Këngëtarja britanike Jessie J ka njoftuar publikimin e albumit të saj të gjashtë, “Don’t Tease Me With A Good Time”, që del më 28 nëntor.

Ky është projekti i saj i parë i plotë që nga albumi “R.O.S.E.” i vitit 2018.

Albumi, i realizuar përgjatë pesë vjetëve në Los Angeles, përmban 16 këngë dhe përshkruhet si një përzierje emocionesh që pasqyrojnë përjetimet e saj gjatë dekadës së fundit.

Ndër bashkëpunëtorët janë emra të njohur si Ryan Tedder, Jesse Boykins III, Los Hendrix dhe Marty Maro.

Këngë të veçanta nga albumi përfshijnë:

Believe In Magic

No Secrets

Living My Best Life

Balada përmbyllëse The Award Goes To, e interpretuar për herë të parë në ndarjen e çmimeve BAFTA.

Jessie J u shpreh se ky album është reflektim i jetës së saj dhe një rrëfim emocional që prek tema si humbja, dashuria dhe rigjetja e vetes.

Pas rikthimit të saj në skenë në festivalin “Radio 2 In The Park”, ajo ka paralajmëruar edhe një turne akustik në 2026, që do të nisë më 7 prill në Birmingham e do të përfshijë qytete si Londra, Parisi, Amsterdami dhe Brukseli.

Albumi mund të porositet paraprakisht në faqen zyrtare të Jessie J.

Modelja Bella Hadid ka shqetësuar ndjekësit e saj pas një serie fotosh që ka ndarë nga shtrati i spitalit në Instagram të mërkurën.

Edhe pse ajo nuk ka zbuluar arsyen e shtrimit, dihet se ka luftuar me sëmundjen Lyme për vite me radhë, një gjendje që mund të shkaktojë lodhje të thellë, dhimbje muskulore dhe probleme neurologjike, shkruan People, përcjell Indeksonline.

Në postimin e saj, 28-vjeçarja shkroi: “Më vjen keq që gjithmonë zhdukem, të dua.”

Fotot tregojnë modelen duke pushuar në spital, duke u përqendruar në pamjen e perëndimit të diellit përmes dritares, një moment qetësie në mes të ditës së vështirë.

Ndjekësit shprehën shqetësimin dhe mbështetjen e tyre, duke i dërguar mesazhe mbështetëse dhe urime për shërim të shpejtë.

Ky postim rikujton sfidat e vazhdueshme që Bella ka përballuar me shëndetin e saj dhe pasqyron përpjekjet për të ruajtur privatësinë, ndërsa vazhdon të jetë aktive dhe të lidhet me fansat përmes rrjeteve sociale. /A.Z/UBT News/

Këngëtarja shqiptare me famë botërore, Rita Ora, ka ndarë me ndjekësit një moment reflektimi nga Golborne Road në Londër – një vend që ajo e konsideron tejet të rëndësishëm për jetën dhe karrierën e saj.

“Ecja nëpër Golborne Road është gjithçka për mua. Ky vend ndihet si shtëpi dhe më frymëzon sa herë kthehem këtu. Është e pabesueshme të mendosh se kjo vajzë e vogël e lindur në Kosovë e gjeti rrugën drejt West London-it, dhe sot jam unë ajo”, shkroi artistja në Instagram.

Ajo shtoi se çdo përvojë dhe çdo person që ka takuar gjatë jetës ka ndikuar në formimin e saj, veçanërisht në muzikë.

“Në këtë periudhë të jetës ndihem më e lirë se kurrë dhe dua ta ndaj këtë anë të vetes me ju në një mënyrë që nuk e kam bërë më parë”, theksoi Rita e cila ka publikuar gjithashtu episodin e parë të një serie dokumentar për jetën e saj, duke falënderuar fansat për mbështetjen:

“Ky projekt ka një rëndësi të madhe për mua. Faleminderit që po e shikoni”, përfundoi ajo. /A.Z/UBT News/

Në prag të 20-vjetorit të themelimit të saj, YouTube nuk është më thjesht platformë për video amatore pa përpunim. Sot, numëron 2.7 miliardë përdorues dhe është bërë një nga mjetet më të fuqishme të medias globale.

Kur nisi më 2005, YouTube ishte hapësirë ku përdoruesit e zakonshëm ngarkonin video të thjeshta dhe autentike, shpesh me cilësi të ulët dhe pa ndihmën e profesionistëve.

Por, krijuesit janë më të specializuar dhe mes tyre ka edhe emra të mëdhenj nga fusha të ndryshme, përfshirë edhe yje të njohur ndërkombëtarisht si këngëtarja shqiptare Dua Lipa, e cila ndan me fansat video me cilësi të lartë.

YouTube ka ndryshuar mënyrën se si amerikanët konsumojnë media, duke u bërë kanali kryesor për shikimin e përmbajtjeve televizive. Statistikat tregojnë se platforma ka më shumë përdorues dhe vizita sesa televizionet tradicionale, duke u bërë alternativa kryesore për argëtim në mbarë botën.

Parashikohet që YouTube të tejkalojë këtë vit të ardhurat e Disney-t, një tregues i fuqisë së jashtëzakonshme që ka arritur. Në të njëjtën kohë, platforma po investon në Inteligjencën Artificiale për të përmirësuar krijimin e përmbajtjeve të reja.

Së fundmi, YouTube prezantoi produkte të reja e përzgjodhi disa prej krijuesve më të suksesshëm në platformë, si Dua Lipën, Mark Roberin, Smoshin dhe Brandon B, siç raportoi Reuters të mërkurën. /A.Z/UBT News/