

Kulturë
Pashk Gjeçi, shqipëruesi i madh i kryeveprave të letërsisë botërore
Published
3 months agoon
By
EAd SulMë 20 janar 2010, Shqipëria humbi njërin nga figurat më të ndritura të kulturës dhe letërsisë: Pashk Gjeçin, përkthyesin e “Komedisë Hyjnore” të Dantes. Ai lindi në Shkodër më 7 shtator 1918, në një familje që i dha formim klasik dhe frymëzim intelektual. Arsimin e tij e nisi në gjimnazin jezuit të qytetit, ku zotëroi gjuhët italisht, greqisht të vjetër dhe latinisht. Talenti i tij doli në pah që herët, kur ende si nxënës përktheu poezitë e Xhakomo Leopardit.
Në vitin 1938, me mbështetjen e pjesshme të qeverisë shqiptare, ai nisi studimet në Fakultetin e Letërsisë dhe Filozofisë në Romë, ku shpejt u dallua për zellin dhe përkushtimin ndaj letërsisë klasike. Në vitin 1942, Gjeçi u nderua me titullin “doktor” në letërsi, duke hyrë në elitën e studiuesve dhe përkthyesve shqiptarë. Por kthimi i tij në atdhe nuk ishte i lehtë. Për shkak të akuzave politike, ai kaloi pesë vite në burg, një periudhë që, megjithatë, nuk e thyu shpirtin e tij krijues.
Pas lirimit, Gjeçi iu kushtua plotësisht përkthimeve, duke sjellë në shqip kryeveprat më madhore të letërsisë botërore. Përveç “Komedisë Hyjnore”, ai përktheu “Odisenë” e Homerit, “Faustin” e Gëtes dhe “Hamletin” e Shekspirit, duke ngritur lart traditën shqiptare të përkthimeve. Përkthimi i tij i “Komedisë Hyjnore” u vlerësua ndërkombëtarisht nga Shoqata Italiane “Dante Alighieri” si një nga më të mirët në botë. Për këtë arritje të jashtëzakonshme, në vitin 2004, presidenti italian Carlo Azeglio Çampi e dekoroi me titullin prestigjioz “Ordine della Stella, della solidarietà italiana”.
Trashëgimia e Pashk Gjeçit mbetet një monument i gjallë i pasurisë kulturore të Shqipërisë, një pasuri që lidh popullin shqiptar me thesaret e letërsisë universale./UBTNews/
You may like
Magazinë
Ç’po ndodh? Brad Pitt frikësohet nga ajo që Angelina po bën me fëmijët e tij
Published
2 hours agoon
April 28, 2025
Beteja e gjatë e Brad Pitt për kujdestarinë me Angelina Jolie ka marrë tjetër kthesë shqetësuese. Ylli i Hollivudit thuhet se po bëhet gjithnjë e më i shqetësuar se Jolie po ndikon tek fëmijët e tyre kundër tij, duke krijuar atë që e sheh si mur emocional mes tij dhe familjes.
Burime pranë Pitt-it pohojnë se aktori ndihet “zemërthyer” dhe “i pafuqishëm” teksa shikon se marrëdhëniet me fëmijët dobësohen.
Kanë kaluar vite që nga divorci i rrëmujshëm i vitit 2016, por beteja për fëmijët, Maddox, Pax, Zahara, Shiloh, Knox dhe Vivienne – mbetet e pazgjidhur.
Pitt dyshohet se beson se ndikimi i Jolie po i shtyn fëmijët më larg, deri në pikën ku pajtimi duket pothuajse i pamundur. Edhe pse Pitt është përpjekur të ruajë lidhjet me fëmijët përmes takimeve e këshillimeve private, të brendshëm thonë se ai ndihet i mbingarkuar.
Çdo hap i vogël drejt rindërtimit të besimit duket se minohet, duke e lënë atë gjithnjë e më të izoluar. Miqtë e aktorit e përshkruajnë si të shkatërruar nga distanca e dukshme emocionale që zhvillohet mes tij dhe fëmijëve të vegjël.
Disa raporte madje sugjerojnë se Pitt ka frikë se disa nga fëmijët janë inkurajuar ta shohin atë në një këndvështrim negativ, duke dëmtuar lidhjen në mënyra që mund të duhen vite për t’u riparuar, nëse ndonjëherë. Angelina Jolie ka mbajtur një profil relativisht të ulët publik në lidhje me specifikat e betejës për kujdestari, por shumë besojnë se veprimet e saj flasin më shumë se fjalët.
