

Lajmet nga UBT
Përgatitja profesionale e studentëve të kontabilitetit përmes aktiviteteve praktike në UBT
Published
3 months agoon
By
EAd SulNë kuadër të ligjëratës në lëndën “Hyrje në Kontabilitet Financiar”, në kuadër të Fakultetit Menaxhment, Biznes dhe Ekonomi në UBT, e udhëhequr nga ligjëruesja e lëndës Prof. Fidane Spahija Gjikolli, u zhvillua një aktivitet i veçantë që ofroi studentëve një mundësi të shkëlqyer për të lidhur teorinë me praktiken. Aktiviteti kishte si qëllim t’i ofronte studentëve një përvojë të thelluar dhe ndërvepruese, duke iu mundësuar atyre të kuptojnë më mirë proceset reale të kontabilitetit dhe të përgatiten për kërkesat e tregut të punës.
I ftuar në këtë aktivitet ishte Ismail Qemali, kontabilist i njohur i firmës “Kamila” në Prizren, i cili ndau me studentët përvojën e tij të pasur profesionale. Ai pati mundësinë të demonstrojë përdorimin e softuerit të kontabilitetit Logo, një mjet i përdorur gjerësisht në industrinë e kontabilitetit, i cili mundëson një përpunim të shpejtë dhe efikas të të dhënave financiare. Softueri u shpjegua në detaje, duke i ndihmuar studentët të kuptojnë aplikimin praktik të njohurive teorike që ata kishin mësuar deri në atë pikë.
Gjatë aktivitetit, u trajtuan disa tema kyçe për përgatitjen profesionale të studentëve, duke u ofruar shembuj praktikë të regjistrimeve kontabël, që ilustronin proceset reale të punës në një firmë. U theksua rëndësia e përgatitjes së pasqyrave financiare kryesore, ku proceset dhe teknikat e përdorura në hartimin e këtyre dokumenteve u shpjeguan në detaje, duke përfshirë analizën dhe interpretimin e të dhënave financiare.
Një tjetër element i rëndësishëm i kësaj ligjërate ishte ndihma që u ofrua për studentët në lidhje me rëndësinë e ndërthurjes së teorisë me praktikën. Ky aktivitet ka për qëllim t’u ofrojë studentëve njohuri të vlefshme për kërkesat aktuale të tregut të punës, duke i aftësuar ata për t’u përballur me sfidat që mund të hasin gjatë angazhimeve të tyre profesionale në të ardhmen.
Aktiviteti përfaqëson një hap të rëndësishëm në zhvillimin profesional të studentëve të UBT-së dhe kontribuon në forcimin e lidhjeve mes njohurive teorike dhe aplikimit të tyre në botën reale të punës. Ndërthurja e këtyre dy elementeve është çelësi për të krijuar profesionistë të aftë dhe të gatshëm për të përballuar sfidat e sektorit të kontabilitetit./UBTNews/
Lajmet nga UBT
UBT organizon Akademi Përkujtimore në nder të Prof. Dr. Mufail Salihaj
Published
5 hours agoon
May 6, 2025By
UBTnews
UBT organizoi një Akademi Përkujtimore për të nderuar jetën dhe veprën e Prof. Dr. Mufail Salihaj – profesor i shquar, studiues i palodhur dhe intelektual i devotshëm, i cili për dekada me radhë dha një kontribut të jashtëzakonshëm në arsimin e lartë në Kosovë dhe në formimin e shumë brezave të studentëve.
Kjo ngjarje përkujtimore u zhvillua në nderim të një figure të botës akademike shqiptare, i cili me urtësinë, dijen dhe përkushtimin e tij, la gjurmë të pashlyeshme në mendjet dhe zemrat e të gjithëve që patën fatin ta njihnin dhe të punonin me të.
Në fjalën e tij para të pranishmëve, Rektori i UBT-së, Prof. Dr. Edmond Hajrizi, shprehu dhimbjen për ndarjen nga jeta të profesorit Salihaj, duke theksuar rolin e tij thelbësor në ngritjen e cilësisë së arsimit dhe promovimin e vlerave akademike:
“Me dhimbje të thellë jemi mbledhur sot për të nderuar kujtimin dhe jetën e një njeriu të rrallë, një profesori, studiuesi dhe intelektuali të shquar – Prof. Dr. Mufail Salihaj. Lajmi për ndarjen e tij të parakohshme nga jeta ka lënë një boshllëk të madh në zemrat tona dhe një mungesë të pashlyeshme në botën akademike të vendit tonë. Ai ishte një njeri i ditur, i urtë, i përkushtuar dhe mbi të gjitha – një njeri i madh në shpirt dhe zemër. Humbja e tij është një humbje për të gjithë ne, por gjithashtu një mundësi për të reflektuar mbi vlerat që ai përfaqësonte dhe për të vazhduar rrugën e dijes që ai na la trashëgim”.
Në këtë akademi morën pjesë anëtarë të stafit akademik, studentë, miq, familjarë dhe bashkëpunëtorë të profesorit, të cilët ndanë kujtime dhe vlerësime për figurën e tij si njeri, pedagog dhe studiues.
