Lajmet

Përmbushet synimi i Biden – 70% të të rriturve në ShBA morën një dozë të vaksinës

Published

5 years ago

on

Shtetet e Bashkuara arritën sot shkallën prej 70 për qind të të rriturve që morën të paktën një dozë të vaksinës kundër COVID-19 gati një muaj më vonë se afati i caktuar nga presidenti Joe Biden për të arritur këtë objektiv.

Të dhënat nga Qendrat për Parandalimin dhe Kontrollin e Sëmundjeve (CDC), agjencia kryesore e shëndetit publik në SHBA, tregojnë se 60.6 për qind e të rriturve dhe 49.7 për qind e popullsisë së përgjithshme janë plotësisht të vaksinuar.

Joe Biden fillimisht vendosi një objektiv prej 70 për qind të vaksinuar deri më 4 korrik, dita e festës federale amerikane, si një simbol i fitores mbi pandeminë.

SHBA ka parë një rritje të normave të vaksinimit javët e fundit në zonat e goditura nga vala e fundit e COVID-19 e shkaktuar në një pjesë të madhe nga shfaqja e një varianti delta shumë ngjitës.

Vende të tilla si Arkansas, Misuri, Luiziana dhe Florida kanë parë rritje të madhe të normave të vaksinimit.

Numri mesatar i rasteve ditore në nivel kombëtar tani ka tejkaluar 60.000 dhe po rritet me shpejtësi.

Autoritetet shëndetësore federale aktualisht po shqyrtojnë mundësinë e dhënies së një doze të tretë për disa grupe, siç janë ata me sistem imunitar të dobësuar.

CDC gjithashtu rekomandon përsëri mbajtjen e maskës në ambiente të mbyllura në zona me rrezik të lartë, edhe për ata që janë vaksinuar, pasi analiza paraprake ka treguar se individët e vaksinuar pozitivë për variantin delta mund të transmetojnë virusin te të tjerët.

Related Topics:
Continue Reading

Vendi

Mbi 100 gramë kokainë dhe marihuanë kapen në Vërmicë

Published

14 hours ago

on

June 19, 2026

By

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Continue Reading

Vendi

Mbyten dy vajza të mitura në Tale

Published

14 hours ago

on

June 19, 2026

By

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë.  /E.A/

Continue Reading

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

16 hours ago

on

June 19, 2026

By

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Continue Reading

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

17 hours ago

on

June 19, 2026

By

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/

Continue Reading

Të kërkuara