Kronikë e zezë

Paraburgim për të dyshuarin në Ferizaj për dhunimin e një të miture

Sipas njoftimit, ekziston dyshimi se ai ka keqpërdorur seksualisht një të mitur duke qenë në dijeni për moshën.

Published

3 years ago

September 16, 2022

UBT news

Gjykata Themelore në Ferizaj, njoftoi të premten se ia ka caktuar masën e paraburgimit prej një muaji të pandehurit me inicialet Z.Z., pasi dyshohet për veprën penale dhunimi.

Sipas njoftimit, ekziston dyshimi i bazuar mirë se i pandehuri në muajin mars 2019, e në vazhdimësi deri në muajin korrik 2022, në kohë të pacaktuar në Ferizaj, ka keqpërdorur seksualisht një të mitur duke qenë në dijeni se ajo është nën 16-vjeç.

Njoftimi i plotë:

Ferizaj, 16 shtator 2022 – Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurit Z.Z. shtetas i Republikës së Kosovës, për shkak të dyshimit të bazuar se ka kryer veprën penale dhunimi nga neni 227 paragrafi 6 lidhur me paragrafin 1 lidhur me nenin 77 të Kodit Penal të Republikës së Kosovës (KPRK).

Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se i pandehuri në muajin mars 2019, e në vazhdimësi deri në muajin korrik 2022, në kohë të pacaktuar në Ferizaj, ka keqpërdorur seksualisht të dëmtuarën – e mitur, duke e ditur se e dëmtuara është nën moshën gjashtëmbëdhjetë (16) vjeçare, me përdorim të forcës dhe pa pëlqimin e saj ka kryer akt seksual.

Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit e ka aprovuar si të bazuar konform dispozitave të KPPRK-së, dhe të njëjtit i është caktuar masa e paraburgimit në kohëzgjatje prej një (1) muaj.

Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.

Lajmet

Ekstradohen nga Shqipëria dy persona të kërkuar nga Policia e Kosovës

Published

6 hours ago

March 9, 2026

UBTNews

Policia e Kosovës ka realizuar sot ekstradimin e dy personave nga Shqipëria, të cilët kërkoheshin me urdhërarrest ndërkombëtar përmes INTERPOL-it.

Ky aksioni u krye nga Drejtoria për Bashkëpunim Ndërkombëtar Policor në koordinim me institucionet e drejtësisë. Të dyshuarit ishin arrestuar më parë nga autoritetet shqiptare pas kërkesës së Kosovës për përfshirje në vepra të ndara penale.

Njëri nga të ekstraduarit kërkohej për veprën penale “kultivim i lëndëve narkotike”, ndërsa tjetri për “vjedhje të rëndë”.

Pas përfundimit të procedurave ligjore, ata u janë dorëzuar njësive policore në rajonin e Pejës dhe atij të Prizrenit.

Policia e Kosovës ka bërë të ditur se ky sukses erdhi si rezultat i bashkëpunimit të ngushtë me autoritetet e Shqipërisë dhe do të vazhdojë shkëmbimin e informacioneve për parandalimin e aktiviteteve kriminale.

Kronikë e zezë

Zhduket një person në Rahovec

Published

8 hours ago

March 9, 2026

UBTNews

Policia e Kosovës sipas raportit të fundit 24 orësh ka nisur hetimet pas raportimit për zhdukjen e një personi në komunën e Rahovecit.

Sipas policisë, viktima është larguar nga shtëpia e tij gjatë paradites së të shtunës dhe që nga ai moment nuk ka pasur më asnjë kontakt me familjarët.

Lidhur me rastin janë njoftuar njësitë përkatëse policore, të cilat janë vënë në kërkim të personit të zhdukur.

Kronikë e zezë

Polica konfiskon një dron në Gjilan

Published

9 hours ago

March 9, 2026

UBTNews

Në Raportin 24 orësh të Policisë se Kosovës në Gjilan, fshatin Muçibabë është raportuar për një dron të paidentifikuar.

Njësitë policore kanë dalë menjëherë në vendin e ngjarjes dhe kanë bërë konfiskimin e dronit.

Mjeti fluturues është vërejtur në një zonë malore nga dëshmitarët.

Lidhur me rastin është njoftuar prokurori kompetent. Hetimet po vazhdojnë për të zbardhur rrethanat dhe pronësinë e këtij mjeti.

“Është raportuar se në pyll është vërejtur një dron i paidentifikuar. Lidhur me rastin njësitë policore kanë dalë në vendin e ngjarjes ku kanë konfiskuar dronin, si dhe është njoftuar prokurori”, thuhet në raport.

Kronikë e zezë

Armëmbajtje pa leje dhe të shtëna në Prishtinë

Published

9 hours ago

March 9, 2026

UBTNews

Policia e Kosovës ka konfiskuar një armë zjarri dhe gëzhoja në dy raste të ndara në kryeqytet.

Në rrugën e Gjilanit në Prishitnë është arrestuar një person pasi gjatë kontrollit i është gjetur një pistoletë me dhjetë fishekë.

I dyshuari është intervistuar dhe me vendim të prokurorit është liruar në procedurë të rregullt.

Ndërkohë në rrugën e Ujmanit policia ka ndërhyrë pas raportimeve për të shtëna.

Në vendin e ngjarjes janë gjetur dhe janë sekuestruar dy gëzhoja. Lidhur me këtë rast është njoftuar prokurori dhe hetimet po vazhdojnë.

Rastet në raportin 24 orësh të Policisë së Kosovës janë regjistruar për veprën penale- Mbajtje në pronësi kontroll apo posedim i pa autorizuar i armës/ Përdorim i armës