I pranishëm në këtë ngjarje ishte edhe Kryetari i Komunës së Shtimes, Dr. Qemajl Aliu, i cili ndau me të pranishmit vlerësimin dhe mirënjohjen e tij për figurën dhe veprën e Prof. Dr. Mufail Salihaj:
“Profesori Mufaili jetoi me modestinë e njeriut të ditur dhe veproi me bindjen e palëkundur se shoqëria përparon kur ne, të gjithë bashkë, japim më të mirën prej vetes. Ai mbolli dijen me dashuri dhe nga dora e tij kanë dalë breza të tërë studentësh, të cilët sot mbajnë përgjegjësi të rëndësishme në fusha të ndryshme të jetës sonë intelektuale dhe kombëtare. Edhe përtej figurës publike, Prof. Mufaili ishte njeri i jashtëzakonshëm, para së gjithash në rrafshin njerëzor: i dashur, i dhembshur, gjithmonë i gatshëm të dëgjonte, të kuptonte, të ndihmonte secilin, i papërtuar dhe i vendosur”.
Prof. Dr. Mufail Salihaj do të kujtohet si një njeri i dijes, urtësisë dhe përkushtimit të pashembullt, që i dha shumë Kosovës në rrugëtimin e saj arsimor dhe intelektual.
Lajmet nga UBT
Inteligjenca Artificiale në fokus: UBT sjell ekspertizën në Qendrën DIG-4K
Published
11 hours agoon
May 6, 2025By
UBTnews
Rektori i UBT-së, Prof. Dr. Edmond Hajrizi, së bashku me Prof. Vehbi Sofiun, Drejtor i Kampusit të UBT-së në Prizren, dhe Prof. Besnik Skenderin, Drejtor i Departamentit për Edukim dhe Zhvillim Profesional në UBT, morën pjesë në ceremoninë zyrtare të lansimit të Qendrës për Ekselencë në Inovacion Digjital “Digital Innovation Gateway for Kosovo – DIG-4K”.
Kjo qendër, e para e këtij lloji në Kosovë, u lansua në kuadër të programit Evropa Digjitale, të cilin Kosova e nënshkroi me Bashkimin Evropian në vitin 2023. DIG-4K tashmë është bërë pjesë e Rrjetit të Qendrave Evropiane të Inovacionit Digjital (EDIH) dhe synon të nxisë zhvillimin digjital në sektorë kyç të ekonomisë dhe shoqërisë.
DIG-4K do të ofrojë mbështetje të specializuar për ndërmarrjet e vogla dhe të mesme (NVM-të), si dhe për organizatat publike, përmes qasjes në teknologji të avancuara si cloud computing, siguri kibernetike, inteligjencë artificiale, dhe mjete të tjera digjitale të nivelit të lartë. Ajo gjithashtu do të mbulojë fusha strategjike si e-commerce, fintech, shëndetësia, arsimi, dhe bujqësia.
UBT, si partner në këtë qendër të rëndësishme, do të japë kontribut të drejtpërdrejtë përmes ekspertizës së saj në inteligjencën artificiale, duke ofruar trajnime të avancuara, mentorim profesional dhe ndihmë në zhvillimin e zgjidhjeve digjitale për bizneset dhe institucionet publike që aplikojnë për mbështetje në kuadër të DIG-4K.
Kjo pjesëmarrje e UBT-së konfirmon edhe njëherë rolin e saj udhëheqës në avancimin teknologjik dhe edukimin e gjeneratave të reja me njohuritë më të fundit në fushat më kërkuese të kohës.
Lajmet nga UBT
Në UBT fillon Java Ndërkombëtare e Stafit 2025
Published
11 hours agoon
May 6, 2025By
UBTnews
UBT është nikoqir i edicionit të radhës të Javës Ndërkombëtare të Stafit, që ka filluar dhe do të vazhdojë deri më 9 maj 2025. Kjo ngjarje e rëndësishme ka mbledhur stafin akademik dhe administrativ nga institucione të ndryshme arsimore, duke ofruar mundësi për zhvillim profesional, shkëmbim eksperiencash dhe ndërlidhje ndërkombëtare përmes aktiviteteve dhe seminareve të pasura që do të zhvillohen gjatë javës.
Kjo ngjarje ka për qëllim bashkimin e stafit akademik dhe administrativ nga institucione të ndryshme arsimore ndërkombëtare, përmes një serie aktivitetesh dhe punëtorish që synojnë zhvillimin e aftësive profesionale dhe shkëmbimin e eksperiencave.
Java Ndërkombëtare e Stafit në UBT ofron mundësi për ndërlidhje dhe krijimin e rrjeteve profesionale. Gjatë javës, pjesëmarrësit do të angazhohen në aktivitete të ndryshme që përfshijnë seminare dhe punëtori mbi tema akademike dhe administrative, vizita kulturore, dhe mundësi për shkëmbim idesh dhe përvojash ndërmjet institucioneve të ndryshme arsimore.
Në program janë përfshirë aktivitete si: punëtori dhe ligjërata mbi tema aktuale akademike dhe administrative, vizita në institucione arsimore dhe kulturore të Kosovës, aktivitetet sociale dhe kulturore për të njohur më mirë traditat dhe historinë e Kosovës.