Magazinë
“Ajo duket shumë e sëmurë”, Demi Lovato përballet me kritika pas humbjes së peshës
Published
2 days agoon
April 26, 2025
Këngëtarja amerikane Demi Lovato ka shkaktuar një sërë reagimesh në rrjetet sociale pasi ka shpërndarë një sërë fotosh që tregojnë figurën e saj të hollë si dhe momente nga jeta private.
Edhe pse shumica e komenteve në Instagram ishin pozitive, disa i referoheshin në mënyrë specifike humbjes së saj të konsiderueshme në peshë, gjë që shkaktoi spekulime të reja mes ndjekësve.
Vëmendjen më të madhe e tërhoqi një foto e saj duke pozuar para një pasqyre me pantallona të shkurtra dhe një bluzë të ngritur që i zbulonte barkun.
Përveç kësaj, ra në sy edhe një foto me një fustan të ngushtë lëkure, shumë e vlerësuan pamjen e saj, disa pretenduan se këngëtarja po përdor ilaçin Ozempic, i cili është bërë i njohur në mesin e të famshmëve vitet e fundit si mjet për humbje peshe.
“Mbretëresha Ozempic”, “Duket shumë e hollë, më pëlqente më shumë kur kishte kthesa” dhe “Të gjithë janë në Ozempic tani”, “Kur i humbi këto kilogramë”, “Duket kaq e sëmurë. Këtë herë nuk mund të fajësojë ekipin e saj”, ishin vetëm disa nga komentet.
Në mars 2021, këngëtarja postoi një foto ku tregonte belin më të hollë, me komentin se “ka humbur peshë aksidentalisht”, duke theksuar se nuk numëron më kalori, nuk e tepron me stërvitjen ose nuk kufizon dietën e saj. Vitin e kaluar, deklaroi se ka gati gjashtë vjet që është në procesin e rikuperimit nga bulimia, me mbështetjen e një ekipi profesional terapistësh dhe dietologësh të specializuar në çrregullimet e të ngrënit.
“Unë punoj më së shumti për të pranuar trupin tim. Nuk përpiqem të jem pozitive për këtë, sepse kjo ende më duket shumë larg. Për momentin, synimi im është të paktën të jem neutrale”, tha ajo në atë kohë.
Ajo shtoi se praktikon pohime për të forcuar marrëdhënien me trupin e saj.
“Shikohem në pasqyrë dhe i them vetes: “Ky trup është i fortë, më shpëtoi jetën kur e teprova”. “Janë mendimet që më mbajnë të qëndrueshme”, tha Lovato.
Demi Lovato është bërë një zë i fortë në luftën për shëndetin mendor, vetëpranimin dhe kundër standardeve të imponuara të bukurisë vitet e fundit. Pavarësisht përpjekjeve të saj publike për të inkurajuar ndryshime pozitive, transformimi i saj fizik vazhdon të ketë reagime të ndryshme nga publiku.
Lifestyle
Meditimi e largon stresin dhe ju furnizon me energji
Published
2 days agoon
April 26, 2025
Në një botë plot zhurmë e stres, ndalo për një moment… mbyll sytë dhe merr frymë thellë.
Nëse jeni person i mbushur me stres nga jeta personale apo profesionale dhe çdo ditë keni nevojë për më shumë energji, atëherë duhet ta keni në konsideratë meditimin.
Meditimi është një mënyrë e mahnitshme për ta zvogëluar stresin. Kur meditoni, ju keni kohë të reflektoni dhe ta relaksoni mendjen dhe trupin.
Ka plot mënyra se si mund të meditoni. Mund edhe të luteni nëse keni dëshirë. Mund të relaksoheni herët në mëngjes në park dhe të thithni ajër të freskët nën ambientin e zërave të zogjve dhe njerëzve që flasin në distancë.
Meditimi ju ndihmon ta rritni kapacitetin për relaksim dhe ta përmirësoni shëndetin kardiovaskular sepse përqendroheni në frymëmarrje.
Gjatë meditimit, trupi kalon në gjendje relaksimi të thellë, ndihmon në uljen e nivelit të kortizolit hormonit të stresit e përmirëson përqendrimin e vetëdijen.
