Aktualitet

Përkundër granatimeve, forcat ukrainase vazhdojnë ofensivën në lindje të Izium

Sipas zyrtarëve ukrainas, ushtria ukrainase ka çliruar pjesërisht fshatin Pisky-Radkivski.

Published

3 years ago

September 27, 2022

UBT news

Ushtria ukrainase po vazhdon ofensivën e saj kundër forcave ruse në lindje të Izium dhe ka çliruar pjesërisht fshatin Pisky-Radkivski, sipas zyrtarëve lokalë ukrainas.

“Fshati Pisky-Radkivski (vendbanimi i dytë më i madh në komunitet, ku rreth 2000 njerëz jetonin para luftës), është tashmë nën kontrollin e Forcave të Armatosura të Ukrainës”, tha këshilli i fshatit Borova në faqen e tij në Facebook.

Ai tha se ushtria ukrainase “po zbulon ende grupe ushtarësh rusë atje” dhe është në procesin e “pastrimit dhe çminimit”.

Forcat ukrainase aktualisht po vazhdojnë në veri përgjatë lumit Oskil drejt fshatit të pushtuar të Borovas, tha këshilli.

“Lufta është duke u zhvilluar”, tha ai. “Forcat e Armatosura të Ukrainës po largojnë armikun, por territoret e çliruara po vuajnë nga granatimet e armikut. Tingujt e shpërthimeve dëgjohen vazhdimisht nga veriu, lindja dhe jugu. Autoritetet e pushtimit u larguan nga komuniteti, pothuajse të gjithë bashkëpunëtorët gjithashtu u larguan”.

Sipas këshillit, disa banorë kanë mundur të evakuoohen, por shumë janë ende të strehuar në bodrumet e tyre./UBTNews/

Aktualitet

Tentimvrasja në Pejë, i dyshuari në arrati

Published

13 hours ago

April 23, 2025

Albina Zeneli

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Aktualitet

Seanca konstituive vazhdon të premten në ora 10:00

Published

14 hours ago

April 23, 2025

Albina Zeneli

Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.

Ai tha se seanca do të vazhdojë sërish më 25 prill në ora 10:00.

“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.

Aktualitet

Burimet e Vatikanit zbulojnë detaje të momenteve të fundit të Papës

Published

14 hours ago

April 23, 2025

Albina Zeneli

Burime nga Vatikani kanë dhënë më shumë detaje për momentet e fundit të Papës.

Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.

Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.

Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.

Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.

Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.

Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.