Kulturë

Pamjet e para të çiftit të ri më të përfolur momentalisht – Kanye West dhe Irina Shayk

Kanye West dhe Irina Shayk tashmë kanë konfirmuar lidhjen e tyre, pasi u panë bashkë në ditëlindjen e reperit.

Published

on

Kanye West dhe Irina Shayk tashmë kanë konfirmuar lidhjen e tyre. Reperi u pa me ish të dashurën e Bradley Cooper, në një udhëtim shumë romantik në Francë për ditëlindjen e tij të 44-të vetëm disa muaj pasi u nda Kim Kardashian.

Kanye West dhe Irina Shayk

Në imazhet ekskluzive të marra nga DailyMail.com, Kanye mund të shihet duke bërë një shëtitje romantike me Irinën, 35 vjeç, në Provence, Francë, ku ata po qëndronin në një hotel luksoz bashkë, me emrin Villa La Coste.

Hoteli ku kanë qëndruar Kanye dhe Irina “Villa La Coste” Francë

Në mënyrë të qartë, dyshja e dashur u panë të martën e cila ndodhi të jetë ditëlindja e 44-të e reperit. Të njëjtën ditë, Kim, 40 vjeç, i postoi një urim atij në rrjetet sociale, duke shkruar: ‘Urime ditëlindjen. Do të dua përjetë’.

Thashethemet për romancën e çiftit filluan në fund të muajit të kaluar, me pretendimet se Kanye ishte ‘fshehurazi’ duke dalë me supermodelen ruse, e cila ndan një fëmijë me aktorin Bradley Cooper.

DailyMail.com ka mësuar se Kanye dhe Irina mbërritën në hotel të dielën, duke qëndruar për tre net para se të niseshin rreth orës së drekës të mërkurën.

Reperi besohet se ka rezervuar të gjithë hapësirën luksoze, e cila ishte e mbyllur për publikun gjatë qëndrimit të tyre.

Gjatë pushimeve të tyre, çifti mund të shihej gjithashtu tek kalonin momente së bashku pranë skulpturës Giant Crouching Spider nga Louise Bourgeois në Qendrën e Artit Château La Coste. Franca ka qenë gjithmonë një destinacion i preferuar për yllin Yeezy, i cili ka kaluar një kohë të gjatë atje me ish-gruan e tij Kim – pasi që “e kishte çuar me vrap” në Paris kur filluan të takoheshin për herë të parë në 2012.

(Përktheu dhe përshtati UBT News)

Lifestyle

Si ndikon gatimi me fëmijët në zhvillimin emocional të një fëmije?

Published

on

Gatimi me fëmijët si moment i përbashkët ofron shumë potenciale në formësimin e zhvillimit emocional të një fëmije që janë më të fuqishme se kurrikula shkollore ose metoda pedagogjike.

Ekspertët nga Universiteti i Albertës shpjeguan se fëmijët që gatuajnë me prindërit tregojnë zakone më të qëndrueshme të të ngrënit, nivele më të larta të vetëbesimit dhe rezistencë ndaj sjelljes impulsive.

Në momentin kur një fëmijë pret perimet, përzien, i shton erëza ushqimit, aktivizohet korteksi prefrontal, i cili është qendra e funksioneve ekzekutive. Në të njëjtën kohë, korteksi ndijor, i cili është përgjegjës për nuhatjen, shijen dhe prekjen, zgjon rrjete asociative që mbeten të gdhendura në kujtesë.

“Gatimi me fëmijët nuk është një aktivitet edukativ. Është një akt terapeutik që njëkohësisht mëson, lidh dhe shëron”, thekson Dr. Nicole K. Arbour, një psikologe zhvillimore nga Universiteti i Bostonit.

Shoqata Amerikane e Psikologjisë pohon se aktivitetet e përbashkëta familjare, të tilla si përgatitja e ushqimit, kontribuojnë në formimin e një lidhjeje të sigurt që është baza e qëndrueshmërisë emocionale dhe marrëdhënieve shoqërore pasuese.

Kur gatuani me prindërit, nivelet e kortizolit tek fëmijët ulen, gjë që është veçanërisht e rëndësishme në mjediset urbane dhe stresuese.