Kjo qetësi mendore ndihmon jo vetëm në largimin e tensioneve emocionale, por dhe në rritjen e energjisë dhe përmirësimin e mirëqenies së përgjithshme
Nëse Buda ka praktikuar meditimin dhe është lidhur me anën e tij shpirtërore, atëherë edhe ju mund ta bëni këtë!
Çdo minutë që i kushton vetes përmes meditimit, është një hap drejt një versioni më të qetë, më të fokusuar dhe më të lumtur të vetes.
Magazinë
Angelina Jolie tregon se cili rol i ndryshoi karrierën dhe e ndihmoi të përballonte pasojat e varësisë
Published
2 days agoon
April 26, 2025
Angelina Jolie ka zbuluar se cili prej filmave në të cilin ka luajtur ka ndryshuar tërësisht karrierën e saj.
Pas një sërë rolesh të vogla filmike gjatë viteve të 90-ta, duke përfshirë“Cyborg 2”, “Without Evidence”, “Hackers” dhe “Love Is All There Is”, Jolie tërhoqi vëmendjen duke fituar një Golden Globe për rolin e saj në filmin televiziv “George Wallace”.
Megjithatë, një kthesë e veçantë ndodhi një vit më vonë me filmin “Gia” në të cilin ajo luajti rolin e supermodeles Giu Carangi
Historia e Gias, një ikonë e modës që vdiq nga SIDA në moshën 26 vjeç, ishte emocionuese për Jolie. Në atë kohë, ashtu si personazhi i saj, Angelina ende po luftonte me pasojat e varësisë nga drogat e forta si kokaina dhe heroina.
Në një intervistë për Variety, Jolie zbuloi: “Nuk doja ta bëja, nuk doja të futesha në të. Ndoshta sepse nuk e doja rolin, sepse kisha frikë se ku mund të më çonte, producentët e dinin që unë isha personi i duhur për të”.
Jolie përfundimisht e pranoi rolin dhe, siç pretendon ajo, gjeti terapi në të.
“Unë u identifikova me Gian. Nga të gjithë personazhet që kam luajtur, është më e afërta me mua. Në mënyrë të çuditshme, ai rol më ndihmoi të shmang fatin e saj”, tha ajo.
Anxhelina e mori seriozisht me synimin për të treguar, përmes historisë së Gias, humanizmin pas varësisë, dhimbjen e heshtjen që publiku shpesh nuk e sheh.
“Ajo kishte aq shumë brenda saj dhe askush nuk e dinte. Të gjithë mendonin se ajo ishte thjesht e bukur dhe problematike”, pohon ajo.
Filmi “Gia” me regji të Michael Cristofer shkaktoi shumë entuziazëm. Jolie fitoi një tjetër Golden Globe për performancën e saj, si dhe një çmim SAG. Ky film shënoi përparimin e Angelinës në industrinë e filmit dhe shfaqi aftësitë e saj në aktrim.
Pas Gias, ajo u shfaq në filma të suksesshëm si “Girl, Interrupted” me regji të James Mangold, në të cilin fitoi Oscar për aktoren më të mirë dytësore.
Kjo u pasua edhe nga shndërrimi i saj në një heroinë aksioni global me rolin e Lara Croft në ekskluzivitetin e filmit “Tomb Raider”, i cili i solli famë botërore.

Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”

Meta përballet me një tjetër padi në Afrikë “për trajtimin e moderatorëve të përmbajtjes”

Von der Leyen dhe Trump do të takohen kur marrëveshja tregtare BE-SHBA të jetë gati

Shtëpia e Bardhë reagon pas shpalljes së armëpushimit nga Putin

Cilat janë shkaqet më të zakonshme të mungesës së hekurit?

Ndalet rryma në Spanjë, pezullohet turneu i tenisit “Madrid Open”

Moska: Ne mund t’i ofrojmë ndihmë ushtarake Koresë së Veriut nëse është e nevojshme

Ç’po ndodh? Brad Pitt frikësohet nga ajo që Angelina po bën me fëmijët e tij

Hapen vendvotimet e para në Kanada për zgjedhjet e parakohshme
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë1 month ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur