Botë

“Palestina nuk është në shitje”, presidenti Abbas përsërit refuzimin e planit të zhvendosjes

Published

1 year ago

on

Presidenti palestinez, Mahmoud Abbas, ka ripohuar se vendi i tij “nuk është në shitje” dhe ka refuzuar çdo thirrje për zhvendosjen e popullit palestinez.

Siç raporton agjencia zyrtare palestineze e lajmeve Wafa, kjo vjen gjatë fjalimit hapës të një takimi të Komitetit Qendror të Fatahut në Ramallah në Bregun Perëndimor qendror, transmeton Anadolu.

Duke folur për pjesëmarrjen e tij në Samitin e Unionit Afrikan në Addis Ababa, i cili përfundoi të shtunën, Abbas tha se ai rikonfirmoi qëndrimin e vendosur të Palestinës kundër çdo përpjekjeje për të zhvendosur popullin palestinez.

“Palestina nuk është në shitje”, theksoi Abbas, duke përsëritur “qëndrimin e fortë palestinez se nga asnjë pjesë e territorit të saj, duke përfshirë Gazën, Bregun Perëndimor ose Kudsin, nuk do të hiqet dorë”.

Abbas theksoi “rëndësinë e respektimit të legjitimitetit ndërkombëtar dhe Iniciativës Arabe të Paqes si bazë për çdo zgjidhje politike të çështjes palestineze”.

Miratuar në Samitin e Ligës Arabe të vitit 2002 në Bejrut, Iniciativa Arabe e Paqes bën thirrje për krijimin e një shteti të njohur palestinez brenda kufijve të vitit 1967, me Kudsin Lindor si kryeqytet, në këmbim të njohjes së Izraelit nga shtetet arabe dhe normalizimit të marrëdhënieve.

Abbas përshëndeti deklaratat e presidentit të Emirateve të Bashkuara Arabe, Mohammed bin Zayed, i cili gjatë takimit të tij sot me sekretarin e Shtetit të SHBA-së, Marco Rubio, ku ai ripohoi refuzimin e vendosur të vendit të tij ndaj çdo përpjekje për të zhvendosur popullin palestinez. Ai theksoi se rindërtimi i Gazës duhet të lidhet me një rrugë që çon drejt paqes gjithëpërfshirëse.

Gjithashtu edhe Komiteti Qendror i Fatah-ut hodhi poshtë të gjitha thirrjet për zhvendosjen e palestinezëve nga Rripi i Gazës ose ndonjë pjese të tokës së pushtuar palestineze.

Komiteti theksoi se “plane të tilla janë të destinuara të dështojnë, duke marrë parasysh kundërshtimin e qartë nga palët arabe dhe ndërkombëtare, të cilat i kanë konsideruar ato shkelje të ligjit dhe legjitimitetit ndërkombëtar”.

Komiteti gjithashtu vlerësoi qëndrimet e Jordanisë, Egjiptit, Arabisë Saudite dhe vendeve të tjera arabe, të cilat kanë kundërshtuar përpjekjet për të zhvendosur palestinezët ose për të minuar të drejtat e tyre legjitime.

Presidenti i SHBA-së, Donald Trump, në mënyrë të përsëritur ka sugjeruar se ai do të “marrë në dorë” Gazën dhe do të rivendosë popullsinë e saj për të rizhvilluar enklavën në atë që ai e quajti “Rivierë të Lindjes së Mesme”. Ideja është hedhur poshtë me forcë nga bota arabe dhe kombe të tjera, të cilët thanë se kjo përbën spastrim etnik.

Marrëveshja e armëpushimit dhe shkëmbimi i të burgosurve në Gaza hyri në fuqi më 19 janar, duke ndalur luftën gjenocidale të Izraelit që ka vrarë të paktën 48.300 palestinezë, si dhe e ka lënë enklavën në gërmadha.

Në nëntor të vitit të kaluar, Gjykata Ndërkombëtare Penale lëshoi urdhër-arreste ndaj kryeministrit izraelit, Benjamin Netanyahu dhe ish-ministrin e të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.