Continue Reading

Magazinë

Rod Stewart anuloi performancën disa orë para fillimit, thotë se nuk ndihej mirë

Published

on

Muzikanti Rod Stewart anuloi një koncert në Las Vegas dje vetëm disa orë para se të ngjitej në skenë.

Problemet shëndetësore përmenden si arsyeja e anulimit dhe 80-vjeçari njoftoi gjithashtu një datë të re të shfaqjes.

“Me keqardhje ju njoftoj se nuk ndihem mirë dhe se koncerti im në Colosseum në Caesars Palace është shtyrë për më 10 qershor. Biletat tuaja do të jenë të vlefshme për datën e re”, deklaroi ai.

Verën e kaluar, Rod u detyrua të anulonte një sërë shfaqjesh, përfshirë koncertin e tij të 200-vjetorit në Las Vegas, për shkak të shqetësimeve shëndetësore.

Në atë kohë, u raportua se muzikanti ishte ende duke u shëruar nga një lloj i ri i COVID – 19.

Pastaj ai shpjegoi se kishte streptokok fyti dhe se i vinte shumë keq që nuk mundi ta mbante koncertin.

“Shumica e njerëzve mund të përballen me streptokok, por padyshim jo unë. Jam plotësisht i shkatërruar. E kam pritur këtë koncert për kaq shumë kohë. Kërkoj ndjesë sinqerisht për çdo shqetësim që ka shkaktuar kjo”, tha ai.

Sipas Shërbimit Kombëtar Shëndetësor, infeksioni streptokoksik mund të shkaktojë dhimbje fyti, skuqje, të përziera dhe të vjella, dhe dhimbje muskujsh.

Shpesh nuk është një sëmundje serioze dhe mund të trajtohet me antibiotikë.

Continue Reading

Kulturë

Panairi i 25-të i librit në Prishtinë, nis javën e ardhshme

Published

on

Me moton “Inteligjenca rrjedh nga libri” edicioni i 25-të i panairit mbarëkombëtar të librit “Prishtina 2025”, do të mbahet më 11-15 qershor 2025.

Ceremonia e hapjes fillon më 11 qershor në orën 12:00, ndërsa do të jetë i hapur për vizitorë çdo ditë nga ora 9:00-21:00.

Panairi do të mbyllet më 15 qershor në orën 19:00.

Në këtë ngjarje marrin pjesë rreth 100 botues nga Kosova, Shqipëria, Maqedonia e Veriut dhe diaspora.

Numri i titujve të rinj do të jetë rreth 2000, derisa numri i titujve të viteve të fundit është rreth 6000.

Continue Reading

Magazinë

Netflix gjen një tjetër hit britanik “Dept Q” – fansat e adhurojnë dhe kërkojnë sezonin e dytë

Published

on

Drama kriminale britanike “Dept Q” po përshëndetet si një nga më të mirat në Netflix, duke ngjitur shpejt majat e listave dhe duke fituar lavdërime masive nga publiku.

Shumë shikues e kanë cilësuar serialin si “madhështi e pastër” dhe e kanë ndjekur me maratonë menjëherë pas publikimit.

Seriali përqendrohet te detektivi i mprehtë por i trazuar Carl Morck (i luajtur nga Matthew Goode), i cili punon për të zgjidhur raste të pazgjidhura në Edinburg.

Përkrah tij janë Chloe Pirrie nga “The Queen’s Gambit” dhe Jamie Sives nga “Guilt”, shkruan DailyMail.

Me një vlerësim prej 81% në Rotten Tomatoes dhe komente pozitive në rrjet, “Dept Q” është kthyer në fenomen për adhuruesit e trillerëve kriminalë. Një përdorues në X shkroi: “Dept Q është një thriller krimi i mirë. Matthew Goode është në një nivel tjetër!” – ndërsa të tjerë e krahasuan me “True Detective” dhe kërkuan menjëherë sezonin e dytë.

Në këtë sukses kontribuon edhe roli karizmatik i Goode, i njohur për performanca të spikatura në “Downton Abbey”, “The Crown”, “The Imitation Game” dhe “A Discovery of Witches”.

Duke kombinuar tensionin klasik britanik me aktrim të shkëlqyer, Dept Q është shndërruar në serial që s’duhet humbur.

Continue Reading

Të kërkuara