Kulturë

Pasqyrë e vjedhjes: FBI heton përgjegjësinë për artefaktet e humbura të Muzeut Britanik

Published

on

FBI është angazhuar në hetimin e shitjes së qindra thesareve të dyshuara të vjedhura nga Muzeu Britanik dhe të shitura blerësve amerikanë. BBC kupton se agjencia amerikane e zbatimit të ligjit ka ndihmuar gjithashtu me kthimin e 268 artikujve që muzeu pretendon se i përkasin dhe që ishin shitur një koleksionisti në Uashington DC. Muzeu Britanik njoftoi vitin e kaluar se xhevahiret e lashta, bizhuteritë dhe sende të tjera nga koleksioni i tij mungonin, ishin vjedhur ose dëmtuar.

Një blerës nga New Orleans i tha BBC-së se një agjent i FBI-së i kishte dërguar një email duke i kërkuar informacion për dy pjesë që ai kishte blerë në eBay. Agjenti i FBI-së shpjegoi se ata po ndihmonin Policinë Metropolitane në hetimin e sendeve të humbura ose të vjedhura nga muzeu. Blerësi deklaroi se nuk kishte më asnjë nga perlat dhe nuk beson se ato janë gjetur nga autoritetet. Deri më tani, FBI nuk ka kërkuar informacione të mëtejshme prej tij.

Muzeu Britanik thotë se deri më tani janë gjetur 626 objekte nga 1500 që vlerësohet se janë vjedhur ose zhdukur. Shumica dërrmuese e këtyre objekteve nuk janë kataloguar dhe muzeu është ende në proces të verifikimit të origjinës së tyre. Kjo përfshin edhe pranimin e objekteve nga koleksionistët që pranojnë t’i dhurojnë për vlerësim.

Një kurator i lartë, Peter Higgs, akuzohet nga Muzeu Britanik për vjedhje, dëmtim, shkrirje dhe shitje të objekteve të lashta. Ai i mohon të gjitha akuzat. Muzeu pretendon se Dr. Higgs ka përfituar rreth 100,000 £ nga vjedhjet. Dokumentet gjyqësore tregojnë se Dr. Higgs dyshohet se ka vjedhur dhe shitur sende për të paktën një dekadë, kryesisht sende të paregjistruara nga depot e muzeut, përmes llogarisë së tij në eBay me emrin “sultan1966”.

Një blerës nga New Orleans, Tonio Birbiglia, konfirmoi se kishte blerë dy artikuj nga “sultan1966”. Muzeu Britanik nuk ka ekzaminuar ende këto objekte për të përcaktuar nëse ato janë nga koleksioni i tij. Blerësi tha se ishte i tronditur kur FBI e kontaktoi atë dhe se nuk mban mend asgjë rreth gurëve të çmuar. Megjithatë, FBI nuk ka ndjekur më tej çështjen me të.

FBI ka ndihmuar gjithashtu me hetimin e 268 artikujve të shitur në zonën e Uashington DC nga i njëjti shitës. Një burim i afërt me një nga blerësit i tha BBC-së se ai bleu artikuj nga “sultan1966” përmes eBay dhe emailit, duke paguar deri në 7,000 £ për artikujt. Shitësi përdorte emrin “Paul Higgins” gjatë transaksioneve.

Tregtari danez i antikiteteve, Dr. Ittai Gradel, i cili i pari paralajmëroi muzeun për vjedhjet, ka gjurmuar artefaktet që u janë shitur blerësve në disa qytete, përfshirë Hamburgun, Këlnin, Parisin dhe Hong Kongun. Disa prej gurëve të çmuar që ai bleu vetë më pas u ekspozuan në muzeun Deutsches Edelstein në Gjermani. Një perlë mendohet të jetë një kokë e rrallë e shekullit të 2-të e heroit grek Herkulit, e bërë nga obsidiani, një lloj xhami vullkanik.

Muzeu Britanik është ende në proces të verifikimit të origjinës së objekteve të kthyera dhe po vazhdon përpjekjet për të gjetur dhe rikthyer më shumë artefakte të humbura nga koleksioni i tij./UBTNews/

Përktheu nga BBC, Dionesa Ebibi

Magazinë

Matthew McConaughey humbi rolin e Jack në ‘Titanic’, refuzoi kërkesën e thjeshtë të regjisorit

Published

on

Matthew McConaughey mund të ishte Jack Dawson në “Titanic”, por një “jo” kokëfortë e la jashtë një prej roleve më ikonike në historinë e kinemasë.

Sipas një fragmenti nga libri i producentit të ndjerë Jon Landau, “The Bigger Picture”, i publikuar në një gazetë, McConaughey kishte shkuar për audicion dhe kishte bërë një skenë me Kate Winslet. Dhe sipas Landau, “Kate u mahnit nga prezenca dhe karizma e Matthew”.

Por pastaj… ai foli.

McConaughey e interpretoi Jack-un me theksin tipik të Teksasit. Regjisori James Cameron, i tha: “Shumë mirë. Tani ta provojmë ndryshe.”

Por Matthew nuk e pa të nevojshme. U përgjigj: “Jo. Ishte mjaftueshëm. Faleminderit.”

Dhe kaq. Roli iku.

Për kontekst: Jack Dawson supozohej të ishte një djalë jetim nga Chippewa Falls, Wisconsin, dhe jo një cowboy simpatik që flet sikur sapo ka zbritur nga rodeo. Me atë “jo”-në e tij, McConaughey i mbylli vetes derën e anijes, para se Titanic-u të nisej.

