Aktualitet

Pentagoni: ISIS-K mund të jetë në gjendje të sulmojë ShBA-në vitin e ardhshëm

Sipas OKB-së, ISIS-K kreu 77 sulme në katër muajt e parë të këtij viti.

Published

on

ISIS-K mund të jetë në gjendje të kryejë sulme ndaj Shteteve të Bashkuara vitin e ardhshëm, tha të martën zyrtari më i lartë i politikës së Pentagonit, transmeton UBT News.

Duke folur para Komitetit të Shërbimeve të Armatosura të Senatit, nënsekretari i Mbrojtjes për Politikën, Colin Kahl, tha se grupi nuk ka aftësinë për të kryer një sulm të tillë tani, por “ne mund të shohim ISIS-K të gjenerojë atë aftësi diku brenda gjashtë ose 12 muajve”.

Ai shtoi se Al-Kaedës do t’i duheshin një ose dy vjet për ta rindërtuar atë aftësi.

Në fund të shtatorit, gjenerali Mark Milley tha se kërcënimi terrorist nga Afganistani është më i ulët se sa ishte më 11 shtator 2001, por se ISIS-K ose al-Kaeda mund të rindërtohen brenda një afati kohor relativisht të shkurtër.

“Organizatat terroriste kërkojnë hapësira të paqeverisura në mënyrë që të mund të stërviten, të pajisen dhe të lulëzojnë, dhe kështu, atje, ekziston qartë një mundësi që kjo mund të ndodhë”, u tha Milley ligjvënësve, përcjell UBT News.

Shtetet e Bashkuara aktualisht përdorin hapësirën ajrore të Pakistanit për të fluturuar dronë mbi Afganistan. “Ne jemi në biseda me Pakistanin për të mbajtur të hapur linjën ajrore të komunikimit”, tha Kahl.

ShBA po shikon edhe opsione të tjera për një prani ushtarake amerikane më afër Afganistanit.

I formuar në vitin 2015 si një degë e ISIS-it në Siri dhe Irak, ISIS-Khorasan e ka marrë emrin nga rajoni që përfshin Afganistanin dhe Pakistanin. Grupi ka qenë përgjegjës për mijëra vdekje që nga formimi i tij, shpesh duke përdorur bomba vetëvrasëse për të shkaktuar viktima masive.

Sipas shifrave të OKB-së, ISIS-K kreu 77 sulme në katër muajt e parë të këtij viti. Analistët vlerësojnë fuqinë grupit në rreth 1,500-2,000, por ky numër së shpejti mund të rritet. Disa luftëtarë të kapur të ISIS-K po mbaheshin në burgje, të cilat talibanët i boshatisën kur pushtuan vendin dhe morën kontrollin e kryeqytetit.

Tashmë, ISIS-K ka treguar gatishmëri dhe vendosmëri për të nisur sulme kundër civilëve në Afganistan.

Sulmi vetëvrasës me bombë që vrau 13 anëtarë të shërbimit amerikan më 26 gusht, mori gjithashtu jetën e më shumë se 150 afganëve.

Më 4 tetor, ISIS-K kreu një tjetër sulm vetëvrasës kundër një xhamie në Kabul, e vetëm disa ditë më vonë, ata kryen edhe një tjetër sulm kundër një xhamie shiite në veri të Afganistanit.

Talibanët thonë se kanë kryer bastisje kundër ISIS-K në zonën e Kabulit dhe në disa vende në Afganistan, duke sekuestruar armë dhe dokumente që lidhen me aktivitetet e grupit terrorist.

