Gjatë premierës së filmit F1 në Mexico City, Brad Pitt dha një intervistë të rrallë për Entertainment Tonight ku foli për mësimet e jetës, uljet dhe ngritjet, si dhe rëndësinë e marrëdhënieve me njerëzit e afërt.

Pitt theksoi se me kalimin e viteve ai ka filluar ta vlerësojë gjithnjë e më shumë rrethin e njerëzve përreth tij.

“Pavarësisht gabimit, mëson prej tij dhe ecën para. Çdo gabim të çon në suksesin e radhës. Ndërsa plakesh e kupton sa e rëndësishme është të rrethohesh me njerëz që i njeh, i do dhe që të duan. Miq, familje dhe kaq. Çdo gjë tjetër fillon nga aty, është një ekuacion mjaft i thjeshtë”, tha ai.

Kur u pyet nëse xhirimi i një filmi aksion e drejtimi i makinave ishte strehë nga vëmendja e medias, ai u përgjigj:

“Nuk e shoh në atë mënyrë. Vëmendja e medias ka qenë gjithmonë një gjë e vështirë me të cilën më është dashur të jetoj, ndonjëherë më shumë, ndonjëherë më pak, ndërsa bëj atë që dua vërtet. Është diçka që mund të të hajë kohën dhe nervat, nëse e lejon”.

Pavarësisht viteve të ekspozimit publik, Pitt thotë se tani ndihet i qëndrueshëm.

“Jeta ime është e qetë. Ndihem ngrohtësi, siguri, me miqtë, familjen, me vetëdijen se kush jam. Çdo gjë tjetër është si mizë që gumëzhin rreth teje”, tha ai.

Pitt dhe Angelina Jolie u divorcuan më 2016 dhe pas vitesh procedurash ligjore, divorci u finalizua zyrtarisht në dhjetor 2024. Pitt dhe Jolie kanë gjashtë fëmijë, me të cilët aktori nuk ka marrëdhënie të mira. Që nga fundi i vitit 2022, Pitt ka qenë në një lidhje me stilisten e bizhuterive Ines de Ramon.

Në këtë podcast, Sheeran ndau edhe disa momente interesante me miqtë e tij të famshëm si Elton John.

Këngëtari i njohur britanik, Ed Sheeran ka zbuluar në episodin më të ri të podcastit të Louis Theroux se ka qenë i detyruar të sigurojë mbrojtje 24-orëshe për veten, bashkëshorten Cherry Seaborn dhe dy vajzat e tyre, për shkak të kërcënimeve serioze ndaj sigurisë së familjes.

Vendimi u mor pas një përpjekjeje për të hyrë me forcë në shtëpinë e tij në Suffolk, e njohur ndryshe me emrin “Sheeranville”.

“Kam mbrojtje të përhershme në shtëpi, që kujdeset për sigurinë time, të gruas sime dhe të fëmijëve. Gjatë viteve kanë ndodhur disa situata të çuditshme dhe thjesht isha i detyruar të veproj,”-tha Sheeran.

Sheeran ndau edhe disa momente interesante me miqtë e tij të famshëm si Elton John, Dave, Stormzy dhe Eminem. Ai kujtoi një episod të veçantë me legjendën Van Morrison, i cili e kishte ftuar për mëngjes në orën gjashtë të mëngjesit, menjëherë pas një nate që ai kishte kaluar me golfistin Rory McIlroy.

“Isha gjysmë i zgjuar e gjysmë i dehur kur më thanë se Van Morrison po priste në hollin e hotelit. Mëngjesi me të ishte një përvojë vërtet surreale,”- tha ai.

Frontmeni dhe bashkëthemeluesi i grupit të famshëm The Beach Boys, Brian Wilson, është ndarë nga jeta në moshën 82-vjeçare.

Kjo u konfirmua nga familja e tij përmes një deklarate.

”Jemi të pikëlluar të njoftojmë se babai ynë i dashur, Brian Wilson, ka ndërruar jetë. Ju lutemi respektoni privatësinë tonë në këtë moment zie”.

I lindur në vitin 1942 në Kaliforni, Wilson krijoi grupin The Beach Boys së bashku me vëllezërit e tij Carl dhe Dennis, kushëririn Mike Love dhe mikun Al Jardine.

Grupi u bë një nga emrat më të mëdhenj të rock-ut amerikan.

Kim Kardashian, biznesmenja miliardere dhe ylli televiziv, ka reaguar ashpër kundër aksioneve të fundit të Shërbimit të Imigracionit dhe Doganave të SHBA-së (ICE), duke i cilësuar si “çnjerëzore”.