Më vonë, roli shkoi te Leonardo DiCaprio, i cili nuk e pati të lehtë. Gjatë audicionit, kur Cameron i kërkoi të lexonte skenarin, Leo u përgjigj “unë nuk lexoj.” (Leo klasik i viteve ’90). Por kur Cameron i tha se pa lexuar nuk ka rol, DiCaprio e mori seriozisht, lexoi që çke me të dhe shkëlqeu!

Regjisori e përshkroi momentin si magjik: “Retë u ndanë dhe një rreze drite ndriçoi Jack-un. Mendova ‘ky është djali’.”

Për ironi, nëse McConaughey do kishte pranuar të ndryshonte theksin për dy minuta, historia e filmit dhe ndoshta karriera e tij do të kishin marrë një kthesë tjetër. Ai zgjodhi të mbetej besnik i stilit të vet dhe të largohej siç vetëm ai di: me shumë vetëbesim dhe një “alright, alright” në mendje.

Continue Reading

Magazinë

Machine Gun Kelly habit fansat kur pranon se nuk ha ushqim kurrë: Unë thjesht pi shumë ujë

Published

on

Continue Reading

Magazinë

Frikë për rikthim të sëmundjes? Pamja e fundit e Kate trazon rrjetin

Published

on

Edhe pse para gjashtë muajsh u bë e ditur se Kate Middleton kishte kaluar fazën më të vështirë të luftës me kancerin dhe gjendja e saj ishte përmirësuar, dalja e fundit publike e saj në Wimbledon ka shkaktuar shqetësim te fansat.

E shoqëruar nga Princi William dhe tre fëmijët e tyre, Princesha e Uellsit u shfaq me buzëqeshje, por pamja e saj tepër e dobët nuk kaloi pa u vënë re.

Burime pranë familjes mbretërore thonë se Kate po vazhdon rikuperimin, por ende është e lodhur dhe tepër e brishtë fizikisht.

“Ajo është shumë e dobët. Njerëzit po shqetësohen sepse kjo mund të jetë pasojë e trajtimit që ka kaluar, ose më keq, një shenjë që sëmundja mund të jetë kthyer,” u shpreh një burim për mediat.

Sipas raportimeve, Princesha ka humbur shumë peshë, thuhet rreth 42 kilogramë e ka vështirësi me ushqimin pas kimioterapisë.

“Ka kaluar shumë dhe dëshiron të rikthehet në detyrat mbretërore, por është e qartë që nuk ndihet mirë,” vijon burimi.

Derisa të ketë një deklaratë zyrtare nga pallati mbretëror, publiku vijon të lutet dhe të shpresojë për shëndetin e plotë të Kate Middleton.

Continue Reading

Magazinë

Nga ish-kunata në shoqe të ngushta! Selena flet për miqësinë me Taylor Swift

Published

on

Selena Gomez na ka treguar ca detaje për miqësinë me Taylor Swift. Këngëtarja dhe aktorja u shfaq në podkastin “Therapuss with Jake Shane” dhe tregoi se si ajo dhe ylli i muzikës pop u “afruan më shumë” pas ndarjeve që patën me vëllezërit Jonas.

“Unë dhe Taylor ishim të lidhura me vëllezërit Jonas”, i tha Sel moderatorit, duke shpjeguar edhe se si u njohën.

“Unë isha me Nick dhe ajo me Joe. Gjithçka ishte e ëmbël…ishim të reja. Të gjithë e njohim dhe e duam njëri-tjetrin dhe kjo situatë është shumë e këndshme. Nuk e dinim çfarë po bënim. Unë dhe ajo themi gjithnjë se gjëja më e mirë që kemi marrë nga ato lidhje ishte miqësia që kemi krijuar me njëra-tjetrën”.

Ylli i “Only Murders in the Building” shtoi se ajo ishte rreth 15 vjeç dhe Taylor rreth 18 vjeç kur dolën me Nick dhe Joe e kujtoi atë kohë si periudhën “kur Taylor kishte flokët kaçurrela që nuk i bindeshin dhe kishte gjithë ato byzylykë, aq shumë sa i shkonin deri lart te krahu”.

Selena tha se që atëherë, të dyja u bënë “mike të ngushta” sepse “u lidhën përmes ndarjeve, siç ndodh shpesh mes vajzave.”

“Që atëherë kemi qëndruar pranë njëra-tjetrës në të gjitha ngritjet dhe uljet që erdhën më pas dhe ja ku jemi, 16 vjet më vonë,” shtoi Sel.

Ajo foli për muzikën dhe këngën e parë që Tay i tregoi: “Besoj se “Love Story” ishte kënga e parë që më ka treguar. Po, ishim në një dhomë hoteli dhe e kujtoj shumë qartë, ishte një nga ato këngët që sapo e dëgjova mendova menjëherë: “kjo është një nga këngët më të bukura që kam dëgjuar ndonjëherë.”

Jake Shane tha: “Wow, nuk mund ta besoj që e ke dëgjuar ‘Love Story’ para se të dilte,” dhe Selena u përgjigj: “E di, ishte kaq e ëmbël”.
 
Gjatë viteve, të dyja kanë treguar mbështetje për njëra-tjetrën; që nga brohoritjet në çmimet dhe arritjet muzikore, deri te dashuria që kanë treguar në festa ditëlindjesh e lidhjet Selena është e lidhur me Benny Blanco, dhe Tay do të jetë “vajza e luleve” në dasmë. Taylor, është e lidhur me sportistin Travis Kelce.

Continue Reading

Të kërkuara