“Ne kemi parë shenja … se talebanët janë të kujdesshëm në lidhje me Afganistanin që është një trampolinë për sulmet e jashtme të Al-Kaedës, jo sepse talebanët janë djem të mirë, por sepse ata i frikësohen ndëshkimit ndërkombëtar nëse kjo do të ndodhte”, u tha Kahl ligjvënësve./UBTNews/

Bota

Kievi: Rusia ka grumbulluar 110,000 trupa pranë qytetit strategjik ukrainas

Published

on

By

Rusia ka grumbulluar 110,000 trupa në afërsi të Pokrovskut, si pjesë e përpjekjeve të saj për të marrë kontrollin e qytetit strategjik në lindje të Ukrainës, tha të premten shefi i ushtrisë ukrainase.

Oleksandr Syrskyi tha të premten se zona përreth Pokrovskut ishte “vendi më i nxehtë” përgjatë vijës së frontit prej 1,200 kilometrash (745 milje) që shtrihet në të gjithë lindjen.

Forcat ruse janë përpjekur të pushtojnë Pokrovskun për gati një vit , duke organizuar një ofensivë të ashpër pas tjetrës. Por, pavarësisht se ka një avantazh të qartë për sa i përket numrit të trupave dhe armëve në dispozicion, Moska nuk ka arritur ta marrë qytetin.

Pokrovsk është një objektiv strategjik për Moskën. Presidenti rus Vladimir Putin e ka bërë të qartë se qëllimi i tij është të pushtojë të gjitha rajonet lindore të Ukrainës, Donetsk dhe Luhansk, të cilat forcat e tij i kanë pushtuar pjesërisht.

Kievi dhe aleatët e tij akuzojnë presidentin rus, Vladimir Putin, për zvarritje të përpjekjeve për paqe, në mënyrë që forcat e tij të mund të pushtojnë më shumë territor ukrainas.

Edhe pse nuk është një qytet i madh, Pokrovsk ndodhet në një rrugë kyçe furnizimi dhe hekurudhë që e lidh atë me qendra të tjera ushtarake në zonë. Së bashku me Kostiantynivka, Kramatorsk dhe Sloviansk, ai formon shtyllën kurrizore të mbrojtjes ukrainase në pjesën e rajonit të Donetskut që është ende nën kontrollin e Kievit.

Continue Reading

Bota

40 zjarre shpërthejnë në Greqi

Published

on

By

40 zjarre shpërthyen gjatë 24 orëve të fundit në Greqi, 33 prej të cilëve u shuan menjëherë në fazën e tyre fillestare, por zjarrfikësit ende po luftojnë me shtatë të tjerë që nga mbrëmja e së premtes.

Një zjarr në shkurre të ulëta në zonën Argithea të Peanias, Atikë, u vu nën kontroll të pjesshëm.

Sipas Departamentit të Zjarrfikësve, zjarri shpërtheu rreth orës 18:30 pranë një fshati dhe përfshiu një total prej 50 zjarrfikësish me dy njësi komandosh pyjore, 15 kamionë zjarrfikës dhe vullnetarë, dy aeroplanë dhe katër helikopterë.

Banorët e fshatit Boura Papangelaki në zonën e Peanias morën një paralajmërim përmes shërbimit të mesazheve të emergjencës 112 për të qenë në gatishmëri dhe për të ndjekur udhëzimet e autoriteteve, në rast se duhet të evakuohen, shkruabn ANA.

Oficerët lokalë të hetimit dhe hetuesit e Departamentit të Zjarrfikësve po hetojnë shkaqet e zjarreve.

Departamenti i Zjarrfikësve u bën thirrje të gjithë qytetarëve të jenë veçanërisht të kujdesshëm dhe të ndjekin direktivat e autoriteteve në rast zjarri.

Continue Reading

Bota

Irani konfirmon vrasjen e një shkencëtari tjetër bërthamor në sulmet ajrore izraelite

Published

on

By

Irani konfirmoi sot vrasjen e një shkencëtari tjetër bërthamor gjatë sulmit të fundit ushtarak të Izraelit kundër vendit, raporton Anadolu.

Sipas agjencisë gjysmëzyrtare të lajmeve Tasnim, Universiteti i Shkencës dhe Teknologjisë i Iranit njoftoi se inxhinieri Soleiman Soleiman, i diplomuar në Departamentin e inxhinierisë kimike, u vra në sulmet izraelite.

