Lajmet

Pas gjobës prej 225 milionë eurosh, WhatsApp përditëson politikën e tij të privatësisë

Kjo pasiqë sipas DPC, aplikacioni nuk kishte qenë transparent për mënyrën se si i trajtonte të dhënat e përdoruesve.

Published

on

WhatsApp ka përditësuar politikën e tij të privatësisë për përdoruesit evropianë. Kjo pasi iu dha një gjobë rekord prej 225 milionë eurosh nga rregullatorët irlandezë për mbrojtjen e të dhënave në fillim të këtij viti, përcjell UBT News.

Politika e re, e publikuar të hënën, përfshin më shumë detaje se si kompania mbledh dhe përdor të dhënat e klientëve, si ruhen dhe kur fshihen.

WhatsApp gjithashtu tha se kishte shtuar më shumë detaje mbi “pse ne ndajmë të dhëna përtej kufijve”, si dhe bazat ligjore për përpunimin e informacionit të përdoruesve.

Pse u gjobit WhatsApp?

WhatsApp u gjobit nga Komisioni i Irlandës për Mbrojtjen e të Dhënave (DPC) në shtator për shkelje të rregulloreve të rrepta GDPR që rregullojnë ndarjen e të dhënave në BE.

Në vendimin e saj, DPC zbuloi se WhatsApp nuk kishte qenë mjaft transparent për mënyrën se si i trajtonte të dhënat e përdoruesve.

Kjo nënkupton se WhatsApp nuk kishte dhënë informacion të mjaftueshëm rreth mënyrës se si u mblodhën të dhënat “në një formë koncize, transparente, të kuptueshme dhe lehtësisht të arritshme, duke përdorur një gjuhë të qartë dhe të thjeshtë”, tha DPC.

Rregullatori irlandez vendosi gjithashtu një vërejtje së bashku me një urdhër që WhatsApp të sillte përpunimin e tij në përputhje duke ndërmarrë “një sërë veprimesh të specifikuara korrigjuese”.

WhatsApp aktualisht po apelon kundër këtij vendimi. Në shtator kompania tha se gjoba që mori ishte “krejtësisht joproporcionale”.

Dënimi prej 225 milionë eurosh është më i madhi i dhënë ndonjëherë nga DPC, dhe i dyti më i madhi i lëshuar sipas GDPR, pas një gjobe prej 746 milionë eurosh dhënë Amazon nga autoritetet në Luksemburg./UBTNews/

Aktualitet

Trajnime praktike dhe certifikime ndërkombëtare në UBT, nga shtatori deri në nëntor

Published

on

UBT ka njoftuar nisjen e një cikli të gjerë trajnimesh profesionale dhe praktike për periudhën Shtator–Tetor–Nëntor 2025, të hapura për studentë, profesionistë dhe të gjithë të interesuarit për zhvillim të aftësive. Sipas njoftimit, çdo muaj do të hapen grupe të reja, duke ofruar fleksibilitet në orar dhe mundësi për t’iu përshtatur angazhimeve të pjesëmarrësve.

Programi mbulon fusha kyçe të menaxhimit të projekteve, IT-së, analizës së të dhënave dhe aftësive të buta, me fokus në standarde ndërkombëtare dhe punë praktike në laboratorë modernë të UBT-së.

Trajnimet e planifikuara:

  • PRINCE2 – 24 orë
  • ITIL Foundation – 24 orë
  • Analiza e të Dhënave me SPSS – 24 orë
  • MS Project – 18 orë
  • Hyrje në Programim – 30 orë
  • MS Excel i Avancuar – 24 orë
  • Marketingu Digjital – 24 orë
  • Shitja & Kujdesi ndaj Klientëve – 2 muaj
  • Instalues Elektrik – 3 muaj
  • Zhvillues i Aplikacioneve me AI – 2 vite

Trajnimet do të zhvillohen në kampuset e UBT-së në Prishtinë, Lipjan, Prizren, Ferizaj dhe Gjilan. Pjesëmarrësit përfitojnë nga ligjërues të certifikuar, mjedise laboratorike të avancuara, certifikatë pjesëmarrjeje dhe kompetence, si dhe mundësi certifikimi ndërkombëtar për programet PRINCE2 dhe ITIL.

Aplikimet kryhen online: APLIKO TANI!

Continue Reading

Aktualitet

Edhe pak vende të lira në programin Inxhinieri e Mekatronikës në UBT

Published

on

UBT njofton se kanë mbetur edhe pak vende të lira për programin Inxhinieri e Mekatronikës, një nga drejtimet më inovative dhe të kërkuara nga të rinjtë në fushën e inxhinierisë.

Ky program ndërthur mekanikën, elektroniken dhe teknologjinë digjitale, duke përgatitur studentët për të qenë pjesë e transformimit teknologjik në fushat e automatizimit, robotikës dhe sistemeve të mençura.

Studentët e këtij programi përfitojnë nga laboratorë të avancuar, ligjërues me eksperiencë ndërkombëtare dhe projekte praktike, duke ndërtuar kompetenca të plota për tregun e punës. Përmes këtij kombinimi, ata përgatiten të udhëheqin zhvillimet më moderne në industri dhe teknologji.

Aplikimet janë ende të hapura dhe mund të bëhen online në linkun: APLIKO TANI ONLINE!

Continue Reading

Aktualitet

Gjendet pa shenja jete një person në një banesë pranë burgut në Mitrovicën e Veriut

Published

on

Një person është gjetur pa shenja jete në një banesë në afërsi të Qendrës së Paraburgimit në Mitrovicën e Veriut. Lajmin e ka konfirmuar zëvendësdrejtori i policisë atje, Veton Elshani.

Siç tha ai, nuk dihet ende shkaku i vdekjes së këtij personi, mirëpo i ndjeri ka jetuar i vetëm dhe ishte përdorues i narkotikëve.

“Rreth orës 14:30, policia është njoftuar për një trup të pajetë që ndodhej në një banesë në afërsi të Qendrës së Paraburgimit në Mitrovicën e Veriut. Policia ka shkuar në vendin e ngjarjes dhe ka hasur në trupin e pajetë, ndërsa shkaqet e vdekjes do t’i mësojmë pasi që në vend të ngjarjes të vijë Mjekësia Ligjore. Personi ka jetuar i vetëm dhe ishte i njohur për policinë si përdorues narkotikësh”, tha Elshani

Continue Reading

Aktualitet

Kurti takon Komisionerin e Lartë të OSBE-së për Pakicat Kombëtare

Published

on

Kryeministri në detyrë i Kosovës, Albin Kurti ka takuar Komisionerin e Lartë të OSBE-së për Pakicat Kombëtare të cilin e falënderoi për angazhimin e gjatë të OSBE-së në Kosovë dhe theksoi përparimin e arritur në fushat e të drejtave të njeriut, demokratizimit dhe sigurisë.

Ai theksoi zhvillimin e vendit si një nga demokracitë më të avancuara në Ballkanin Perëndimor dhe përkushtimin ndaj rritjes ekonomike dhe mirëqenies sociale dhe sigurisë.

Më tej, kryeministri në detyrë Kurti nënvizoi kornizën kushtetuese dhe ligjore të Republikës së Kosovës që garanton të drejta dhe përfaqësim për komunitetet, përtej standardeve ndërkombëtare, duke theksuar nevojën që këto të drejta të shfrytëzohen për integrim.

Ai shprehu gatishmërinë e Qeverisë së Republikës së Kosovës për të forcuar bashkëpunimin me OSBE-në.

Continue Reading

Të kërkuara