Izraeli për luftën në enklavë gjithashtu përballet me një çështje gjenocidi në Gjykatën Ndërkombëtare të Drejtësisë.

Related Topics:
Continue Reading

Aktualitet

Trump dhe Netanyahu përplasen për qasjen ndaj Iranit

Published

4 hours ago

on

May 21, 2026

By

 

 

 

Continue Reading

Aktualitet

Xi: Partneriteti Kinë-Rusi është forcë stabilizuese globale

Published

23 hours ago

on

May 20, 2026

By

Presidenti i Kinës, Xi Jinping, deklaroi se bota rrezikon të rikthehet në “ligjin e xhunglës”, ndërsa e cilësoi marrëdhënien mes Kinës dhe Rusisë si një forcë stabilizuese globale gjatë takimit me presidentin rus Vladimir Putin në Pekin.

Xi priti Putinin me ceremoni shtetërore madhështore në Sallën e Madhe të Popullit, vetëm pak ditë pasi kishte mirëpritur edhe ish-presidentin amerikan Donald Trump. Ushtarët kinezë dhe banda ushtarake interpretuan himnet kombëtare të dy vendeve, ndërsa fëmijë me flamuj rusë dhe kinezë brohorisnin për liderët.

Takimi mes Xi dhe Putin nisi me një mbledhje të ngushtë për çështje sensitive dhe më pas vijoi me bisedime më të gjera mes delegacioneve të të dyja vendeve. Në përfundim, palët nënshkruan një sërë marrëveshjesh në fusha si teknologjia, tregtia, kërkimi shkencor dhe pronësia intelektuale.

Sipas mediave shtetërore kineze, një nga dokumentet kryesore ishte vazhdimi i “Traktatit të fqinjësisë së mirë dhe bashkëpunimit miqësor Kinë-Rusi”, i nënshkruar fillimisht 25 vite më parë.

Pas ceremonisë së nënshkrimit, Xi tha se marrëdhëniet mes Pekinit dhe Moskës kanë arritur “nivelin më të lartë të partneritetit strategjik gjithëpërfshirës”, duke bërë thirrje që të dy vendet të kundërshtojnë “çdo formë të bullizmit unilateral” në arenën ndërkombëtare.

Ai paralajmëroi gjithashtu se tensionet globale po e shtyjnë botën drejt “ligjit të xhunglës”, ndërsa theksoi se përshkallëzimi i konfliktit në Lindjen e Mesme është “i papranueshëm” dhe se një armëpushim i plotë është urgjent.

Nga ana tjetër, Putin e cilësoi marrëdhënien me Kinën si “në një nivel të paprecedentë”, duke shtuar se Rusia mbetet një furnizues i besueshëm energjie në kohën e krizave globale. Ai ftoi Xi të vizitojë Rusinë vitin e ardhshëm.

Marrëdhëniet mes Pekinit dhe Moskës janë forcuar ndjeshëm vitet e fundit, me të dy liderët që shpesh i referohen njëri-tjetrit si “mik i dashur” dhe “mik i vjetër”. Gjatë takimit, Putin përdori edhe një proverb kinez për të përshkruar pritjen e tij për takimin me Xi: “Edhe nëse nuk shihemi për një ditë, duket sikur kanë kaluar tre vjeshta.”

Ndërkohë, ekonomia ruse, e goditur nga sanksionet për shkak të luftës në Ukrainë, mbetet e varur nga bashkëpunimi ekonomik me Kinën, e cila është partneri më i madh tregtar i Moskës dhe blen pothuajse gjysmën e eksporteve ruse të naftës.

Takimi Xi-Putin po shihet gjithashtu në kontekstin e rivalitetit mes Kinës dhe SHBA-së, sidomos pas vizitës së fundit të Donald Trump në Pekin. Kremlini deklaroi se rëndësia e samitit nuk qëndron tek ceremonia, por tek përmbajtja dhe rezultatet e bisedimeve. /The Guardian/

 

Continue Reading

Aktualitet

SHBA planifikon të zvogëlojë forcat e gatshme për NATO-n

Published

1 day ago

on

May 20, 2026

By

Administrata e Donald Trump po planifikon t’u bëjë të ditur aleatëve të NATO se do të zvogëlojë kapacitetet ushtarake që Shtetet e Bashkuara do të kenë në dispozicion për të ndihmuar vendet evropiane të aleancës në rast krizash të mëdha ose konfliktesh ushtarake.

Sipas burimeve të njohura me çështjen, vendimi pritet të prezantohet gjatë një takimi të shefave të politikave të mbrojtjes në Bruksel. Ky veprim lidhet me strategjinë e Trumpit që vendet evropiane të marrin më shumë përgjegjësi për sigurinë e kontinentit dhe të mos varen aq shumë nga mbështetja amerikane.

Në kuadër të modelit të njohur si “NATO Force Model”, shtetet anëtare përcaktojnë një numër forcash që mund të aktivizohen në rast lufte, sulmi ndaj një vendi anëtar apo ndonjë krize tjetër madhore. Megjithatë, Pentagoni ka vendosur të zvogëlojë ndjeshëm angazhimin amerikan në këtë strukturë, edhe pse detajet e plota mbeten ende sekrete.

Burimet thanë se administrata amerikane ende nuk ka sqaruar se sa shpejt do të transferohen këto përgjegjësi tek aleatët evropianë, por ky ndryshim shihet si një sinjal konkret i politikës së re të Uashingtonit ndaj NATO-s. Zyrtarët amerikanë kanë bërë të ditur se SHBA-ja do të vazhdojë të ofrojë mbrojtjen bërthamore për aleancën, edhe nëse Evropa merr rol më të madh në forcat konvencionale.

Ky zhvillim vjen në një kohë tensionesh në rritje brenda aleancës. Javët e fundit, administrata Trump ka njoftuar për tërheqjen e rreth 5 mijë trupave amerikane nga Evropa dhe anulimin e një dislokimi ushtarak në Poloni, vendime që kanë shkaktuar shqetësim te aleatët evropianë dhe kritikë në Kongresin amerikan.

Disa vende evropiane kanë shprehur frikën se Uashingtoni mund të reduktojë më tej praninë e tij ushtarake në kontinent, megjithëse diplomatët e NATO-s besojnë se SHBA-ja do të vazhdojë të mbështesë Evropën në rast rreziku serioz. Nga ana tjetër, aleatët evropianë argumentojnë se po rrisin shpenzimet ushtarake dhe kapacitetet mbrojtëse, por theksojnë se ky proces kërkon kohë. /Reuters/

 

 

Continue Reading

Aktualitet

Xi dhe Putin theksojnë forcimin e partneritetit strategjik mes Kinës dhe Rusisë

Published

1 day ago

on

May 20, 2026

By

Presidenti i Kinës, Xi Jinping, dhe presidenti rus, Vladimir Putin, kanë zhvilluar një takim të zgjeruar në të cilin kanë theksuar forcimin e mëtejmë të marrëdhënieve ndërmjet dy shteteve.

Gjatë takimit, Putin deklaroi se bisedimet me homologun kinez kanë qenë “thelbësore”, duke e cilësuar partneritetin Rusi-Kinë si shembullor. Ai tha se qëllimi i bashkëpunimit mes dy vendeve është mirëqenia e popullit rus dhe atij kinez, derisa shtoi se Moska dhe Pekini do të vazhdojnë të zhvillojnë bashkëpunimin dypalësh dhe koordinimin në platformat ndërkombëtare, përfshirë grupin BRICS.

Nga ana tjetër, Xi Jinping theksoi se marrëdhëniet ndërmjet Kinës dhe Rusisë kanë hyrë në një fazë të re të progresit dhe zhvillimit më të shpejtë. Ai ritheksoi përkushtimin e Pekinit për promovimin afatgjatë, të qëndrueshëm dhe të shëndetshëm të lidhjeve mes dy vendeve, duke shtuar se baza e besimit të ndërsjellë po bëhet gjithnjë e më e fortë.

Takimi mes dy liderëve vjen vetëm pak ditë pasi në Kinë për vizitë qëndroi edhe Donald Trump./BBC/

Continue Reading

Të kërkuara