Ajo ka thënë se “njerëzit punëtorë po ndahen nga familjet e tyre në mënyrë të padrejtë”, ka raportuar Forbes.

“Si dikush që ka jetuar gjithë jetën në Los Angeles, kam parë sa thellë janë të rrënjosur imigrantët në këtë qytet. Nuk mund ta kthejmë kokën mënjanë kur frika dhe padrejtësia ua pamundësojnë njerëzve të jetojnë të sigurt dhe të lirë”, ka thënë Kardashian përmes një postimi në llogarinë e saj në rrjetin socva Longoria  ka reaguar ashpër me një video katër-minutëshe që ka postuar ne rrjetin social TikTok, ku i quajti bastisjet e ICE-së “çnjerëzore” dhe kritikoi mungesën e procesit të rregullt për imigrantët që “janë të ndershëm dhe paguajnë taksa”.

Eva Longoria ka thënë se po i jep mbështetje të plotë protestuesve që po ngrihen kundër këtyre aksioneve.

Reperja Doechii u bë virale me fjalimin në ceremoninë e ndarjes së çmimeve “BET Awards”, ku ka kritikuar presidentin Donald Trump për vendimin e tij për të dërguar Gardën Kombëtare për të shuar protestat në Los Angeles.

“Trump po përdor forcat ushtarake për të ndalur një protestë, dhe dua të reflektoni se çfarë lloj qeverie duket të jetë kjo, kur sa herë që ne ushtrojmë të drejtën tonë demokratike për të protestuar, ushtria dërgohet kundër nesh”, ka thënë ajo.

Finneas, muzikanti dhe vëllai i Billie Eilish, ka treguar se ishte sulmuar me gaz lotsjellës gjatë një proteste në Los Angeles dhe akuzoi autoritetet për nxitje të dhunës.

Mark Ruffalo, i njohur për qëndrimin kritik ndaj Trump, ka postuar duke e quajtur “mashtrues”,  agjentët e imigracionit “forca raciste që fshihen pas maskave për turp a frikë nga drejtësia dhe shkelin të drejtën për gjykim të ndershëm”.

Edhe figura tjera publike si aktori Pedro Pascal, këngëtarja Kacey Musgraves, regjisorja Ava DuVernay dhe modelja Chrissy Teigen janë bashkuar me valën e kritikave ndaj aksioneve të ICE-së.

Protestat kundër ICE-së shpërthyen fillimisht në Los Angeles fundjavën e kaluar dhe u përhapën shpejt në qytete të tjera si New York, Philadelphia, Chicago dhe më tej.

Aksionet e ICE-së dhe arrestimet e imigrantëve kanë ndezur tensione të forta, ndërsa Trump ka hyrë në konflikt të drejtpërdrejtë me autoritetet e Kalifornisë, përfshirë guvernatorin Gavin Newsom dhe kryetaren e Bashkisë së Los Angelesit, Karen Bass, për vendimin e tij për të dërguar Gardën Kombëtare dhe trupat e Marinës për të qetësuar protestat.

Trump ka përmendur nenin 10 të Kodit të Shërbimeve të Armatosura të SHBA-së, i cili i jep presidentit autoritetin për të vendosur trupa në rast “pushtimi apo rreziku nga ndonjë rebelim kundër autoritetit të qeverisë së Shteteve të Bashkuara”.

“Ky është një president që nuk do të jetë i lidhur as nga ligji, as nga Kushtetuta, duke vazhduar një sulm të bashkërenduar ndaj traditave amerikane”, ka thënë Guvernatori Newsmon përmes një deklarate televizive, duke e kundërshtuar ashpër këtë veprim.

Ndërkohë, Khaby Lame, krijuesi i përmbajtjeve, i cili është më i ndjekuri në TikTok, u ndalua nga autoritetet e imigracionit në Las Vegas të premten, konfirmoi Departamenti i Sigurisë Kombëtare për Forbes.

Lame, 25 vjeç, i lindur në Senegal dhe i rritur në Itali, është shtetas italian. Sipas DHS, atij iu dha mundësia të largohej vullnetarisht nga SHBA dhe ai zgjodhi ta bëjë këtë.

Vendndodhja e saktë e Lame nuk dihet, por të mërkurën në mëngjes ai kishte postuar disa video nga São Paulo, Brazil. Lame ka mbi 162 milionë ndjekës në TikTok dhe renditet ndër 10 krijuesit më të paguar në vitin 2024, me të ardhura mbi 20 milionë dollarë, sipas vlerësimeve të Forbes.

Ndërkohë, Bo Loudon, një influencues pro-Trump dhe mik i djalit të presidentit, Barron Trump, ka pohuar në platformën X se kishte raportuar Lame tek autoritetet si “imigrant i paligjshëm”.