Tasnim tha se Soleimani ishte një “shkencëtar bërthamor i Iranit i cili u vra në sulmet e regjimit sionist”.

Konfirmimi vjen pas pretendimit të Izraelit se ka vrarë 11 ekspertë bërthamorë dhe kishte goditur disa qendra kërkimore të lidhura me programin bërthamor të Teheranit si pjesë e një operacioni ushtarak 12-ditor.

Teherani nuk ka dhënë detaje të mëtejshme mbi rrethanat e vdekjes së Soleimanit ose vendndodhjen e saktë të sulmit.

Konflikti 12-ditor midis Izraelit dhe Iranit shpërtheu më 13 qershor pasi Izraeli nisi sulme ajrore ndaj caqeve ushtarake, bërthamore dhe civile iraniane, duke vrarë të paktën 606 persona dhe duke plagosur 5.332 të tjerë, sipas Ministrisë së Shëndetësisë së Iranit.

Teherani nisi sulme hakmarrëse me raketa dhe dronë ndaj Izraelit, duke vrarë të paktën 29 persona dhe duke plagosur më shumë se 3.400, sipas shifrave të publikuara nga Universiteti Hebraik i Kudsit.

Konflikti u ndal me një armëpushim të sponsorizuar nga SHBA-ja që hyri në fuqi më 24 qershor.

Continue Reading

Bota

Gjykata refuzon të shtyjë gjykimin kundër Netanyahut

Published

on

By

Një gjykatë në Izrael refuzoi kërkesën e kryeministrit Benjamin Netanyahu, për të shtyrë dëshmimin e tij në gjyqin për korrupsion, pasi presidenti amerikan, Donald Trump, tha se ky rast gjyqësor duhet të anulohet.

Të enjten, avokati i Netanyahut i kërkoi gjykatës që të mos e thërriste kryeministrin për të dhënë dëshminë për dy javë, duke thënë se atij i duhet të përqendrohet në “çështje të sigurisë” pas luftës 12-ditore mes Izraelit dhe Iranit.

Gjykata e qarkut në Jerusalem tha në vendimin e publikuar online se “forma aktuale [e kërkesës së Netanyahut] nuk ofron bazë apo justifikim të detajuar për anulimin e seancave dëgjimore”.

Trump tha të enjten se gjykimi kundër Netanyahut ishte një “gjueti shtrigash”, duke shtuar se gjykimi “duhet të anulohet menjëherë ose të falet ky hero i madh”.

Netanyahu e ka falënderuar Trumpin për mbështetjen e tij në luftën e shkurtër të Izraelit kundër Iranit, që përfundoi me një armëpushim të arritur më 24 qershor.

Kryeministri izraelit ka mohuar çdo keqbërje dhe mbështetësit e tij e kanë përshkruar gjykimin si të motivuar politikisht.

Në rastin e parë penal, ai dhe gruaja e tij, Sara, akuzohen se kanë pranuar më shumë se 260.000 euro në formë të dhuratave luksoze sikurse cigare, bizhuteri dhe shampanja nga miliarderë në këmbim të favoreve politike.

Në dy raste të tjera, Netanyahu akuzohet se tentoi të negocionte mbulim më favorizues nga dy media izraelite.

Gjatë mandatit aktual, që e ka nisur në fund të vitit 2022, Qeveria e Netanyahut kishte propozuar një sërë reformash gjyqësore që kritikët thanë se ishin të dizajnuara që të dobësonin rolin e gjykatave.

Netanyahu ka kërkuar disa herë shtyrje që kur nisi gjykimi ndaj tij në maj të vitit 2020, duke përmendur si arsyetim luftën në Gazë që nisi më 2023 dhe më pas luftimet në Liban, si dhe gjatë këtij muaji konfliktin me Iranin./REL

Continue Reading

Të kërkuara