UBT vazhdon të ofrojë një eksperiencë ndërkombëtare të pasur dhe të larmishme për pjesëmarrësit e tij. Me një reputacion të fortë në fushat e inteligjencës artificiale dhe ndërmarrësisë, UBT është institucioni më i dalluar në rajon dhe një vend ideal për zhvillimin e karrierës dhe aftësive profesionale.
Pjesëmarrësit në këtë ngjarje do të kenë mundësinë të krijojnë lidhje të reja profesionale, të zhvillojnë aftësitë e tyre, dhe të kontribuojnë në forcimin e bashkëpunimit ndërkombëtar në fushën e arsimit të lartë.
Lajmet nga UBT
Krijo të ardhmen tënde muzikore me Fakultetin Muzikë Moderne, Prodhim Digjital dhe Menaxhment në UBT
Published
14 hours agoon
May 6, 2025By
UBTnews
Programi i Muzikës Moderne, Prodhimit Digjital dhe Menaxhment në UBT është konceptuar për të ofruar një arsimim gjithëpërfshirës dhe inovativ, duke përgatitur studentët për sfidat dhe mundësitë e industrisë muzikore dhe prodhimit digjital. Ky program ndërthur muzikën moderne me teknikat e prodhimit digjital dhe menaxhmentin e industrisë muzikore, duke i ofruar studentëve një kurikulë të pasur për një karrierë të suksesshme në këtë fushë.
Programi Muzika Moderne, Prodhim Digjital dhe Menaxhment në UBT, është dizajnuar për të përmbushur nevojat për kuadro profesionale në industrinë dhe institucionet e ndryshme kulturore, përfshirë radio, televizione, platforma online, film, teatër dhe festival.
Ky program ofron një spektër të gjerë të industrisë së argëtimit, veçanërisht ato që lidhen me punën dhe organizimin e punës, punësimin dhe orientimin profesional, komunikimin dhe marrëdhëniet me tregun, kërkimin muzikologjik, organizimin e ngjarjeve kulturore, dhe fusha të tjera të prodhimit dhe shkencës për tinguj dhe muzikë.
Me një kurikulë multidisiplinare që bashkon kreativitetin artistik, studentët do mësojnë të krijojnë dhe të menaxhojnë muzikën duke përdorur teknologjitë më të fundit, ndërsa njëkohësisht do zhvillojnë njohuri në menaxhimin e karrierave artistike dhe planifikimin e aktiviteteve dhe projekteve muzikore.
UBT ofron një infrastrukturë moderne me studio dhe pajisje të avancuara, duke krijuar një ambient profesional. Kjo infrastrukturë moderne i ndihmon studentët të aplikojnë njohuritë e tyre në një mjedis të sofistikuar dhe profesionalë
Ndërsa stafi akademik përbëhet nga profesionistë të kualifikuar dhe me përvojë të gjerë në muzikë, prodhim digjital dhe menaxhment të industrisë muzikore. Ligjëruesit janë të angazhuar për të ofruar mësim cilësor, të bazuar në përvoja reale.
Studimi i Muzikës Moderne, Prodhimit Digjital dhe Menaxhment në UBT ofron një përgatitje të plotë dhe të avancuar, duke përgatitur studentët me njohuri dhe aftësi praktike. Ky program u mundëson studentëve të jenë të gatshëm për të përballuar sfidat dhe për të shfrytëzuar mundësitë në vazhdimësi.
“Programi, Muzikë Moderne, Prodhim Digjital dhe Menaxhim është krijuar për t’u ofruar studentëve jo vetëm njohuri akademike, por edhe përvojë praktike. Në një industri që ndryshon me ritme të shpejta, është thelbësor që të rinjtë të jenë të kualifikuar, që nga kompozimi dhe prodhimi, deri te menaxhimi dhe shpërndarja e muzikës në tregjet globale. Në UBT, ne ndërtojmë gjeneratën e ardhshme të krijuesve, producentëve dhe liderëve të industrisë muzikore.” – Dekanja e Fakultetit të Muzikës Moderne, Prodhimit Digjital dhe Menaxhment, Prof. Dr. Ariana Gjoni.

UBT organizon Akademi Përkujtimore në nder të Prof. Dr. Mufail Salihaj

Merz zgjidhet kancelar

Britania dhe India arrijnë marrëveshje historike tregtare pas tre vitesh negociatash

Merz reagon për herë të parë pasi dështoi të zgjidhet kancelar i Gjermanisë

BE planifikon tarifa 100 miliardë € për mallrat nga SHBA nëse negociatat dështojnë

Sulmet paraushtarake të Sudanit sjellin në qytet ndërprerje të energjisë elektrike

Abdixhiku i fton partitë parlamentare për qeveri tranzicionale

Inteligjenca Artificiale në fokus: UBT sjell ekspertizën në Qendrën DIG-4K

Rusia konfirmon sërish armëpushimin tre-ditor, paralajmëron hakmarrje nëse shkelet
Të kërkuara
-
Lajmet nga UBT3 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet4 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 week ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim