranë: Sofije Zeqiri (60), Vahide Zeqiri (20), Kada Zeqiri (17) dhe gruaja e Halimit, Emine Zeqiri. Ndërkaq u plagosën: Halim Zeqiri, (flitet se ka vdekur), Besim Zeqiri, Sherif Zeqiri dhe Rizah Zeqiri.
Gjithashtu sulmet serbe shkaktuan dëme të mëdha materiale, duke shkatërruar shtëpi, makina bujqësore, shtalla, e të tjera.

Continue Reading

Të kërkuara